رحلتنا الى جزيرة بيننج


رحلتنا

صباحكم عسل

هذه هي ثاني الدول التي زرناها و كانت قبل الوصول الى تايلند ولكن زيارتنا لها قصيره جدا لم تزد عن يومين في
كل من جزيرة بيننج والعاصمه كوالالمبور واليوم سوف اتحدث عن جزيرة بيننج رغم اني كتبت عنها عام 2002
بالتفصيل وعن كوالالمبور
وصولنا الى بيينج كان عن طريق عاصمة جزيرة سومطره في اندونيسيا مدينة (ميدان) عند وصولنا لمطار بيننج
(اخترنا فندق جولدن ساند(شنغرلا

رحلتنا
فندق جولدن ساند
فندق فخم وضخم ومزدحم بالسياح من كل انحاء العالم وموقعه من افضل المواقع على هذه الجزيره
متعة جزيرة بيننج على الشاطيء لا انصح بالسكن داخل المدينه لانها تبعد حوالي نصف ساعه عن الشاطيء
ولا يوجد بها ملفت مايستحق الزياره
كان وصولنا بعد الظهر ارتحنا قليلا ثم نزلنا الى الشاطيء الرااائع وكانت هناك العديد من وسائل الترفيه
مثل الدبابات البحريه  والدبابات ذات الاربع كفرات والقوارب الشراعيه والطيران بالمظلات وغيرها
اتفقت انا وواحد من الشباب نطلع بالمظلات طبعا كان هو الاول على طول بدون مفاوضه بالسعر طلع ورجع
انا رفضت طبعا بالسعر اللي قالوا لي لانه غالي وشي طبيبعي بيرفعون السعر على السياح
لكن لازم الواحد يستغل فرصه ان مافيه سياح كثير ويفاوض بالسعر شوي
كان يقول لي 50 رينجت وانا اقول اكثر من 35 ما اعطيك ومشيت وتركته وبعدين جلس يتكلم زملاه وناداني وطلعت
قلت له باخذ الكاميرا معي قال مايصير قلت يصير ونص قال ماعمر احد اخذ كاميرته وطار
فيها قلت خلاص انا اصير اول واحد
قال على مسؤليتك قلت ماااااالك شغل بس طلعت والكاميرا معي جلست اصور وكانت لقطات رائعه

رحلتنا

رحلتنا

رحلتنا
الطيران متعه اذا سلمت من الطيحه بالبحر وهذا يصير كثير بسبب تعطل القارب والمشكله اذا
طحت وطاحت عليك المظله

رحلتنا

رحلتنا
طبعا كنت مستانس واصور وكان من الاشياء اللي يصلحونها انهم ينزلون الواحد على سطح البحر
مجرد ملامست الشخص البحر يرفعونه على طول
بس انا مقهورين مني عشان السعر نزلوني اول مره كانت تمام شفتهم  يأشرون لبعض
وكان يقولون نزله مره ثانيه وفعلا نزلني لكن هالمره غير انا وكاميرتي وسط البحر
بس طعم البحر زي اللي عندنا مافيه فرق>>>شرب لين قال بس
انا ماهمني الا الكاميرا بس لحقت عليها وطفيتها وجلست انشفها وانا بالجو
لاتفوتكم الطيحه لاني كنت اصور فيديو وقتها

فيديو
شوفوا وش سوو فيني الله ياخذهم بس لاتدققون عاد
انا قلت ماراح اتركهم نويت  ارد لهم هالحركه وقررت انزل على رئيسهم

رحلتنا
هذا انا في طريقي للنزول وقاعد ادور الرئيس

رحلتنا
هذا انا وخشتي

رحلتنا
وهنا كني شفت الرئيس وعلى هالشاطيء النظيف اكيد الخال بينشاف من بعيد

رحلتنا
 وهنا قاعد يأشر لي كني طايره بتهبط مادرى اني ناويه

رحلتنا
شغلت الرادار وثبت على بطنه
شعور حلو لما الناس كلها تطالع فيك وانت تهبط بس بعض المرات ودك انك ماطرت ابد
خصوصا ادا نزلت على خشتك
وخر الجحش عني وجيت على وجهي بالارض

رحلتنا
رحنا نتمشى على الشاطيء
شاطيء بيننج اجمل شواطيء ماليزيا والصراحه اللي يجي ماليزيا ولايزور بيننج ماسوى شي

رحلتنا
كان كل شي تمام على الشاطيء وفجأه تغير الجو وبدا المطر بغزاره لمدة نصف ساعه
بعدها تفرق السحاب وطلعت الشمس

رحلتنا

رحلتنا
الصوره هذي كانت بزوم لانها بعيده

رحلتنا

مافيه احلا من منظر الغروب
شوفوا اللقطات

رحلتنا

رحلتنا

رحلتنا

ياااااااااسلام على هالصوره

رحلتنا

رحلتنا

رحلتنا

ماطولنا في بيننج اليوم الثاني رجعنا للعاصمه كوالالمبور

وهذي لقطات من كوالالمبور على الطاير طبعا

رحلتنا

رحلتنا

رحلتنا
هذا عرض ازياء في مجمع سونغي وانغ
وكان فيه تلفزيونات كثير مغطيه العرض

رحلتنا
انا ماتكلمت عن العاصمه التايلنديه بانكوك لان ماعندي عنها كثير
لا صور ولامعلومات وحبيت ادمجها بالموضوع  بالعربي بانكوك لايوجد بها اي شي يستحق
الزياره الا التسوق فقط فهي رخصيه جداااااا
وصلنا بانكوك على متن الخطوط التايلنديه وكانت الرحله من بوكيت الى بانكوك حوالي ساعه
انا مدري هل الطيارات في شرق اسيا رايحه فيها والا الطياريين
لعبنوه من يوم مشينا من بوكيت لين وصلنا وحنا طايرين على جنب الواحد بس متمسك بالدريشه
نزلنا في مطار بانكوك مطار ضخم
اخدنا تكسي يوصلنا للفندق بعد ما مشى شوي قال ادفعوا  ضريبة الطريق عطيناه كان المبلغ بسيط
شوي قال تبون الطريق السريع والا العادي قلنا لا السريع قال ادفعوا
دفعنا له كان الفندق اللي اخترناه اطول مبنى في تايلند ناطحة سحاب تتكون من 88 طابق
اسم الفندق سكاي تاور قال راعي التكسي تبون فندق سكاي تاور الجديد والا القديم
قلت له الجديد توقعته بيقول ادفعوا عشان اخمه بالكاميرا على وجهه
احلا مافي الفندق انك ماتضيعه لانه طويل مرررره تصدقون يوم رجعنا وصلنا البحرين وحنا نشوفه
منتم مصدقين صح؟ بكيفكم

رحلتنا
فندق بيوك سكاي تاور
الانترنت بالفندق كان سريع جداااااااا يمكن عشان قريبين من القمر الصناعي

رحلتنا
بانكوك مدينه مزدحمه مثل اكثر عواصم العالم
بس افضل وسيلة مواصلات اذا كان المكان اللي تبيه قريب هي عربات التوك توك السيارات الصغيره
اذكر ركبت تكسي عشان يوصلني للفندق وكان الفندق يبعد حوالي 2 كم بس تصورا جلست 45 دقيقه
ركبت مع واحد بوذي كل ماوصلنا زاويه وقف وقعد يتعبد ويسوي حركات بيديه ويغمض
انا قلت اكيد خبل هذا سألته وش فيك انت مصخن؟ قال لا انا اتعبد ولازم كل ما امر من عند معبد اصلي
عاد بانكوك معابدهم في كل مكان قلت له ياخي نزلني عند الفندق وروح اعتكف وين طحت بهالمطوع
المشكله انه جثه عليه راس مدري وش لون يركب التكسي

رحلتنا


رحلتنا
لايوجد اماكن تستحق المشاهده في بانكوك واقرب الاماكن تبعد عن بانكوك حوالي ساعتين
ومنها السوق العائم ولكن التسوق هو افضل شي في بانكوك

رحلتنا
مجمع كمبيوتر سنتر يتكون من عدة طوابق مخصصه للكمبيوتر والاجهزه الالكترونيه والبرامج
والالعاب وهو رخيص نوعا ما

رحلتنا
هذي التوك توك شفتوها

فيديو
لقطه من اعلى الفندق

فيديو

لاتفوتكم هاللقطه لواحد من الشباب عرف لها وركب دباب ووصل الفندق بدقيقه وانا 45 دقيقه مع البوذي
بالنسبه للتسوق لازم الواحد يفاوض بالاسعار لانهم يرفعون الاسعار
لكن مايمنع انك تمر على المحلات وتشوفها بالنسبه لمعظم الاسواق تغلق الساعه السابعه عدا
بعض المجمعات الكبيره والتي تفتح الى الساعه 10 مساء مثل طوكيو سنتر ومجمع ام بي كي 
وهي مجمعين مشبوكه مع بعض
المجمعات فيه مجمع محلاته صغيره بس كثيرررره ورخيص تقريبا اسمه باتونام هذا مقابل
سكاي تاور وفيه اسواق تفتح بالليل مثل باتبونج
حنا عندنا سوق الخميس وفيه سوق الثلاثاء هم عندهم سوق الاحد مايفتح الا يوم الاحد
وعلى فكره الاسواق اللي تفتح يوم واحد بالاسبوع في كل مكان  اتذكر في مدينة نيوكسل
الانجليزيه سوق يفتح يوم الاحد بس واذا جيته كنك في حراج بن قاسم بس اللي يبيعون فيه ناس
يفتحون النفس
القريه الصينيه لعنبو هالصينيين في كل دوله لهم سوق ويسمونها القريه الصينيه وهي شارع واحد
وكله بسطات والواحد نفسه شينه ماتكاسره والمشكله تخاف منهم كلهم يلعبون كارتيه


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

رحلتنا الى جزيرة بيننج

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول