صور ، يوميات مرسال


السلام عليكم ورحمة الله وبركاته
يالله إن تحيهم
كيف حالكم ؟
إن شاء الله بخير
مبارك عليكم الشهر
أعاده الله علينا بالخير والبركات
معليش متأخر بس تعرفون الظروف
توني أتهنئ بالعطلة الصيفية
تعرفون دراسة بهالصيفية
المرة الثانية أقطعوا إذني إذا أخذت تيرم صيفي خخخخ

والله يوفق الجميع

وبهالرسالة راح يتغير طريقة الرسالة
يعني بدال ماأعطيكم الصور مع تعليق
راح تكون على شكل قصة
ونبدأ بسم الله

MERSAL يوميات
((طبعاً جميع الصور قبل رمضان علشان ماأحد يقول مفطر في نهار رمضان خخخخ ))
يوم الأربعاء ليلة الخميس
طلعنا للبر مع ربعي بتاع الكلية
تونا قاضين من الأختبارات أزين مافي المراقبين اللي في قاعة الأختبار إنهم إثنين بس والطلاب حوالي 40
والصراحه أنواع الغش
كلهم غشوا إلا أنا خخخ


والحمد لله نجحت
عاد أنتم لاتدققون كثير
وهذي صوره لفنجال الشاهي في البر

وسهرنا إلى ماطلع النور
عاد أنا طول الوقت والكاميرا معي
طبعاً هي بالسياره وأستعمله دايم
عاد إلتقطت صوره للكشته على طلعت النور

وبعد ماشلنا أغراضنا
طلعنا من البر راجعين للديره
ونزلت ربعي عند سيارتهم ورحت للبيت
وأنا بطريقي للبيت إتصل صاحبي متعب
وقال لي خلنا نفطر جميع
وقلت يالله مشينا
(( إشكروا متعب لأنه هو اللي خلاني أصور كل هالصور ))
ورحنا للفوال اللي قريب من الحاره
عاد لقيت أول صيده
هالصوره

يوجد لدينا بارد وببسي
موجود

يالله كم خطأ بالصوره
عاد اللي يشتغلون بخاريين
وعليهم كتابه مادري منهو اللي قايل لهم إكتبوا
المهم مشينا ووقفنا عند إشارة
عاد على اليمين فيه مركز إنطلاق سيارات الأسعاف
طبعاً حاطينه عند تقاطع إشاره علشان يسهل إلى أي إتجاه يبي يروح
وشوفوا التانكي حق سيارة الأسعاف

يزل فقط خخخخ

عاد تصدقون إني أول مره أدري إن سياراتهم ديزل
والله ماله صوت أحسبه بنزين بالأول
ومن بعد كملنا مشوارنا ورحنا نفطر
وبعد ماأفطرنا وقضينا
بدينا ندورعلشان نلقى شيء نصوره وأرسله للقروب
ورحنا لطريق يبون يفتحونه
وتوهم يشتغلون فيه وهو مخترق أحد الأراضي
شوفوا الصوره

اللي يرقى فوق الجدار له 5000 ريال سعودي من غير البشر
ترى هو اللي قالي زين مسابقة للمشاهدين
يعني الحساب عنده
وكملنا طريقنا
ولقيت أرض للبيع أو للأجار
شوفوا هالصوره

التقصيد
الصحيح التقسيط
Frown
وكلمنا طريقنا
ولقيت واحد حاط لوحة للأجار هو حول صاحبنا اللي قبل شوي
بس الظاهر إنه راسب بالتعبير وهو بالأبتدائي

تقول اللوحة المحل للأجار
وهو بمخطط سكني جديد
وغير كذا هي إستراحه

وكلمنا المشوار
ولقينا واحد قريب للي قبل شوي
بس بدال مايكتب إستراحه للبيع
كاتب ستراحه للبيع

أحس إنه كان يفكر وش يسوي بالدراهم
وكلمنا الدوران
ونشوف واحد كان هو بالسيد الثاني ومتعب قالي إلحقه
عاد رجعت ولحقته
Sm61وأخر شيء طلع الرجال خرمان موقف عند مقهى خخخخ
وصورنا سيارته
الصراحه عجيب هالرجال
شوفوا سيارته من الخلف

مافيها الا العافيه
أما من قدام

خخخخخخخخخ

شكله ماعنده وقت
بس سمكره
ورجعنا ندور
ومرينا السوق
عاد حنا متعودين نلقى محلات كل شيء أبو ريالين
أو كل شيء بـ 1_ 2_ 3_4 _5 إلخ
بس لقيت لوحه عكس هذولا
شوفوا الصوره

مثل اللي يقول ماعندي شيء بريال أو ماعندي شيء رخيص
خخخخخخخ

وبدأ النوم يناديني
وصرفت متعب ونزلته في بيتهم
وأنا بالطريق لبيتنا لقيت شيء
شوفوا هالصوره

خخخخخ

عاجز ولا يطلع بدل فاقد
على طاري هالصوره في صوره ثانيه مثله بس على فورد
مصوره بالجوال وناسيه

تراني ماسح اللوحات والأسماء والأرقام للستر على خلق الله
ورحت ونمت في البيت
وبعد ماصحيت كان فيه زواج قريب لي
بالزواج شفت تنبيه من إدارة القاعة
تنبيه رقم واحد عرفناه ومعه حق
بس تنبيه رقم إثنين عجزت ألقى السبب
شوفوا التنبيه

ترى هالصوره بقسم الرجال
بس إلى الحين مادري ليش هالتنبيه الثاني

وهنا نصل إلى نهاية رسالتي
وإن شاء الله تحوز على رضاكم
على أمل اللقاء بكم في رساله أخرى
وبالتوفيق إن شاء الله
أخوكم
MERSAL
وفي أمان الله


تعليقات 23

  1. :D:D:D:D:D:D ههههههههههههههههه هههههههههه ههههه المفهين واجد بس الصوره الاولى اعجبتني 8) يسلمووووو خيووو ع الموضوع

  2. روعة الصور .. والاروع نتفاتك لها وتعليقاتك عليها يا .. ( ريالين فما فوق ) ههههههههههههه تحياتيـ ’’

  3. السلام عليكم اول شخص يرد ما شاء الله علي .. الله يعطيك العافيه .. خوش طلعة .. وطلعات البر غيييييييير خاصة الحليب الدافي على الفجر .. شي خطير .. جزاك الله خير يوم مسحت ارقام اللوح .. كلش الا فضيحة خلق الله والتعليق على الناس عاد لو شافوها ناس من معارف اللي بالصور مب زينه ابد .. و الغش وما ادراك ما الغش … انا ما يقهرني غير اللي يغشون .. اقول الله لا يبلانا ..

  4. صور حلوه وتعليقات احلى بس دام انت تدقق بالاملاء حاول انك لا تغلط.. لأنك مرتين تقول كلمنا طريقنا طبعا تقصد كملنا طريقنا 😀 كل قوي عليه اقوى منه خخخخخ يسلمو ع الموضوع

  5. ((وكلمنا طريقنا)) ((وكلمنا المشوار)) ((وكلمنا الدوران)) انت تقول~يالله كم خطأ بالصوره وانا اقول~يالله كم خطا بالموضوع انت تقول~أحس إنه كان يفكر وش يسوي بالدراهم وانا اقول~احس انك كنت تفكر وش بتقرى بالتعليقات انت تقول~هو حول صاحبنا اللي قبل شوي وانا اقول~والله انت منت بعيد عنهم بعد هع هع هع

  6. ههههههه ياهلا بكم والله ههههههههههه على قولة ساره (كل قوي عليه اقوى منه ) والأنسان موب معصوم عن الخطأ وأنا مانزلت الصور إلا علشان أسعدكم بس دامكم ضحكتوا علي أخطائي هذا أهم شيء والله يجزاكم خير جميعاً ويتقبل الله منكم صيامكم وطاعاتكم والمشوار مارد علي هههههه

  7. :D:D:D خلاص يامرســال أنا برقى على الجدار تراني اعرف مكانه زين 8) وش رآيكـ ؟؟؟؟؟

  8. بعد التحيه تسلم اخوي مرسال يعيب على الناس الله يهديه بالاملاء والتعبير وهو مرتين يغلط بنفس الكلمه الى الامام خيو وننتظر منك المزيد في رحلاتك يا ابن بطوطه الدوادمي لاتزعل علينا ورمضان كريم:)

  9. اول شي طريقتك بالاول بالمشاركات احسن يعني ماله داعي تسوي يوميات وقصه ثاني شي حنا نبي نستغل وقتنا بشي يبسط ويونس وبنفس الوقت يكون تغير عن اللي دايم نشوفه يعني مو كل مره تصورلنا صور فيها اغلاط املائيه والطامه الكبرى انك انت بنفسك غلطت بالاملاء وانت تكتب المشاركه يعني لاتآخذ الامور باستهزاء شف كيف جت عليك

  10. ما شاء الله عليكم توني أدري إن عندي متابعين كثر ما شاء الله ترى أبو نواف قال لي إذا بغيت تعرف وش كثر اللي يتابعون مواضيعك خل عندك أخطاء إملائية وطلع الرجال صادق 😀 ههههههههههه أمزح لا قال لي ولا قلت له وهذا خطأ مطبعي بسيط تقدم حرف على حرف وتكرر هذا الخطأ بسبب إني كنت ذاك اليوم مستعجل حتى إني بالعادة أنسخ الكتابة وألصقها بـ Word علشان إذا كان فيه أخطاء إملائية أصححهن بس في العجلة الندامة وأرجع أقول نحن بشر ) ( ) وتراني يا طلال ماني من الدوادمي وإذا شبهتني بالرحالة الشهير أبن بطوطة فهذا شرف لي يالغالي وما فيه شيء أزعل عليه يا طلال وأنت بالعين يالغالي والله يعطيكم العافية

  11. خخخخخ قووويه ياأخوي مرسال بس ازين صوره الجدار الصراحه مادري وشلون هو جاي معين رايح < < < ياشين المصاله خخخخ وأحرص إنك ماتخطي المره الجايه خخخ وبانتظار جديدك

  12. الله يعطيكم العافية لكل من شاهد موضوعي وشكراً وأخص بالشكر لـ كيكو ManoOo al7ob عابر سبيل شموخ أنثى وحياكم الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور ، يوميات مرسال

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول