صورة، أبشركم بدأت تصدي


احد الصالات لبيع السيارات في مدينة جدة معروضة للتقبيل
استمرو في المقاطعة

في ظل استمرارية استغلال المواطن اشد استغلال من قبل وكلاء السيارات بالرغم من وضوح الأزمة الاقتصادية التي تسببت في انهيار كل شئ عدا سياراتنا المستوردة من الخارج وبأسعار خياليه،
لنتفاجأ مع قدوم موديلات 2009 بارتفاع غير متوقع في ظل هذه الأزمة،
انتشرت حملة خليها تصدي ولاقت انتشار ملحوظ في كافة المناطق وظهرت العديد من النتائج الايجابية لها ولله الحمد ، مما جعل الوكلاء يناشدون بإيقاف هذه الحملة وإيقاف الأصوات المطالبة بالعدل وخصوصاً بعد انتشار قصة الموظف المفصول بسبب عدم سكوته عن الحق وفضح النسب الحقيقة والمعقولة للربح في ظل شجع بعض الوكلاء.

لاننسى القصة المعروفة في عهد الخليفة لعمر بن الخطاب رضي الله عنه
حين اشتكى الناس إلية بسبب غلاء اللحوم
فقال لهم أرخصوه أنتم؟
نحن نشتكي غلاء الأسعار واللحم عند الجزارين ونحن أصحاب الحاجة
فقال رضي الله عنه : أرخصوه أنتم
قالوا وهل نملكه حتى نرخصه ؟ وكيف نرخصه وهو ليس في أيدين
قال : أتركوه له

ونحن نقول اتركوها لهم ، فنحن مخيرين ولسنا مسيرين. فإن كانوا يعتمدوا على لجم الأصوات وإسكات الحق فلن نرضى بذلك أبداً ،
فلذلك وجب التكاتف من خلال موقع ناطق للحملة ورسمي لها وداعم لكافة الأخبار ولحماية المستهلك من ضعفاء النفوس الذين جعلوه مرتعا لجشعهم وأنانيتهم

موقع المقاطعة الشعبية لوكلاء السيارات – خلوها تصدي
http://www.moq3e.com/

وستستمر هذه الحملة لحين مشاهدة الأسعار الحقيقية للسيارات على ارض الواقع وبجهود الجميع وتكاتفهم ستجني هذه الحمله ثمارها في القريب العاجل ان شاء الله
لكم كل الشكر والتحية
إخوانكم بموقع المقاطعة الشعبية لوكلاء السيارات – خلوها تصدي


Comments 22

  1. والله حاجه تقهر لما نشوف الشركه الام تعلن عن عروض مغريه ووكالاتنا اسعارهم ماتغير بالعكس فيه وكالات ارتفعت اسعارها تقريبا 5000 ريال يعني لهذي الدرجه المواطن رخيص ومغفل علشان ينلعب علينا واللي يقهر انه ماافي اي مسؤول طلع يصرح او يعلن عن انخفاض الاسعار ويبرر موقف التجار لان كل شئ بين وواضح للمواطن هذا كله استخفاف بعقولنا وتبيين ان معدن المواطن رخيص جداااا لاكن مااقول الا عقباااال افلاس كل التجااآآر (الجشعين) عشآآن يذوقوا اللي يذوقه المواطن (الرخيص)

  2. ويلوموني في منتدى مقاطعه يانااااااااااااااااااااااااس 8): Dلكن بصراحه اشكر صاحب المنتدى كل الشكر 8) وجزاه الله الف خير بس مدري ليه وزارة التجاره متضايقه من هالحملات التثقيفيه وانهم مايدرون ان الخطا منهم لانهم لم يقدروا تعب المواطن زي هالسكيرو تيين راتبهم الف ريال والعمل اربع وعشرين ساعة بدون اجازة :(B لكن مانقول غير حسبي الله عليهم

  3. انا مستغرب من شيء واحد (( هل التجار إلى هذي الدرجة مستغبيننا )) أو هذا مايسمى بالمكابرة !! الحقيقة شيء مضحك !! الانهيار الكبير في الاسواق العالمية وربعنا يرفعون السعر ههههههههههههههههههههههههههههههههههههههه قمة التخلف

  4. السلام عليكم ورحمة الله اخي.. شي حلو اننا نشوف ولو شوية أمل في نجاح الحملة بس اصحاب المعارض وش ذنبهم !! ولا انا والله مو صاحب معرض هدف الحملة هذي اولا واخيرا هم الوكلاء الحصريين لانهم هم رأس الافعى .. واذا هم رخصو الاسعار .. فالشي هذا راح ينطبق على اصحاب المعارض من بعدهم نقدر نلومهم في شي واحد هو السيارات الموردة بس وياخوفي ان صاحب هذا المعرض قبل المحل لاقبال الشعب على شراء السيارات الجديدة من الوكلاء المحصرين B اتمنى من كل قلبي ان تلغى الوكالات الحصريه عشان ما نعطي مجال لهالاشكال في التحكم واستغفال شعب كامل

  5. كلامك صح بس لا تنسا كمان إن العيار اللى ما يصيب .. يدوش أى راعي معارض عارف بموضوع المقاطعه زيها زي موضوع العقار النازل زي الأسهم و حتى و إن كان ماله يدى فى أى واحد منهم و لاتنسا كمان انهم ماهو بر ملعب النصب و الإحتيال ولا كيف أشري سياره ب 40.000 على إنها ماشيه 20.000 و موديل حديث و أدخلها ورشه و يكتشف بأنها مقلوبه مغير الطبلون مستبدل العلامات القديمه بعلامات جديده للتأكيد على إنها الموديل اللى ذكره هذا كمان ماهو حرام ؟ لمن يحتاج إلى أدله ( لسكان جده ) روح حي المعارض – الجهه الغربية – تلاقى كذا هنقر فيه سيارات مصدومه مقلوبه و مشقوقه .. لو عندك وقت تابع مسلسل الإصلاحات اللى ما ياخذ اكثر من يومين – حسب رأي – الا و تلاقيها سياره ع الزيرو ( أو قريب من الزيرو ) مسدوحه بمعرض و راعيه يساوم و يحلف بالله العظيم إنها جديده و هي خزر تجميع ( سودانى – هندي ) . و هذا اللى انا شفته بعيني ولا أظلم نفسى ولا أظلم احد خلوها تصدي و سعرها يعدي و صاحبها يولي

  6. السلام عليكم.. اولا حاجه شكرا على الحمله وشكرا لكم على الموضوع الرائع ثم …. شكرا لنا …. اقصد بـ(لنا) الشعب المسكييين اللي كان مقصوص عليه طيلة السنين الماضيه واللحين افاق وصحصح وقاااااطع الزرفاء الحصريين اقصد الوكلاء ياعل فلوسهم للأكل كلو فلووس العالم بجشعهم وطمعهم اجل اللي يطله عليه ب60يبيعه بــ115 اي من حقة يربح .. انا ما اقول غيير خلووهــا تصــدي شاكر لكم هالموضوع

  7. .. يعطيك العافية على هذه المشاركة راقت لي 🙂 .. لكن بدري للأسف من زمان نحن مستغلين ومستغفلين 🙁 .

  8. السلام عليكم بصراحة يشكروا الشباب اللي فعلوا هذي الحملة وهذا دليل على انه اخيرا المواطن السعودي اللي يحب النوم اخيرا بدء يتحرك .. احنا مشكلتنا المواطنين السعوديين يا حبينا للكبسة والنوم نستنى الحكومة هي تسوي شي .. نشتكي من غلاء الاسعار ونروح نشتري ويا حكومة سوي ويا حكومة انتبهي … يعني خذ عندك مثلا تويوتا اللي ما يخافوا الله اليارس سعرها بالتقسيط يوصل 70000 ريال وهذا مو الونع الفل اوبشين كمان .. انتوا تقولوا قد كذا اصحاب الشركات مستغبينا ؟ اقولك يا خوي اصحاب الشركات مو مستغبينا لا احنا شعب غبي العمر هذا كله وهم يرفعوا اسعار السيارات اكثر واكثر والناس تشتري وتشتري وما تدور بدائل وصدقني لو مو انهيار سوق السيارات اللي فضح الدنيا والا ما كان لقيت احد اتحرك … تجي للواحد تقوبه ياخي حرام تحط سبعين الف على سيارة ورقة وعلبة صلصة يقوم يقلك هذي تويوتا …. هذا كله من الاحتكار والاحتكار في الاسلام محرم ومن أشد انواع الظلم … بس يا ليت ما يطلع احد من وسطنا وينادي بوقف المقاطعة هذول الناس اللي ما عندهم لا ذمة ولا ضمير … ان كنتوا احرار صح استمروا في المقاطعة وعلى فكرة انا ما عندي سيارة الى الان وداخل على زواج بسبب اني مو راضي عن اسعار السيارات ولا مع عرض تويوتا الاخير اروح بكل راحة اخذ ((ياريس)) بس لا والله ما حطيت نفسي تحت رحمة الجشع هذا .. الله يوفق الشباب اللي بدؤوا المقاطعة والله يوفق كل من يؤيدها ويدعمها .. وخلونا نشربهم من الكاس اللي بيشربونا منه

  9. مشكور على الموظوع الرائع والله اكلانا عبد اللطيف جميل اكل الشعب كله وجميع الوكلات الثانيه طرح رائع وحنا معك وخلوها تصدي

  10. احسن موضوع سمعته وقرأءته سنة 1429هـ\ 1430هـ التجار اكلوا رواتبنا برفع الأسعار ولما نزلت الأسعار أخذوا يتحججون بألف حجه واهيه سيروا ونحن معكم , وخلوها تصدي .

  11. مرحبا,,كيفكم جميعا ان شاء الله تمام.؟ انا شغال بشركة هيونداي والايام هذي والحين اكثر بيع من بعد رمضان كان تقريبا واقف السووق والبيع لكن من 5/1 الى14/1……والى هذا اليوم والمبيعات حلوووه هذي الفتره فيه مبيعات وكمان تارقت تحققه لاززم وتقريبا السووق خلااص بدى يتعدل.. اخوكم/عبدالله

  12. يعنى نفهم من كلامك انه اسعار هيونداى أقل من البقيه أو منافسه ؟ طيب و قطع غياركم و نظام الصيانه نفسه ؟ و نظام الاقساط / الايجار و الشروط ؟ كل هذا عدلتموه ولا ما زلنا على خطة 2002 خطة سوزوكي باريان ما شفت لكم سيارات موديلا ت قديمه و ماشيه زي البقيه الا دخنه و تنتيف و مجنبه و اللى على سطحه تقول جايه من معركه بالعراق 😀 و بعدين ياخوك سياراتكم اشترى الواحده منها السنه ب 70.000 السنه الثانيه القاها جديده ب 35.000 ! أيش ؟ جوال نوكيا 😀 سؤال مهم و انا اخوك .. أنت بأي مدينة و إيش إسم الفرع الجهبذ هذا اللى وصل لمرحلة تحقيق توارق >> تارقيت فى ظل أزمه خيمت و حتستمر خيمتها على كل الوكلاء لين ما ينصاعو لوصت الشعب

  13. انا ضد الأستغلال بكل اشكاله بس عندي خيار اخر ك رأي في محلات سيارات مستعمله وصدقوني بعض هذه السيارات مستعمله مده شهر احيانا وفي سيارات مررررررررررره فخمه حتى في رويز رايز وفي الماني وامريكي شبه جديد ومشكوووووووووووووووور

  14. برافوو عليكم والله رجال واستمروا لا تتخاذلون ابدااااااااااا هذول ناس مايخافون الله مو كفاية اكسسوارات السيارات المغشوشة وضاحكين على البشر كمان يبغون يبيـّعون الشعب ملابسه 😮 بس المصيبة مو منهم .. والله لو حماية المستهلك لها وجود على ارض الواقع كان كثير امور اختلفت لكن الحل بيدين الشباب لا ينتظرون احد يجي يطبخ لهم غداهم بيديهم والله يقويهم يااااااارب

  15. حبيت اقول الصاله هذي عارضه إعلانها قبل المقاطعه يعني من زماااااان ما لها دخل في المقاطعه وهي تبغى تبيع صالتها اللي موجده الان في النسيم بجده

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صورة، أبشركم بدأت تصدي

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول