رز هندي عسكريم أبو فيل


بسم الله الرحمن الرحيم

الى الغالي جدا ً ( أبو نواف ) والى جميع اعضاء هذا القروب المحترمين ..

السلام عليكم ورحمة الله وبركاته ..

أما بعد .. فيسرّ فصل سادس باء ,, ان يقدم لكم اذاعته لهذا اليوم .. والتي نبدأها بنشيد عن اسبوع الأسهم للطالب حمود المتوهق Biglaugh

يالله حيهم .. يالله حيهم !! بصراحه هذي أول مشااركة ,, وودي نفرفش شوي .. ونغير جو !! غير عن جو هالأسهم اللي ملطخ باللون الأحمر !!! ذبحنا ذبح ..

دميجتي مخمخت .. وكتبت هالموضوع ,,, ونفسي مخمخت وقالت ياولد ارسله بس للقروب !! وانا مخمخت وقلت خلاص ابرسله ابرسله .. وان شاء الله ينشر .. لأن ابو نواف قوي .. وبطل .. ودايم اذا دخل الحلبة , ياخذ الحزام

<< مايقردن أبد

* آه يالنمر المقنع Biglaugh

———–

(( رز هندي & عسكريم أبو فيل ))

بسم الله الرحمن الرحيم

0
0
0

المكان : في مكان ما

الزمان : في زمان ما

المناسبه : لا داعي للمناسبات !! فالعنوان واضح من كتابه

تحديدا ً يوم دخل الشهر السااابع وانا في بطن أمي !! كل الشهور اللي راحت وانا متحمل .. انام على جريش .. واقوم على عسكريم منجا .. واحيانا ً مطازيز ,, وللأمانة ( نادرا ً ) كراث !!!

آآآآه مأسااااة .. ولكن :

من يوم دخل الشهر السابع .. وانا النظااام متغير علي !!! الله يهديها امي .. ماغير تاكل رز هندي !! قسم بالله احترررقت ما غير اصااايح في بطنها يوم تأزززم الوضع مره .. دقيت على خويي في بطن امه ..

هلا .. هاه ؟؟ بشر وش تاكل امك ؟؟

قال : لا ابشرررك الأوضاااع مايحتااج .. انواع التبولة .. والعصيرات ..

قلت .. ياخي ياحظظظظك !!! تبادل اسبوع بس !!

قال : ليه ؟؟ وش الوضع عندك !!؟

قلت .. خلها على ربك ياشيخ .. والله ماغير ارااافس .. انواع الحرااارة .. احس اني ابحترق ياشيخ

ومرت الأيام .. وانا ماغير ادعي بتالي الليل : اللهم اغثنااا .. اللهم اغثنااااا

وانا ادعي .. كني سمعت امي تقول لأخوي الكبير ,, رح جب ماك سبايسي آآآه ياويل قلبك يابو صلوووح

بصراحه بيني وبينكم .. شهر سبعه كان أصعب وأقسى شهر عشته في حياااتي يعني اقدر اسميه ” شهر الجفاف ” حررر ورطوبة .. وعطشششش .. وقلّ نوم ..!!!

يوم دخل شهر ثمانية .. بدت تخف الحراااره .. وتزول الحرااائق !! ويرحل العطش .. ويندثر الجفاف << مقدررر يابو صلوح !! اللي يبي مدرس لغة عربية , يدق على ايميلي

المهم شهر ثمانية .. ماااش النفسيه كانت مش ولابد !!! مزززكم وحالتي صعععبه ..!! والانفلونزا لعبت فيني لعب !!

بس الحمد لله الدختور معطيني اجاازة مرضيه .. يعني اغيب على كيفي !!! ولا اصلي بالمسجد .. مريـــض .. عندي عذررر

بس مع هذا وذااااك .. امي ماااسكة معها غلططط !!! ماغير تاكل عسكريم .. المشكله العسكريم اللي تاكله بارد << لاياشيخ

عااد ليت العسكريم ,, باسكن !!! كان زييين !!! ما تاكل امي الا عسكريم ابو فيل !!! هذاك اللي بـ نص ّ !!

وانا مزززكم .. ماغير اناااشق .. وكل مايدخل العسكريم عندي , اسكررر خشمي بيدي .. كني أبطب في مسبح

وادق على واحد من الشباب في جيزان ,, قلت هاه بشر ؟؟ كيف الأجواء عندكـ ؟

قال … لا ابشرك الحمد لله ,, العظمى خمسن واربعون , والصغرى ثلاااثااا عشرااا !!

قلت زييين ماشاء الله .. اسمع الله لا يهينك ,,, انا هالشهر مشتهي بيض وميرندا حااار اذا جاااك ,, تكفى ارسلي وساائط

مرت الأيام .. ودخل الشهر التاااسع واقترررب الفرج .. وارسلت لأمي مسج , كان مفاااده , ما يلي :

أميمتي الغاليه :

هذا آخر شهر !! الله يرحم والديك .. ودي احس اني انساان .. ابي آكل بعيدا ً عن الحرائق .. وبعيدا ً عن المثلجات !! يعني حاولي تجربين لو لمجرد التجربه .. تبولة .. حمص .. كبة .. بطيخ .. جربي ولن تندمي !!

أمي : هل تلبين رغبتي ؟؟

المخلص :

صلوووحكاااا

يوم كتبت المسج ,, وضغطت على ” ارسال ” طلع لي : تأكد من خدمات الشبكة

دريت ان الجوال مفصول

وجاني مسج : (( عزيزي العميل .. والله لو تنااقز منااقززز .. ما فتحنا جوالك ))

باءت محاولاتي بالفشل !!! وجلست انتظر .. وانتظر .. وانتظر .. لين ملّ الإنتظااار << امممممش .. ببطن امه ورومنسي

والحمد لله .. واطلع للدنيا .. وانا عطشااان .. ويحطوني في غرفة الحضانه !! يوووه انواع المبزرة !!!!!

وكلهم يصااايحون .. !!! قسم بالله انوااااع الإزعااااج .. والضجيج !!!

وجنبي بالحضانة.. فلبينيه .. ياهي مززعجه .. واناظرها كذا بطرف عين !!!

ياكوافيرة المستقبل .. الحين وش بك ازعجتينا ؟؟؟ اوووص نبي نناام شووي

ناظرتني كذا .. وهي مفهيه ؟؟ قالت الحين انت وراه ما تصيح ؟؟؟

قلت الحمد لله والشكر !! وش يصيحني !!! والله لو الهلال مهزوم ..

عاد قعدت انادي الممرضه .. قلت لها جيبي لي كااس موية الله يرحم والديك ..!! قسم بالله ماعاد اقدر اتنفس .. من ذا الرز الهندي

واسمعي .. اهم شي المويه يصير فيها ثلج !! والله لا يهينك … ابي الثلج بااااارد

المهم شربت وريحت .. كان ودي آخذ لي غفوه !!! بس اعوذ بالله ماخلوني في حاالي ..

نصيحه : لا أحد يصير حلو !!!!!!

والله من وااقع تجربه ..!! صدقوني .. ما خلوني في حالي .. كل شوي زايرني واحد .. وخذ يا حبحبه .. !! ملييييييت !!

بس خلااااص … هذا درس !! وأخذت العبره منه !!!

المره الجااية .. اذا جيت انولد .. أبدخل بودي ماستر عشان أقدر ادافع عن نفسي

مرت الأيااام .. وكنت رايح ذاك اليوم لعرعر ويوم ركبت النقل الجماعي ..

كان جنبي واحد ساااكت طول الطريق ,,, وفجأه سألني :

عفوا ً اخوي ,, انت قد انولدت ؟؟؟

قلت .. ايه ,, ليه ؟؟

قال .. حلووو .. لأني ابنولد تقريبا ً عقب 7 شهور ,, وابيك تقولي وش اسوي .. وش آخذ معي ,, قبل لا أتوهق !!

قلت .. اهم شي ,, سدد جوالك !!! بكره تبلش !!! تبي مويه والا شي … وترسل ولا تقدر ..

ينقزون بوجهك ذولاك .. عزيزي وعزيزي

قال طيب .. اوصف لي الأجواء والمكان والوضع تكـــــفى !!!!

قلت :

المكان : في مكان ما

الزمان : في زمان ما

المناسبه : لا داعي للمناسبات !! فالعنوان واضح من كتابه

مـــلاحـــظـــة : كـــعـــادتـــي مـــن دمـــيـــجـــتـــي

صلوووحكاااا


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

رز هندي عسكريم أبو فيل

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول