صور، ناموسه داخل فطيرة لوزين وعلى من أشتكي


بسم الله الرحمن الرحيم
13 / محرم / 1430هـ
10 / يناير / 2009م

ليله عمها الهدو والسكينة
والنفس داهما الشعور بالنوم


وبينما انا ذلك
أحسست بقرقرة بسيطه في معدتي
من أثر مجهود عمل أستنقص طاقتي


فاردت أن لا أثقل عليها
فقلت
ياولد ما لك إلا يامصبرني
فطيرة لوزين

شرعت باكلها مستلذا بها

حتى جاءت الطامه الكبرى
والمصيبة العضمى


ناموووسة بداخلها
ياااااااااالله يااااااااالله

تقلبت معديت ودارة دائرة السوء
وذهب النوم جفاء

الى من أشتكي

حماية التجار عفواً حماية المستهلك

هيئة الغذاء والدواء >> مالها دخل

البلدية >> ياعمي روووح

وزارة الصحة >> ياشيخ ضف وجهك


إلـــــى
الله وحده
فحسبي الله ونعم الوكيل

فثارت قريحتي الشعرية
بأبيات
ناموسيه قصدي صاروخيه

ناموستي ياناموستي لا رباع ولاسديس
وصليني لابتي مـن وراء هـاك اللوزين
حائلاً رابع يوم مـن خيـار الساندوتش
خفهـا لادرهمـت كنـه بالناموس محسـوس

أن لله وانا إليه راجعون
اللهم أجرني في مصيبتي وأخلف لي خيراً منه

تحياتي العطرة لكم
من اخوكم فــهــد


تعليقات 56

  1. من يوم شفت شعار المراعي عليها من ورى وأنا غاسل أيدي منها ومن جميع منتجات المراعي

  2. الله يأجرك في مصيبتك يا فهد زين اللي جت على الناموسه ناس يلقون شي اكبر واشنع واحمدربك اللي مازرطتها بعد وراحت في بطينك الايمن لا عاد يا فهد شف دم مين اللي شافطته هالناموسه ما أقول الا حسبي الله ونعم الوكيل لا عاد احد ياكل الا من بيتهم

  3. ياللللللله جد الخبر …لوزين غذائي المفضل… بلييييييييز قول فبركه قول اي شي …من غير لوزين وش آكل .. حسافه ..بأموت جوع بس اكيد الكل بيفرح في البيت ..لانهم متضايقين من غذائي 🙁 يااارب تكون اشاعه 🙁

  4. B B B B B B B ليه كذا المقرفين:( حسبي الله عليكم هي وجبتي الوحيده بعد السينابون والكلوب ليييييييه

  5. 🙁 دايما لوزين كذا يشهد الله علي لو كنت بكذب شريت خبز للهمبرجر من لوزين تخيلوا ايش لقيت فيه قسم بالله صرصار كبير حتى مو صغير متبلطح في الكيس يتمشى والله اعلم اذا موجود من المخبز او بطريقه ما دخل للكيس من السوبر ماركت المهم انه ماطلع من الكيس شلناه بكيسه وبرا وين حماية المستهلك لاحول ولا قوة الا بالله

  6. اقول يامال الصلاح وانت تعتقد كل شي يبي يجيك من خارج بيتك راح يكون نظيف ياخي تخيل ان الناموسه شافوها الشباب في شركة لوزين تدري وش راح يزينون راح يشيلونها ويعيدون تغليفها من جديد وكأن شي لم يحصل وياما اكلنا اشياء والخافي كان اعظم فنحن اللي نستاهل ليه ماعندنا بيوت نأكل فيها فأقول ياعزيزي سبح بس!!

  7. مو غريبه لأن اذكر ايام الثانوي واحنا نفطر وحده من البنات لقت بكيس فطيرة لوزين رجل صرصور من جو الكيس يعني باقي اجزاءة الله واعلم وين راحت

  8. ووووع والله القررف ،، عاااد إلا الصرررررصآآآآآر B مآيمديني بالمرره آنا آمووت من آشووفه بالآرض كيف بالآكل ووووع طيب وش يسووي إلي كل آكله من برررآآ ! ،، 🙁 لس تووبه هآللوزين .

  9. حسبي الله ونعم والوكيل عاد تدري يافهد انو عشاي وفطوري وغداي لوزين وانت الحين وش الى مخليك تناظر وتتدقق وتصور لنا بعد الله يرحم لي ولديك ماتقول انك سمعت خرفشه في بطنك زطها ولا يهمك واذا جاك شئ علي مستعد اتكفل بالعلاج

  10. الصراحة الحمدلله اللي خلاك تشوفها ، على فكرة مرة شفت ايميل عن ناس شافو وزغة صغيرة مرعوصة على بسكويت تك الاصفر ومن يومها وهو ما يطب البيت، وانا اللي كنت قبل احب اغمسه مع شاي الحليب وسلامات فهد

  11. الا طعم النوموسه كيف هع هع مقرمشه يمدحون كبدها اذا سويته مقلقل صارت عندنا موانع طبيعيه من اغذيتنا بالله وش الصحي فيها الله يرحم الحااال

  12. انت حصلت ناموس غيرك حصل في دجاجه شفرة حلاقة يقول انه قبل تنذبح كانت تنعم قبل تدخل قفص الزوجيه قصدي قبل تندخل النتافه لو زين اكيد لوزين

  13. B B B انتم عارفين ليش هلوصخ قاعديصيرلأن المشرفين على اكلنا مجموعه من ..؟؟,ولالوكانومن ربعناماكان صارفيه هاالإهمال لأن فيه خوف من الله اولاثم ثانيناًبيفكربأهله بربعه تعرفون وسلامتكم:(:(

  14. لا لا لا ياخي مو معقول>>>>> يشتغل في شركة لو زين لها من اسمها نصيب (لـــــو —- زيـــــن) لو وش تفيد؟؟؟

  15. عادي اخوي يعني بتموت لو اكلتها مثلا..؟ بعدين يمكن تكون موديل جديد من طائر لوزين ..> موديل ..! قصدي فطيره جديده على الساحه بدل السمسم حطوا لك ناموسه فهيدان كل وانت ساكت محد درى عنك لا حماية مستهلك ولا غيره ربك يعين من يدري بكرا يوكلوننا تراب بالغصب

  16. هههههههه يارجال اطعمله……وش فيها ناموسه تعطيها شوي ملوحه هههه ولو اكلتها موب جايك شي فيعني احمد ربك انك لحقت عليها لآني اشوف ماشالله اللقمه كبيره..بالعافيه لا تفكر تشتكي لآن محد حولك

  17. والله الين امس وانا اكل وحدة 🙁 الله يستر لا يكون فيها شي وبالنسبة خلالالالاص انا ببطل من كلو والله يسعد اكل البيت

  18. وععععععععععع :~ يالله ناموسه ولا شي ثاني والله كان مسويلك خبزه وجبنه انضفلك واحسنلك

  19. هااام وضروري جدا السلام عليكم انا موظف في شركة لوزين اتمنى ان يصل ايملي لصاحب هذا الايميل لنقدم له مايرضيه

  20. 😀 يحدث في أحسن المصانع !!! خطأ وراد وبالتأكيد غير مقصود أما إن كان ناتج اهمال فهو مقصود ومذموم 🙁 . وحفظنا الله

  21. لوزين افيدلك مع اني ما احب اكل الابالبيت بس اشوفها بالدعايات وبعدين ولو لقيتي ناموسه ولا صرصور وش صار لو اكلتيه اذا ما دريتي ما راح يصير لك شي واذا دريتي بتنقرفي بس وتطرشي اكلك وسلامتك وصلى الله وبارك

  22. ياحبيبي الناموسه تراه شيء عادي انا طلبت همرجر من هرفي يوم فتحت الهمبرجر علشان احط كاتشب ومايونيز واناظر الاا الناموسه عادي النواميس ممشكله لأنهم يالله يحمونها من الصراصير وغيرها تبي يحمونها من الناموس الي هي اصغر شيء يعني تبي تقنعني اني اذا دخلت مطعم فيه ذبانه وحده او ناموسه وحده ماراح اكل منه ابد خخخخخخ اجل لا تاكل ابد حتى البيت يصير فيه كذا اعطيك مثال؛ مره خذيت صينيه وحطيتها وحطيت اللحم على طول وهي بالنار وانا اطهي لون اللحم سود مقطع مع البصل يعني ماراح تلاحظ الصارور فيها شوي كذا واناظر رجل ياولد وش هالرجل صارت حق صارور انحمس مع اللحم .. عموما … اكيد رميته كله … الزبده سمي قبل ما تاكل وبس

  23. روح فورا للغرفة التجارية واشتكي والمشكلة مو بالبيوت والاكل برا البيوت لمشكلة انو هي فطائر ممكن ياكلوها كتير طلاب المدارس !!

  24. ياما فطرت في دوامي على سندويشت لوزين لأني بكون مشغول في المكتب ماعندي وقت إلا آكل شيء على السريع ولوزين على كاسة شاي هي فطوري في دوامي بنسبة 99% واااااااااااااااااااااااااي ليتك ما ارسلت هذي الرسالة للجروب وش أفطر الحين 🙁

  25. أهىء أهىء أهىء ليه يآلوزين كيذآ 🙁 هـذآ وتقولون لوزين أفيد لك يآمآل الوجع =( حسبي الله ونعم الوكيل هـذآآ اللي مقطعة روحي عشانه وامدح فيه , واكلي المفضل آخر شيء ………………………. إن شااء الله احد يشوف الموضوع من المسؤلين ويتصرف صرآآحـةً :~ مآيصير هيكآآ صرآحةً / الحمد الله على السلامة فهد وزين انتبهت اسم الله عليك إن شـآء الله

  26. آآآآآآآآآآآآآخ يالقهر وجبتي المفضله 🙁 والله يعطيك العافيه ع التنبيه واحمد ربك انك ما أكلتها

  27. عادي شيل الناموسه وكمل باقي اكلك :$ وكأن شي ماصار ولو تدقق ماكلت شي بتلقى كلشي فيه بلاوي انا مره طلعت من بين الرز خنفس منحاش من الحراره وكملت اكل لان كنت جايع مره بس لو تركته من بيسد الجوع لوزين ابو ناموسه:D لهذا وسع صدرك يمدحون الكيري والخبز مع ان الخباز ماتدري وش عجن العجينه فيهB

  28. خخخخخخخخخ طيب ناموووسه ماتضر هع لاجد اكيد هذا شي خارج عن الارداه خصوصا انه شي يطير :> برى المهم لاتظلموونهم 🙁

  29. الله يعينك يافهد اكييييييييييييييييه الله يديم النعمه ناموووووووووس بعد B B B — تحيااااتي للك === بس حلوووووة طريقتك للكتاااابه اعجبتني كثيييييييير يا عسل == سي يو

  30. للأسف فيه ناس همها الفبركة ممكن يكون الموضوع نسج خيال خاصة أنه مقفول بكم بيت شعر أنا ما أقول كذاب بس ليش الناس تصدق كل ما يقال لهم لو شفتوا الصورة لقيتو النامسة جايه فوق الفطيرة ، طيب و ش يأكدنا أنه ما رصعها و حطها عليها ياما شفنا من الفبركات الي الهدف منها الشهرة أنا ما أكذب أحد لكن ليش كل الي ردوا ما توقعو ولو بنسبه 1% العكس عدة اسئلة في بالي س1 ليش ما وداها للأمانة؟ س2 ليش ما أتصل على الشركة؟ س3 في شركة مثل لوزين بتخلي أحد موظفينها يكتب رد في موقع لا و الرد بعد يدينها ؟ أخيراً حدث العاقل بما لا يعقل فإن صدقك فلا عقل له

  31. :$الشي من عنوانه اخوي فهد:$ 8) لو زين 8) 😀 ايش القرف هذا قول الحمد الله 8) وبعدين وسع صدرك ياما فيه اشياء اكثر من كذا بس خلك وراهم حتى يعرفوا انهم مهملين واكل البيت مافيه احسن منه :~B 🙁

  32. خخخ الله يعينك ياخوي فعلا كان مفروض مثل ما قال احد الاخوه انك تخبر الشركه بهالشي سبحان الله جل من لا يسهو وكلنا بشر : ) وتخيل نفسك مكان صاحب المصنع .. او احد العاملين فيها مصانع الاغذيه تحاول قد ماتقدر منع دخول هذي الحشرات وهذي البعوضه فلتت من ايدهم : )

  33. إلى أخوي صاحب الرد dawrd >>>انا اشهد انك من موظفين لوزين الصورة وااضحة مرررة وصحيحة وانا اشوف إنها من جد رآكبه عليها لا رصعها على قولتك ولا شي وبعدين ترآها مو أول مرة تصير من لوزين يآما صآآرت وااااجد يعني انا اقل شي حصل لي لقيت بـلآستيكة داخل الكيس وبعد لقيت قطعه صغيره من الفطيرة مع الفطيرة داخل الكيس هذا اللي صار لي انا وكيف اللي صارت لغيري >> أبو نواف ليش ما يكون فيه ترقيم لكل الردود علشان نكتب رقم الرد في حآلة الرد على واحد أو شي

  34. اللي يقول انها فبركه غلطاااااااان لانها صارت العن نلقى صراصير وحاجات تقرف بعد– يعني مو تطير تزحف وتمشي لكن الشرهه مو عليهم على اللي ياكل من برى بيته ويعتمد على مصانع لا تراعي ذمه ولا ضمير هذا اكل يدخل بطون العالم لازم الرقابه عليه تكون صارمه هذا مو لعب هم ياخذون فلوس وحنا ناكل حشرات -شكل الاخ يشتغل عندهم ولا ليش هالدفاع عن هالمصانع الزباله لو في دوله غير كان قفلوا المصنع وخربوا بيتهم

  35. سلامات مدري اشوف الي يقول اشوا ماكلتها والي يقول يا االللللله لو اكلتها وش بيصير فيك يارجال وسع صدرك ناموسة بالاخر لاراحت ولاجات اشوا ماهي دينصور ماكلين تبن ولا حد داري جات على ناموسة وصلنا لمرحلة لو كان الاكل معقم يجينا مغص لا اكلناه وش النظيف اصلا ومن الاخر مالك الا اكل بيتك شي انا مقتنع فيه لو ذبحني الجوع مااكل لوزين لاني كرهته يارجال ماقد اكلته وحسيت انه طيب يااحس بنكهة غرى صمغ وريحته مع البريك ولا يجي كنه مخمج يعني منتهي صلاحيته برغم التاريخ ماانتهى ومرة طلعلي خيط واحس في مرة من المرات بلاقي بنقالي بكبره متربع ولا واحد من العيال بريال صامولي وكاسة جبن وصلحو ومافي مانع لو سويت براد شاي معها وعيييش اللذة ^_^ ياااااااااااااااااااااااااي فهودي سلامات مرة مرة كنت احبو للوزين وماما تخاصمني وبتلت اكلو لانو يخوف @_@

  36. ياااااااااااااااااااااااخي كل الفطيرة وكنك مااتشووووووووووف واعتبرها فطير بنكهة الحشرات مع قليلا من صوص الباعووووووووض تكبر وتنسى هههههههههههههههه :$:$:$:$:$:$:D:~:~:~:~

  37. :$ ياشيخ كل وعليك بالعافيه وبتكبر وتنسى وتجيب للعيال لوزين وبصراحه ما تضمن اكل البيت من الشعر والباعوض وخاصه صغير يعني حتى الحشرات تدخل بالبصمه مصانع اليه وكم فطيره باليوم ؟؟ ولو انت تشتغل ومكانك مكانهم بتضل تدافع لكن ما يمنع الشكوى للتنبيه ومالي دخل بلوزين ولا لوشين وكنت اكل لوزين وبضل اكله لانه ما ناكل الا مضطرين

  38. والله ثم والله ثم والله أني على ما أقول شهيد ياشباب أني جالس أنا وصديقي نبي نشرب قهوة وناكل معمول لوزين فقام صديقي وفك كيسة واحدة وأكل نصف معمولة وتفاجأ بشعرة طولها تقريبا 10أو 15 سم وش رايكم وأنا كنت ما أسمع في لوزين وكنت أعتقد أنها القمة في الطعم والنظافة ولكن توووووووووووووووووووووووبة…

  39. هذا شكله مشغول[قاعد ياكل] والناموس حوله وعصب وضربها بالوزين…ههههههههههههه…..

  40. فعلا جل من لا يسهو ولكن لا ننسى بأن كلمة ( لــو ) تفتح عمل الشيطان .. لو ,, زين .. ما كان كل شوي لاقين جزء من حشره فيها يمكن العمال اللي في المصنع بنقاليه او ما شابه وانتم عارفين قذارتهم وحقدهم على العرب بشكل عام ومن فتره وانا احاول اتركها واشوف بديل والحمد لله الحاله في تحسن B واحاول قد ما اقدر اجبر نفسي على اي شي يسد الجوع غير اللوزين في واحد قبل فتره قال لي خبر : يقول اللوزين اكتشفوا انه فيها مواد مسرطنه والله اعلم ويقول الخبر اكيد 100 % وبعدين ياما في دول كثييييييير غير السعوديه ما يعرفوا شي اسمه لوزين يعني كبروا المخدات وشوفوا لكم بديل عن اللوزين قبل ما تعرفوا اللوزين اش كنتوا تاكلوا طيب ؟؟؟ ما راح تموتوا من الجوع صدقوني 😀 والف شكر يالغالي على نقلك للخبر

  41. والله وقت الجوع مالك الا لوزين ياما شفنا وشفنا بكل مكان حتى اكل البيت احيان تصير اشياء خارجة عن الارادة كم شعيره وكم ذبيبينه :$ وسعوا صدوركم

  42. الله يعينك ولا قد الحماس والجوع هههههههههههه:$ حسبي الله عليهم ..:~

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور، ناموسه داخل فطيرة لوزين وعلى من أشتكي

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول