سور نادي الخلود


هذا سور نادي الخلود السعودي في مدينة الرس السور انهدم قبل سنتين وهذا السور الجديد ملاحظة : هذا السور سور الملعب الرئيسي بالنادي (نادي الخلود : رياضي . ثقافي اجتمماعي):D





تعليقات 22

  1. أخوي والله ..ان في اشياء اكبر من كذا المفروض نهتم بها.. ملعب ..كره قدم..لاهو مدعوم مادي ولا معنوي..وبعدين يمكن..يبون يفتتحوا واحد أخر.. وانت جاي تفضح..مذدري..هذا اللي استفدناه من النت..تعليقات بايخه..ومواضيع مدري وش تبي انت اللحين قلي وش استفدت. ملعب.وطايح سوره.. فيه مدارس طايحه جدرانها..والسقف اللي بالفصل.وغيره وغيره. وقفت علي ملعب يعني..

  2. شف اخوي اعرف انه فيه اشياء اكبر وبعدين انا مانزلت الموضوع عشان انكت ولا اطلب منك تظحك او عشان افظحهم انا منزلة لهدف وهو انه مافيه اهتمام بأندية الدرجة الاولى والثانية بعدين كل واحد له مجاله خلاص ننتظرك تنزلنا صور مدرسة طايح سقفها وبعدين يوم تقول انه بيفتحون ملعب ثاني الحين اقولك مايقدرون يصلحون سور تقولي ملعب جديد كلامك متناقض ياليت تراجع نفسك قبل لاتكتب اي كلمه

  3. اخوي strange اول شي الله يعطيك الف عافيه على الطرح المميز فيه ناس تشوف وتنتقد ولا تدري الصور الي تنزلها هاذي يفهمونها اهل المدينه واهل الباديه يضيعون فيها 😀

  4. مشكور يا strange على هذي الصوره والله يعطيك العافيه الحقيقه ما في اهتمام بالنوادي عندنا يقولو :اتحاد ؛ هلال ؛ اهلي 000الخ ما عندك احد شوفو في اوروبا كيف الأنديه والملاعب اللي تعجبك الواحد ما وده يطلع من الملعب والجماهير اللي بالملايين و يا ابو ايماس ترى السالفه صوره واضف تعليق مو لازم تطول لسانك اذا ما عجبتك الصوره لا تعلق وانتهى الأمر0 وشكرا الرجاء لا احد يزعل انا اقول الحق يا ابو ايماس

  5. :~ والله تقل سور مقابر :$ وين الرئاسة العامة لرياضة والشباب عن مثل هذي الصور مشكور أخوي على هالصور وعلى التغطية شكلك خلودي 😀

  6. فيه انديه من دون ملعب او ملعب كله حفر وهي في الدوري الممتاز لاكن ارجو منك انك تقدم موضوع يستحق الشهاده وشكرا

  7. والله انك صااادق اخوي نجماااوي كنها صور مقاابر ……. >>>>>>>> اعجبتهاااااا خلودي :D:D

  8. اقتباس (( فيه انديه من دون ملعب او ملعب كله حفر وهي في الدوري الممتاز لاكن ارجو منك انك تقدم موضوع يستحق الشهاده وشكرا)) اول شي مين قالك ان هالملعب اوروبي بس ناقصه سور هذا ملعب يحتاج اعادة تأهيل حفر تراب مره ثانيه رد على اللي تشوفه ولا تروح للي ورا الجدار

  9. هذا وهم يتكلمون على خصخصه واحتراف … لماذا لاتطرح هذه الانديه للبيع وتحول لشركات مساهمه واللي يبغى يلتحق بالانشطه الرياضيه بالانديه يكون هناك رسم رمزي للاشتراك .. بدل من المهزله التي تعيشه انديه الظل (( قطع الكهرباء وخطوط التليفون لعدم تسديد الفواتير … معدات رياضيه متهالكه … اسوار متهدمه …اجواء غير صحيه ))؟؟؟؟؟؟؟؟؟؟؟؟؟؟؟؟؟؟؟؟

  10. هذا ما وصلت إلية رياضتنا للأسف في ظل تواجد الرئاسة العامة لرعاية الدوري الممتاز أكثر من 112 نادي تعيش على خط الفقر وتستنجد كل عام اعضاء الشرف في رحلات مكوكية يسبقها حب طتوف وخشوم من أجل التبرع اتمنى ان يلتفت البلطان للجار المسكين ( الخلود ) لعله ينهض مثل ما نهض الحزم

  11. اولا حرام عليكم ثانيا تلقى ماعندهم فلوس ثالثا مايصلح نتكلم عليهم وشكرا

  12. اللاعبين مامنهم فايده ولاجابوا ولابطولة تنس الطاوله وقالت الإدارة نستغلهم ويبنون الجدار الطايح ….يستاهلون ..!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

سور نادي الخلود

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول