رحلتي الى دمبولا Dambulla


رحلتي

صباحكم فل وياسمين
الجزء الاول :رحلتي الى سيقيريا Sigiriya
هذا الجزء الثاني ومخصص لمنطقة دمبولا في سيرلنكا
طبعا غادرنا فندق امايا ليك في سيقريا وكانت وجهتنا مدينة كاندي ولكن مرورنا بمنطقة دمبولا
كان لازم نوقف بالمنطقه هذي مو عشانها حلوه لان فيها رحلات السفاري على ظهور الفيله
وزيارة مزارع التوابل والمواقع السياحيه والمصانع

رحلتي

كا ماتبعد عن العاصمه تقل الزحمه وعموما منطقة سيقريا لايوجد بها زحام
ولاحظنا خلو الطرق بعد غياب الشمس

رحلتي

اول شي رحنا له في دمبولا هو مصنع الاقمشه وكان جميع العاملات بالمصنع بنات

رحلتي

محل عرض منتجات المصنع
عند دخولنا المصنع كانت هالمزيونه تشرح لنا
الصراحه ان نسبة الجمال في سيرلنكا عموما تحت الصفر

رحلتي

هذي طريقة الرسم وخطواتها المتعدده والتي تبدا بقلم رصاص

رحلتي

وهذي اخر الخطوات وهي تثبيت الالوان
لاحظنا اكثر من مره ان الناس يستخدمون الحطب وعند سؤالنا السائق اخبرنا بأن الحطب متوفر في كل مكان
والغاز والكهرب لايقدر على تكاليفه معظم السيرلنكيين

رحلتي

ابتسامه سيلانيه من الاذن للاذن
طبعا مع حركة اليد يقولون لك ايبوان وانت ترد نفس الشي
وراح تسمع هالكلمه بكل مكان بالطائره بالمطار بالمطاعم بالفندق لازم تعرفها لانهم يتشققون اذا قلتها لهم
هناك تعلمت كلمتين بس ايبوان تعني مرحبا وكلمة استوتي وتعني شكرا
خويي ابتلش بهالكمه عجز يجيبها صح كل شوي جايب كلمه من راسه وتطلع سبه يالله نفكه منهم
كان مقابل المصنع مدرسه والظاهر كانوا بوقت البريك وطبعا ماهم زينا يلعبون كوره عندهم لعبتهم المفضله

رحلتي

اللعبه المفضله في سيرلنكا هي الكريكت مثلها مثل الهند وباكستان

رحلتي

هذي تحيه لكم من هالورع السيلاني

رحلتي

واصلنا طريقنا للبحث عن رحلات السفاري
وصلنا لرحلات السفاري وكان برنامجهم رحله على ظهور الفيله ويعبرون النهر والغابات
بس كان الجو حار والشمس حاره اكتفينا بالتصوير وبعدين شبعنا من الفيله بتايلند

رحلتي

الفيله تتسبح حتى شوفوا الفيل الاخير حاط الفوطه على كتفه

رحلتي

شوفوا الفيل الصغير تراه تمردغ بعد هالحركه خخخخخخخ
سواقنا بوذي والسياره كلها تماثيل واصنام ولاقدرت اصور من التماثيل قلت له ياخوي شوف لنا صرفه مع ربك
حطه بالشنطه والا نزله بالفندق تراك ابلشتنا وبعدين وش هالاسراف 20 رب عندك
وافق انه يحطهم بالشنطه قال بس الصوره هذي لازم تكون على الطبلون قلت ماهي مشكله دام صوره
بس يوم فتحت الشباك ابي اصور طار ربه
والرجال زعل ووقف بنص الطريق يجيبه قلت له وش فيك خايف عليه خله يفزع لنفسه اذا يقدر
واصلنا طريقنا وكانت وجهتنا مزارع التوابل

رحلتي

اعجبني الطريق والاشجار تغطيه

رحلتي

الكل يمشي على الطريق السيارات والناس والحيوانات

رحلتي

هذي سيارتنا وهذا سواقنا تراه ابلشني يقول حط صورتي بالنت
وترى رقم السياره للبيع
وصلنا بعد ساعه ونص لمزارع التوابل
دخل معنا مرشد سياحي وقعد يشرح لنا عن الاشجار

رحلتي

اول الاشجار كانت شجرة الهيل

رحلتي

وهذي شجرة الهيل

رحلتي

الفلفل الاسود

رحلتي

شجرة الفلفل الاسود

رحلتي

شجرة القهوه

رحلتي

شجرة المطاط

رحلتي

القرنفل

رحلتي

شجرة القرنفل

رحلتي

جانب من المزرعه

رحلتي

القرفه

رحلتي

شجرة القرفه

رحلتي

شجرة الفنيلا
واللي بالقاروره عصارة الفانيلا

رحلتي

الاناناس الصالح للاكل

رحلتي

والانواع الباقيه تستعمل للعلاج

رحلتي

رحلتي

الفاكهه هذي تسمى جاك فروت
الظاهر مسمينها باسم اللي اكتشفها ومن الاسم شكله اوروبي

رحلتي

رحلتي

الزنجبيل

رحلتي

شجرة الزنجبيل

رحلتي

الكركم

رحلتي

شجرة الكركم

رحلتي

رحلتي

واذا جيت تطلع تمر على هالمحل اللي يبيع منتجاتهم لكن اسعارهم خياليه
طبعا سواقنا زيه زي كل الشيبان يمشي 40كم وطفشنا قلت له ابي اسوق وعيا قال سيارة الشركه
قلت له يارجال انت غشيم اصلا وتقول هالعذر  اصلا انت خواف والظاهر ضربت على وتر حساس
شوفوا وش سوى بعدها خخخخخخخخخخخخ

رحلتي
اضغط على الصورة لمشاهدة الفيديو

شوفوا كيف يسوق بعد ماجاته ام السيرلنكيين

رحلتي

رحلتي

بعد مطاره لهالسنجاب مسكته بنت وقلنا نصوره لكم
السنجاب جربوع مطور

رحلتي

واصلنا رحلتنا بهالمناظر الجميله
وصلنا اكبر معبد في سيرلنكا

رحلتي

مادخلنا داخل المعبد واكتفينا بتصويره من الخارج ويرتفع التمثال حوالي 15 متر
ربهم متربع فوق هالبيت ويقصص اظافره
انتهت رحلة دمبولا والرحله القادمه مدينة كاندي الجميله


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

رحلتي الى دمبولا Dambulla

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول