صور : واجبات + 500 ريال + ربعاٍ تعاونوا ماذلوا …


السلام عليكم ورحمة الله وبركاته
يالله إن تحيهم
وش أخباركم ؟
إن شاء الله بخير

أنا عندي بعض الصور اللي جمعتهن لإسعادكم ورسم الابتسامة على أوجهكم في هالصيفيه
بالأول أهني أبو نواف الأستاذ سعد بن صالح الخضيري
مؤسس وصاحب مجموعة أبو نواف البريدية
وأهني باقي الزملاء في المجموعة
وأهني زوارنا الكرام
على الستايل الجديد للموقع
وصح إني متأخر شوي خخخخ
بس تعرفون مساكين اللي يدرسون صيفي

نبدأ بسرد الصور هذي مجموعة من تصويري سبق وتمت إضافتهن في قسم الصور بالملتيميدي

1

شخاميط طالبه

صورة

هذا كتاب أحد الطالبات عاد شوفوا الفن مهب شخاميط العيال

2
أولادي وإلا أولادك

صورة

_ _ أجل أولادي _ _الصحيح ولادي

3
24 ساعات

صورة

اجل 24 ساعات ههههه
وهنا نصل لنهاية الصور اللي سبق وتمت إضافتهن بقسم الصور بالملتيميدي
ولزيارة ملفي الشخصي أضغطهــــنــــا

ونجي الحين للصور الجديدة

1
كلنا نعرف الوجبات ونعرف الواجبات
والصلة بينهم إذا جاك واحد مايعرف معين هي هابه
شوفوا معي

2
هذا واحد متأثر بصالة بيتهم
الله العالم إنه مولود بالصالة

ماقلت لكم متأثر بالصالة

3

إذا مسكت طريق
وجاك دوار وهذا شيء عادي
ومايخلاء شارع إلا وفيه دوار
بس السؤال لاجاك دوار وفيه خرسانة منكبه بالدوار وأنت ماشفته
ماهو موقفك بعد دوران السيارة حول نفسها ؟؟؟؟؟

محدثكم متوهق في الدوار
وبحكم خبرتي تحكمت بالموقف
بغى يكون من عداد الموتى>>>
وستر الله

4
اللي يقرأ وش إسم الورشة
له 500 ريال مقدمه من ورقة بلوت
يجدع وجهه على ورقة بلوت>>>>

5
لاصار ماعندك ملابس لاقدر الله
وتضطر أسفاً تلبس شيء يمشي الحال
أتجه على طوول لأقرب صناعية

طبعاً أي شيء ينشرون ملابسهم عليه
مثل اللي بالصورة الأولى

6
عجزت أستنتج منهوه الأول
هي اللوحة وإلا الجدار اللي على الشارع

7
يازين هالأسم
يجيب للواحد الاطمئنان

وبالنهاية هذي الصورة لكم إهداء مني

وإلى اللقاء
على أمل اللقاء بكم في موضوع أخر
وتقبلوا تحياتي
أخوكم
MERSAL
وفي أمان الله


تعليقات 16

  1. لوووووووول:D اسم الورشه الينزه لوووووول:):D يالله الجائزة لو تكرمت لوووووول:$ وننتظرك بايميل ثاني ولد ديرتنا

  2. اقوولك شي ،، شفت ورشة الدوليه ،، هذي عندنا بعنيزه بالقصيم هههههههههههههه تعال الظهريه زيين وشوف الوضع كيف بالصناعيه ههههههههههه هههههههههه إذا تبي اصور لك قلي بس ههههههههههه مشكور وما قصرت

  3. أشكرك على جهدك والله.. خاصة تعليق الملابس 😀 اللوحة الأخيرة عجزت أقرأ كلمة ربعا. ليه ؟ لأن الكلمة فيها ألف في الآخر وحاط بعدها تنوين تحت، بصراحة ماعرفت أقراها:D هي يا ربعاً أو ربعٍ .. صح ولا لا؟ تحياتي وفي انتظار جديدك

  4. مشكروين على مروركم والله يعطيكم العافيه وياعبود شكلك جارنا 😀 Capt. Eagle لا وأنا أخوك هي ربعاِ يعني تنطق ربعن لو تلاحظ بعض القصائد تجي مكتوبه هكذا ربع (ن) فالتنوين تحت تنطق نون مسكوره وليست مفتوحه فقعت رأسك بالأملاء صح 😀 خخخخخخخ ومشكور على مرورك

  5. ههههههههههههههه عرفت اسم الورشة ايدك على المقدم اول((500 ريال)) خخخخخخ اسمهااا اليىزة

  6. اهلا .. يا مراحب باين ان الصور من مدينتي مدينه عنيزة المكرمه 😀 كل ابو يوم امر من هالاماكن ولا عمري انتبهت >> بلاك دبشه 8) شكرا يا اخيي على الصور اللي مثل وجهك الزين اللي انعكس صورته بالمرايه 😀 >> غاد(ن) كلك ملح وتقبل مروري .. عزوز كسر البزبوز

  7. أخ مرسااااال دامك ماشاءالله مدقق على الاملاء بالشوارع والمحلات ياااااليت تدقق على نفسك اولااا وترحم اللغة العربية من تأليفاتك العظيمة B

  8. لووووووووووووووووووووووووول حده اي شي انته ضحكتني الا هذا اللي متأثر بصالتهم ضحكني 🙂 شكرا اخوي مرسال على الموضوع الرائع و الصور المضحكه 🙂

  9. أخطاء موجودة في كل مكان وعين الناقد بصيرة وياليت تنتقد نفسك في الأول فكيف تستوي ألف قائمة مع تنوين كسر وسع صدرك وخذ انتقاداتنا بصدر رحب وسبحان الذي لا يخطيء

  10. الله يعطيك العافيه ياابو محمد ومشكور على التوضيح انت ازين من غيرك يجي ويقول عندك خطأ إملائي ومايقول لي وش الخطأ وجزاك الله خير يالغالي والله يذكرك بالشهادة وسبحان الذي لايخطىء وتقبل شكري

  11. 8) مافيك حيله يامرسال واكثر شي عجبني صورة اممممم اصبر خلني ارقى اشوف وش هي وارجع لك هاهاهاي ايون يوم تقول (( معين هي هابه > دفتر ابو 20 وقلم ازرق وثانويه عامه وبرضوا عجبني صورة امممم هههههههههههههههههههههههههههههه اللي مولود بالصاله

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : واجبات + 500 ريال + ربعاٍ تعاونوا ماذلوا …

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول