صور دعايات قبل 50 عام : حليب , شاهي , سيارات , صابون , مكيفات


السلام عليكم ورحمة الله وبركاته …
مجموعة من الدعايات القديمة المنوعة ..
قبل 50 عام …
حصريا على قروب ابو نواف..
حليب ..شاهي…سيارات…صابون..مكيفات..
أتمنى تحوز على رضاكم …

نبداء بسمن الهلال .. صحي وفاخر..
يجب الله مطر إن شاء الله
/

النيدو وكلنكس ما شاء الله مكتسحه السوق من ذاك الوقت …
والله واضح أنهم مضبوطات
/

حلوو علبة الحلاقة وإذا أنت تدخن جمع زقايرك فيها
هذي ميزة الأولين كل شي يستغلونه ..القوطي يحطونه قدر ويحطونه كاس ويحطونه مثعب ويحطون فيه قراشيعهم واذا اصدى وما عاد ينفع بنو به على الجدار…
/

والله فله الدباب …كل شي سقته الا الدباب …ليه مدري؟
/

نجي لمحبي الطرب والسينما …
منتجات سيرا…
الله من الصفاوه …اذكر عمي الله يرحمه يشتريه عشان يسمع البرق فيه بس
/

السياره الشعبية ..

وش خليت فولكس واجن
يشخصون بها من أول..
واذكر يسمونها الخنفسانه (:
أما سيارة بومنت
والله شخصيه..وما يركبها إلا كبار الشخصيات
/

عاد الشاهي ما فيه كلام …
أنا من مدمنين الشاي …
/
نجي للنظافة …
تايد وبس
والأولين هالصابون محللينه تحليل …يغسلون به ثيابهم ..ويديهم …ويتروشون به ..و يزيل القشرة …الخ
اما صابون حياة …
له ريحه اللهم ياكافي الظاهر إن الجراثيم تموت من ريحته
/

قدر كاتم …
بس شكله اصلي …
/

مكيفات عنتر بن شداد
(:
/

وشكرا للجميع


تعليقات 25

  1. استاذ محمد ,, يعطيك الف عافية ,, ابداع في كل حاللاتك ,, ياخي انا شايف صورتك شباب ماشاء الله ,, بسب سواليفك هنا كنك شايب ,, لا هنت يا ذيب سدير ,, وتقبل التحية

  2. شكلك طولت على مالقيت الصور:$:$:$ عمومن يعطيك العافيه هذي الصور اباخلي الوالد يشوفهها

  3. ابداع الاولين خطير حبيت الفكره الاقتصاديه باعلان الامواس ومكيف عنتر كلام ثاني من اسمه حسيت ان تبريده غير شكل من جد شكــــــــــــــــرا ع هالصور بس صحيح من وين حصلتهم؟؟؟ مشكور استاذنا المبدع والمتألق وننتظر منك المزيد والمزيد وبعد المزيد ….. معليش طمعانين فيك 8) :$

  4. السلام عليكم.. اول مره اسوف هالاعلانات بس ودي اقول شي ذكرتني بالذي مضى من زمان ودي اقولها لاحد (مو مصدقه):o:$:D وقلتها في موضوع الصور خخخخخخخخخ شكررررررررررا.. والسلام عليكم.. لاالـــــــــه الا اللــــــــــــه… الـلـــــــــهم صلــــي على محمــــــــــد…

  5. الله يعطيك العاااافيه من جد احرص علي مشاركاتك انا افتقد هل لاشياء في نت ابي اشوف الماااضي وكل شي يخصه ومحد قدر غيرك مشاء الله يخليني انبسط بصراحه انا حاطه فايل الكل شي تنزله عبر موقع ابو نواف ومحتفظه فيه اتمناء ماتوقف عطاااك ……..ومشكورررر والله يعطيك العافيه

  6. مشكور على هذا التقرير الجميل يالغالي اه وبصراحه أنت رجعتني لقبل 50 سنه ياولدي كانت ايام حلوه مالحقتوهاااااا انتم هي صحيح فيهااا شويت صعوبه لاكن حلوة كتير كتير 🙁

  7. صراحة اعلانات عجيبة المهم اعلان نيدو مكتوب فيه انه منتج دنماركىيعنىاللى مقاطع يقاطعه والحمدلله فيه بدائل هل انت محتفظ بها ام كانت لدى احد الاقارب عموما شكرا لك

  8. هلا وغلا بالجميع … اسعدني مروركم والمشاركه …. وان شاءالله القادم افضل …. الدعايات كلها من مقتنياتي وهي اصليه …امتلك منها مجموعه كبيره وجميع المنتجات المستخدمه سابقا … وافكر ان شاءالله اعمل معرض من هذه الدعايات القديمه … اتمنى للجميع التوفيق

  9. لوول:D الدعايات تووحفه .. الله يرحم ايام البراءة .. :$ بس الشاي يلوع الجبد.. بديت افكر اودره بسبة هالاشكال .. لوول بصراحه تعليقاتك زادت الاعلانات حلا وجاذبيه .. واضفت عليها روح الفكاهه .. اهنيك ع الاسلوب 🙂 واحلى شي تعليقك على صابون تايد .. لوول الله يعطيك العافيه ..

  10. هههههههههههههه اياام زماان لو انها ترجع بس يالاعن ام الفله بس ككككككككككككككككككك

  11. رفيعة المقام …رائد …ولد الشرقيه … شكراا على المشاركه .. وان شاءالله القادم افضل … بالتوفيق

  12. والله انا اول مرة بشوف الاعلانات دى جميله جداااا سلمت يداك بس هل كانت السلع كدا بتباع

  13. كح كح كح عليها غبااااار 😀 ماشالله اكثر المنتجات معمرة :$ يعيطك العافيه خيوو

  14. ممكن اسال اخوي لو بتسوي معرض بيكون واين لاني حريصه مره او تحط موقع الكل يزوره ويصير بسمك بسالك تعرف مسلسل هلا الي مع يونس شلبي له ذكر عندي اذا عندي تكفا قلي وفيه العاب قديمه وعرايس الحين مو موجوده اذا عندك ياليت نشوفها

  15. اعجبتني الصور واني من المهتمين بالاشياء القديمه اشكرك على هذه الصور التي للمرةلاولى اشاهدها واتمني اني ارى منك اي شي قديم ولو من تصويرك وخاصة التي من السبعينيات 

  16. شكرا خيو على الصووور الرااائعة احب اشوف صور الاشياء القديمة واحتفظ فيهااا ^-^ ننتظر منك الاجمل ويعطيك العافيهـ خيوو على مجهودك

  17. الشي الي جذبني دعاية موس الحلاقة الحين مايسوي الدعاية الاياسر القحطاني هههههههههه شكرا اخوي واتمنى لك التوفيق ولما تسوي المعرض تقول وين مكانة علشان نستعد 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور دعايات قبل 50 عام : حليب , شاهي , سيارات , صابون , مكيفات

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول