صباح الليل يامرورنا وصباح الفل يامرور دبي


بسم الله الرحمن الرحيم
 
الرخصة والاستمارة واصفط على جنب
رح اركب الباص وانتظر كم ساعة ويمكن يوم ويمكن شهر 🙂  لين يمتلي الباص عشان نوديكم الحجز
الرخصه والاستمارة واصفط على جنب
لا اصبر لا تصفط ياولد عمي وش يقرب لك فلان
ولد خالة جد أمي من الرضاعة 🙂
خلاص امسك الرخصة والاستمارة وتفضل
 
=========
الي فوق هو سيناريو بسيط لنظام المرور عندنا طبعا سلم لي على التوعية العلمية بالمرور وأنظمته
ماتدري عنه الا اذا مسكوك
يعني السرعة ومخالفاتها ماتدري عن العقوبات الا اذا انمسك واحد من اخوياك وخاس في الحجز
وين التوعية العلمية  
وين التوجيه

عموما الموضوع عن مرور دبي
كان عندهم وأظنه مايزال توعية بأضرار مخالفات الانظمة
وكان المرور في نهاية نشرة الاخبار يعرض مقاطع فيديو لمخالفات وحوادث بأسلوب ممتاز
واستفادوا من الكاميرات في الشوارع مو بس في رصد المخالفات ولكن في التوعية
وجابوا قصص لناس فقدوا عزيز أو أخ أو عائلة بسبب السرعة أو التهور
وهذا ملف فيديو عينة من المقاطع الي يجيبونها في نشرة الاخبار
أتمنى من مرورنا الموقر أنه يستفيد منهم مو جيدين بس في تجميع المخالفات
صباح الليل يامرورنا وصباح الفل يامرور دبي
 
اضغط على الصورة لرؤية الفيديو  

فيديو

الله يكفينا واياكم شر الحوادث  

مع تحياتي  
وقف عندك


تعليقات 7

  1. ايه فرق السما عن الارض .. في البدايه اشكرك على هالموضوع .. وفيه اشياء كثيره ابغا اقولها .. ولكن بأختصر عندنا هنـا مافيه اي احترام لأنظمه المروور .. يعني توصل الدرجه إلى انه يقطع اشااره في مكان مزدحم وفي وقت الذروه .. هالموقف ماشفته مره او مرتين .. شفته كثيير .. وإلا يعكس السير على شارع عاام عشان يبغى يقصد محل يبيع المكسرات !! هذي اشياء بسيطه .. وماخفي اعظم .. يعني في البدايه لو تُحترم قواعد المروور .. بعدها نتكلم عن الاشياء الثانيه ..

  2. احنا كل شئ عندنا غلط جت على التوعيه حنا قبل لانوعي الناس لازم نحط اصلا مرور زي الناس يعني يصير الحادث وتخيس في مكانك وانت استنى لين يخلص الضابط الشاهي والسوالف وبعدين يتكرم يجيك

  3. والله كلامك درر أهم شي عند الجندي إنه يخلّص (بوك المخالفات) بأي شكل من الأشكال عشان يطلع يوم إجازه…!! {{ سلّم لي على المنطق ياشيخ }}

  4. الحمدلله والشكر ع النعم اللي نحن فيها .. ومرورنا مب مقصرين من ناحية التوعية ومن نواحي ثانيه بعد .. وعقبال ما يطبقونها عندكم في السعودية ان شاء الله .. نسأل الله السلامة للجميع ..

  5. السلام عليكم هو صراحه موضوعك هادف بس من يفهم هنا من المرور على راسهم مدير المرور هاللي يقول لافراده لاحد يجي يسلم لين يخلص بوك القسايم يعني قمة الظلم مة الاستهزاء بالشعب وكيف تبغى الناس تحترم قواعد المرور وهالمرور ماهمهم الا توزيع القسايم على هالمساكين ليش عندنا كذا انا متاكد ان مافيه دولة بالعالم تسوي اللي يسوية مرورنا الكريم ولو نشوف اشيا ثانية اهم من هالقسايم زي اختناقات السير الشوارع المحفره والتخطيط اللي مدري وش يبي الخ , هالاشياء مايهتمون فيها ابد بس يبون هالدراهم لابارك الله فيهم ولا في اللي يرأسهم وحسبي الله عليهم الله ينتقم منهم قلو امين

  6. صح لسانك وكلامك صحيح100% عندك أنا خذني كمثال أنا شخص من ذوي الاحتياجات الخاصة ويوم طلبت المرور ستيكر (تصريح) لدخول مواقف الدوائر الحكومية -لأني ماأحصل مواقف قريبة منها- رفضوا بحجة إن رخصةالقيادة خليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صباح الليل يامرورنا وصباح الفل يامرور دبي

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول