شرح طريقه اخذ التاكس فري ( الضرائب ) في مطار ميونخ‎


التاكس فري في مطار ميونخ

اللي واضح لي انه فيه شركتين تاكس فري في المانيا والنمسا
هذولا هم الشركتين

1 – Global blue
http://www.global-blue.com/

2 – Taxfree worldwide
http://www.taxfreeworldwide.com/

مطار ميونخ مافيه الا شركه Global blue
انا كان على بالي ان كل التاكس فري واحد ممكن اي شركه تعطيك فلوسك
طلع كل شركه تعطيك اللي يخصها
وفيه تاكس فري لازم ترسله بالبريد للشركه الام حقت الماركه اللي انت شاري منها
طبعاً كل فاتوره لازم تكتب عليها
اسمك كامل
عنوانك
المدينه
الدوله
ورقم الجواز

**هذي بعض الفواتير للتوضيح**

النوع الاول من الفواتير

النواع الثاني من الفواتير

علشان تعرف ان التاكس فري يخص اي شركه… تحصل خلف الفاتوره شعار الشركه

نجي هالحين لمطار ميونخ
هذا كروكي لموقع التاكس فري في المطار في
Terminal 2

اذا انت جاي من مكاتب تأجير السيارات
راح تجي من الجهه الغربيه اللي فوق
واذا انت جاي بتكسي ولا باص المدخل الشمالي زي ماهو واضح في الصوره

*كيف تاخذ فلوسك خطوه بخطوه
1- اجمع الاشياء اللي عليها تاكس فري يخص شركه Global blue
في شنطه لحالهم معهم الفواتير
2- تروح لكاونتر قص البوردينق وتقص البوردينق واذا جيت تعطيه الشنط علمه ان فيه شنط بتوديها للتاكس فري علشان مايدخلها مع باقي الشنط
3- بعده تاخذ شنطتك و تروح للمربع الازرق اللي في الخريطه فوق اللي هو الجمارك علشان يطابق فواتيرك مع الاشياءاللي وسط الشنط وبعدها بيختم فواتيرك
اهم شي لاتنسى تعبي بياناتك على الفواتير لان موظف الجمارك ماراح يمشي الفواتير بدون بيانات
4- خذ فواتيرك ورح لمكتب Global blue
اللي باللون الاحمر في الخريطه وعطهم الفواتير وبعدها خذ فلوسك
5- خلاص رح ضيع فلوسك في السوق الحره 🙂

بالنسبه لشركه Taxfree worldwide
هذا بروشور خذته من واحد من المحلات ممكن يفيدكم شوي

وهذا ظرف يجي مع بعض فواتير التاكس فري عليه العنوان وكل شي مالك الا بس تحط فواتيرك فيها وترسله بالبريد  طبعا لازم تختمها من الجمارك بعد.. قبل لاترسلها بالبريد

Twitter : @mosaadona


تعليقات 2

  1. اولا اشكرك على الموضوع وعلى توضيحك بس اعتقد انه كان ينقصه مقدمة عن نظام التاكس فري وكيف طريقته عشان يعرفون الناس اكثر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شرح طريقه اخذ التاكس فري ( الضرائب ) في مطار ميونخ‎

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول