صور مضحكة من هنا ومن هنااااكـ


السلام عليكم ورحمة الله
حيا الله قروب أبو نواف كلـ(ن) باسمه..<<<يحاول يقلد ورقة بلوت بس مو عارف..
المهم فعلاً الله يحييكم في أول مشاركة لي في القروب..
إللي أتشرف بالكتابة فيه..
ما أحب أطول في المقدمة..
أترككم مع الموضوع..


الموضوع عبارة عن صور مضحكة من هنا ومن هنا ومن هناااااكـ <<<لا يا شيخ جيت هرجة
نبدأ مع الصورة الأولى..
هذي يالحبيب خيمة في طريق إللي رايح من العزيزية على العوالي في مكة..
كنت ماشي وفجأة شفت خيمة..
المفاجأة ماهي في الخيمة..في إللي جنب الخيمة

وهادي استراحة شكلهم كانوا كاتبين عليها ((الاستراحة للبيع)) وحاطين أرقام للاتصال..
والناس ما قصروا بس يتصلوا عليهم طفشوا أهلهم..
قاموا كتبولهم بالبوية وبالخط الكبيييييييييير…

وهادي الصورة في وحدة من المستشفيات المتطورة جداً جداً سواء تطوير أدوات أو أطباء واستغربت من وجود شي زي كدهـ..
أنا الصراحة أنحولت وأنا بأحاول أقراها
وإللي يعرف كيف يقراها يقول لي

وهادا راعي وايت شكلو متأثر بكتابات أهل الماسنجر والشات إللي مكسلين عن كتابة الشدة في الحرف فيكتبوا الحرف مرتين

الصورة الجية أبغاكم تتوقعوا إيش هي هادي الأشياء؟؟؟

لاااااااااااااااااااااااااااااااااااااا..لا يكون إللي في بالكم.. تراها أحواض زرع ماهي W.C
وانتم بكرامة..

أما دي الصورة فوقفت لكاتبها ولصاحب المحل وقفة احترام..
شكلو أخونا في الله يبغى يفتح محل للتبريد ويبغى اسم لامع وله رنين مغاطيسي<<< سمعت بيه بس فين الله أعلم
فمن هذا المنطلق <<<متعووووووووووب عليها المنطلق دي
نعطيه التحية على الاختيار الصحيح..

وهادي يا أخواني الكرام ويا ذوي الإفضال والإنعام….فقد رأينا…<<<<أووووووبس أنا فين رحت؟؟
معليش..نكمل..
هادي لعبة من ألعاب الأطفال إللي فيها…
أمممم..
والله ماني عارف أكمل ..
شوفو الصورة..

شفتوا كيف البراوييييـ(ـظ)؟
ولا الشبلونات؟؟

هادا يقول لك إعلان عن افتتاح استديو للتصوير
أبغا أعد كم عدد الأخطاء الإملائية..
يا ريت تساعدوني..

أما هادا وايت للصرف الصحي بس شكلو في حرف طاح بالغلط في النص..

وأخييييراً وليس بآخر بيننا إن شاء الله..
هادي لوحة محل استديو برضو
حسيتو كاتبها بالإنجليزي


وأخيراً.. فهذا أول موضوع لي في هذه المجموعة
وأتمنى أن يكون قد حاز على إعجابكم واستحسانكم
وأرحب بالنقد الهادف والبناء
وشكراً لكم مقدما
ضيّووو


تعليقات 52

  1. لوووووول أخطاء املائيه لا تعد ولا تحصى .. :$ الله يعطيك العافيه وما شاء الله عليك اذا كانت هذي اول مشاركه فكيف الجاي اجل ..؟؟ رااااااائع جداااااا الى الامام ..

  2. مشكور علي الصور المضحكة والموءلمة في نفس الوقت : الرجاء المزيد ودقة وجهد غير عادي

  3. نصيحة لا عاد ترسل رسائل زي كذا حاول تغير هناااااكـ <<<لا يا شيخ جيت هرجة <<<<< جيت ؟؟؟؟ اول شوف اخطائك والدش مو غريب لان الخيام هذه زي الإستراحات علشان منطقه مكه حلوه للتمشيه بعد الأمطار الأخيره وبالنسبه اذا تبي تصور اشياء اطمس الاشياء الي تدل على اصحابها زي وايت المويه ابو حممودي كان غطيت رقم اللوحه وشكرا

  4. شكلك مدرس لغة عربية .. نقدر من الحين تسميتك برادار الاخطاء الإملائية .. لأن للأسف اللي كاتب هدي الكلمات والللي يتولى مسؤلية الإعلانات العمالة واجدد شكري لك ضيوو والمفروض من البلدية ملاحضة الاخطاء هادي وإلا مو:)

  5. يسلمو عالصور الخياليه الجذابه <<<<من جنبها ويعطيك الف عافيه وانشالله نشوف جديدك

  6. اولا شكرا لك على المجهود .. ثانيا اتمنى منك انك ما تنكت كثير في الايميل .. وكثير من الصور اللي حطيتها كلها عادية جدا اتمنى لك التوفيق

  7. تررى انحوولت ادوور الاخطااء ومالقييت :~ << حسييت اني انساانه فاااشله :~ 🙁 حتى اخر صوره مافهمت اشفيهاا !!!؟ >> تنااحه عاادي بس استحممل 😀 واهلا بانضمامك بالفررريق .. والى الاماام 8)

  8. أخي العزيز أرجو تقبل نقدي بصدر رحب ملاحظتي هي : كلمة شبلونات عزيزي ربما لا تعرف ماهي الشبلونة لهذا انتقدت كيفية كتابتها ولكن لا ألومك لأن القليل يعرف معناها وهي أداة رسم ومعروفة لدى أواسط المهندسين وايضاً الطلاب المهنيين أو الفنيين وبما أني مهندس كهرباء فني أحببت أن أضع بين يديك هذه المعلومة لا أنسى أيضاً أن أشكرك على هذا المجهود الطيب

  9. مشكور خيو ضيوو عالمشاركة الحلوة كاول مشاركة لاباس بانتظار جديدك وماعليك من اللي يسوي معلم علينا..

  10. أبو نواف: شكراً لك على ردك وبالنسبة للخطأ كان فرق حرف في الكيبورد وبرضو أنا ما بأعذر نفسي أنا فعلاً أخطأت وبالنسبة للخيمة..فلا أعتقد أنها من ماذكرت من أنواع الخيام لأنها لم تكن في مكان مناسب لمثلها وبالنسبة للوايت وطمس اللوحة هي خطوة قادمة بإذن الله على العموم أشكر لك ردك ونقدك أخيراً ((على فكرة أخطاءك ماتنكتب كدهـ 8) )) —————————————— mas: فعلاً لاتوجد أخطاء إملائية لكن توجد أخطاء لغوية ((5 دقيقة)) ((ريفال استديو رقمي)) شكراً لردك ——————————————– فقندش: للأسف ماني مدرس لغة عربية وشكراً على التسمية:D وبالنسبة للبلدية : المفروض شي .. والواقع شي آخر للأسف شكراً لردك —————————————- ليالي 2009 مومو الصالحين بلاش أم أحمد البرنس sooma light كتكوته …….. الله يعطيكم العافية وشكراً على الردود المشجعة والقادم: أفضل- أجمل بإذن الله ————————————————- أخوكم/ ضياء

  11. بارك الله فيـــك ولا أنسى ،، الاستراحه مو للبيع .. فلللللللللللللله مكة المكرمه _ حي العوالي خخخخخخخخخخخخخ

  12. هههههههههههههههههههههههههههه والله اللغة العربية في جهة وهم في جهة ثانية هههههههههههههههههههههههههه

  13. ههههههههههههههههههههـ…. واللهي توـوـوحفآآآآآآآآآآآآآآآآآآآآ :$:$:$:$ يكسرون الخاطر اللي كاتبين خدمات التنبظيف 🙁 مشكور اخوي ضيوو :):)

  14. :$:$:$:$:$:$:$:$:$:$ اماا عاااااااااااااااالم تحف مدري من فين جيين مشطووور ع المووضوع الخطير هدا 8)

  15. الشبلونه هذي معناها القوالب بشكل عام اذا تذكر يوم كنا صغار فيه قوالب على شكل شكل مسطرة وعليها احرف انجليزية تدخل القلم الرصال في الفتحات وتحركها ثم تشيل القلم يطلع الحرف كانك كاتبه بالرصاص او برضو يمكن تكون صور سفينة او سيارة .. الطفل بس يدخل قلم الرصاص ويحركه في الفتحات ولما يرفعها تطلع الصورة اللي رسمها

  16. الله يعطيك العافية على المجهود اخوي .. ما شاء الله تبارك الله شكل ملاحظتك دقيقة .. انا اشوف تستغل هذي الصفة وتستفيد منها .. تعليقا على الاخطاء الاملائية .. الحين بعض الناس صار كلامهم نصه انجليزي .. شي مخجل .. ومحزن وتعليق بسيط على بعض الصور ان الواحد يحرص ما وده يكون فيها تشهير بخلق الله .. و الله يوفقك

  17. بداية جيدة واصل إبداعك بس عندي ملاحظة شفتوا الجني اللي واقف فوق وايت الصرف الصحي ؟

  18. إبــــــــــــــــــــــــــ(ضيووو)ـــــــــــــــــــــــــــــــداااع إلـــــــــــــى الاماااااااااااااام داااااائمااا الله يوفقك

  19. مششششكورة أخي على الصور وإن شاء ما توصل لأبعد من كذا ولا تحرمنا من رسائلك .

  20. حاول إنك تحسن من مواضيعك المرة الجاية موضوعك مرة حلو اللي عجبني فيه الزرع اللي في ؟؟؟؟؟

  21. RKO ماشالله ايش دقة الملاحظه .. بس تتوقع منجد جني :~ .. ضيو .. موضوع حلو وخفيف..مشكوور ،،

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور مضحكة من هنا ومن هنااااكـ

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول