شحاذه 2007


السلام عليكم
كيف الحا ل؟ عجز لساني عن الشكر عشان تعليقاتكم السابقة على اول موضوعاتي 
وعجبني النقد لان هذاك كان اول موضوع لي وان شاء الله ابشروا بالمفيد والجديد ومايرضي الله ثم العبيد ====>لاتفهموني غلط كلنا عبيد الله
هاذي كانت مقدمه
الا سؤال يطرح نفسه لازم نحط مقدمه ====>حط موضوعك وخلصنا مع وجهك  خلاص لا تعصبون


الحمدلله رب العالمين

يمكن عنوان الموضوع مألوف بس ماعليك من المظهر عليك من الجوهر

انا احد سكان المنطقة الشرقيه في المملكه الحبيبه بالقرب من المملكه الحبيبه

من حدود كم ساعه او كم يوم او كم اسبوع او كم شهر  والله ماني ذاكر بالظبط ايه ذمه بعد تعرفون الواحد محاسب يوم الدين

المهم مالكم بالطويله  حصلت لي بعض المواقف  وانتو ابقاكم تحكمون

وانا رايح من المملكه الحبيبه الى المملكه الحبيبه واقف عند اخر محطة نزلوا البشكه الي معاي يتشرون لهم بعض الاغريضات ===>اشدعوه رايحين مكه

الا اشوف ذاك الموتر الخليجي الكشخه وفي عايله محترمه ===>ايه هين

الا شوي العيال بيركبون واشوف ذا الموتر بغمضت عين مصفط جنبي ما شاء الله هالدرجه مملوح انا ===>ياشين الواثقين

شوي ينزل الدريشه (قزازة السيارة ) استانست انا على بالي بيسألني عن مكان منا  ولا مناا مع العلم ان ما قدامنا الا الجسر قلت يمكن ان بعض الظن اثم ويسلم علينا هالكشخه

ويقول والله يا شباب لو تقطون لي لاني بروح لديرتي ولا عندي فلوس ومادري ايش ويعطينا من هالافلام افلام امينة رزق …الصراحه الحق ينقال الشباب وراهم سفره و متبيخلين على دراهمهم المهم انا الصراحه في نفسي شكيت بامر هالرجال الصراحه الرجال مو خليجي الجنسية لان لهجه كلامه قريبه من لهجه كلام اهل نجد والعيال الي بالموتر ملونين عندهم ولد ابيض وولد اسمر وولد بر وولد مفرود ===>قلب مخبز مو سيارة

والله يمكن ماتصدقون هالموقف الا ولد العم سعللي دايما اخر واحد الا يجيه موتر كشخه ونفس الحكايه بس هالمره خليجي ولكن من دولة ثانية

بعد ذي حركه جديده الصراحه

  ممن ناحية الشحاذه المشكله اقبياء ذولي لانهم يسووون نفس الحركه وبنفس المحطه وبجنب بعض بس المواتر اختلفت ا خخخخخ 


والموقف الثاني صار بديرتنا خرجت مع الوالده من البيت الى البقاله نتقضى للبيت (يبقى يعلمكم انه بار بوالديه ومناك موديهم بفلوس )الا يجينا فورت على قولت الشيبان عنابي موديل 99 مع حريمه سلم الرجال قلت نفس الحكايه يمكن يبقى يسالني عن حاجه منا ولا منيا لا وهذا بعد محدد المبلغ يبقى 150 ريال عشان ليش يبقى يروح المدينة يقول ضيع الطريق وجا الشرقيه وبطاقتة خذاها الصراف و…و…الزبده خوينا فاشل بالتمثيل قلت كالعاده الله يعطيك

لان القصه ماخشت مزاجي وكاني شايفها بفيلم خليجي مدبلج اسمه طاش ما طاش


وكمان في احدى المولات (جمع مول بالعربي مجمع ) هالمره شحاذه من الجنس الناعم جاتنا وحده مزكرشه ومكشخه ومعاها ولدين مادري من وين جايبتهم اظاهر عيال الحاره الي يلعبون كوره واحد بست سنوات والثاني تحت العشر سنوات وعليكم الحسبة طبعا انا كنت مع الاهل خبركم للحين مادخلت القفص المؤبد المهم تقول لنا ان هي ناسيه محفظتها بالبيت وان بو ست سنوات يبقى يلعب وتبقى فلوس عشان تلعب البزارين الي معاها وتعشيهم وحنا ومدت يدنا ===>ماشاء الله بنت اصول ذربه

انا استناست قلت شكلها معجبه فيك يا مكسيما باشا قلت لها بروح اصرف وبجيك على بالي تبي الرقم ولا العنوان اثاري البنت صدق طلعت موظفه بشركة شحاذه لميتدد  وطحت انا من عين نفسي


واخيرا وليس اخرا بتنوين الاف وانا على الكورنيش ( مادري شفيهم علي يحسبوني ولد نعمه شكلي بحلق السكسوكه ه)جاي ذا البنقالي عاد هالمره كنت مع شباب مو عوايل بس مو هم الشباب الي رحت معهم المملكه ===>شكل الموضوع بنحذف خخخخ 

سلم علينا البنقالي ولا ويسالنا عن اسامينا يعنني مشبه عليكم كل ماعطانا اسم قلنا لا مو هذاي اسمينا فالاخير ياس وقال انا ابقى اكلم بالجوال لان ماعندي رصيد البنقالي تحط عمره مابين الخمسين والستين ويقول يببقى يكلم اهله قلنا له و الله حنا ماعندنا رصيد فالنهاية ياس كالعاده وطلعنا دمعتين (الظاهر كان يبقى الجوال عشان يحط موسيقى حزينه للتمثيليه الي بسويها لنا ) قال يبقى خمسه ريال ===>حتى بشحاذه قنوع

عاد ليش يبقى الخمسه ريال ؟سؤال يطرح نفسح على قولت استاذ فتحي الله يذكره بالخير

يقول امه تعبانه وانه مالقى حد يسلفه ادري منتو مصدقين هالافلام والله المشكله هذا الي صار ويقوم واحد من الشباب الخيرين مدله المقسوم وراح عنا وغاب في الزحام

نهاية الكلام

ادري طولت عليكم بس شوفوا اشلون الدنيا تغيرت حتى الشحاذه (التسول ) تغيرت طرقه  وحنا لحد الان ماطورنا حتى نظام  القبض على المتسولين والتصدي لظاهرة التسول

يعني تخيلوا في بلاد وارض الحرمين ان هناك بشر يتعاملوا بشتى الطرق كانهم نسوا  حديث رسول الله ونهي الاسلام عن التسول فياليت انكم لا تتعاونون مع هالظاهره وتخلونها تنتشر لاشعوريا بمساعدتكم لها ونصيحه اخويه دنيويه اذا بالفعل راغب بالاجر رح اقرب مركز اسلامي او هيئه اغاثه أو الندوه العالميه لشباب وتبرع او تصدق حتى لو بالقليل لان الصدقه تطفي غضب الرب وتقوي الإيمان

ودمتم


تعليقات 2

  1. السلام عليكم ورحمة الله ظاهرة التسول بدت تتنتشر بشكل كبير خاصة في مجتمعات الخليج ظناً منهم أن اهل الخليج مرتاحين .. مايدرون اننا منتفين ويجي نص الشهر الجيب مشقوق .. عموماً اخوي موضوعك ذكرني بمتسولة دخلت مرة لواحد من المحلات اللي نحن فيها وجلست تقول معلقة كاملة وبحكم ان الوالدة ماتحب هالحركات قالتلها : يوم انكم بتشحذون مثلّوا صح انكم فقارى .. ولا لابسة عباية احسن من عباتي وتشحذين؟ والله ياما ناس مستورين فيهم من الفاقه والعوز ما الله به عليم ولكنهم لا يرضون بالمال الا حلالا زلالا .. واحيان تشوفهم يبيعون اشياء بسيطة لعزة نفسهم وتعففهم عن سؤال الناس الحافا بارك الله في موضوعك وانتهاجك فيه منهجا طيبا

  2. يعطيك العافية مكسيما بيك بس موضوعك عجبني و الله يصير بشكل كبير حتى انا صار لي كم مره

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول