ضعوفنا في أمريكا


السلام عليكم ورحمة الله وبركاته

هذي المشاركة الأولى لي في مجموعة أبو نواف مع العلم اني من المشتركين القداماء
اتمنى في مقالي هذا انني استطعت ملامست احاسيس الناس
واتمنى ان اوفق فيه
لا تحرموني من انتقادكم حيث انه سوف يفيدني
دمتم بخير

تحياتي:
حموـوـوـوـودي
s_7moody


تعليقات 35

  1. السلام عليكم لايخلوا منزل في السعودية الا وله قريب من الدرجة الاولى او الثانيه او صديق مقرب يدرس في امريكا وانا لدي اكثر من 7 اشخاص مابين ولد اخت وولد عم وصديق دراسة جامعية واقارب زوجتي وجميعهم اتفقوا بشكل كامل ان المكافئة لمن ذهب للدراسه فقط للدراسة وليس لشيء اخر مع الدراسة فمكافئتة كافيه والبعض تزيد معه وذكر لي من اشخاص ان زملاء لهم يرسلون لاهلهم بالسعوديه وشكرا جزيلا

  2. صراحة أعجبني ردك لانه للحين فيه امل فيه ناس عايشين على هذي المكافئة بس رجائي تأكد من معلوماتك خاصة انهم يرسلون لأهلهم بالسعودية:D وبالنسبة للمكافئة فأنا لم اكتب الموضوع استناداً على عدد بسيط من الاشخاص ولكن انا سويت استفتاء وعلى فكرة تقدر تسألن عن هذي الجمعيات التي تقدم الخبز والجبن للناس الضعفاء… وتشوف انه يوجد سعوديين كثير مشكور على تفضلك بالرد

  3. الله يعينكم الي يواجه مشاكل مع الراتب يجي استراليا الراتب ولله الحمد مكفي وزياااااده دبل راتب امريكا وسعر الصرف الدولار الاسترالي الحين قريب مره وخلال كم شهر راح يعديه

  4. فعلا بالضبط هذا حال الطلاب في بريطانيا او لندن بالتحديد بما انها اغلى من بقية المدن 850 جنية استرليني لا تكفي ابدا ابدا اغلب الطلاب من نص الشهر على البلاطه والاخ فهد الرشيد كلامك مستحيل.. ممكن يكون في مدينه او ضاحيه والمبلغ يكفيه ولكن يحول مسحيل !! يعني طلاب اللي ب LA ب امريكا مثلا ولندن من اغلى دول العالم وغرفه بمستوى غرفه سواق عندنا بالسعوديه ما تقل عن 500 استرليني .. اذا كان سكن الجامعه ب 400 !!!! والمصاريف الثانيه مالها اول ولا اخر الرواتب المفروض لا تقل عن 1500 استرليني لمعيشه كريمه..

  5. أتمنى أن يصل صوتك إلى المسؤولين فضفضة محزنة حقاً إن شاء الله يتحسن الحال بعد هذا المقال

  6. البنزين راح يوصل سعره ل 4 دولار للجالون الواحد واحنا اهل البزين يعني لو تبي تعبي السياره تعبيها اقل شي ب 50 دولار اسبوعيا واضيف اخوي فهد الرشيد ليس كل ما يقال يصدق انت ما جربتها ولاكن احنا مجربينها وعايشينها

  7. .. أعانكم الله .. .. يكفيكم هم الغربة .. .. لكن أين دور الملحقية الثقافية والسفارة !! .. وإلا أبو متعب ما يقصر ..

  8. البعثه مجرد كلام بس يعني ادرس و دبر نفسك وهذا الي خلاني اكنسل الدراسه برا فيه ناس معتمدين على ثم على هالولد الي يدرس برا من وين لهم يدبرون له مصاريف الحايه وخاصه بالعمله الصعبه بالدولار الله يعنكم ويفقكم بالدراسه

  9. الابتعاث نعمة من الله البعض استهتر بها ولم يشكر الله عليها , وهذي النتيجة لو شكرنا الله لزادنا من فضله , ومن يكفر بالنعمة ويروح يلعب ويستهتر عقاب الله شديد , كن في الثمنينات يوزع علينا حليب نيدو مجانا في المدارس وكان البعض شوف عيني يكبونه في الارض , فحرمنا الله من هالنعمة

  10. إلي مو قادر على المصاريف لا يروح من الاصل ولا أعتقد ان اللي هناك محتاجين ولا ناقصهم شي. الدوله ما قصرت معهم سواء اللي بعثات ولا اللي على حسابهم.

  11. اعتقد ان الزائر ابو فيصل جابها من الأخر زي مايقولون :> بعدين نتذمر من غلاء المعيشة وسوء الأحوال:( والإبتعاث اولا واخيرا للقادرين

  12. بصراحة انا اهنيك على صراحتك هذي..وانت جالس بيتكم وحاط رجل على رجل غيرك يقول وش دخلني فيهم بجهنم ؟؟؟ لكن انت من حبك لاخوانك وقلبك الطيب حبيت توصل معاناة غيرك وانت لك الاجر بهذا الشي وتستاهل الدعاء… واما بالنسبة الاخواننا الذين ردوا ؟؟ فبعضهم جربوا المعاناة ووالبعض يرد ولا يعرف معاناة غيره يمكن انه لها مصادر دعم اخرى غير مكافأة البعثة والله يزيدهم؟؟ لكن غيرهم ماعنده!!وماراح اتكلم عن بريطانيا او امريكا مثال بسيط الطلاب في البلاد العربية مثل الاردن بصراحة يعانون ضريبة الذهب الاسود؟؟؟ الاسعار دبل مرتين وثلاث يفكرون انك بنك متنقل؟؟؟وغيره وغيره فما بالك باخواننا الطلاب ي اوروبا وامريكا الله يعينهم ويوفيق الجميع ونهاية تعليق (( الاحساس نعمممة ))

  13. ما كل احترامي وتقديري لكاتب هذا الموضوع انا معك ان الراتب شوي وصعب ان الواحد يقيد نفسه بهذا الراتب بس ارجع واقول احمدوا زبكم ان الحكومة تدفع المستلزمات المالية للجامعات وانتم رايحين تدرسون واكيد ان الراتب هذا يكفي ومقدر للدراسة فقط بس اللي يبي يفلها ويتمشى اكيد مهوب مكفيه ولا تنسون انكم رايحين للغرض الدراسة فقط واللي قادر يتمشى يتحمل المصاريف الزيادة

  14. انا ودي أعرف. ليه يروحون برا للدراسة ويعلمون ان المكافئة ماتسوي شي وان العيشة غاااااااااالية؟؟ انا ضد الابتعاث للخارج. لانه حين يرجع المبتعث الى دياره. يحقرها ويصفها بالتخلف يعني ((لاحسين مخه)).. والسلام عليكم

  15. الي جربو العيشة برا اكيد كلهم يتفقو ان المصاريف حتى لو كنت رايح بس تدرس بتكون كثيره يعني مو معقول ما تشرب قهوة ولا تتغدا بره وخصوصا للي ما يطبخون سواء عشان ما يعرفون او ما عندهم فلوس يشترون فرن ستايل المعيشه بدون اهل هو الي يجبرنا على الصرف . وصح الفلوس المفروض تكفي بس في حالة احد يطبخ لنا في البيت ويغسل ملابسنا وينظف لنا البيت بالمجان لان كل هاذي تسهيلات للي يدرسون ببلدهم ساكنين ببيتهم الشي الي ابي اضيفة امريكا غالية بس حتى الدول العربية انا في الامارات و الكهرباء بلحالها تاخذ مني600 درهم في الشهر والله بدون مبالغة وبمساعدة الاهل بالموت نكمل الشهر . صح البعثة نعمة بس النعمه تخلص علينا في وسط الشهر والله يعين كل الطلاب المغتربين.

  16. من جد يابو عبدالله كلمتك يرجع ويحقر بلاده قويه..مادري من وين تجيب الكلام هذا..مع انه انا ماسمعت انه فيه ناس كذا…

  17. لو كان فية جامعات فاتحة ابوابها لنا ماتعذبنا جامعاتنا اعدادها قليلة والطلاب كثار :(وين يبغونا نروح 🙁

  18. اجل تقول يطررون من كنائس ؟؟ هم شكلهم الي متعوديين يطروون من المساجد عندنا ولا ورى مايستحون علىى وجيهم .

  19. والله كل الكلام الي قاله الأخ صحيح والي مو مجرب لا يقول أي رأي من عنده !!! الي يقول ان الرواتب تكفي وزياده هاذا كلام فاضي (يمكن فقط في حالة العزوبي) هاذا وكمان اذا كان عايش بولاية رخيصه لكن لدرجه انه يرسل لأهله هاذي قويه!! انا زوجي لمن جا لوحده هنا كان قبوله في بوسطن وقعد شهرين كان مستأجر غرفه وحمام مشترك ب 1000 دولار !!! تخيلو هاذا وكان يقول انه كان يشوف الصراصير قدامه يقول والله ما كنت اعرف انام وعشان لا تقولو انه كان ماخذ غرفه هاي كلاس ولا يبغا يكشخ !! ولمن رجع السعوديه عشان يتم الزواج انا اقترحت عليه انه يغر الولايه عشان الراتب ما راح يمشي ابدا في بوسطن .. فحولنا على تكساس!!! وتكساس تعتبر من ارخص الولايات لكن برضو نفس الحال (لكن ما نقول غير الحمدلله) يعني الراتب 1300 وراتب المرافق 700 ودحين صار عندنا طفل وراتبه 200 ايش تسوي 200 دولار من حليب وملابس وحفايض وانتو بكرامه ؟؟؟؟؟ وكهربه ومويه والبنزييييين؟؟؟ والي اسمعهم يقولو ايش الي حادكم على السفر والبعثه؟؟!!! اعطويني جامعه زي الخلق والناس في بلدنا؟؟؟ حدنا البترول وبشيل مين ولا مين لو انهم ياخذو الفلوس الي قاعدين يصروفوها علينا في البعثه ويبنو بها جامعات زي اللي كان احسن والواحد يجي هنا وياخذ شهاده من هنا عشان لو راح اتوظف شوف الفرق بين راتبه وراتب الي متخرج من جامعه من بلدنا حتى لو كان نفس ال degree بصراحه لو اتكلم من هنا لبكره ما راح يوصل الوضع للي مو عايشه.. وبالنسبه للأخ الي مو مصدق ان في ناس بتاخذ من الكنايس انا اقلك الا فيه…والله هنا استغفر الله شعب كافر لكن ما تتصور قد ايش يساعدك…تروح الكنيسه وتاخذ من عندهم الي تبغاه من فرش ولنت ماشي لبلدك تردهم لهم من غير اي قرش ( طبعن هادي انا اسنعها من العزاب) وغير الي يعطيك كوبونات عشان الحليب ومستلزمات الطفل بس انا والله ما رضيت نظغط على نفسنا ولا اني اخذ منهم بس يعني اقلكم ان في كذا.. عموما صدق الاخ كاتب الموضوع في كل كلمه قالها….

  20. اخوي انا سمعت من واحد راح هناك انه دلع ومافي اي شي نقصه ؟؟؟؟؟؟؟؟؟؟؟؟؟؟؟؟؟؟ ونا ماكذبك ممكن تصير

  21. مشكور على تطرق للموضوع لكن والله انه شي يحيررررر لي قريب يقول ان المكافاءه كافيه واعرف صديق لي يقول المعيشه هناك صعبه جدا يقول ان اشتغل وادرس وبناء على تحليلي اتوقع ان لكل مكان له سعره مثلا لو الطالب سكن بمدينه مثل نيويورك طبعا بتكون غاليه جدا وانا سمعت ان المكافاءه الطلاب بالخارج زادت ولاادري ومشكور

  22. يا شباب انا دارس ببريطانيا اللي هي اغلى من امريكا بكثير وعايش على 700جنيه يعني نفس راتبك ياللي كاتب الموضوع وعايش اخر بزوطة ومكفيتني قروشي الحمد لله!! واخوياي اللي في امريكا كثار ويقولون فلوسهم زايده وهم من عوائل مستوره على قدها!! 1350 دولار نعممممه تحمد الله يا رجال

  23. السلام عليكم الدخل اليومي للسعودية مليار والمكافئات 1350 الومكم انه قليلة على دولة غنيه لكن ردود الشباب اكدت كلامي انها كافة بذاتها لكن الي يبي يقارنها باشياء اخرى فكلنا نذكر ابتسم فأنت في السعودية المقالة المشهورة الي تذكر حالنا يالسعوديين وحنا عندنا اعلى ايراد دولة مرت على الكون تبي نحل الموضوع ودي يا اخ محمد انت طالب بجامعة من جامعات السعودية وجالس بالسعودية وتاخذ مكافئة 990 بحد اقصى كيف عايش من دعم اهلك وهذا شي اكيد فأنت تحتاج دعم الاهل في كل الاحوال ولو سألت نفسك سؤال اهم شي تبي تمنحه عيالك غير الفلوس تعليم جيد بكل تأكيد وهذا الي لازم يمنحونك اهلك بعد الله ودعمممممممم دولة المليارات وارجع واقول مره ثانيه فيه ناس ترسل لاهله من امريكاااا وانا قبل 4 سنوات متخرج من كلية العمارة والتخطيط بالرياض كان معي زميل دخل وطلع من الجامعه ما اخذ ريال واحد من اهله وواحد ثاني كان يرسل لاهلة احيانا فلوس وساكن بسكن الجامعه وشكرا

  24. اول ماقريت الموضوع تخيلت كيف طلبنا اللي ناوي اصير واحد منهم كيف عايشين برا .. وبدت أفكار كنسلة شي اسمه تقديم على البعثة .. بس يوم قريت الردود انلحس مخي .. مدري الكاتب يبالغ ؟ او اللي ردو يبون يغالطون الكاتب بالي هي به ؟ خلونا نمشي على جادة تكفون .. الكلام اللي مش مبني على حقائق وأرقام فكونا منه الله يعافيكم ..

  25. السلام عليكم .. أخوي محمد قرأت الكثير والكثير عن طلابنا في بريطانيا وفي امريكا وكانت مشاعري تنهال عليهم بالرحمة والعطف ..مما يجعلني ادعو لهم بزيادة هذه المكافأة. ((((ولكن)))) بعد أن عرفت ان هناك صنف آخر من الناس يطلق عليه المبذر او صاحب الفشخرة او اللي ماعنده اصلا كنترول على جيبه !!! بعدها عرفت ان الاقتصاديين في هالبعثات هم اللي عايشين صح وعايشين كما يجب. ولم يذهبوا لشراء مستلزمات التموين من هارودز او من ماركس سبنسر!!! واتمنى قراءة هذا المقال كي تتعرف على الصنف الثاني من الناس!! http:forum.hawaaworld.comshowthread.php?t=1312183

  26. السلام عليكم و رحمة الله و بركاته شكرا للأخ على هده المعلومات.بالنسبة لحال الطلاب المسلمين في الخارج و التي تكلمت عنهامن صعوبات في المعيشة و غيرها فهناك نقطة جد مهمة و أهم من المعيشة و هي البعد عن الدين و التمتع بالحرية المزيفة و أنا هنا لا أعمم و لكن هدا حال أغلبية الطلبة العظمى في الخارج فهم نعم يرجعون الى بلدانهم بشهدات عالية و ابتسامة عريضة يخفون ورائها نفس محطمة لأنهم يا اما خلفوا ورائهم أولاد من الزنا أو صديقات لا يستطيعون الزواج منهن اما لرفض الوالدان أو لأنهن لسن مسلمات.فوالله لو رأى أولياء الأمور ما يحصل من الشباب المسلم في دول الخارج لاكتفوا بأن يدرسوهم في بلدانهم و يأكلوا معهم الخبز الحاف و الماء و هدا أفضل لهم من أن يعيشوا وسط مجتمعات منحلة أخلاقيا و الكل يعرف دلك فهم أكثر المجتمعات المنفكة أسريا و الأكثر طلاقا و الأدنى أخلاقا .فلمادا ادا نرسل فلدات أكبادنا الى الهاوية ثم نولول بعدها .صدقوني هدا ليس رأيا خاصا و لكن ما تراه أعيننا أكبر بكثير مما دكرت لكم .هده نصيحة لكل من يفكر في ارسال أولاده ألى الخارج:لا تدمروا أولادكم و لا ترسلوهم الى الفتن و الآنحلال الخلقي.نسأل الله جل علاه أن يهدي شباب أمة محمد صلى الله عليه و سلم فهم رافعي راية الاسلام من بعدناو حافظي هدا الدين القيم بادن الله. و السلام عليكم و رحمة اله تعالى و بركاته.

  27. 🙂 اولا احب اشكر اطلق واحد بالدنيا حمودي على الموضوع الرائع وابي اقول ترا كل الي ذكرته من حالات الطلبه يعتبر من احسن الاحوال والا ترا ما خفي كان اعظم وخلوا الطابق مستور على قولة القايل ..لكن من جهه اخرى انا ما اعمم واقول ان كل المبتعثين في فقر مقدع وحالتهم سيئة ومكافاتهم ما تاكلهم عيش حاف بالعكس فيه ناس مرتاحه مثل ما قال الاخ عبدالعزيز لكن في الولايات المتحده الامريكيه فيه عامل مهم يلعب دور كبير في المشكله الا وهو ان كل ولايه في امريكا لها قوانين معينه موضوعه تختلف عن قوانين ولايه اخرى فتلقى مثلا السكن الطلابي في سكن طلاب له فرع بفيرجينيا رخيص وسعره حلو ونفس الشركه لها فرع ثاني بنيويورك وضاربه السعر فوووق مع انه بنفس المواصفات مازاد شي ولا نقص وعلى ذلك فقيسوا باقي الاشياء من تكاليف دراسيه ومن مصاريف يوميه وما الى ذلك بيكون مختلف… ثانيا انا ابي ارد على الاخت ام زينب الله يعطيها العافيه وبقولها اخونا طرح الموضوع عشان نناقش المشاكل الماديه الي يواجهها المبتعث مو عشان يناقش المشاكل الاخلقيه والمثل يقول وش الي حدك على المر قال الي امر منه.. معظم اذا ماكان كل المبتعثين الي من حملت شهادت الثانويه العامه ورايحين يدرسون بالخارج عشان يحصلون على البكالوريوس ماحدهم على البعثه الا انهم مالقوا جامعات تقبلهم بديرتهم راحو يدورون الدراسه برا لان الحياة مافيها مكان لحملة الثانويه اذا جامعييين ماتوظفوا ؟!! وشوفت عين الجميع صار الواحد يقول الحمدلله دخلت جامعه مع انه من اول كنا نقول والله انا دخلت التخصص الفلاني والحمدلله .. اجل جامعات تمثل دوله من اكبر دول العالم العربي والاسلامي يجي الواحد يبي يقدم اوراقه فيها يقولون والله احنا اسفين قفلنا

  28. إلى المدعوه أم زينب بعد السلام كلام لايخرج ممن يملك قلب يغلب عليه الظن الحسن بأخيه وأخته المسلمه. هل هذا كلام يقال عن أخوان لهم ؟ يا أختي إذا كان الشخص مو متربي ولا عارف ربه في السعوديه أكيد بيضيع كان برى أو داخل السعودي أما الظن السئ الذي تملكين والكلام الذي لا يستند إلى أي دليل فهو مردود عليك. فالحمد لله نحن معظم الشباب السعودي هناك نمثل ديننا ووطننا بقدر ما نقدر. وما أقول إلا الله يهديك ويريك الحق من دون تحيز ولا ضغينه

  29. انا درست وكفتني والحمد لله مع اني فتاة ولي طلباتي سمعنا هذا الكلام حتى من طلاب الجامعات هنا يستلم مكافئه الف الا عشرة ويقول (ما تكفي ) اكييييييييييد لن تكفي اذا كنت سوف تعيش برفاهيه انت هناك للدراســـــــة الصحيح انكم لا تعرفون تدبير اموركم كيف بكم تدبيرها وانت اطفــــــــــــال في 18 عشر وفي بيوت اهاليكم مخدوووووووووووووووومين اما ان الشخص يأكل من الكنائس فأسئله هل عنده كرامه ؟؟ لا اعتقد … للاسف

  30. مرحباااا للكل وشكراً لكم على تفاعلكم بالموضوع كلكم ذوق وما قصرتوا ولكن للاسف فيه ناس تتكلم من غير اي ادله او مجرد تسمع عن كلام ما عايشوا ما اتلكم عنه ابداً وبالنسبة للي يقول تكفي فأقول الحمد لله والشكر لك يارب انك قدرت تكلم بدون حاجه او نقص انا تكلمت بدافع القهر اللي يواجهه شبابنا بنات او رجال.. ولم اتكلم من فراغ ابداً اتمنى من اللي يقولون كلام عن طلابنا لا تحكمون بدون ما تتعايشون وتعرفون الظروف المحيطه بالحياة من مصاريف وغيره غلاء وضرائب وغيره وغيره والحياة مو لهو للي رايح اكيد ي.درس يعني خلونا من الشواذ عن القاعدة لذا ما يصلح نتهجم قبل لا نعرف… دمتم بخير

  31. أنا سعودي لكن الصراحة ما تزعل و الحق يقال ….. الشعب السعودي تعود على الدلع و ارخاء تودنا على السكن في أفضل الشقق تعودنا ان نلبس أفضل و أغلى الثياب تعودنا ان نشتري أغلى السيارات …. حتى ي الغربة و في أسوأ الظروف الشعب السعودي لن يتخلى عن عاداته الغبية كيف للأخوان المصريين العيش في أمريكا !! أمريكا مليئة بالطلاب من الجنسية لمصرية !! أنا أتكلم عن الجنسية المصرية لأنهم النقيض و عكس الشغب السعودي الأخوان المصريين لو وضعتهم في أغلى بقاع الأرض سيتكيفون مع الوضع و سيتفون بما يسد حاجتهم فقط و لى العكس فالشعب السعودي لا يكتفي ابداً بما يسد الحاجة فقط !! يا كاتب لموضوع يكفييييييييييييييييييي دلع يكفييييييييييييييييييييييي كان من الأولى تجميلخارج !!ع هذه المكافأت و بناء الجامعات هنا بدلاً من رميها ل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ضعوفنا في أمريكا

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول