رحلة ممتعة للنعيرية والدبدبة .حياك


بسم الله الرحمن الرحيم
رحلة

مساكم وصبحكم الله بالخير والرضى
من المناطق الي منيت بالامطار هالسنه منطقة حفر الباطن والنعيرية
وكان لنا جولة لها قبل فترة, الحقيقة انه مناطق تسر الناظرين ودائما البر هو متنفس لمن هوا مضغوط بعمل وروتين .
بدأت جولتنا من الدبدبه شرق الحفر وكانت السماء صافية والطيور تغرد والغنم تجهول حولنا
والفقع ملعوب(ن) بوه لعب قلنا نفطر ونمر المحطة ونشوف اسعار الفقع فيها<ماتعودت اقوله واجد
ولقيناه غالي بالحيل والي يحرجون هم الي يزاودون يعني لاقيننا مخفات , المهم رحنا وخليناهم
واتجهنا لدون النعيرية بـ40 تقريبا
لمكان(ن) انا خابره صراحة

رحلة

طقينا خيمتنا وطبينا ندور هالفقع الي سحرنا سحر الصراحة
رحلة
الرزق زين يالله لك الحمد ,لقطنى الي يونسنا ويعشينا واللقاطة اكثر من الشجر صراحة لكن كلن يبي يااخذ رزقة
رحلة

كان الجو صراحة دافي شوي وهذا الي خلا بعض الهوايش تطلع وتقابلنا وجها لوجة مثل هالماخوذ
الي خلان اطير على اطراف الشجر رحلة
رحلة
العرجين طبعا ماله حاجة تبي الي يعطية وجهه صراحة وقلت والله مافشل هالعرجون
رحلة
الأرض الصراحة تفتح النفس وتجيب العافية وتخليك تنفس كل شوي<خير الأخ حوت
رحلة
عاد هالفقعة تقل رجال يمشي سبحان الله . يصلح شعار دورة بملعب الاتحاد
رحلة

ومع هالاجواء الربيعية بديت انشد واتمشى وافل حجاجي هاهاهاها
رحلة

مادريت اني ابقابل هالدفرنسين
رحلة
ويم انهم ارسلون اجيب حطب لقيت هذي تحران تقل فية سابق موعد (يادافع البلا)
رحلة

عاد رحت لبست انعالي وجبت المكناس والنظارات
وانا انزلة واقعد امطرس بة لين اخذت هالصورة وبعدين خليتة <<<اما اخليه
رحلة
ايه رجعنا للخيمة وجمعنا حصيلتنا من الفقع يالله لك الحمد
رحلة

وكبسوه الشباب الله يعطيهم العافية كبستن مانقصة إلا حجاجكم
(اتحداكم تعرفون كل المكونات)
رحلة

نصائح طبية وشعبية واخوية
*لاتمشي وانت حافي.<عسى ماتكلفت
*خاو النشامى شرواكم
*الشماغ لاتفصخة الا بالديرة لانه للشمس والبرد والغباروالكشخة.
*لا تتعبث مع العقارب والديبان .
*اذكر وردك في الصباح والمساء وعند النزول.
*اعرف اخوياك الاكاله وشبعهم قبل العشاء او ابعد عنهم .

وسلامتكم


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

رحلة ممتعة للنعيرية والدبدبة .حياك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول