صور : يازين الطبيعة زيناه


السلام عليكم ورحمة الله وبركاته
كيف حالكم وش اخبارك وشلونكم عساكم طيبين … ؟
انا الحمدلله بخير وبصحة وسلامة <– احد سألكـ ..!! ؟
من زمان وانا اقول ودي اشوف ابو نواف واسلم عليه بس مستحي منه <–
لالا الصدق الصدق اننا نفتخر والله بوجود مجموعه بريدية عربيه ناجحة وهادفة وتخدم الوطن والمواطن <– وراه مسك خط
مدري وش اقول في ابو نواف لو اقول فيه ما راح اوفية حقه ،، بس واجبنا اننا ندعمة في كل الجهات والجبهات <– داخلن حرب
خلاص يكفي تمديح
المهم ندخل بالموضوع :
كل يوم اقول ابرسل للقروب رسايل واصير عضو كخشة زي صديقي بس ما قدرت ألبس شماغ زين وثوب زين وكل شيء زين بس ما اعرف ارسم ،، مدري اظن انها مشكلة عندنا في العائلة ( كلنا نشتري احلى الثياب واحلى الشمغ بس ما نطلع رسميين على انني زيين <– حاس ابو الموضوع )
خلاص اسف والله ابطب في الموضوع على طول
على طاري اطب على طول ،، خويي نواف اذا جاء يطب صاروخ في المسبح مايعرف يطب ،، واذا طب وطلع يقول والله صفق بطني الموية <– مدري وشلون اشرحها هههه <– اجل وشولة تقولها
بما اننا جبنا طاري المسبح هذي صورة صورتها في شاطئ العقير


اكييد عقب الخرابيط اللي فوق اوجعت روسكم ويبيلكم تعديلة راس ببيالة شاهي من تضبيط متعب صديقي راعي الددسن

عاد عقب الشاهي يبيلكم صورة تساعدكم على تعديلة الراس ،، لكمـ احلى وردهـ لاحلى عضو وزائر يقراء موضوعي


يــآ ورد …وش يقرب لكــ آلخد؟ ..لي صاحبهـ تـقـطـفكـ بيدينه
في احد الرحلات اللي بدون تخطيط وحنا ماسكين الخط ( رايحين لشقراء .. ) لقينا ها الطير قريب لم الخط وصورته لكم ولي كم شهر وانا اسأل وش يصير ها الطير مابعد عرفتة كلن يعطيني معلومة
في الغالب او دائماً ،، اذا شفت صورة نحلة تشوفها داخل وردة بس اليوم عكست القاعدة حقتكم اللي انتم مأخذينها في النحل وشوفوا الصورة


على البزبوز
البزبوز = اللي يخرج الماء ليسقي النخل حق بيتنا
بما اني وصلت للبزبوز نروح لم حوض النخلة اللي يتجمع فيه الموية ،، هذا كائن صغير جداً جداً مصورة اخوي ولطشت الصورة منه


عذبتني بأسباب شحنك ظالم وانا في الشحن مظلوم ،، قلبي جبرني اشحن لكـ وش حيلتي والقلب مشحون
<– صح لسانك


تبون الصدق مدري وش دخل ها الصورة في الموضوع الرئيسي لان احس مالها داعي بس لي اهداف
ترونها في مواضيع قادمة لي ان شاء الله <– تشويق
واخيراً نشوفكم على خير واعذروني على الاسلوب والحوسة في الموضوع بس كاتب الموضوع وانا فيني نوم …
وها الصورة لها ايضاً اهداف مستقبلية ان شاء اللهـ ….

نوع الكاميرة nikon coolpix s4

مع السلامة
mrta7-albal@hotmail.com


تعليقات 11

  1. هههههههه والله من يوم شفت كلامك الاول وانا اقول هالولد يقرب لناا اتاااريك طلعت شقرااااااوي واو بس يا احنا موووضوعك حلوووو والى القدام << الامام:)

  2. موضوع مرتب وصور ولا أحلى وتعليقات خفيفة ولطيفة خصوصا مالت الشحن ههههههههه يعطيك العافية على هيك موضوع … وبانتظار المواضيع الشيقة القادمة .. 🙂

  3. انا من يوم شفت بياله الشاهي من يد راع الددسن وانا غاسل يدي من موضوعك ترفيع في ترفيع الا على طاري النخل بدء موسم البلح قصدي {الرطب} ؟؟؟

  4. ردودكم احرجتني <-- خديداتة حمراء خخخخ بالنسبة للي يسأل عن النخل ابوي يقول اذا لقحت النخل احسب لها اربع شهور من اليوم اللي تلحقها فيه ويصير تمر <--- ياشين اللي مايعرف للنخل خخخخ

  5. يعني من موضوعك عرفنا ان عندك صديقين مقربين لك الاول متعب والثاني نواف الورده البيضاء حلوه بس استغربت من اختيارك لها مع العلم انها مو مفتحه كويس الشي الثاني عجبني الشي اللي فيه مويه واحسن شي عجبني بطاقات السوا الله كل كذا حسي وليه محتفظ بهم ذكرى بالنسبه لاخر صوره اللي كاتب بها مرتاح البال نفسي اسال سوال ليه مختار اللون البرتقالي هل انت تحب ذا اللون والاغيرك مختاره

  6. يعطيك العافيه اخوي معاذ .. صور ولاأروع لكنها قديمه شوي والا لاني قد شفتها عندك اما التصور شهد لك اخوي سليمان الذويخ وشهد شاهد من اهلها << أهل التصوير اما المقدمه ..مرفعه على قولتهم .. تصدق اني قلت ياليتني بدال ابو نواف ..خخخ في نهايه الموضوع مدري الرد تقبل أحلى التحيات والامنيات والبوسات .هههه عاد لاتصدق وتفهي .. وبعدين ماودي اقولك حط خشمك بكتابك واترك عنك النت ماهو نافعك اذا ......<< الباقي علي اللهم لاشماته .. صالح

  7. تسلم يمينك يا اخ مرتاح والله انك مصور رائع وتستحق الثناء وموضوعك جدا مرتب واتعب وانااقول مرتب وصور الشحن اعجبتني لان عندي بطاقات شحن واجد <<<<طيب وش يسويلك تقبل مروري يالغالي

  8. اولا ..السلام عليكم ورحمة الله وبركاته 2..ماشاء الله عليك اهنيك عللى خفت دمــــــــك..((يامستر بن)) ماشاء الله الظاهران ابونواف محظوظ بأعضائه كل واحد اخف دم من الثااااااااني ..الظاهران مرضعتكم ام وحده ههههههههههااااااااااي وماشاء الله الصور حلوه بس متلاحظ الوانها مغمقه اشوي لاكن تبقى بصمتك عليهااااا روعه الله يديمكم ذخرللدين والوطن ((اهم شيئ الاخلاق وحب الوطن ))مالها دخل بس يالله جت على بالى وابت الى ان اكتبهااا طولت عليك ..واخيرا لااملك غير هاذا الدعاء((اللهم اجعله منمن يبشر بروحن وريحااان وربً راضن غير غضبااان))

  9. اولا وليس اخرا << بدا يتفلفس .. وجه ازرق من الضحك .. موضوعك رايق مرره .. والتعليق عليه خلاص ماتركوا لي اللي علّقوا قبل مابقى الا اقول انه زي وجهك ..<< عاد انت ووجهك اذا زين فالموضوع حلو اذا لا ؟؟ عاد مشكله خشتك <<< شوي والطفايه ملزّقه بين عيوني .. اخيرا وليس اخرا << رجعنا للفلفسه .. ابي منك طلب ممكن ؟؟ انا غرت من ابو نواف ابيك تمدحني بسرررررررعه << شوي وتدمع عيونه .. وجه يرّحم .. تسلم الانامل عالموضوع الحلو .. << تقبلوا مرووري ..........

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : يازين الطبيعة زيناه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول