شركة الاتصالات السعودية .. وخزعبلات المنافسة


شركة

هاهي حوارات تعود اليكم من جديد بعد إنقطاع , وكما عودتكم في طرح القضايا وبفضل طرحكم تـٌعالج الإشكاليات …

مازلنا نعيش في دوامة الاستهتار من شركة الاتصالات السعودية في جميع خدماتها التي تقدمها لنا كمستفيدين إن صحت العبارة قياساً على مانرى , سواء كان من الهاتف الثابت أو الجوال أو خدمات الإنترنت والدي أس ال , ويحق لنا أن نطالب بما هو أفضل من ذلك مستندين أنها تُقدم بمقابل مادي ,بمعنى آخر أنها ليست خدمات مجانيه

لمصلحة المواطن إذا ماقسناها مثلا بالدوريات الأمنيه أو هيئة الأمر بالمعروف

حتى إذا أتى منها قصور أو أخطاء نلتمس لها العذر

هذه المبالغ التي يقدمها المستفيد لم تأتي من خيارات لديه وإنما هو لحل واحد لا ثاني له كون الالتزامات الحياتية تفرض عليه ذلك

حتى مع دخول شركة موبايلي لم يتغير الأمر كثيراً بيد أن هذه الشركة محصورة في مجال الجوال ويُفرض عليها سياسات محدده وخطوط حمراء من قبل شركة الاتصالات
مع إستقبالنا للشركة الجديدة ودخولها كمنافسه ثالثه لهاتين
هل سنرى تحدي أكبر بينهما ؟
وهل ستفرض شركة الاتصالات عليها كما فرضت على سابقتها ؟
ماذا لو أعطيت الحرية للشركات وطرحها للخيارات للمستخدم ؟
ماذا عن شركتنا القضية هل ستوقف عبثها بالمستهلك البسيط ؟
متى سنظل أسرى تحت رحمة شركة الاتصالات ؟
حوارات تعلم أن الجميع لدية كتلة من الأسئلة يريد جوابها من هذه الشركة , وتدرك أيضاً أن هناك الحلول من قبلكم التي ربما تجد القبول لدى المسئولين في شركة الاتصالات

حوارات هي صوتكم وملعب أفكاركم فلنخرج بالنتيجة

علما بأن التعليق متاح للزوار
كتب هذا الحوار وحرره :معاند


تعليقات 41

  1. هين من ناحية السلبيات والمشاكل خذ وخل لا من موبايلي ولا من الاتصالات…..وحتى اي شركة وخدمة في السعودية خدمات متواضعه ونفس شينة وتعقيد غبي في التعاملات …مدري متى بنتطور؟؟؟؟؟ لكن اللي يقهررررني ويفقع مرارتي …التناااافسسس الغبببببببي جداااااا في الاعلانات …شركة الاتصالات غببببببيه بكل معنى الكلمه في اعلاناتهم ….اجل بالله يحطون سيارة كشخه ابيض وازرق (يقصدون شعار موبايلي) وراعيها زاعط وفرحان فيها ويشغلهاوماتشتغل وبعدها يجيبون العرض حقهم حق النت ويقولون تغطيه مدري ايش ههههههههههههههههههه ليه طيب؟؟ ونفس الحكايه بيت ابيض وفرشة زرقاء ….!! سرير ابيض ولحاف ازرق ….!! ليه طيب الوصاخه وحركات المبزره؟؟؟؟ ماتقدرون تنافسون موبايلي بشرف؟؟ بدال ماتقدمون خمات افضل وعروض افضل جالسين تهاجمونهم بطريقه ساذجه ومكشوفه وقبيحه؟؟؟؟؟ قمة الغباء….المشكلة موبايلي مافيها ذاك الزود عشان يخافون منهم ويهاجمونهم بهالطريقه الرخيييييصه ….!! وكل ماطلعت موبايلي شي قلدوهم هههههههههههه وربي كنهم بزارين في روضة … مااقول الا الحمدلله على العافيه .. العقل نعمه ….. وياللي متقطعين تسبون او تدافعون عن الشركة وخدماتها ..احب اقولكم ((ماحووووولكم احــــــــد)) يعني لحد يصيح وهو يكتب والا شي<<<<اشوا انها صايحه وهي تكتب ههههههههههههههههه تشاووو

  2. حبيبي معاند طرحك في مكانه واتوقع ان الكثير من الشعب السعودي اول ما يطري خبر او سالفة الاتصالات لا يمدح فيها او يثني من الظلم اللذي تقدمه وهو ان نشترك لديها واحتكارها لكل شي. اود ان اخبرك بشي قد تكون عالم به او لم تعلم به بعد ذلك ان شركة الاتصالات شركة زيها زي ارامكو وتعد الدخل الثاني للمملكه وصاحبها ليس بمواطن عادي وانما …… وانت افهم. يعني تشتكي او ماتشتكي رأيك وكل الكلام اللتي نقوله نحن كمواطنين مرفوض بتاتا البته وانهي كلامي بمثال(( تخيل لو تطالب من الحكومه انها تعطيك برميل من البنزين الصافي من انتاج ارامكو ,,, فإنها سوف ترفض وتقول لك هذا مو لك لحالك فنفس المثال ينطبق على الاتصالات )) وافهم ياذكي تحياااتي

  3. انا مقدم على خدمة الدي اس ال من تاريخ 15/3/1428هـ ولحد هذا اليوم ماركبو الخدمة عندي وقبل شهر تقريبا جاني اتصال من رقم 907 كلمني رجال قالي انا لقيت الحل البديل لخدمة الدي اس ال قلت كفو شنو الحل قالي انت طبعاً المقسم عندك مافيه مجال ينشبك عليه الخدمة والحل هو اني راح نركب لك الواير لس قلتله ماعندي مشكله بس ركبلي والي يرحم والديك قالي خلال اسبوع راح نركب لك هذا الكلام طبعاً قبل رمضان بأسبوع ولحد ألحين انا اكتب هذا الموضوع عن طريق الشبكيه حقت تلفون البيت الأتصال العادي وكل ماأتصل عليهم يقولون طيب الأسبوع الجاي بكره ومن هذا الكلام الله لايوفقهم بهدلوني

  4. ماراح اتكلم عن معاناتي راح اتكلم عن سالفه مالها اسبوع نسيبي ياطولين العمر طلع ثابت علشان الدي اس ال المهم يوم طلعه طبعا يابخت من اسس خطي ودي اس ال بالمجان الغاه ثالث يوم الغى الثابت بكبره هون معد يبيه يوم راح لشركه يلغيه قالو ادفع 575ريال قالهم ليش قالو مقدم اخذنا منك مقدم شهرين طيب ياناس انا ماستعملته مالنا شغل فيك هذا النظام لعنبو ذا النظام ياعالم خلوها على ربكم بس مالي خلق اطول اخاف اغلط مشكورين الي فتحتو لنا التعليق

  5. طبعا بلا شك الأغلب يعرف شركة الاتصالات ونصبها .. خليني أعلق على كلام الأخ الكريم فهد العرابي : سيدي الكريم انت بتمدح في شركة الاتصالات واسمحلي اغلب اللي قلته على النقيض ,, على فكرة قبل لا اتكلم حبيت اقولك اني من العملاء اصحاب باقات التميز في شركة الاتصالات واخدت التميز من ارتفاع فواتيري وانا استخدم خط موبايلي وخط جوال ,, بالنسبة للخدمة انت روح اقرب مكتب اشتراكات وشوف بنفسك كيف التعامل وروح اقرب مكتب اشتراكات لموبايلي وشوف فرق التعامل .. في موبايلي شباب مهتمين بالعميل بالدرجة الاولى ويخدموه ويطولوا بالهم ومستعدين يجاوبوا على كل سؤال .. وتعال لشركة الاتصالات وشوف العام اللي تشتغل فيه تروحلهم يقولك اتصل على 907 او 902 تسألوا سؤال ثاني يطير فيك ويقولك يا اخي قلتلك هذا مو من عندناااا طبعا اللي بأقوله هذا مشهد شفته بعيني ولو كان حصلي انا كان مدري ايش بتكون ردة فعلي ,, ويوم شايف اثنين موظفين ع الكاونتر كل واحد نازل ع الثاني كلام انت ماتشتغل والثاني يقولوا لا انت اللي ماتشتغل والله ان جلست اطالع واقول ونعم الموظفين كل واحد شايب مافيه خلق يتكلم طفشان من الدنيا طيب يا اخي ماتبغى تشتغل ولا تخدم العميل اترك المكان في شباب اهل لهه الوظائف بس الكلام مو عليهم على ادارة الشركة اللي حاطة ناس مو مأهلين للوظيفة ,, عشان لانظلمهم هم صح اسرع من موبايلي في الرد على خدمة العملاء لكن في التعامل في فرق كان عندي خط موبايلي ثاني ما احتاجه فصلته جاني اتصال من ( 1100 ) سألي الموظف عن السبب وهل اشتكي من الخدمة او شي قلتله لا والله بس ما احتاجه وعندي خط ثاني قلي ايوة مسجل عندي واخر شي قال يا اخوي اسف ع الازعاج بس حبينا نستفسر عن السبب وان شاء الله نحوز على رضاكم ..!! سيدي لو لاحظت الشغلة بسيطة لكن تترك اثر في قلب العميل .. وانت حددت على اسعار كونكت موبايلي ونت الجوال في موبايلي الخط المفتوح بسعر 350 بينما في الجوال بسعر 450 وباقية 5 قيقا في موبايلي بسعر 200 بينما في الاتصالات العزيزة بسعر 240 هذا دليل بسيط وعندك باقة خطي بلس تقدر تحدد ارقام اشخاص وتتكلم سعر الدقيقة بـ 20 هللة بس طبعا ما ادري عن باقي العروض لكن انا استخدم هذه الباقة . واذا جينا نتكلم عن الدي اس ال فحدث ولا حرج تطلب خط الدي اس ال ويجيك بعد سنه او بعد 6 اشهر او بعد اسبوع عاد انت ونصيبك انا من الناس اللي جلست اكثر من 6 اشهر الى ان وصلني وطبعا ما ننسى رسوم تأسيس 300 ريال وغير رسوم التأسيس اشتراك شهري 100 ريال سعر الوسط يعني لو طالعت اغلى من اسعار الاشتراك نفسه فقط تشغيل خدمة كل شهر 100 ريال لو كنت محتاج سرعه 256 ك هل هذا يرضي ؟ ! اسمحلي اذا انت راضي وربي منعم عليك في ناس ماتقدر تدفع هذه الاسعار وبهذا راح تنحرم من هذه الخدمة اللي المفروض تكون مموجودة مع كل خط كخدمة اضافية مو ادفع قيمة لها اغلى من اشتراك الهاتف نفسه 60 ريال او اغلى من قيمة اشتراك الشركة المزودة لخدمة الدي اس ال . لكن مكره أخاك لابطل فشركة الاتصالات شر لابد منه , وياليت تجي شركات منافسه منافسة حقيية لا تفرض عليها شروط حتى لاتخرج عن نطاق المعقول بالنسبة لهيشة الاتصالات.

  6. السلام عليكم.. انا بس ابي اقولكم سالفه صارت معاي شخصيا.. قبل فترة اكتشفت ان هناك شخصا ما سحب برنت او فواتير على جوالي ورأى كل اتصالتي وجميع االارقام الصادرة من جوالي.. واتصلت على 902 وقدمت شكوى وقالوا سوف نتصل بك لاحقا والله والله ان الموضوع اخذ اكثر من شهر ولم يتصل احد وكل ما اراجع في الموضوع يقولون شكواك موجوده وسوف نتصل بك لاحقا.. بعد ما طال الموضوع ذهبت بنفسي وشرحت لهم المشكله وقالوا انشالله انك سوف تأخذ حقك كامل وان الموظف المتسبب بذلك سوف يفصل.. فقط اذهب الى شخص يقال له وليد الرديعان في الشؤؤون القانونية او ماشابه ذلك سوف يأخذ لك حقك.. ذهبت اليه واخرجت له بطاقة التميز وقالت له هذه بطاقة تميز مع وقف التنفيذ واني لا اريدها وطرحت عليه المشكله .. اتعلمون ماقال؟؟!! هذا الموظف يملك كود يسمع له بسحب فواتير بناءا على طلب من وزارة الداخليه.. سبحان الله الداخليه تعرف كيف تصل الي وكيف تخرج جميع الارقام الواردة والمستلمة الخ الخ …وليست بحاجة لموظف الاتصالات واكمل حديثه قائلا: ولايمكن ان نعاقبه بأي شي اذهب الى وزارة الداخليه وقد شكواك هناك؟؟؟؟؟؟ عجبي!! حملت نفسي وخرجت من مكتبه متبسما قائلا اذا كان رب البيت لدف ضاربا فشيمت اهل بيته الرقص.. ولا انسى ان الموظف حسب تحرياتي الشخصيه انه يقول .. لو اعلم انه سيلحقني ضرر جراء فعلتي تلك مافعلتها.. وانا اقول من امن العقوبه.. اساء الادب وللمعلوميه انا اتحدى وليد الرديعان ان ينكر ذلك.. وانا مستعد باثبات اي شي اذا انكروا صوره مع التحيه للاخ وليد وللدويش واسف للاطاله

  7. متى سمعنا عن شي كويس بهالشركة الخايسه موبايلي رغم تضييق هالشركة البايخه عليها ورغم الصغر وتوها باديه وربي افخم منها خدمات شركة الامتصاصات السعودية ابي شي واحد بس كويس خطوط dsl زي وجيههم!!! جوال عليك رسوم سواء مقفل او فاتحه!! رسوم على الهاتف الثابت!! اذا صارت الرياض دوله لحالها صار الامر مسموح عند اللتاصالات السعودية تحويل جوالك الفاتورة الى بطاقة سوا!! خدمات وكانهم يصرفون عليك ماكن منتهم بالحفره اذا ردو عليك كيف اقدر اخدمك ولما تطلب خدمه قال من المشرف!! ليش ترد اجل يالوح دائما هم الصح وانت الغلط احتكار للشي لابعد حد جوالك يقطع والسبب فاتورة بيجر قبل10 سنين ماسددته !!! يوم صنفت فصلوه مديونيه <<<زي بطاقات فيزا تزود وانت ماتدري!!! الجوال لغد واعد<<<<<لنهب واعد!!! اتصالك يهمنا<<<<<<لجل نشفط جيبك!! عزيزي العميل <<<<<<خط لشفط مالك بخدمات زي وجه مرسلها يعني المفروض يغيرو الاسم من شركة الاتصالات السعودية الى شركة الامتصاصات السعودية

  8. السلام عليكم ورحمة الله وبركاته … يقولون النظام و يظلمونك طلعت رقم مميز بستمية ريال انفصل لمدة شهرين تفاجأت انهم بايعينه لواحد ثاني وواحد من الزملاء عنده رقم مفصول له سبعة اشهر ولا قربوه طيب ما ابي الرقم خلاص بس اخصموا إللي دفعته في التميز من الفاتورة قالوا لا النظام ويسيغون النظام على كيفهم وهم شركة يا اخواني الكرام والله ما انصب منهم إلا موبايلي … تحياتي لكم . . والله يعينكم . .

  9. كل واحد فينا قاعدته مع الشركتين ذول ( لا تشتكي لي أبكي لك ) وبالنسبه للأخوان الي يدافعون للشركه رايهم على العين وعلى الراس وأن شاء الله ودعواتي القلبيه لهم ان ما يطيحون بين فك احد هالشركتين ويرحون فيها سوا مع مشاكلهم او المماطله الي عايشين عليه خصوصا مع العروض الوهميه الي يقدمونه مثل عرض (قدم على خط وافاق مجانا) ولما تقدم شرط بتدفع فواتير كم شعر وتدفع قيمه اشتراك دي اس ال وانت ماوصلت الخدمه عندك وبالنسبه للشركات هذي أعتقد مافيه حل معها الا لو يكونون الناس يد وحده ويقاطعونهم يوم ولا كم يوم لين على الاقل الواحد تبرد كبده من المشاكل الي نشوفها منهم والمماطله الي جالسين يمسخرون فيها العميل بعروضهم وبخدمات الانترنت والدي اس ال.

  10. ياناس انا مقدم ع الدي اس ال من عام 1426 ولها اليوم ماوصلني .. بينما الحي الل يبعد عني 5 كيلوا شغال فيه الإتصال … اي منطق فاشل هذا ؟؟؟ المفروض ان الخدمه تتوصل في الأحياء جميعها … وغير هذا .. الأتصال ماعمره وصل يوم للسرعه ال مشتركين فيها .. يعني اذا عندك اتصال 512 او 1 ميج .. هل هذي فعلاً السرعه الل انت تتصفح او تحمل فيها … اتحداك … لي زميل في احد الدول الأقل منا تطور الإتصال عنده يصل لـ 20 ميجا في الثانيه .. وأحنا مبسوطين بـ 4 ميجا … وعمرنا ماشفنا 256 كامله فنشوف 4 ميج هذي المره

  11. كله كوووم والرسوم الي من سنة جدي كوم الرسوم الضاهر من عام 1400هـ ما تغيرت والي متعاطف مع الاتصالات ويدافع عنها شكله مطلع جواله قبل سنه – نسى ان رسوم الجوال كانت عشرة الاف – وثلاثة الاف وخمس مية – والف وخمس مية!!

  12. ما أقول إلا مثل ما قاله .. ناصر ( الردرقم 7 ) المشكلة أكبر من لعب الإتصالات فكر .. وش سبب اللعب أصلاً ..!!

  13. بعد السلام ,,,,, عندي رأي على كيف كيفكم لو يعمم قروب ابو نواف ويتعمم على كل القروبات على أنه في يوم معين في تاريخ معين(يتفق عليها الشعب كله) على أنه اليـــوم مـــــــــا فيه أي إتصـــــــــال يعني بالعربي (إضراب) و بكذا تطيح ميزانيتهم شوي

  14. الاخ خالد السلام عليكم ورحمة الله وبركاتة عزيزى خالد كلامك على عينى وراسى ولكن عندى سؤال صغير،،، اين العقلية الاستثمارية لدى شركة الاتصالات السعودية مع وجود منافس اجنبى وهى شركة وطنية؟؟

  15. اولاً احب اشكرك اخوي معاند على هذا الطرح الرائع الذي قد يستفيد منها الجميع وخصوصاً شركة الاتصالات نرجع للموضوع …. نعم شركة الاتصالات لها سلبياتها ولكنها الافضل بالمملكة ولو نجي نقارن بينها وبين شركة موبايلي عن احد الخدمات مثل خدمة جوال نت ( الكنكت ) تعال شوف شركة الاتصالات عندها الخدمه متوفرة تقريباً في جميع مناطق المملكة ( الجيل الثالث ) هذا شي ايجابي ولكن الشي السلبي هو ان الخدمه محدوده يعني لما تجي تشترك فيها ماعندهم غير باقتين مثل باقة واحد قيقا وباقة خمسه قيقا يعني مافي تحميل مفتوح ولكن تغطية الجيل الثالث تقريباً في جميع مناطق المملكة بالعربي شي يغطي شي تعال الى شركة موبايلي اعلانات ومدري ايش يعني بالعربي مسوين زحمة والشارع فاضي لهم ايجابيات وسلبيات تعال نشوف خدمة الكنكت لما تجي تشترك بخدمة الكنكت تحصل الخدمة جداً رائعه يعني مو مثل الاتصالات التحميل محدود لا عندهم شي واحد الي تتميز فيها عن الاتصالات والي هو التحميل مفتوح 350 ريال بالشهر هذا شي حلووو لكن تعال الى تغطية الجيل الثالث انا يامحاتسيكم ساكن في مدينة حائل مافيها ابراج جيل ثالث يعني موبايلي مسويه زحمة واعلانات ولما رحت لمقر الشركة عندنا قالو والله مافي ابراج جيل ثالث بحائل يعني شوف القهر وشوف الفرق كيف جميع الشركات لا تخلو من الاخطاء والمطلوب هو تصحيح الاخطاء فقط هذا هو مطلبنا ياخوان واسف على الاطاله تحياتي للجميع ولمجموعة ابو نواف التي اتاحة لنا الفرصه بالمشاركة على هذا الموضوع

  16. أكثر ما يضايقني .. أسعار الرسائل.. ذات الرسائل ترسل من النت و السعر لا مقارنة.. 30 هللة للرسالة . كثير جدا ولكن ماذا نفعل لا مفر.. و حتى برنامج قطاف ما أعطى مميزات كافية لقيمة الفواتير الكبيرة..

  17. المشكلة إن الحكاية من هيئة الإتصالات السعودية حاطة حدود للشركتين مايتعدوها بالتخفيض وكل هذا على حساب الشعب مازال هناك دم بالشعب قابل للمص فلماذا لايمتصونه لآخر قطرة ؟!؟!؟ هناك الكثير من الشركات العالمية لديها خاصية الإتصال المجاني مقابل رسم شهري معين ,, عندما تتصل مابين أرقام الشركة ذاتها ,,,, لماذا لايعملون بهذه الخدمة هنا ؟؟ لاحول ولا قوة إلا بالله عموما هذه المشكلة لاتقتصر على شركة الإتصالات فقط بتقصيرها ,, فهنالك المياه أيضا التي تنقطع 8 أيام بالإسبوع وقس على هذا مع باقي الخدمات نرجو من المسؤولين عن هذه التصرفات التي تنم عن إستغلال واضح وإمتصاص لدم الشعب أن يراعوا الله في تصرفاتهم فهم مسؤولون أمام الله سبحانه وتعالى يوم لاينفعهم مال ولا بنون وأود أن أشكر مجموعة أبو نواف على إتاحة الفرصة للناس للعبير عن مواقفهم ومعاناتهم شكرا أبو نواف

  18. فعلا لو تم وخرجت شركة موبايلي عن نطاق شركة الإتصالات ودخول شركات جديدة كما نسمع هذه الأيام عن دخول شركة زين الكويتية فامليون بامائة أن شركة الاتصالات ستغير من خدماتها إلى الأفضل مع جزيل الشكر لأبو نواف

  19. كل ابو شركات الجوال في العالم نصابين الجوال تكلفته اقل بكثييير من الهاتف الثابت والاتصالات ماشالله نعرف كم كانت اسعارها قبل ما تجي موبايلي لكن الاثنين ذولا يبي لهم رجاجيل ينطلون الجوالات اسبوعين ياخي عشان تطالب بحقك ان تشوفهم يخفسون لك السعر خسف

  20. شخي يانملة وزحلقيني دحين هذي شركة الاتصالات السعودية إللي مسوية زحمة ف شارع فاضي جايبتلنا شركة ثالثة بالله تتوقعوا الشركة الثالثة مشموح لها اللي مو مسموح لموبايلي

  21. بصراحه وباختصار شديد جدا.. المشكلة مو بالشركة ولا بخدماتها ..المشكلة فينا كشعب وكمجتمع .. مع بالغ الاحترام لكن كلامك غير منطقي ابدا ابدا .. كيف تقارن شركة خاصة لها رأس مال بقطاع حكومي مثل الدوريات ! للاسف اغلب الشعب غير مثقف ولايعرف كيف يقيس الأمور لذلك يضعون اللوم على الاتصالات واللوم كله اولا واخيرا على عدم تفهمه !

  22. بعد استخدامي لمودم الجوال ارتفعت الفاتورة في خلال 3 ايام من 500 ريال الى 1000 ريال مع اني مشترك في الباقة المجانية, وأزيدكم من الشعر بيت أن سرعة الاتصال في تغطية الجيل الثاني هي 53 كيلوبايت في الثانية يعني نفس الدايل أب وفوق هذا كله يقول أنه اسرع مماتتصور حسبي الله عليهم

  23. الحقيقية انني اتوقع الافضل للشركة التي ستأتي فقط في حالة الغاء وتجميد حركة هيئة الاتصالات لانها وبالفعل هي سبب كبير مهم جدا في نمو اي شركة إتصالات ..!! وخذ على سبيل المثال شركة موبايلي تتلقى من التحجيم مالله به عليم وفوق ذلك وتلك لازالت تقاوم .. اتركوا عننا مسألة الدعايات تلك .. ودققوا في مسألة التراخيص المتلعقة بشركة موبايلي .. على سبيل المثال الترخيص الممثل بشبكة الواي فاي حينما قدمت عليها شركة موبايلي رفض التقديم لأسباب واهيه .. ولكن لما لفت ودارت عليهم مرة ثانيه من خلال ممثلين من بعيد لبعيد اخذت العقد الحصري لمدة مدري 25 أو 20 سنة قدام .. ألغوا الاتفاق اللي بين هيئة الاتصالات وشركة الاتصالات .. وراح تشوفون التنافس كيف يمشي !! وان شاء الله اني متفائل خير بدخله الوطنية عندنا

  24. ما أدري وش أقول صراحة لكن شركة الاتصالات أكلتنا وجحدتنا تاخذ منا فلوس وتعطينا أسوأ الخدمات

  25. اولا تابعوا سرعات النت في الدول المجاوره الخليجيه و العربيه و بتعرفوا اننا من ابطأ مقدمين خدمات الانترنت و الجوال و اغلاها تكلفه مع اننا افضل اقتصاد منهم بكثير. الاتصالات تقدر تطور خدماتها و تنزل اسعارها بس هم يبون ياخذون الاضعاف على كل جديد ينزلونه من اول يوم صارت شركه ز هذا اسلوبهم مع الشعب ولا ننسى ايام الجوال ب 10000 والدقيقه ب ريال وعشرين هلله. و الخليج كله كانت الدقيقه ماتزيد عن 20 هلله في كل دول الخليج.

  26. خلال فترة الإعلان عن تأسيس خط هاتف ثابت وخط dsl قدمت طلب جاني في وقت قياسي ففرحت جدا لكن تفاجأت عند تسديد أو فاتورة ان هذه الخدمة ليسبت مجانية بل مجرد دعاية بس ورسوم التأسيس كاملة موجودة في الفاتورة فتعجبت وقلت وش الحل قالوا للأسف لازم تسدد وإلا نقطع عنك الخدمة !!!!!!!!!! فماذا أفعل والفاتورة صادرة وبأسمي ؟؟؟

  27. شركة الاتصالات السعودية اكبر شركة متخلفة في العالم العربي والغير عربي هل تصدق ان لدي فاتورة ( بيجر ) لا زالت تحسب علي رسومه مع العلم اني طلبت ايقاف الخدمة وطلب مني السداد وبعد السداد لم تفصل حتى الان ؟ هل تصدق ان لدي هاتف ثابت طلبت ايقافه وطلب مني السداد فسددت الفاتورة ولم يفصل وعند الاستفسار اتضح ان لدي هاتف في مدينة الرياض عليه مديونية بالرغم اني لم اسكن في الرياض ولا اعرف حتى الرياض الا من خلال التلفزيون !!! ومع ذلك لم يوقف هذا الهاتف الثابت والسبب هو انه يجب علي سداد فاتورة الهاتف الذي في الرياض حتى يوقفوا الهاتف الاخر الذي يبعد عن الرياض اكثر من سبعمائة كيلو . عجيب !! لماذا شركة الاتصالات تترك خدماتها تعمل لدى الاشخاص الذين لا يرغبون في استخدامها ؟ لماذ تجعل فواتير الخدمات تتراكم حتى مع علمها بان المواطن لا يرغب في استخدام هذه الخدمات وطلب بايقافها وتطالبه هي بالسداد لخدمه اخرى عليها خلاف ؟ اليس هذا استغفال و ابتزاز واستهتار بالمواطن الذي ربما لا يجد الوقت الكافي للذهاب الى احد مراكزهم و مواجهتم وايقافهم عند حدهم ؟ ام ان قنوات الحوار الصريح اصبحت بايديهم بحجز مساحات اعلانية تدعم هذه الوسائل لذلك فهي تتجنب طرح اي مواضيع تمس او تنتقد جنابهم الكريم !!؟ هل تعتقد شركة الاتصالات ان تراكم الفواتير على المواطن الذي لم ولن يسدد سمه جيده في التعامل ؟ اما انها ستستوفي هذه الفواتير على شكل اقساط شهريه بفوائد ؟ ام انها تعتقد بان الورثه سيسارعون بالسداد عن المرحوم ؟ اتمنى ان لا اكتب هذا الموضوع اكثر من ثلاث مرات كما فعل الاخ فهد التميمي مع ان اتصاله ليس له دخل بنشر الموضوع شكراً ابو نواف مقدماً

  28. انا بقول شي واحد .. تم بحمد الله تغير مسمى شكرة الاتصالات الى مسماها الجديد شركة ( الإنفصالات ) حراميهـ يسرقونك عينكـ عينكـ .. موبايلي وبس والباقي خس خخخخخخخخخخخخخ الدي اس ال طالبه لي اكثر من سنه .. !! سوا .. طفروني ..!! الجوال .. قال سعر الاشتراك 20 قال .. والفاتورهـ 2000 يلعن ام الحراميهـ ياشيخ .. جوال نت … طريقك الى السجن بقضية دين .. موبايلي .. يالبى قلبكـ .. بحبكـ أوي …

  29. بصراحة انا كنت مشترك مع شركة نسما بسرعة 512 وكانت زي الحلاوى .. بعدين يوم شفنا عرض افاق قلت بس نحوول عليهم وتجينا مرهـ وحدة بالفاتورهـ .. اتصلت عليهم وحولت السرعة الى 1 ميجا وبعدها ارسلوا لي الاشتراك والباسورد .. المهم فتحت النت وندمت على الاشتراكـ معهم .. يعني الصفحات بالقوة تفتح التحميل زفت يعني من 13 الى 15 كيلو بايت فقط .. كنت بنسما 512 شغال زي الحلاوى وسريع وتحميل من 60 الى 70 كيلو بايت .. والحين اتصلت عليهم وطلبت الغاء الاشتراكـ لكن قالوا لي لابد ينحسب عليكـ الشهر .. طبعا قالي ممكن تعوض .. ترسل بالفاكس للادارة انك ما اشتغلت على النت الا كم ساعة ونحاااول نعوضك بالمبلغ .. يعني نخصم لك من الفاتورة .. وانا بصراحة كنت متوقع ان الخدمة زفت بس قلت عاد نجرب ونشوووف .. الله يعينا عليهم ..

  30. ياخي للي يقول ان الاتصالات السعوديه شركه وطنيه انصح ان يشوف اسعار dsl حول العالم او يسافر خارج السعوديه لليتعرف علي الحقيق الاتصالات

  31. يا جماعه هدو اعصابكم لايوجد قانون يحمي المواطنين من اطماع المستهلكين والكل يسعى ورا رزقه باي طريقه … الحرام والحلال واحد عندهم هذي مصيبه وهكذا يصنعون الارهاب بايديهم

  32. ما دمنا نصدق ونسلم بتصريح اي مسؤول يكذب علينا فالوضع لن يتغير وليس هناك منافسة شريفة كما هو حاصل في معاناتنا مع شركات الطيران

  33. انا احد المواطنين اتصل بخدمة 902 لكن للاسف ولا يوجد رد على مكالماتي وهذا ماحصل مع احد المواطنين الذي كتب في جريدة الرياض عن عدم الرد على المكالمات هل هذا هو فعل نقص في الموظفين ام تهاون في عدم الرد على المكالمة للاسف هذا ماأتوقع ان يكون عجز في الموظفين وانا قد تقدمت لشركة الاتصالات بالتوظيف لكن لايوجد رد على طلبي اذا كنتم يااخوان تريدون فعلا موظفين فانا احد من يريد التوظيف هذا والله يحفظكم ويرعاكم

  34. السلام عليكم ورحمة الله وبركاته يا اخوان نبي نطلع من الحوار بفايده الي عنده مشكله مع شركه الاتصالات او موبايلي يقدر يشتكيهم واذا ما اخذ حقه يقدر يشتكي على هيئه الاتصالات ويجيبون له حقه . لكن انا شايف ناس مشكلتهم مو بشركة الاتصالات عندهم مشاكل ثانيه الله اعلم فيها ولقوا الموضوع فرصه لهم لرمي الكلام يمين ويسار والتلميح لاشياء ثانيه وانا اقولهم ترا كل الي تكتبونه امانه وسوف تسالون يوم الدين شركة الاتصالات مالها دخل بمشاكلكم . يا اخوان نبي نستفيد من هالحوار خلونا نطلع بشي مفيد ماينفع كذا انا معاكم انه فيه مشاكل كثيره وسلبيات كثيره على الشركه لكن وش الحل خلونا مثلا نسوي شكوى موحده من القروب وهذا على سبيل المثال والي عنده اقتراح افضل يقوله . اتركو الهذره الي ماوراها فايده وركزو على الي يفيدكم والي له اغراض ثانيه من ذم الاتصالات ويلمح لاشياء ثانيه خارج الموضوع يروح لاقرب دكتور نفساني .

  35. السلام عليكم ورحمة الله وبركاته اشوف السب واجد على شركة الاتصالات والله حرام عليكم شركة الاتصالات حلوهـ بس عليهم بعض الفترات يمكن تكون زفت او أسوى من الزفت بس تبقى شركـه قويـه احسن من موبايلي الحين عندي انا جوالين اتصالات وموبايلي موبايلي اذا وصلت الثمامه ما فيه ارسال,.؟؟ بس داخل المدينه كويسه بعض المدن او القرى الكبيره شوي مافيها ابراج موبايلي وهذ1 موو انقص من شركة موبايلي بس انا لو يقولولي وش تختار الاتصالات ولا موبايلي ابختار موبايلي.. وانا اقول ان موبايلي لهـامزاياها وخدماتها واتوقع يون لها مستقبل زااهـر وهـذ1 فقـط مجـرد رأي وتقبلووو تحياتي مدمن سريلاك

  36. انا أُيد الاخ مفيد في كلامه لا بد ان نطلع بفايده نحن لا بد ان نتكاتف لمقاطعة خدمات شركة الاتصالات بحيث لا نستخدم سوى خدمة الاتصال فقط والخدمات الاخرى حتى وان كانت مجانية فلا نستخدمها واذا اقتضى الامر نغلق جوالاتنا في اوقات الذروه بشكل جماعي ولمدة ساعة واحده وكذلك نغلقها عند النوم بشكل جماعي اعتقد ان هذه الطريقة او غيرها سوف تجدي نفع ومن لدية اقتراح اخر فليتفضل

  37. للاسف شركة الاتصالات السعودية على الرغم من الاعلانات اليومية في جميع نقاط التوزيع وزيادة ارباح الشركة كمشغل اول في السعودية الا ان الخدمة سيئة وستضل سيئة وعلى الرغم ايضا من وجود المنافسة . التاريخ يعيد نفسه في كل سنة قبل العيييد تزدحم الخطوط ولا يستطيع احد تنفيذ مكالمه الا بعد طلوع الرووووح. واذا اتصلت على 907 تنتظر قرابة الاربعين دقيقة واذا رد عليك الموظف وكان شئ لم يكن ولا اعتذار ولا شئ لانه مطمـأن انك لن تستطيع ان تفعل شئ . واحيانا اتصور ان المشكله هي تكمن فينا نحن اذا لم تعترض على اسلوب الخدمة ونكتب الشكوى تلو الاخرى لن تتقدم شركة الاتصالات السعودية وستضل سيئة الا الابد. وما اقووول الا حسبي الله ونعم الوكيل .

  38. السلام عليكم ورحمة الله وبركاته أخواني الأعزاء فعلاً نجد نصب كبير وشاسع من الاتصالات السعوديه وشركة موبايلي هناك السرعه في الانترنت كذابه واسعار خياليه وكنكت موبايلي ايضاً نجد السرعه 7.2 وهذا كذب لم اجده انا سرعة موبايلي تساوي سرعت DSL الاتصالات وهناك خلل فيها يوم تعمل ويومين لا تعمل وايضاً في شركة الاتصالات نفس الكلام . هناك بعض الدول الانترنت بلاش وهي فقيره لمذا نحن ندفع مبالغ خياليه لمذا لايكون الاشتراك مجاً .. ارجوا ان الله يهديهم على مايحبه ويرضاه .. تحياتي

  39. مانقول الأ الله يعين المواطن حسبي الله عليهم من شركة اتصالات في الجوال ماصار لك يومين من سددت الفاتوره تجي لك بعد يومين فاتوره ازيد ب50 ريال عن الى قبل >_< حسبي الله يلا نشوف يمكن الشركة الثالثه تسوي خير انشاء الله تصير فاعلة خير

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شركة الاتصالات السعودية .. وخزعبلات المنافسة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول