ديكوراتي الخاصة


بسم الله الرحمن الرحيم

تحيه طيبه لقلوبكم الطيبه
هذي أول مشاركة لي في قروب ابو نواف وان شاء الله تنال إعجابكم لو بشئ بسيط
طبعا بداياتي في الديكور كانت على أشياء بسيطة جدا وعلى غرفه فقط
وحبيت أتوسع وادمج شغلي وهوايتي
طبعا شغلي مهندس معماري وهاويتي التصميم
واعتذر جدا على سوء التصوير بحكم اني متابع واشتغل مع العمال
بداية بتكلم عن الشقة هذي
طبعا مساحتها صغيره أربع غرف + دورتين مياه+ حوش صغير
بعد الترميم اصبحت
غرفة نوم + صالة صغيره + صالة كبيره للضيوف +مجلس
راح نشوف الصورة في وقت الترميم
الترميم كامل من أعمال سباكه + أعمال كهرباء كلها تغير
ودايم المنزل الملك الواحد ياخذ الأشياء الاصليه وهذا الي كلفني كثير في الشقه
نبدى بصور الترميم وراح اوضح لكم وش كان نوع العمل

/
هذي غرفه تم فتح الجدار وجعلها صاله كبير لكسب مساحه

/
علبة الكهرباء وفيها تمديد من جديد تقريبا اخذت تخطيط بنوك بحكم المشاريع الي كنت فيها
مثل مصرف الراجحي والبنك العربي
طبعا التمديد ارضي مافي علبة تجمع اسلاك بالجدارالغيتها نهائي

/
دورة المياه الصغيره الخاصه بالضيوف
مثل ماهو واضح التكسير والتأسيس من جديد

/
الي في واجهة الصور المطبخ تم إغلاق الباب وهو في اليمين غير واضح وفتح الجدار الامامي وبني نص جدار,, وفي يسار الصور بناء جدار لتوسيع غرفة النوم المجاوره

/
ومن داخل صالة الضيوف باين فتح الجدار كامل

نجي لإعمال الجبس 
البيت كامل ساقط واليد العامله تختلف
/

/

هذا المجلس ما حبيت اتفلسف فيه لانه رسمي مره
حطيت شئ معتاد عليه

/

/
صالة الضيوف

/
الممر المؤدي للصالة الصغيره وغرفة النوم

/

/
الصالة الصغيره وفيها حجر جبسي من السقف الى الارض

/

/

/
غرفة النوم وفي اول صوره واضح فيها مكان الدولاب بداخل الجدار

الان وقت البويه ومعاها السراميك والحجر ألخ,,,
من الأفضل أسقف المطبخ ودورات المياه تكون من ألواح الألمنيوم افضل وأشيك وفي النظافة مافي أحلى منه

/
هذا وقت تركيب أسقف المطبخ

/
واجهة المطبخ بالحجر

/
دورة مياة الضيوف

/
مغسلة الضيوف

/
صورة من داخل صالة الضيوف لمدخل دورة المياة

/
باب دورة المياه ويمينه مدخل غرفة النوم

/

/
دورة المياة الخاصة

/
مدخل الشقة

/

/
تركيب المطبخ

/
الصالة الخاصة الصغيره

وأخيرا هنا الشكل النهائي بعد الأثاث

/
غرفة النوم
وهنا السقف مع الدولاب

/
غرفة النوم طبعا الجبس فوق على مقاس السرير وماخذ نفس اللون العودي الغامق

/
جانب من الدولاب مع السقف

/
مغسلة الضيوف

/
صالة الضيوف

/
جانب أخر من صالة الضيوف

/
الجدار المتبقى من صالة الضيوف

/

/

/
من جانب أخر

/
الممر

/

/

الصالة الصغيرة

/

/

/

/

المجلس
/

/

بعض المصور المتفرقه للأسقف

/

/

/

/

مدخل دورة المياه وغرفة النوم

/

/

واخيرا
حديقتي الغاليه
/


وقريبا سوف ازودتكم بأعمال اخرى تم تنفيذها في مدينة الطائف ومكه وجده
دعواتكم الصادقة

أخوكم/ حمد النفيعي

لمراسلتي


تعليقات 91

  1. فناااااااااااااااااااااان الله لايضرك بصراحة مجهود جبار .. لأني اول ماشفت اول صور ماتوقعت بنطلع بهالنتيجة العبقريه اهنيك على حسك وذوقك العالي سواء في التصميم او التأثيث من ناحية اختيار الاثاث المناسب للألوان وحبيت الطراز العصري دارج كثير وانت ابرزته بشكل ممتاز يعني لو بقيم ابعطيك 10/10 وانا مغمضه عساه بيت عامر بذكر الله قول آمين شكراً مهندسنا وممكن تصمم لنا شقتنا 😀

  2. ماشاء الله عليك أخوي… روعه التصميم والديكورات… وخآآآصة طريقة إبدآآآعك في قلب تصميم الشقة بالكآآآمل… أتمنى لك مزيد من التفوق أخوي… وعسآآك ع القوة إن شاء الله… ومنتظرين أعمالك القادمة… دمت بود… أخوك / سماء الأحلام .

  3. ماشاءالله مع إن المساحة صغيرة لكن استغليت كل شبر وطلع البيت مرتب وأنيق ماشاءالله =) بالتوفيق يارب ..

  4. ماشاء الله تبارك الله اللهم اجعلها شقة خير وبركة عليك تصدق ذكرتني بواحد انشهر من قروب ابونواف هو مثلك كذا صمم شقه ماقول لك يالغلا الا عسى ربي يبارك لك

  5. أهنــئك أخـي علـى هذا الذوووووق الرائــع .. طبعــا ديكــور ( المــودرن ) هـو الدارج حاليـا .. وهو المفضل للشقق الصغيـرة .. بل أجمـل شكـلا .. أعجبتـني حركـة الحجـر المتـصل بالسقف .. والكنـبة ذات الرفـوووف .. هنيــئا لك مرررة أخـرى .. وتقبل مروووري ..

  6. صراحة ذوق وروقان بس احس المساحه ما خلتك تاخذ راحتك زين ملاحظتي لتصاميمك القادمه بالابواب البني الغامق له دور كبير يعطي منظر اجمل وافضل لاحظ الصوره 3 من تحت لوكان الباب بني غامق تخيل منظره وأحكم تمنياتي لك بالتوفيق

  7. ماشاء الله متعوب عليها والله بس اخوي ابي اعرف انت مقاول والا ايش بالضبط واذا كنت يعني هاذي انت اللي مسويها من باب الترميم وكذا ياليت تقول لي كم فتره الشغل وكم التكاليف تقريبا

  8. ما شاء الله شغل مرتب و حليو .. وعسى الله يوفقك في شغلك ونشوف أعمالك الجاية إن شاء الله بس لا تنسى تصور وانت لابس ثوب .. مهب عليك فنيلة و سروال 😀 <<بآينه مع المرآية في أحد الصور هههههه:$ موفق يا حلو 8)

  9. أسأل الله ان تكون عامرة بالطاعة جهد رائع وذوق أروع بصراحة نقلة لايمكن وصفها وبذلك دلالة على أن الأذواق بإختلافها يكون فرق الروعة والإبداع

  10. ديكورات جميلة وبسيطة والبيوت تكون مباركة بمن فيها اللهم انزله منزلا مباركا وانت خير المنزلين تحياتي الخالصة

  11. احييك أخي المميز / حمد النفيعي على هذا الأبداع مافعلته نقله نوعيه ماشا الله ويبدو أن الأمر مكلف جداً احييك وبتوفيق

  12. الله يعطيك العافية أخوي ماااا شاااء الله ابدااااااااااااع الله لا يضرك الألوان والتصميم و أختيار الأثاث روووعة إذا هو لك .. الله يهنيك فيه و يجعله منزل مبارك و إذا هو لغيرك .. فالله يهني سكانه فيه و يجعله منزل مبارك ..

  13. بجد تحفه…وشغلك رااايق..ومرتب مره.. تتهنى فيها.. :: بس سؤال كم كلفك التكسير مع الجبس..والسراميك.. :: فصلي كل حسبه كم اخذت عليك..

  14. اول شي السلام عليكم… وثانيا احب اهنيك على الذوق الرفيع… وديكوراتك مكس ما بين الديكورات الاوروبيه والديكورات العربيه البسيطه… بس مثل ما لاحظت..كان مشكلتك الرئيسيه التصوير… لو تعيد تصويرها وتخلي مصور محترف يصورها… تطلع جناااان…وانت اشرت لهالنقطه بايميلك… احب اهنيك مره ثانيه…والى الامام…

  15. قمه في الروعه وبعدين لازم تعيبون خلاص قالكم ان التصوير الله بالخير فلا دققون اقول وش رايك تجي تعدل بيتي

  16. ما شاءالله اهنيك على ذوقك الجميل وتصميمك الرائع ابداع بكل ما تعنيه الكلمه

  17. وااااااااااااااااااااااااااااااو 😀 بجد حلوووووووو واااااااااايد يعطيك الف عافية وعساك ع القـــوة 😮

  18. عد النظر للصور في البدايه لوح الي انها خرابه و لا تصلح لشي ولكن عند الإطلاع على باقي الملف وجدت انك خلقت شيء جميل و مبدع من لاشي و عزما الي الأمام انه لبيت جميل انشاء الله اذا كنت متزوج يهنيك انت و اياها و اذا لم تكن ان يرزقك الله بأبنة الحلال التي سوف تزيده زينه عافاك على نفكيرك و كل التقدير و الإحترام

  19. الصراحة جناااان والشقة صغيرة ومع ذا الأثاث تحسسك بالدفا .. بس ياترى الترميم هذا كله بكم ؟؟؟ أكيد مكلف صح ..؟ والأثاث من وين شريته ؟ ياليت لو ترد علي

  20. يعطيك آلعافية ,, لكن لو سمحت لي بتدوين ملاحظاتي المساحة صغيرة واستخدمت تفاصيل كثيرة في الديكور اكثر شي وفقت فيه هو المجلس والمطبخ مع اني ماحبيت لونه لكن لكل منآ ذوقة.. الصاله الصغيرة {توحيد اللون الفآتح للارضية والجدار يعطي مساحة اكبر لكن للاسف قطع الديكور قتلت الشعور بالاتساع وراحة لو كانت قطع الكنب متصلة وعرض جلستها يكون انحف من الموجود بيكذا بيكون استغلت 3 جهآت واللون اوف وايت واستغنيت عن الطآولة الخلفية وادخلت اللون الاخضر نباتات مثلا . صالة الضيوف {جميلة لكن عتبي على الطاوليتن في طاولات خدمة صغيرة حجم تتوزع بشكل افضل وتستغني عن الطاولات الوسط, موقع شجرة الزينه غلط وكمآن مغسلة الضيوف الجرة تحت المغسلة ماتجي ابد لوكانت بدل الزينه اللي على اليمين افضل. الممر في كل جدار لوحة تفاصيل كثيرة مشوشة لنظر وقطعة السجادة فيه استغني عنها. غرفة النوم {ملاحظتي الاضاءة لو كانت خافته في السقف مجرد رأي آتمنى تتقبله ~

  21. رائع جداً لكن لدي ملاحظه وهي إذا انت متكلف على نفسك خل الزين يكمل .. يعني مضبط كل شي ماشاء الله ومخلي مكيفات الشباك ؟ من المفترض حاط الشقه كلها سبلت وصدقني المنظر راح يكون أكثر روعه من تجربه : )

  22. شغل رآيق وربي ،، ماشاء الله عليك ،، موفق آن شاء الله بالشقـة ،، ومنزل الهنآ يآرب 😀

  23. بالمبارك مبروووووووووووووووووووووووووووك ديكور واختيارات ذوووق .. وعليكم العافيه والله يهنيكم ان شاء الله .

  24. ماشئالله لمسة مبدع والله يقويك ويرزك وبصراحة قمة في التصميم وانتقاء الاوان المناسبة ولمسات الساحرة ارجو التواصل معي ولك ارقي التحية

  25. والله إنك مبدع تسلم يمينك ويسلم راسك اللي يفكر ماشاء الله عليك,, عساه بيت عامر إن شاء الله..

  26. الله يعطيك الف عااافيه من جد رووعه ومسكن الهنا الله لايضرك اعجبني حركه الجبس اللي في مجلس الضيوف انيق وكمان المطبخ كان فيه نوع من الذوق واجمل منه كمان انه جاي على حركة البوفيه الله يعطيك العافيه وعقبال الفله

  27. الله يعطيك العافيه وهذا من ذوووقك وكل انسان يحمل موهبه بداخله لكن الموهبه تنتظر العزيمه والاصرار اشكرك على كلمات وعساك على القوه يارب

  28. ماشاء الله تبارك الله الله يبارك لك في افكارك واعمالك الصالحة لو تكرمت ممكن تذكر لنا كم تقريباً كلفك الترميم ؟؟ اعجبني الجدار الحجري في ممر حمام الضويف والمطبخ واعجبني جداً فكره ازالة علبة الكهرباء وجعل التمديدات في الارض ماشاء الله تبارك الله الله يزيدك ولا ينقصك

  29. تجي تزين بيتنا ببريده تراااااه خرابه اصلن هي بيت طين بس حطو سمنت تسكيته

  30. السلام عليكم جميعا واشكرك كل من تكرم علي بالرد هنا وفي الايميل وباذن الله سوف ارد على الجميع على كل سوال وان شاء الله ربي يكتب الفائده للجميع وراحه ارد على كل سوال طرح ولي انسى سوال يتكرم مره ثانيه ويسئل ما اجتمعنا هنا الا للفائده بالنسبه لتكلفه تكون على حسب ما تبي الشقه كلفتني كثير جدا بحكم اني اخذ شغلات اصليه لان بيت ملك واي شئ في البيت الملك ماهو خساره بتكلم عن الجبس وبحكم السوق الموجود لدينا اليد المغربيه تاخذ من 75 ريال الى 90 ريال للمتر لكن اليد الباكستانيه تاخذ30 الى 50 ريال تقريبا وهنا تفرق عند البعض انا اخذت اليد المغربيه لان بصراحه شغلها نظيف جدا جدا تقريبا اخذ مني شغل الشقه12 الف ريال طلعا كله ساقط غير ان الحجر الجبسي النازل من السقف بالاتفاق وليس بالمتر وفيه ناس تاخذه بالمتر بالنسبه لأبواب اخواني لابد اننا نعرف شغله وحده طريقه اختيار الاوان حط في بالك اول شئ المساحات اذا عندك مساحات متوسطه فما فوق اختار الغامق انا اشوف الاخوان يقولون ليه ما حطيت البني يشهد الله ودي واحب اللون هذا للحظه اني غيرت ديكور الغرفه من الابيض الى البني الغامق الابواب حطيتها عسلي فاتح لان المساحه بالشقه صغيره والاوان الفاتحه تعطي مساحه اكبر اما الغامق يضيق المكان في امور لابد من الاخوان الي بيسوي ترميم او الشقه جديده يحطها في باله مثل سقف المطبخ الكثير منا يخطي ويحط جبس او تكون لياسه اسمنتيه الافضل وهذي من وجهة نظري يكون السقف الواح الالمنيوم على حسب لون الدولاب ايضا دورات المياه نفس الحكايه اولا اشيك ثانيا وقت النظافه تمسح عادي وتكون نظيفه جدا الامر الثاني توزيع مفاتيح الكهرباء في البيت اذا جبت كهربائي وقلت له مدد لي الكهرباء راح يمدد على حسب خبرته ويمدد لك وهنا الخطأ كثير يقعون فيه بالتكلم بالنسبه لشقتي واتمنى الجميع الي عندهم ترميم او او يقيسون على انفسهم في غرفة النوم اوفق في نفص الغرفه واشوف وش احتاج طبعا فيش كهرباء يمين ويسار السرير برتفاع25 سم تقريبا وايضا مفتاح على يسار السرير لإطفاء نور الغرفه عند التسريحه على يمينها فيش كهربا عند مدخل الغرفه مفاتيح الانوار المطبخ يحتاج افياش كهرباءلا تقل عن 4 افياش وحبذا تكون ثلاثيه لان الاجهزه الكهربائيه الان اكثرها ثلاثيه الصاله طبعا تتخيل وش بتحط من ابجورات وتحط افياش طبعا في السوق افياش اامانة بعد الله

  31. هلابك يا ابو سليمان سوالك حلو لكن للظروف احكام وبالنسبه للمكيفات الشباك غصب حطيتها بحكم اطفال الحاره واذا احد سوالف تسمع لهم كنهم جنبك وافضل حل مكيفات شباك ههههههههههههههههه لكن في الصاله حطيت مكيف لوجود عامود في الجنب ولا ينفع احد شباك ولا ودي لكن شقه بالدور الثاني فما فوق الافضل الاسبليت اكيد

  32. ماأقدر أكتب غير كلمه<< قمـــــــة الابداع>> ماشاء الله تبارك الله– وبيت عامر– ولاتنسى تعزمنا على < نزايل البيت>>:) تحياتي لك-

  33. ماشاء الله .. طيب ممكن تعطينا تصور للتكاليف ؟ وعن فكرة الكهرب .. ما فهمت النقطة اللي تقولها ؟ .. كيف تخطيط بنوك؟ وياليت لو تعطيني طريقة للتواصل معك

  34. يسلموووووو والله رهيب تصميمك ذوووق جميل وايد ومنزل الهنا يارب الله يعطيك العافيه

  35. الاخوان والاخوات الذين وضعو بصمتهم في متصفحي من اعجاب او شكر او انتقاد سلمت يمينك على كلامكم الرائع وهذا مو غريب على اعضاء قروب ابو نواف دوم تمييز ورقي الاخوان الذين لم تصل لهم الاجوبه اتمنى من اعادتهها واتاسف ويشهد الله من زحمه فقط ورد على الجميع ولا ودي يكون فيه احد ما رديت عليه عساكم على القوه جميعا

  36. ممكن طرح بعض الاسئلة: @هل الشقة لك أو انت مهندس لانها تفرق . @من شكل الشقه قبل الترميم وضح انها بحي قديم مره هل هذا صحيح واذا صحيح بيترتب عليه كم سؤال: أ ـ انت خسرت كثير عليها كان افضل اجل تشتري بحي احسن ب ـ اذا مش صحيح فأنت ابدعت بمعنى الكلمة وقلبت الشقه من حال لحال @ اخيرا الله يجعله سكن مبارك آمين ولاني هالشغلات سألت واسفه على الاطالة

  37. الصــــراحه روووعه وابـــــداع باخذ افكار لبيتي ان شاء الله بس بغيت استفسر عن الحجر شو نوعه ؟ وكم سعره للمتر

  38. الشقه ملك وسويت الترميم بكم والدتي ساكنه في الدور الثاني ولجل كذا تكلفت بالشقه لانه مو خساره وكسب مجاورة الوالده افضل من كل شئ

  39. لا انسى اشكر ناس وقفت معي في بداياتي وهم بعيد عن عالم النت وهم لهم الفضل بعد الله انيا وصل لديكور راقي وعمل وخبره الاستاذ خالد الاسمري / مدرس فنيه المهندس رضوان صاري/ زميل عمل الف شكر لهم من لا يشكر الناس لا يشكر

  40. هلابك أخوي وبالتوفيق لك يارب بالنسبه للحجر الي على مغسلة الرجال صيني متره 50 ريال تقريبا اما الحجر الي امام المطبخ اسباني متره 86 ريال وتحياتي لك

  41. ماشالله تبارك الله الحقيقه ذوق وتصميم وأخراج نهائي رائع اهنيك الحقيقه على اختياراتك للديكور ولو انها بسيطه بس أخرجت لنا نوع من الاحترافيه شكرن على مشاركتك وانشالله منزل مبارك وعامر بأهله يارب تحيتي لشخصك الكريم . . ،‘

  42. هالحين ياحمد الله يهديك على كثر الردود اللي جتك ما شفت ولارديت إلا على تعليق ساره هههههههه عموماً شغلك خيالي وأخوي عنده شقة قديمه ناوي يسوي لها ترميم ..ياليت تواصل معي لأستفيد من أفكارك ..

  43. الله يعطيك العافية بصراحة ابدااع وذوووق تغيير جذري ,,الله يوفقك يارب ويبارك لك فيه,,

  44. هلابك اخوي سلمان ههههههههههههه سلمان وانا اخوك اول مشاركه لي في القروب وابي ارد على كل واحد باسمه ويوم اضفت الا انتظر ومشوار ارد دام الوضع كذا وبعدها اختصر اتمنى وصلت الفكره وخل ظنك دوم حسن فديتك قلبك وحياك ربي الاخوان والاخوات شكرا لمروركم وتعليقكم الطيب وعساكم على القوه

  45. 😀 الف عااافيه ومنزل هني انشاء الله مشاء الله ذوقك حلووووووووو مررره ههههههه احلى من بعض الحريم الله يهنيكم والمطبخ الوانه رووعه وكل كل شي

  46. ماشااء الله علييك وربي مبدع مبدع > اشراايك تجي تأثث لي بيتي ههههه ربي يحفظك ويبااركلك فييه ..

  47. من لما اشتركت بهالقروب وعلى كثر المواضيع الي اعجبتني هذي اول مره اسجل تعليقي ابدع ـت حتى الثمالهـ

  48. صراحة شي جناااااااااااان ماشاء الله الوان جميلة وتصاميم رائعة الله يبارك لك فيها…

  49. السلام عليكم أخوي حمد بصراحه ديكورات خرافية اللي انت مسويها .. والله يوفقك وأرجو منك المزيد لأني أبي أستفيد منها قريباً …

  50. تسلمون وهذا شرف لي وعساكم على القوه يارب وان شاء الله القادم احلى بأذن الله ولا تحرمونا من أي انتقاد لو لا الانتقاد ما وصلنا

  51. شغل واكي وشغل على مستوى رفيع ولو في الإمكان أنك تساعدي في تصميم عش الزوجية أكون لك ممنون أكتي لي أميلك إذا أمكن

  52. ما شاء الله تبآركـ الله حــــــلوووووة و إبدآآآآع لكن:( عندي سؤآآال,,آنت بذلت فيهآ وآسستها ع إنها ملك وبتطول معهآ لكن عدد الغرف مآتهيء أنك تطول مع الشقة إلآ إذا كنت ناوية تتركها للوآلدة الله يحفظها مشان كذا مآخليت إآلا غرفة نوم وآحدة!! والباقي صلات و ضيوف إذآ كآن غير كذآ الأولى آنك خليتهآ ع اربع غرف افضل للأستغلال في المستقبل 🙁 وآشتغلت عليهآ بإبدآعك:(

  53. ماشاء الله عليك أخوي… روعه التصميم والديكورات… الله يعطيك القوه والعافيه

  54. من جد إبدآآع الله يووفقكـ 😀 بس بسألكـ الديكور اللي في مدخل الصاله اللي ع شكل مربعاات مفتووحه من جبس وإلا طوب؟؟ والله يعطيكـ ألف عافيه:)

  55. تسلم اخوي حاتم وهذا من ذووووقك وان شاء الله اقدر اساعدك بلي اقدر عليه باذن الله كل الاحترام لك

  56. حلآوة توفي انا سويتها للعمر ولا فكرت اني اتركها من غير شر ووالدتي تسكن في ا لدور الثاني وتقسيمتي لقدام وليس لفتره عساك على القوه يارب ********** أجمل احساس الفتحات من الجبس أختي ومقاسها 25*25 سم وهي على حسب المزاج او وضع الديكور وشكرا على كلامك أختي وعساك على القوه ****************** غلا** اوم تسلمون على كلامك وعساكم على القوه يارب

  57. ماشاء الله ابدعت شقتك رائعه بكل مافيها ,, اعجبتني الاسقف والحجر الجبسي والديكورات وركن الحديقة كمان ابدعت فيه ربي يجعلها شقة السعاده والهناء

  58. بجد الله يعطيك العافيه ابدااااااااااااااااااع وذوق راقي من ناحية الالوان طريقه توزيع الاثاث الله يعطيك خيره ويكفيك شره يارب

  59. هيوومه** انثى سلمتو على كلامكم وهذا من ذوووقكم وعساكم على القوه يارب

  60. صالح ** زائر ** لحظه صمت سلمتو على كلامكم وهذا من ذوووقكم وعساكم على القوه يارب

  61. نقول ما شاء الله تبارك الله زادك الله بسطة في العلم والفهم والخير ومنزل مبارك ان شاء الله .

  62. الله يجزاك خير .. قد رديت من قبل .. لكني رجعت ولدي سؤال المطبخ .. الجدار الي بين الدواليب الي فوق والي تحت انت حاطه بلاط فسيفساء اعجبت بالطريقه جداً ماشاء الله .. لكن كيف طريقته ؟؟ لمسافه كم حاطه الجدار بلاطه من هالنوع (إرتفاعاً)؟؟ كذلك المطبخ هل قمت بتفصيله او هو جاهز ؟؟ لأنه اعجبتني طريقه الدالوب الي فوق الثلاجة .. احسك استغليت كل مسافه وما خليت شي يروح هدر

  63. فيصل ** ابو شرف يسعدكم ربي على كلامك وهذا من ذووقكم أم شيله حياك ربي بالنسبه لفسيفساء نعم حاطه بالنص طبعا هو شكلين وليس شكل بالنص فيفسياء 1سم*1سم فوقها وتحتها قسمت بلاطه وهي مقاس5سم*1سم وبينهما 1سم*1سم تقريبا المسافه لعمل ما بين الدولابين هو 90 سم الي هو ارتفاع الدولاب الطبيعي بعظهم يرفعون الدولاب الى 1 م ويتم اخذ المسافه من ارتفاع الدولاب بالنسبه للدولاب نعم تم تفصيله بحكم ان المطبخ صغير لابد استغلال كل مكان فيه ولو تلاحظين الشفاط جدا عادي ما اخذت الهرمي والاشكال المعروفه في السوق لكي استغل ما فوق الشفاط بدولاب وايضا تحت الرخام دولاب الشفاط مجرد حمايه بالتوفيق لك أختي وعساكم على القوه جميعا

  64. الله يباركلك في بيتك .. ويطول في عمر امك ويرزقك رضاها في انتظار اعمال اخرى .

  65. اولا يعطيك الف عافيه اخوي حمد…. بصراااحه قمة الذوق الرفيع ابداع رائع يفوق الوصف…. لوحه فنيه تحمل كل فنون الابداع لوحه تستحق ان ينقش عليها بماء الذهب حمد النفيعي (ماشاء الله) انا اعشق فن التصميم ودرست جزء منه بالجامعه لكن اريد ان اتواصل معك لاستفيدلتغييربيتنا اذا ممكن ولك مني جزيل الشكر

  66. ما شاء الله الشقة صارت مرررة حلوة بس عندي ملاحظة لو ان مغسلة الضيوف كان تحتها زي الدولاب اتوقع يكون أكثر اناقة و ترتيب و الليّات ما تبين حتى مساحة للتخزين 8).. و اكثر شيئ اعجبني هو حركة الحجر مرة رايقة و الإضاءة كويسه.. و الحديقة مرررررة وناسة بس شكلها في نفس الوقت مستودع 🙂 بس تدخلها الشمس؟:~ الله يطعمك خيرها و يكفيك شرها و الله يجعله مسكن مبارك عامر بذكر الله..

  67. هلابك يا ام عبدالله وتسلمين على كلامك وهذا من ذوووقك وبالنسبه لمغسلة الضيوف كان ودي احط لها مغسله بادولاب والمساحه حكتني ولا حصلت شئ يروق لي كثير لكن الان في اطار اني اسوي رفوف عند المغسله وتحتها بطريقه جميله عساك على القوه يارب

  68. مشاء الله عليك ربي يحرسك من العين وربي ابداع المفروض تشتغل بذا المجال وربي لتكسب ذهب

  69. لست مغروره تسلمين وهذا منذووقك وحياك ربي والله يكتب الي فيه الخير الهاشميه تسلمين على كلامك وربي يسعدك

  70. بسم الله ماشالله طلع البيت كانه جناح في فندق 😀 عيني عليك بارده ماشالله على شغلك الي متعوب عليه 00اخوي حبيت استفسر انا عندي بيت كبير دورين ملك كنت ناوي ااجره لمدررسه بس هونت طبعا مبني حديث يمكن عام2004 بس بناء عادي وانا احب الديكور والغرف الي تجي داخله مع بعض ونظام المطبخ المفتوح على الصاله بس البيت جاني زي كذا وماحبيت اتسرع واغير فيه لكن بعد ماشفت شغلك تحمست وودي بشي يغير البيت 100 درجه طبعا مساحته حوالي 950متر مربع ابي مشورتك ضروري لاتنساني

  71. هلابك اخوي ابو انوار وهذا من ذوووقك مافي مشكله وتحت امرك تواصل معي ووريني مخطط البيت واقولك وش تسوي فيه وبالتوفيق لك

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ديكوراتي الخاصة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول