صور : فياض البريكه والبسيتنات والاجردي سبحان من أبدع هذا الجمال


بسم الله الرحمن الرحيم

خاص بمجموعة ابو نواف

في يومي الخميس والجمعة الماضيين قمنا بزيارة إلى منطقة البسيتنات والبريكه والاجردي

سبحان من أبدع هذا الجمال وصوره بأحسن تصوير

مرينا في البداية على روضة ابا لورود وكان الغداء يوم الخميس فيها
ثم إلى البسيتنات ومنها الى البريكه وعصر الخميس كنا في روضة الاجردي ..
سبحان الله جنة من جنان الأرض … شي يفوق الوصف
جلسنا بها إلى المغرب وكانت الرياح الشمالية على أوج شدتها
وقبل الليل وبحثنا عن مكان للنوم في عرق النفود وماشاء الله النفود ربيعه يسر الناظرين.. شي بديع سبحان الله
والحمد لله وجدنا خبة مناسبة جدا وفي ذرى عن الرياح الشمالية وارمحنا فيها بدون خيمة …(ثلاجتك واسترح)

أترككم مع الصور عسى أن تلقى إعجابكم واستحسانكم

الأولى بيالة شاهي معتبره لأغلى حبايب
/

صور متواضعة من البسيتنات ونباتها البروق وعذرا الجو كان عكر
/

وثانيه من بسيتين آخر ونباته اغلبه خبيز
/

وثالثه لعيونكم ونباته خبيز وحرف
/

أربع صور لروضة البريكه وفيها خلق كثير .. لكن الجو كان معكر شوي.
/

/

/

/

ونبتها كما هو معروف بابونج.
/

الطريق من البريكه لفيضة الاجردي ونبات البروق شاد حيله معنا
/

أيضا ارض مبروقه
/

فيضة الاجردي من أعلى النفود
/

عشر صور لروضة الاجردي تغني عن الكلام ونبتها حرف وروض فقط
/

/

/

/

/

/

/

/

/

/

النفود سبحان الله سحر جذاب خاصة مع اذواد الابل
/

من قريب
/

القهوة صباحية الجمعة
/

معمول الصباح .. قبل القرص الفاخر
/

قرص ابو عبدالرحمن الفاخر
/

منظر لطعوس صغير تحد شرق روضه الاجردي
/

مستنقع شرق روضة الاجردي
/

ولازالت عروسنا تزهى بأحسن حلة
وخطبناها بست صور جديدة
/

/

/

/

/
 

ابوعبدالرحمن وتجهيز الغداء المميز .. مطازيز مع الكوسه والقرع الفاخر..
/

ماقلتلكم قرع فاخر
/

وكوسة … أصابع عروسه
/

في الكاتم شي مميز
/

انتظار النتيجة
/

الحمد لله ناااااااااااااااااجح 100%
/

وهذي الشهادة مصوره من الجهتين
/

هديه لمن يعشق الماكرو..
/


ختــــــاماً

أتمنى أن تكونوا استمتعتم معنا في هذه المناظر وان نكون قدمنا مايعجبكم وينال اعجابكم
ومثل ماعودتمونا بارك الله فيكم رجل وعلومكم غانمه
الله الله بنظافة المكان
والله الله بعدم السرعة الزائده على الخطوط خاصة اذا كنتم أكثر من سيارة وفيها شوي مكاجر ومعاند وسقطات مالها سنع ..
ترى العمر مره وحده ..
والله يقويكم ويستر عليكم في حلكم وترحالكم
ودمتم بالف خير ومسرة

محبكم
((( الحر)))
 


تعليقات 18

  1. بارك الله فيكم رحله ممتعه اكتملت بوجود النشاما والأرض الطيبه ياليت يالغالي الإحداثيات

  2. السلام عليكم بصراحة صور جدا رائعة لكن لدي سؤال ماهو الماكرو هل هو نوع من انواع الفراشات ..

  3. لا اله الا الله ايش هذا الله يهنيكم ان شاء الله تكفى يالغالي قولي فين محلها بالظبط انا سمعت ان مثل هالمناطق موجودة في الباااحة ايضا متى افضل الاوقات للكشتات فيها في الصيف في الشتاء..??? قبل فترة انا شفت هالمكان بس فيه غدير موييه هل فيه غدير يوم رحتو هنا تحياتي

  4. :$صوررررررررررررررررر حلوةةةةةةةةةةةةةةةةةةةةةةةةةةةةةةة مشكوررررررررررر

  5. الشهاده في تصوير مجروحه جرح عميق اسعدتني واشكر من اعماق قلبي على هالصور الحلوه واتمنى لك التوفيق والسعاده

  6. يعطيك الف عافيه على الصور الحلوه….. والله يهنيكم بالكشته الحلوه…. والله يديم عليكم هذي الارض الطيبه……. تحياتي..:):)

  7. اخوي الحر بيض الله وجهك ع هالصور،،، بس ياليت لو ماعليك امر نبي الاحداثيات اذا كانت معكم واذا ماهي معكم نبي بس الموقع على اي طريق،،، انا ع ماعتقد انه من عند مدرج وابا الورود واقبه من طريق القصيم القديم الى لين مفرق التي حق ام عشر وساموده او لا اذا ياليت ترد علينا،،،

  8. انت يالحر رهييييب والمناظر والله ارهب اما الطباخ والله ماعليه كلام شيف على مستوى العالم بصراحه طبخ ولا اطنخ معلمة ماتسويه يعطيكم العافيه كلكم وصراحه شرحت صدورنا بهذي الصور الرائعه وقمة الروعه ورحله سعيده بس المكان وين بالشمال يعني قريب من وشو حاول تحدد لان اكثر الشباب حابين يعرفوا وينه.

  9. يعطيك العافيه يالحر … ع هالموضوع الجاامد والله انه يشرح الخاطر ,, والله لايضركم ع الترتيب والتجهييز ما يحتاج كل شي نظيف وزين:D … مااقوول االا يازين البر وشغل الكواشيت …لكن الله لايهينك الوصف والاحداثيات بالضبط …لعل الله يكتب لنا كشته مثلكم 8)

  10. شي شي شي يجننننن رحله ولااحلى هذي طال الله بعمركم ديرتنا في الماااااضي هذي قبه قريه من قرى القصيم ياسلااااااااااام شي روووووووووووعه وبس………

  11. صــرآآآحه خوبــآآآآآل ودوم عليكم هالجمعه يارب بس حبيب قلبي لاهنت لو تتكرم وتعطينا الاحداثيه تصير انت الانسان الذي هو كويس :$ تقبل مروري

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : فياض البريكه والبسيتنات والاجردي سبحان من أبدع هذا الجمال

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول