زيارتي الى نادي تشيلسي الانجليزي


السلام عليــكم
يالله ان تحييني في قروب ابو نواف الدولي المفدى الكفوو << ضيع
هذي اول رساله ابعثها اليكم من صواميل قلبي وكنداسة مشاعري الاحساسيه اتجاه القروب المبدع

سلااام تحيه … ووووقف يا ولد

اعرفكم بنفسي ولا ما يحتااج

الزبده هذي رحلــه سويتها مره من المرارير في لندن << يبي يعلمكم انه يدرس بلندن الحين خخخ

وقررت انا وضميري نسوي رحله الى نادي التشيلسي

وبعد مناقشات حاره مع الشباب قررنا كلنا ومع ضميري بعد << الا يبي يدخل ضميره خخ

(( ادخل جو مع ماكل الجو ))

زيارتي

نادي تشيلسي

(معروف أيضاً باسم البلوز وباسم (Pensioners))،
تأسس عام 1905 م << احتفلو عام 2005 بمرور 100 سنه على تأسيس النادي

وهو فريق يلعب في الدوري الإنجليزي الممتاز لكرة القدم (البريمر ليق)
. يلعب الفريق على أرضه في لندن في ستامفورد بريدج والذي بإستطاعته إستيعاب 42,522 متفرج.
يتصدر فريق تشيلسي حالياً الدوري الإنجليزي بفارق كبير من النقاط عن أكبر منافسيه.

يملك النادي حالياً رجل الأعمال الروسي رومان أبراموفيتش << الله يخسه دايم اتذكرني كل ما يجي طاريه
والذي قام بعقد العديد من الصفقات الكبيرة في جمع الاعبين العالميين
كان أبرزها جلب المدرب جوزيه مورينيو إلى الفريق والعديد من اللاعبين الآخرين.

زيارتي

إنجازات وألقاب

* League Championship
o سنة: 1955, 2005
* 2nd Pision
o سنة: 1984, 1989
* FA Cup
o سنة: 1970, 1997, 2000
* League Cup
o سنة: 1965, 1998, 2005
* FA Charity Shield/Community Shield
o سنة: 1956, 2000, 2005
* Full Members' Cup
o سنة: 1986, 1990
* UEFA Cup Winners' Cup
o سنة: 1971, 1998
* UEFA Super Cup
o سنة: 1998
* FA Youth Cup
o سنة: 1960, 1961

والان ادخل بالصور كلها من تصويري << طيب درينا

في البدايه هذا طريقنا للاندرقراوند الي يبي يروح لنادي يدق علي بروح معه

ومتحمسين مره تشوفون نطلنا الكوره وقعدنا نلعب << العرق يحن لرياض وايامها

ايام الكوره بالقطه يوم الجمعه

زيارتي

وهذي صوره مستانسين كل واحد فااق وجهه يتميلح

زيارتي

ووصلنا بسلام ولله الحمد والمنه << اربطوه لا يخطب فيكم

وهذا مدخل النادي الرئيسي ابد ماراح بعيد عن نادي الشباب << يشجع الشباب

زيارتي

وبعدين هنا جانا واحد مقطوع راسه زي ما تشوفون يقول عوووو << يبي يفقش ولا عرف

لا امزح راسه مشفرينه << لا يكثر بس

هذا مدخل المتحف حقهم والملعب ووزي ما تشوفون فيه وراه محل يبيع كل شي تشيلسي روووعه

زيارتي

وبعدين شرينا تذكره لدخول المتحف وناخذ جوله في النادي

وهذي في طريقنا

طبعا الي في الصوره يشرحلي يقولي اذا تبي الحمام تلقاه يمينك وياشر << مايعرف يررقع

زيارتي

اول ما دخلنا المتحف حاطين مجسم للملعب قلت علي بالطلاق اصوره << كريم انا ياحبيلي

زيارتي

ثمن ودونا مكان المؤتمرات وتوقيع عقود الاعبين يقولون كل الاعبين الي وقعو جو هذي الطاوله بس الا الاعب ( رايت فيليبس ) يقولون قصير مره عطوه طاولة مدارس

وزي ما راح تشوفون ترززنا كلنا ووقعنا عقوود احتراف << اشوا انكم تلحقون كور وتخب

زيارتي

هماي قلتلكم وقعنا عقد ولا صدقتو ايه ما صدقتو لا تناظرون بنص عين << ياهي بتجيك الشاشه صاكه الطبلون

زيارتي

وهذي غرفة تغيير اللبس لهم ويتروشون اقولكم سر

تدرون ان كلهم متعوييييييديييين ديييييييييييمن يتروشون ولاعليهم شي

طيب وش فيك تصيح الحين خخخ>>

وهي نفسها الي انكسرت رجل رووني فيها

زيارتي

وهذي غرفة تغيير الي داخل

وياني شطبت على وجه ذا بعنف خخخخ

زيارتي

وهنا لحظة دخولنا للملعب << يحسب نفسه لاعب معهم

زيارتي

وفيه كم لقطه متفرقه للملعب

زيارتي

زيارتي

زيارتي

ثمن رجعنا للمتحف من طريق ماقد رحناه فيه الكؤوس وذكريات لهم

نبدأ بمجسم للاعب لامبارد

زيارتي

وهنا اغراض الاعب الايطالي زولا اقدره هالاعب

زيارتي

وهنا تلاحظون مكتوب طيران الخليج

زيارتي

وهذي من الطقوم القديمه مره

زيارتي

بعض من كؤوس النادي

والكااس يرجع دووولابه << اقعد يابو رايش

زيارتي

وهذي الصوره ما قبل الاخيره تبين لكم مدربين النادي على ممر السنين

زيارتي

واخر صوره لطقم التشيلسي كااامل بس المشكله شرينا وخلصنا الا التسلابه يقولون انهم بيغيرون الطقم مع شريكة اديداس !! يا خراااشي

زيارتي

^^

وش رايكم بس ملاحظين الفاتوره خخخخ

وانتهت رحلاتنا على خير

تقبلوو خالص احترامي وتقديري


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زيارتي الى نادي تشيلسي الانجليزي

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول