صور، طلعه عيال الباونتي لروضة خريم … :)


بسم الله الرحمن الرحيم
السلام عليكم ورحمة الله وبركاته

شخباركم وش علومكم مع الكولد ( توه يتعلم انقليزي ) <– اتحدى احد يفهم خخخخ
انا ادري الكولد هذا حقي مهب صح بس عادي لا تدققون قاريها في البنادول الأخضر الجديد
المهم .. اهم شيء انتم مستانسين والا صح جت الدراسة .. يووووووهـ عندي واجب بحث <— خرب الموضوع يوم جاب طاري الدراسة

نبداء في الحتسي الصدز :
رحت انا شخصياً لروضه خريم ثلاث مرات وفي كل مرهـ اكتشف محل افضل من اللي قبله .. طبعاً اول روحه .. يوم قابلنا الصبات حقت الروضة رحنا يسار .. وقعدنا ندور لنا محل وحنا في السيارة ولا اعجبنا بداية الروضة قلنا خلونا نروح يمين من عند الصبات يمكن ازين .. وفعلاً شفنا السيارات كثيرة في هالجهه ووقفنا موترنا .. طبعاً الشبك الأول مافية شيء اببببببببببببدن لكن الشبك الثاني هو اللي مربع …
اول ما تدخل مع الصبات يمين افضل شيء … من ناحية الربيع ( حسب ما تجربتي البسيطه )

اخليكم مع الصور .. الربيع … :

بعد الاستمتاع بالربيع ( يعني مهب بالتصوير خخخخخ )
مشكله خريم .. انك تقطع مسافة طويلة وانت شايل الاغراض ( العزبة ، الفرشات ، المراكي ) .. طبعاً ينتشر في الروضة بنقالية يشيلون الاغراض بس ممكن ما تلقاهم اذا صرت جاي مبكر ..
طبعاً اذا شلت انت الاغراض الله يعينك ..
عشان كذا حاول تقلل الأغراض عشان ما تتعبك … ( مثل الموية والحطب )

شطحة
الروضه تصلح للملقف خخخخخ تسمع كل سواليف اللي حولك خخخخخخخخخخخ
اكيد كلكم يسأل ليه قلت طلعه عيال الباونتي …
اولاً … طالعين للبر وحنا مواصلين … ومفطرين في محطة ..!!!
ثانياً … نشوي الباونتي خخخخخ .. بس والله عليه طعم رايق ( أكلت كل الباونتي الا نص حبه ) <— اجل لا تخليهم يقطون في الباونتي خخخخخخخخخخخ
اعطيكم خلط الباونتي
<– يقلد بعض الطباخات والطباخين في البر خخخخخ
اول شيء .. تفتح الباونتي من النص <– مدري وشلون تنفتح بس ابي استهبل خخخخ
مافيه خلطة ولا شيء .. مافية الا شيء واحد .. وانت تشويها خلها تلامس الرماد شوي بس خخخخخخ ( مهب تذبها كلها وتصير خبل ههههه )
( انظر للصورة رقم مدري كم خخخخخ )

طبعاً مع الباونتي لازم يجيك طير البر ويصلح قهوه <– مهب انا خخخخخخ

لاحد يأخذ حطب من عندهم .. لانه بايخ … بس فيه واحد سوداني عنده سمر المدينة غالي بس حلووو .. ( انزل تحت وشف صورة الشاهي والحطب

قد سمعتوا بالشوك المتغطي .. هذا هو خخخخخ

عقب القهوهـ تأخذ لك قيلوله تحت الشجرهـ … أحلى قيلوله .. ( ثس ايز مي ) انا خخخخخخ <— مسوي يعرف انقليزي

طبعاً قوموني على الغداء … مدري وش الخطوات حقت الغداء . صح انها مصورهـ وكل شيء بس مدري وشيء … عشان كذا جب لكم الزبدة هههههه

العصفور يدور غداه خخخخ

عاد عقب الغداء والصحصحة يبيلك بريق شاهي على الحطب … ( اويليييييييه ) <– احلى تعبير لذاك الشاهي

البيالة تقول عجل تراني ابطيح خخخخخ

قبل ما اودعكم انا ونواف وعبدالله وانس وعبدالعزيز نهديكم هالصورة ونقول حنا …

حظرنا معها وتوادعنا معها ..<– متعوب عليها ترى هههههههههههه

دعواتكم عندي اختبارات واجدهـ … نشوفكم .. على خير .. ان .. شاء .. الله … واعذورني على القصور …

نوع الكاميرهـ: كانون دي 350 المطورهـ


تعليقات 39

  1. :(ليش ماخذتوني معكم انا قاعد لحالي بالبيت علي العموم مشكورررررررررررررررر علي الور:D:D:D:D

  2. ماشاءالله على هالكشته؟؟ بصراحه؟؟الربيع ولاأحلى من كذا؟؟؟8) أخبر طريقة التويكس؟؟مع القهوه؟؟ بس باونتي على الجمر؟؟B شكله بيطلع حلو بجربه؟؟؟وبشوف؟؟؟ والشاي اللي على الجمر يووووووووووووه؟؟؟شكله؟؟يعدل المزاج!! خاصه بعد القيلوله؟؟هههههههههههه ألف شكررررررررررر على هالموضوع الممتع؟؟؟

  3. 8) مراحب .. بصراحه امتعتنا بالصوور .. 😀 جاني احساس كاشته معكم .. ويسلموووو خيو عالصور وبالتوفيق ان شاء الله ..

  4. السلام عليكم والله ما شاء الله ما خليت شيئ صور رائعه بس الي لاحسني ما دري ليه اعجبتني الجمال جمع المصور والي مصور >>> فهمت شيئ؟ لكن بودي لو اتحفتنا بصوره عامه للروضه والحقيقه هذا بدايت فال لهالسنه ان شاء الله ربيع يغطي الكفرات بارك الله فيك وفي العدسه الي معك والى الامام بتوفيق الله تحياتي

  5. اهم شي الصورة الاخيره راايقه .. ووه ياجعلي اطب روضة خريم 🙁 صور روعه .. واجواء خياليه =) ماشاء الله ..

  6. بصراحه طلعتكم حلووووووووه واعجبني اكثر شي الشوكلت اللي رامينه على الفرشه ونااااااااااسه8)8) ثانكيوووووو

  7. ^_^ اولآ اشكرك ع الصور الروعه عن روضة خريم 🙂 ثـآنيـآ ملآحظه : اقبلهـآ بـ صدر رحب اممم ابريق الشاهي تحطه ع جنب الجمر ماينحط فوقه , , آشكرك مره ثـآنيه .. ع ـوـآفـي‘ .. ,’ ’, ,’

  8. اشكرك جزيل الشكر على المجهود لكن الصور ماتطلع :(حاول تعيد تحميلها ولك فائق الشكر والاحترام:D

  9. ماشاء الله . طلعه مابها كلام مسكته والمنااااااااااااااظر في قمة الجمال ..وشواء الباونتي شئ وين الشيف أسامة عنك ^بتنافسة .. إلتاقطك للمناظر روعة .. ماشاء الله عليك .. يالله جد حيلك الله يوفقك دنيا وآخره

  10. رووووووووووووووووووووووووعـه الصراحه مررره صور خطييييره >> خقيت :$ والـتـصـويـر ابـداااااع ماشاءالله 8) والصوره اللي فيها باونتي أحلى شي فيها البيبسي هع هع :$ والصوره الأخيره واللي قبل الأخير مره مره مره تسطل 8) رحلتكم تفتح النفس مـا شـاءالـلـهـ تـسـلـم عـلـى الـصـور الأكـثـر مـن رااااااااائـعـهـ

  11. استمر استمر انسان خفيف ظل وتعليقاتك ولا احلى ماشاء الله عليك وكاميرتك ممتازة بس حاول تتطلع صور حلوة

  12. خلاص خلاص انا منيب شايف احد لمدة شهر .. راسي كبير خخخخخخخخخخخخ شاكر لكم تشجيعكم لي .. والله اخجلتوني بردودكم اللي توسع الصدر

  13. ياخي الموضوع شي والدله مع النار شي ثاني لحاله ذي إباداع الصوره إسمحلي على طول خليته خلفية لسطح المكتب الله يهنيكم دوم إن شاء الله …

  14. مشكوور ويعطيك الف عافيه على الموضوع المتعوب عليه صــور راائعه جو رائع طلعه حلوة شكلي برووح انا 😀 واصور لكم

  15. بصراحه الطلعه خطيره عجبني الاخضار وعجبني الرز بس نفسي افهم اش مكوناته وجعله بالعافيه ياليت تحط الطريقه عشان اطبخه لا اهلي والجنان كمان طعم الشاي ع الحطب تحياتي وبتوفيق في الامتحنات

  16. يعطييييييييييييكم العاااافيه كثيييييييير كثيييييييييييير اعجبتني الصووور واحلى شيء رفاااايلوووو :قلب

  17. صح عليك الباونتي بس ورى الحطبه ماولعت والا تبيها نصف استواء الصراحه مبدع وفنان واسلوبك راقي يابن اللذينا . تحياتي لك

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور، طلعه عيال الباونتي لروضة خريم … :)

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول