دكــتــور نــذل


السلام عليكم ورحمة الله

هلا والله بأعضاء اطلق قروب .. اللي من جد حسيت أنه لي وأنا له من اول ما انضميت له وصرت اشارك حتى من زود الاحساس اللي جاني حسيت أني مأسسه مع أبو نواف وقمت أتذكر يوم انّا نحوس ندور ستايل للقروب عشان نخصص له موقع خاص << لاعمرك تحس تكفى

هذي الله يطول أعماركم على طاعته رسالةٍ جديدهـ حبيت أشارك فيها بعد الرسالة اللي قبل .. واللي أنتهزها فرصة << يا انتهازي يا انتااا
واللي انتهزها فرصة اني أشكر كل من شجعني اني اواصل وأشارك في القروب واللي اصلاً كنت ناوي اواصل وأشارك من قبل أحد يشجعني بس الله يجزاهم خير حمسوني زيادهـ ..

هالرسالة أو الموضوع يحتوي على مقطعين فيديو وكذا صورة .. وحاولت انوّع في الرسالة يعني بين كل مقطع ومقطع ثلاث صور وبين كل صورة ومقطع صورتين وبين كل صورة ومقطع اربع صور .. كيف الحال

اعذروني قسم بالله اني ودي اسوي مقدمة مثل الناس بس عجزت


هذولي يابانيين الظاهر في مسرحية ويسوون ألعاب مثل اللي يسوونها عندنا حقين قناة المجد الله يجزاهم خير في قرية الثمامة  ..
لكن العجيب في هالمقطع عليهم لعبة بايخة ومالها سنع ابببد .. ويالله فهمت لعبتهم بحكم ان ثقافتي يوغسلافية فـ بالطقاق فهمت وش يسوون .. اللعبة ان كل واحد يقعد يتكلم بسرعه بدون ما يتعتع ( ترى على حسب فهمي ) واللي يتعتع يسوون له حركة عجيبة هههههههههههههه

حجم المقطع : 1.83 م.ب
مدة المقطع : 2:51 دقيقتين و واحد وخمسين ثانيه
المقطع لايفوتكم يستاهل التحميل وبقوة

للتحميل


هالمقطع فيه واحد فنّد المقولة اللي يقولون فيها ( الطول عز ) خخخخخخخخخخ
بصراحة حركة موب صاحية اببببد واعجبتني ههههههههههههههه

حجم المقطع : 956 ك.ب
مدة المقطع : 34 ثانية

للتحميل


أكثركم اذا مو كلكم تعرفون أبراج المملكة والفيصلية .. وأغلبكم سمع عن برج الراجحي اللي بيبنيه على طريق الملك فهد والظاهر بيصير أعلى من المملكة والفيصلية .. بس اللي كلكم ما تعرفونه ولأول مرة أعلن عنه هو برج [ موسعـ(ـن) صدرهـ ] هالبرج بصراحة مدري وشلون أعبر عنه .. أترككم مع الصورهـ تعبر عنه أحسن

صور


شوفوا التشطيف اللي على سنع خخخخخخخخخ الواحد فينا هالحين لا صار ماسك خط الدائري وشطف الصبّات طارت بوهته وما خلاَ احد ماسولف له عن هالشطفة ويبلش اللي في المنتديات بهالشطفة وإحتمال ينزل فيها موضوع كامل << تسنّه ما قد سواها ابد

صور


هذي نهاية اللي يتميلح قدام الكاميرا

صور


[ دكــتــور نــذل ولـئـيـم ]

هالدكتور الله يستر علينا وعليه بأقول لكم سالفته .. دقيقة دقيقة اقرا سالفته أول << حاس أن اغلبكم نقز يشوف الصورهـ هع هع
هالدكتور طلع من الثانوي بتقدير ممتاز .. دخل كلية الشريعة دج فيها سنتين الترم الأول حذفه والثاني نجح في أربع ورسب في أربع والثالث رسب في نفس الأربع والرابع حذفه والأربع اللي نجح فيها كلها على الحفة ( 60 – 63 – 61 – 63 ) هذي درجات المواد الأربع .. وبيقدم على التقنية هالترم ان شاء الله دعواتكم بس يقبلوني << شرح معاناته

هالدكتور الله يسلمكم فتح عيادة عظام في قرية وهالقرية اهلها وذفين يلبسون شراريب وكنادر وانتم بكرامة ولا يطلعون حافين ولافيهم طفاقة ولا يطامرون على الدرج ولا يتزحلقون على الدربزين .. فمسيكين هالدكتور طفّر محد جاهـ منكسر ولااش .. عاد لجأ لحركة بايخة عشان يبرد حرّته .. الحركة هذي مفصّلة بالصور

صور

هههههههههههههههههههههههههههـ الله يرجه مت ضحك عليه هو وراسه


يقولون هالصورة تقريبية لمواقف البنات في كلية عليشة اذا سمحوا لهم يسوقون الله لا يقوله .. طبعا هالصورة للمبنى الجديد << عاش مصرف

صور


وهذي صورة تقريبية بعد لوحدة من بنات الكلية منحاشة ورايحة تفطر شوفوا بس وشلون التلبيقة الصح كنهم حالفين عليها تدخلها في هالضيق

صور

ترى الجو غيم لا تحسبونه في الليل هع هع << كذب كذبة وصدقها خخخخخخخخ


هذولي عجز يابانيات .. امهات اللي في المسرحية اللي فوق
وأحس اللي مصورهم سعودي مدري ليه خخخخخخخخخخخخخخ

صور


أنا قد شفت مدرس يستهبل .. رجال يستهبل .. بزر يستهبل .. أم تستهبل ..
بس جحه تستهبل هذي أول مرة اشوفها

صور


في رسالة سابقة أظن لأخوي مصرقع حاط المناديل حقت الحمام وانتم بكرامة ومخلينها فلوس من زود الفسقة .. بس هنا من زود النذالة شوفوا وش مخلينها

صور

عشان تبشر الجلد .. هالصورة كل ماشفتها تذكرت جبنة كرافت ذيك الصغار مدري ليه احس انهم صانعينها عشان جبنة كرافت


مجموعة من الشيبان راحوا يقدمون على العسكرية في ديرة مدري وشّي .. وطاحوا لهم في حريم ملّكعين

صور


هالحين الواحد اذا جا ينفخ عليه بزر .. قعد يقول مابقى الا هي بزر كبر رجلي وينفخ انقلع بس انقلع لأخوض في بطنك .. بس هنا مسيكين هالطبيب صاير كبر رجل اللاعب .. يعني لا صار ينفخ هالطبيب على اللاعب بيقول اللاعب رجال كبر رجلي وينفخ علي والله قوية ..

صور


صور


هذي أكرهـ لعبة عندي .. منيب أحبها ابببببد تقهر ومملة .. ولاجين فيها خلق الله خصوصاً في المراكز الصيفية ما تسمع الا طقطة هاللعبة من يوم ماتدخل .. عاد هنا مخلينها جماعية .. احس آخر أربعة منّاك بيقلبونها بلوت .. يبطون ماوصلتهم الكورة خخخخخخخخ

صور


هذولي فرقة مرمر زماني المكسيكية

صور


مشهد يتكرر دائماً في الملاهي خخخخخخخخخ بس أقرب واحد أحس انه بيعطس .. والثنين اللي ورى بصراحة لا تعلييييق هههههههههههههه

صور


صور

في الرسالة القادمة << من الطفاقة نسيت اكتب هالكلمة على الصورهـ

أتمنى أن هالرسالة كانت خفيفة عليكم

أستودعكم الله


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

دكــتــور نــذل

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول