صور : جبت لك بإيدي إبتسامات العمر ليه تكسرها على أطراف الشفا؟!


][جبت لك بإيدي إبتسامات العمرٍ/ليه تكسرها على أطراف الشفىا؟!][

بسم الله الرحمن الرحيم /
السلام عليكم ورحمة الله وبركاته /
صبحهم/مسهم بالخيرات والمسرات.. /
شخباركم إن شاء الله طيبين؟؟ /
والله ولكم وحشه.. / على قولة القايل, زمان يافن.!! <~ مدري وش دخل أمها؟ //
,
وشسمه أحد يخبر لي واسطه يوظفني وزير وله 30% من أول 3 رواتب؟ //
يعنبو ذالحاله اللي ماتمشي فهالديرهـ الا واسطتك في جيبك..
لو تقول جوعان مشتهي مطعم قال البياع وين واسطتك؟؟ //
,
على طاري البياعين.. لاتسرع فالحشيش أمانه.. /
برٍب مسج,
.
.
.
.
باك <~ يعلمكم أنه تجيه رسايل ببلاش خخخ //
على طاري البلاش.. حنا شعب نحب البلاش..
وعلى قولة صديقي الكويس ياسر:
شي(ن) بلاش, كثرّ منه عشان ماتتحسف.. //
وعلى قولة صديقي اللي موب صديقي:
جلدن مهوب جلدك جرّه فالشوٍك //
<~ والله ذالحشيش اللي لاعبن فيك لعب // خخخخ
والله يديم العروض علينا,,
,
المسج اللي جاني:
دلخ زعلان مع خطيبته,
أرسل لها مسج كاتب فيه:
تراني سوّيت حادث وتوفيت, إرتاحي!! خخخخ //
طلعت ظرافة وخفة دم السعوديين.. /
والله يا هم مكبوتين عشان ربع ريال // هههههههههه
,
مابي أطول فالمقدمه /
نروح لفقرات الموضوع /
<~ والله ياهالقلوب اللي تدّهر ههههه //
/
][مدخ ـل][
.
ليـه..!!
هذا هو اللي تبيه..؟؟
اني أرحل من حياتك..
وأشعل عيوني بـ ليـه..!!
بس خلاص..!!
.
هذا هو اللي قدرته..؟
وقدرك ربي عليه..
بذمتك هذا كلام..؟
أني أرجع من جديد..
أرجع افرش كل تعب عمري وانام..
.
زين لحظه..!!
لا سألوني الناس وينك..؟
وإن دروا ضحكة عيونك..
عن عيوني سافرت..
ردت لعينك..!
.
بذمتك قول..
وش اقول..؟
قول.. قول!!
الله يخرب بيت بيتك..
توني يادوبي بديت..
بعت عمري وأشتريتك..
خطوه خطوه وأشتريت..
توني بأطراف البدايه..
مدري وشلون أنتهيت..؟
.
ياخي حسّ..!!
والله عيب اللي تبيه..
أني أرحل من حياتك..
وأشعل عيوني بـ ليـه..!!
.
/
/
][رفقاً بالرجاجيل][
.
/
.
(المشهد الأول)
الأب ياسر: يابنتي يانورهـ عطيني كاس مويه الله يعافيتس..
البنت نورهـ: يوهـ يا يبه توني جلست,,
الأب ياسر: المطبخ مترين موب ضارتس شي..
البنت نورهـ: خل هيا تجيب دامها فالمطبخ طيب..
الأب ياسر: هيا تعبانه رجلها توجعها..
البنت نورهـ: أووووووف..
الأب ياسر: الله يهديتس يابنتي..
البنت نورهـ: يهدي الجميع يا يبه..
.
(بعد فترهـ)
نورهـ تتضايق عشان أبوها يفضل أختها هيا عليها..
.
(التعليق)
قال تعالى: ((وقضى ربك ألا تعبدوا إلا إياه وبالوالدين إحسانا, إما يبلغن عندك الكِبَر أحدهما أو كلاهما, فلا تقل لهما أفٍ ولا تنهرهما, وقل لهما قولاً كريماً)).
.
.
(المشهد الثاني)
الزوج هاني: الله عليك وش ذالجمال..
الزوجة حصه: صدز عجبتك؟؟
الزوج هاني: إيه والله تهبلين مرررهـ..
الزوجة حصه: الله يخليك من ذوقك حبيبي..
الزوج هاني: كل هالزين عشاني, وهـ فديتها بس..
الزوجة حصه: لا ياحبيبي بطلع مع أختي لطيفه ألحين..
الزوج هاني: وين بتروحون؟؟ ماقلتي لي شي؟؟
الزوجة حصه: بنروح السوق بعدين بنمرّ بيت ساره.. بنتعشى ونجي..
الزوج هاني: يووهـ وأنا جالس عشانك ألحين وكنسلت كل مشاويري..!!
الزوجة حصه: معليش روح المطعم او دبّر نفسك..
الزوج هاني: أوكي لاتتأخرين علي.. بنتظركـ..
الزوجة حصه: بحااااول..!!
.
(بعد فترهـ)
هاني تزوج ثانيه, تهتم فيه وترعاه وتكشخ عشانه.. وأهم شي تحس فيه وتعطيه من وقتها فوق أداءها لواجباتها الزوجيه..!
.
(التعليق)
قال صلى الله عليه وسلم: (أيما امرأة ماتت وزوجها عنها راض دخلت الجنة)
رواه ابن ماجه
.
.
(المشهد الثالث)
الأخ جابر: مضاوي ياوخيتي, سوي لي ساندوتش الله يعافيتس, قبل أروح الدوام..
الأخت موضي: يووهـ مشغوله والله ألحين, جالسه أتفرج مسلسل..
الأخ جابر: ذالمسلسل عايدينه وأمس شايفته..
الأخت موضي: إيه مابعد شفته زين, بشوفه ثانيه..
الأخ جابر: طيب عشر دقايق على ما ألبس, وأنتي ماوراتس شي..
الأخت موضي: طيب قل للخدامه تسوي لك..
الأخ جابر: مايجي طعمها مثل اللي تسوينها..
الأخت موضي: لاتتميلح هههه منيب مسويه شي..
.
(بعد فترهـ)
جابر أضرٍب عن الزواج, ويحسب كل البنات مثل أخته..!!
.
(التعليق)
مافيه تعليق..!!
/
][لا تـ ح ـزن][
.
لا تحزن وعش واقعك,
ولا تسرح مع الخيال,
واقبل دنياك كما هي,
فسوف لا يصفو لك فيها صاحب,
ولا يكمِل لك فيها أمر,
لأن الصفو و الكمال والتمام ليس من شأنها ولا من صفاتها..!!
من ذا الذي نال في دنياه غايته؟؟
من ذا الذي عاش فيها ناعم البال؟؟
.
و تذكر أنه إذا اشتد الحبل.. إنقطع,
وإذا أظلم الليل.. إنقشع,
وإذا ضاق الأمر إتسع,
ولن يغلب عسر يسرين..!
.
دع المقادير تجري في اعنّتها..
ولاتنامنّ إلاخالي البال,
ما بين غمضة عين و انتباهتها..
يغير الله من حال إلى حال!!
.
ولاتنسى أنك في نعمٍ عميمة, وأفضالٍ جسيمة, ولكنك لا تدري,
تعيش مهموماً حزيناً تتفكر في المفقود ولاتشكر الموجود!!
فإطمئن..
وإهدأ..
وتفائل..
وأبشر..
وإجعل شعاركـ في هذه الحياة:
.
((لاتحزن إن الله معنا))
.
بقلم الشيخ/عائض القرني..
/

][إبداعات واحد فاضي][
.
/
/
.
/
/
.
/
/
.
/
/
.
/
/
.
/
/
.
/
/
.
/
/
.
/
/
.
/
/
/
][مـ خ ـرج][
.
لاجبينك شمس, وإحساسك مطر..
لاعيونك شوق, وشعورك دفا..
جبت لك بـ إيـدي ابتسامات العمر..
ليه تكسرها على أطراف الشفا..؟؟
شوف..!!
بعثرني إحتياجي بالنظر..!!
شوف..!!
وجهي أمتلا منك بـ أفــا..!!
.
ماتجي منك.. ولكن يابشر..!!
منت أول من طعنّي بالجفا..
أبرك أدفن كل جروحي بالسهر..
ولا أفكر من ورى قلبك شفا..!!
ول ياقلبك..
مايجيب الا القهر..!!
ول ياعمرك..
ماعرف طعم الوفا..!!
.
والا أنا.. مثل النهر أبقى نهر..
من تحوسه ترجع تشوفه صفى..!!
فيني والله إحساس لامنه كبر..
يشعل ضلوعك إذا قلبك طفى..!!
.
هذا هو اللي تبيه..؟!!
وهذا هو اللي قدرته..
وقدرك ربي عليه..!!
اني أرحل من حياتك..
وأشعل عيوني بـ ليـه..!!
.
وين أروح..؟؟
شلون أجيب لقلبي المجروح..؟؟
روح..!
هذا هو اللي تبيه..!!
.
/
الشاعر/ سالم السيار~
/
.
خ ـتاماً .. أتمنى أن تحوز الفقرات على رضاكم وإستحسانكم.. وتنال ذائقتكم ..
/
اللهم إغفر لي ولكم .. ولوالديّ ووالديكم .. وأجدادي وأجدادكم ..
اللهم إشفِ خالتي أم سلطان ورجعها لنا بالسلامه .. اللهم آمييييين..
/
سبحانك اللهم وبحمدك , أشهد ألا إله إلا أنت , أستغفرك وأتوب إليك
/
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ
/
اللهم صلي وسلم على سيدنا ونبينا محمد وعلى آله وصحبه آجمعين..
/
من إختياري:
www.tvquran.com
http://al-kahf.com
/


كتبه وأملاهـ / باء نقطه شين
بدر.الشوق
وفي رواية / أبو س ـعد
/

لمراسلتي اضغط هنا
/
ســـلام
/
.

/

///


تعليقات 19

  1. حلوالموضوع وحلوه الصور بس أحلى شيء صورة البزر اللي لابس بشت ولا وش رايك يابدر الشوق:$

  2. يسلمووووووووووووووووو يا بدر الشوق سلمت يمينك ياغالي اتمنى لك التوفيق دائما لا تحرمنا من ابداعك

  3. آممم ذالصوره قديمه مره وراعيها يوم كبر طلع شيييين عشان كذا حطيت صورته وهو صغير رحمة بالعالمين ههههه شكراً لمرورك وتعليقك, وكله من ذوقك والله,, وحرفك موش غريب علي مشبه عليه 🙂 شخبآر آخوك بس هههه :$

  4. هههههههههههه ضحكتنا يابدر خصوصا , الصور توحفه هههههه مدري من وين تجيبها 😀 وع طاري الوظايف , والله انك صادق لازم عندك واسطه والا ماحد بيطالع في فيسك حتى لو تقديرك منتاز 😀 خخخخ اذا صرت وزير , باللهي لاتنسانا معكـ :$ خخخهههه :: سلمت يمناك , ولاتحرمنا جديدك المبدع 🙂 خيتك فديتكـ

  5. رسائلك دائما مميزة وتجذبني أقراءها قبل البقية..~ ممتعه ومفيده في آن واحد آسعدك الله حيثما كنت..~:) ملاحظة..فقدت تيمون ببداية الرساله يوسع الصدر والله 🙁

  6. اول شي بسم الله الرحمن الرحيم انا اول ماشفتك مرسل علطول فتحت عليها:D واكثر شي يعجبن بمواضيعك انها بنكهتك انت يعني طريقة التقسيم يعني مقدمه بعدين مشهد وفواصل شعر بعدين دخلنا على صور ! شي مميز ونادر! يعني انا اتملل من تشابه المواضيع يعني يصير موضوع كامل بس صور ولا بس شعر ولا طرح موضوع انت مزجت بين كل هذولي بصوره وبطريقه جذابه ودايم تطرح المشاكل عن طريق المشاهد وذ احسن طريقه صرااااحه شفتها للتذكير والنصح ورائع جدا انك تختمها لنا بحديث وياليت تكثر من مواضيعك وعلى فكره المقدمه حقتك دايم تفطس وسلم لي على صديقك الي مهب صديقك :$:$

  7. ونآآآسهـ آلموضوعـ .. أبدآآع ../ يآآآربي أموووت أنآآ على تيمووون ..~ موضوع مرهـ متكآآمل حلوو .. اممم..,؟! تسلمـ ديآآآآتك على هييك موضوع..,^_^ > هعـ ..!

  8. اختياراتك للشعر شي مب صاحي اقدره فيك بس بجد مشهدك الاول اصفقله بقوه موفق بدر ويارب تصير وزير انته والي فبالي بس مو وزير التعليم هههههههه

  9. وربي انت مبدع لا في مواضيعك ولا في صورك ولا في تعليقك عليهم ربي يعطيك الف عافيه يالغالي انتظر مواضيعك بفارغ الصبر اسجل اعجابي فيك مودتي لك 🙂

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : جبت لك بإيدي إبتسامات العمر ليه تكسرها على أطراف الشفا؟!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول