صور : كاكا ومستر بن في شوارع الرياض + أول فلوس بعدين ؟


السلام عليكم ورحمة الله وبركاته
ياهلاااا ويامرحباااا بحبايب قلبي أعضاء قروب أبو نواف الغالين
اشكر كل اللي سألوا عن الأنقطاعه عن الأرسال للقروب فتره طويله لكن العذر منكم حبايبي وإن شاء الله هذا الموضوع يعوض الانقطاعه
وبسبب الأنقطاعه الطويله فاليوم جايب لكم صور كلها من تصويري الشخصي ان شاء الله تنبسطون عليها..
إلا على فكره اخباركم مع الثلوج والأمطار في الرياض بهالصيف؟؟!!<==بينجلد.


نبداء طال عمركم بمحطه.. البنقالي اللي فيها متبهذل من اللي يعبون وينحاشون فقال مالها إلا اني اكتب لهم هالعباره .. علشان ارتاح منهم..



أما هالصوره ..هذي لواحد من الشباب كان مواصل وحالته حاله وقال مالها إلا انسدح وانام ولا علي من العالم ..لا ومن زين الطبايع يتقلب بعد لووووووول



اما هالأثنين تحفه نايمين نومه يحبها قلبكم في مصلى ((صدق من قال ان النوم سلطان))

اما هذا من شفت نومته وتصكه هالشمس وانا غاسل يدي منه وابصم بالميون انه مقرقع!!


ملاحظه:هالصوره خارج المملكه بالتحديد في بريطانيا


اما هالتحفه هذا يعني قلة الأماكن إلا توقف سيارتك مكان الزباله !!


تكفا لا عاد ينصح هالأدمي ((هذا اللي اذا قالوا لك خذ الحكمه من أفواه المجانين))


أجل يقول نعم نعم للبشويش


الحيييييييين جينا لسيارة(( مستر بن)) وهو في شوارع الرياض!!

بس ياهو ضابطها..


اما هذا شكله رايح وطي مع كاكا ومن قوة الخقه مع كاكا قال مبدهاش اقلب سيارتي كاكا لعيونه..


يالله ان تخلف بس..


اما هالصوره في شوارع دبي <==خلصنا من شوارع الرياض
وكانت قبل النهائي الامراتي


وصلنا لأخر صوره وهي لواحد اذا شفت شعره واللي هم من طقته تحمد ربك..
كنه نافظه الكهرب

ملاحظه:هالصوره خارج المللكه بالتحديد في بريطانيا


عسا ان شاء الله اعجبتكم الصور
مع تحيات : مصرقع


تعليقات 36

  1. هلا وغلا باستاذ الصرقعه 8) من طول الغيبات جاب الغنايم:> اما صاحب القصه تحس ماهمهم الا لفت النظر بأي طريقه :~الله يعطيك العافيه يالغالي على هالموضموع الجميل يا جميل:$

  2. عسا ان شاء الله اعجبتكم الصور.. لا ما اعجبتنا 8) .. بعدين ما عقلت .. للآن تصور وانت تسوق

  3. روعه والله يعطيك العافية بصراحه الصوره رقم اربعه حقت مصلى الجامعه لا تنسى … ياما صكينا امها نومه هناك … يعطيك العافية والف شكر

  4. تسلمون حبايب قلبي على ردودكم الحلووووه يعطيكم الف الف الف عافيه مصرقع

  5. ولكم باك مصرقع بيك مرررره ثانكس ع الصور الظريفه يسلمو الأيادي خيووووو 🙂

  6. صور خطيره:D بس عندي سؤال واحد ماقدشافك أحد وانت تصور وصار لك سالفه..يعني من جد ناس كثير يزعلون لمن تصورهم وكمان تنشرها في النتB يعني ممكن يصير لك شي فنصيحتي لك دايم تلثم

  7. تسلمون على ردودكم العسل.. بالنسبه لاستفسارك يا سوسو الصور اللي اصورها لاشخاص مايبين وجيههم فيها.. فليه يزعلون دامه ماطلع وجهه فيها؟؟؟ متشكرين جميعا على ردودكم حبايبي..

  8. الله عليك صرقوع وش هالزين والحركات اجل بس ماسك هالكاميرا وتشك وتشك بالشوارع حقت العاصمه الحبيبه ام الغبار ينطيك العافيه خيو بايو

  9. جداُ روعه ………. يسلمووووووووووووووووو هههاااااااااااااااي ::$::D

  10. أبو سيارة كاكا والله من جد فاضي والله يخلف على أمٌ جابته يلموووووووووووووووووووو على الموضوع الحلو

  11. يعطيكم العافيه على ردودكم الرائعه.. مشكورين حبايبي على ردودكم..

  12. هذا اول رد اكتبه كشكووور على الصور وماقصرت بس اللي نايم تراني كل يوم سبت الساعه 8 مسنتر مكانه فضحتنااا خخخخخخخخخخ

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : كاكا ومستر بن في شوارع الرياض + أول فلوس بعدين ؟

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول