ضحايا سوق الاسهم – صوره


السلام عليكم

سلام مربع ومثلث للاخوان والاخوات .. الاحياء منهم والاموات << بدأ يضيع الولد

<<  بالله هذا مايذكركم في بوزو

::

الاسهم وما ادراك ما الاسهم …

اكيد كل من يقرأ موضوعي متعلق بالاسهم خصوصا ان الشعب السعودي كله متعلقين
وينتظرون متى يرجع راس المال << يبطون والله

الاسهم هذي لحست عقولنا ..واللي لحس عقولنا اكثر .. تعقيدات الاسهم
ماتدري متى يطلع ومتى ينزل ..

ضحايا

الكل يطرد وراها يبغى الربح السريع ..
بس للاسف صارت سبب في تعاسه كل من دخل فيها ..

منهم اللي انهار نفسيا ..
ومنهم اللي مات
ومنهم اللي انهبل وراح لشهار ..
ومنهم اللي راح لندن يتمشى << هذا فلوسه واجد ما اثرت عليه الاسهم خخخ
ومنهم اللي قاعد يكتب ايميل الحين لقروب ابو نواف << خخخ

:::::::::::::

قرينا سوالف كثير عن معاناه بعض المساهمين ..

-شاب مقدم على الزواج .. دخل فلوسه البنك عشان يضاعفها ويعيش حياه سعيده
بس للاسف طارت الفلوس وطارت الحرمه

– بنت مقدمه على الزواج .. بس مالها علاقه بالشاب اللي قبل شوي
عطاها زوجها المهر 80 الف ريال .. ومن طفاقتها دخلتها الاسهم ..وراح عليها المهر واكلت هوا ..
<<مسكين الزوج ,, يجمع طول الفلوس طول عمره واخر شي تطيره زوجه المستقبل << المستقبل ولا lbc هع هع

– شاب تخرج من الجامعه وتوضف ..واخذ قرض من البنك يبي يشغها الاسهم ..
طارت عليه الفلوس .. وراح يقعد طول عمره يسدد بالقرض من راتبه المحدود

– رجل اربعيني في العمر .. خلص من بناء فلته الفخمه واللي جمع لها طول عمره عشان يستقر فيها ويترك الاجار ..لحس مخه خويه وقال بيع الفله وادخل الاسهم وضاعف فلوس وطلع بدل الفله فلتين ..
المسكين باع الفله .. وراح فلوسه .. وراحت حياته وترملت زوجته وتيتموا عياله << مات

وفيه غيره الكثير من السوالف والبلاوي اللي صارت من الاسهم ..

انا مثلا ..كنت عايش حياتي مبسوط لا اسهم ولا قلق ..
لين جاء واحد من الشباب قال ادخل يافهد … الناس كلها ربحت من الاسهم وانت جالس تطالع ..

قلت ياواد مابدهاش .. خلينا ندخل فلوسنا ..

ضحايا
شرايكم بملايييني <<<

بس للاسف اول يوم دخلت الاسهم صارت النكسه << وجه نحس

ومابقى من فلوس الا هذي

ضحايا

هههههههههههههههههههههههههههههههههههههههههههههههههه
زين بقى لي شي بعد

::::::::::

الله يقلعك يالاسهم .. لا لا استغفر الله مابيها تنقلع لين ارجع راس مالي
وبعدها الله يقلعها

/

/

/

انا مابي اتشعب كثير بالموضوع .. لان الموضوع تقريبا مستهلك والكل تكلم فيه
وملينا وحنا نسمع بالاسهم ..

بس انا ودي اعرف سوق السعوديه وش دخله بلبنان
مجرد صار فيه قصف على لبنان انهار السوق وصار طماط

ياحبك يالسوق للون الاحمر .. يدور اي تأثير عشان يلبس احمر

الزبده .. << توها طلعت الزبده

اكيد بتقولون وين صور ضحايا الاسهم اللي ازعجتنا فيها بالعنوان

::

::

::

ضحايا

شاهدوا .. مدى تأثير الاسهم على هذي الوجوه البريئه
لقد ذهبت عقولهم مع اموالهم تهئ تهئ تهئ

واخيرا ..

لماذا تفعلين بنا هكذا يالاسهم ..؟؟؟ مالذي بينا وبينك لتفعلي كل ذلك ؟؟
هل هو حقد دفين .. اما ثأر قديم .. متى سيرجع رأس المال ..؟؟؟

هل سيطول الانتظار .. !!! ..

لماذا هذا السكوت .. لماذا لاتتكلمي ..

بلا بشكلك بلا .. << حاس ابو الفصحى خخخخخخخخخخخخخخ

سلامي للجميع

مليونير سابق .. طفران حاليا


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ضحايا سوق الاسهم – صوره

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول