صور الالعاب القديمة (من مقتنياتي)


السلام عليكم ورحمة الله وبركاته …
اليوم عندي لكم بعض الالعاب القديمة الي كنت محتفظ فيها من زمان …
وهذي الالعاب في ذلك الوقت هي الانيس الوحيد لي….فلايوجد كمبيوتر ولا بلاستيشن ولا
خمبق ولا بمبق..مافيه الا هالالعاب وتخب علينا .. واذكر اني كنت اجمعهن في كرتون شاهي
واحطهن في بيت الدرجه عشان ماتاكلهن البقره..لان البقره في ذاك الوقت مثل مكنسة الكهرب كل شي تضفه ..
اترك لكم الصور…


سياراتي القديمة ….

قرقعانه وصفيره …

دبدوبنا ..بس بدون فروو خخخ…والتلفزيون الي فيه صور منوعه من المملكه …

هذي كفارات نصلحها من غطيان البيبسي ونركبها على القواطي حقات الزيت ..

وهذي لعبة طرزان ..والبسط …واطقاقه …

وهذا المسدس ابو شرار ..مع لعبة البيضه …

وهنا لعبة البلبول وهي قديمه جدا …


مقتنيات محمد السويح
وشكرا


تعليقات 48

  1. موضوع نادر جداً جداً وخفيف دم ههههههههههههههههههههههههههههههه قليل ما نرى مثل هالمواضيع الممتعه صراحه وياكثر ما تآكل البقره عشآنا واشيائنا احييك على الموضوع يستحق 10 نجوم بالتووووفيق

  2. السلام عليكم ورحمة الله وبركاته .. والله ياهي ذكريات تخلي اللي مايبكي يبكي .. زمان جميل وغير مصطنع حتى الالعاب فيه تحسها تجي بفرحة .. مقتنياتك جدا جميلة انت زيي تحب تتذكر الطفولة .. اتمنى ان طفولتك كانت حلووة .. وحياتك كلها احلى .. شكرا لإمتاعنا ..

  3. إيش هذا يا محمد السويح غبار والله ذكرتني بايام الطفولة وخصوصاً المسدس أبو شرار ولعبة البيضة ياالله قديم والله. يعطيك العافية بالفعل انسان محافظ. أنمار

  4. :$ ابداع حقاااااااااااااااااااااااااا :$لم يمينك اخوووووووووووووى

  5. تعجبني الالعاب القديمه وبساطتها بس الاخيره شكلها غريب واول مره اسمع في اسمها سلمت يمناك تقبّل ودّي وإحترامي,,,

  6. ههههههههههه ايه والله العاب ايام زماان انا كان عندي ذاك التلفزيون اللي لونه ازرق

  7. :$:Dههههههههههههههههههههههههههههههههه صراااااحه تجنن وانا عاجبتني الزميره واكيد ما القاها الا بمكه

  8. الله يعطيك الف عآآفيه بس مسدس ابو شرآر اووكي الله يا زينهآآآ ايام مع ابو شرآر . . . ! !

  9. اما عليك سيارات بدون كفرات هههههههههههه ازين شي حقت طرزان ومسدس ابوشرار اللي رافقني طول طفولتي يعطيك العافية ربي

  10. الله يعطيك العافيه اخوي والله انك ذكرتنا بأيام زمان ايام الطفوله وخاصه وخاصه بلعبة غطا الببسي ولمسدس ابو شرار واقل الله يعطيك طولة العمر

  11. هلا وغلا بالجميع .. والحمدلله ان الموضوع جاز لكم وان شاءالله تشاهدون الافضل قريبا .. بالتوفيق

  12. والله انك ذكرتي بأيام زمان والألعاب الحلوة كانت عندي كثيرمنها ماهي زي العاب اليوم كلها اكترونيات ومفسدة للعقل . الله يعطيك العافية على المجهود وتقبل نحياتي ………..

  13. احسن العبه طبائق الببسي مع المغاط مع المكره ونحطها كفرات لصندوق الشاهي الخشب الربيع الخفيف ونربط حبل بالصندوق مع اطيب تحياتي

  14. ما شاء الله عليك كسرت القاعدة العادة عيالنا ماتكمل اللعبة 24 ساعة إلا وجايب خبرها إذا مرة حافظ عليها وصبر عليها واجد أسبوعين وإلا ما تلاقي مخرب فيها شي

  15. كح كح كح والله قدييمه ويبيلك تحتفض فيها اكثر ترويها عيالك عشان يشوفون النعيم والخير إلي هم عايشينه

  16. مرحبا بالجميع .. واشكر لكم تواجدكم …وان شاءالله القادم افضل .. بالتوفيق

  17. والله وذكرتنا بزمان جلست اوري اولادي الالعاب واقولهم احمدوا ربكم على النعمه اللي انتم فيها

  18. العاب الماضي تتسم بالبساطة والخفه وما فيها تكليف وهذا سر حلاوتها . ذكرتني بالماضي الجميل الله يجمل ايامك ويزينها بذكره وحسن عبادته . حلو انه يكون في ناس تقدر الماضي لانه الي ماله اول ما له اخر كل شي عندك عسل. :$:$:$

  19. الله يالدنيا تذكر اول والزمان الحلو تذكرتك يا محمد وش علومك وخبارك عساك بخير

  20. يعطيك العافيه اخوي محمد والله انك كلك ابداع في هذا الموضوع ولعلمك سيارتي المفظله اللي هي كفرات اغطية البيبسي مره خرب علي ولدعمي كفر وانا اقوم واكفخه لمن عض الارض للحين يذكرهاماهونسيها ولك الشكر نامل العرض التواصل بهذه المواضيع وفقك الله

  21. مرحبا بالجميع … وحياكم الله … اخوي حمد . حياك الله ..ابشرك بخير وصحه وعافيه … اتمنى لك التوفيق

  22. :$ هههههههه:D :$ :):D المرة الجاااااية نشوفها بلجنادرية من قدمهاا فكر بلموضووووع ههههههههه:D

  23. اما لعبة البيضه كم مره صادت يدينا وفي الاخير لازم نغتال الفرخ ههههههههههههههه كانت ايام حلوه مو زي الحين والله عيالنا ما يحسون بطعم الالعاب مساكين الاحظم مو زيينا اول

  24. والله انا احب كل شىء يربطنى بالماضى ومن غير استغراب كنت اتمنى ان اكون فى ايام زمــــــــــــــــــــــــــــــــــــــــــــــــــان

  25. هههههههههه الله يعطيك العافية ماشاالله عليك لهالحين محتفظن بهم ههههه اللي اخبرهن عندي اتوقع كلهن الدود من سنة جدي هههههههه والله ان اكثر موضيك يابن سويح في قمة الروعة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور الالعاب القديمة (من مقتنياتي)

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول