دعوة للحوار : غـش عـيـنـي عـيـنـك


عندما ننطق مسمى وزارة التجارة والصناعة وتحديدا الإدارة العامة للغش التجاري فإنه يأتي تحت هذا المسمى تبِعات كثيرة يتوجب على هذه الوزارة أن تتقيد بها
وأن يكون مجهودها على الشركات الصغيرة والكبيرة حتى يحفظ لهذه الوزارة مصداقيتها …
لن نذهب بعيداً بطرق الأمثلة فالقضية والفضيحة التي رأيناها في هذه المجموعة وعن طريق العضو ( Alkhobar V.I.P.  ) عن صالة أكسترا للالكترونيات خير مثال , فمن يحفظ للمستهلك حقوقه ومن يحمينا من عبث التجار الكبار , هذه المهازل لم تتوقف
فقط على هذا المثال الذي ذكرناه فلدينا الكثير بدأ من ( مطاعم هرفي ) إلى فضيحة ( حلواني ) وصولاً لتجار العطور باستيرادهم عطور تحت مسمى ماركات عالميه , لماذا الإدارة العامة للغش التجاري بوزارة الصناعة والتجارة وهي المسئول الأول عما تمتلئ به أسواقنا تقف لدى البائع الصغير الذي لا يملك سوى محل صغير
وتبدأ مرحلة ( فتل العضلات ) قولاً ( غير ملابسك ) , ( قص شعرك ) , ( غير باب محلك )

أين هذه القوة أمام التاجر الكبير صاحب النفوذ ؟
لماذا أصبح هذا القطاع مسمى أكثر مما هو عمل ؟
أين تقع هيبة وزارة التجارة والصناعة من أصحاب ( المسنودين عملاً ) ؟
, هي أسئلة كثيرة تريد حلاً علها تصل للمسئولين فهذه الوزارة وغيرها من الجهات الحكومية التي يجب ان تمارس دورها الرقابي في أسواقنا كالبلديات ، وكذلك الجمارك التي يمر من خلالها كل شي مرور الكرام ، وكذلك دور اللجنة لاقتصادية بمجلس الشورى .. أين هم عما يحدث ..؟ …

علما بأن التعليق متاح للزوار
كتب هذا الحوار وحرره : معاند


تعليقات 19

  1. وش نرجي إذا كانوا التجار هم أهل الدار، رؤساء الغرف التجارية خير مثال، وقس على ذلك.

  2. شكرا لكاتب الموضوع وشكرا لناقله وشكرا ثالثة لقارئه يا ناس ترى هذا الموضع غيض من فيض مما يحدث في اسواقنا ، والدليل وكالات السيارات واللي يفككون بعض اكسسوارت السياره أو فرشاتها ويبيعونها لمحلات تزيين السيارات وانت تشتريها منهم وهي اصلا لك ودافه ثمنها . و وزارة التجارة في احلى نومه ، ومسوية نفسها ما تدري ، لان هناك بعض المصالح المشتركة بين بعض موظفي الوزارة وبعض التجار ،،،،،، والضحية انا وانت . اللي تسويه اكسترا شي بسيط من اللي يصير بس مشكلتنا ( اننا طيبين و حلوين و بنحبكن ) . ولانشنكي وحليلين ( وما نعض ) ، لان الشكوى اصلا ما تفيد مع هالوزاره وأسالوا اللي توهقوا وراحو يشكون يبون حقهم . وثانيا لان ( الشكوى لغير الله مذله ) يا ناس خلونا ناسين او نتناسى احسن لنا .

  3. بكل صراحه الغش في السعوديه على وذنه و للأسف وزارة التجاره مافيها حيل إلا على المنشأت و المتاجر الصغيره و أكبر غلط في يرتكبه المواطن هو السكوت و عدم التشهير بالجهه التي تقوم بالغش يعني لنفرض الأخ Alkhobar V.I.P لما جاء و شهر بمتجر أكسترا طلع له شخص و مسمي نفسه أكسترا يحاول يغير وجهة نظر الشارع العام يأخي انت ماراح تقدر تغير شي الناس منصدمين من هذا المتجر و البلاء الأكبر من هذا لما تروح تنشر في الجريده قال لك تحتفظ الجريده بأسمه و لا بعد بين قوسين هذا بلاء أبوك ياعقاب.

  4. وزارة التجارة وزارة تأكل أكثر من كونها تعطي , وهي حريصة على كل فلس لها , بليدة في أي فلس للمواطن , مع أنّه ليس منها ! المصالح المشتركة أحياناً تلعب دوراً كبيرا , وبعقلانية لأن كل شي واضح ولا يحتاج إلى اجتهاد نحن في المملكة العربية السعودية نجهل ما لنا وما علينا , لأننا لم نلمس حقوقنا من هذه الوزارة خاصّة , فكيف نعلم ما نطالب به بالأصل ؟ العطور مثال واضح , مع اختلاف الجودة طبعاً كيف للمستهلك إدراك أن المنتج الذي اشتراه أصلي ؟ أصلي كنت بهزّر .

  5. من الافضل اقامة جمعية تحت مضلة حقوق الانسان ومن خلالها يتم ممارسة عمل حماية المستهلك وذلك بطرح اليات للابلاغ ومخاطبة الشركات وغيرها من …

  6. الله يعطيك الف عافية على الموضوع واذا كثرت المواضيع زي كذا فا كل شركة ومؤسسة تقدم خدمات للناس بتحسب الف حساب للناس. والف شكر لك على اثارة الموضوع.

  7. أخي … لقد أسمعت إن ناديت حيا ــ ولكن لا حياة لمن تنادي . الأمثلة كثيرة جدا على الغش التجاري الكبير الحاصل في بلدنا الغالي ، ولكن وزارة التجارة يبدولي أنها غير موجودة أصلا . نسأل الله أن يصلح الحال والأحوال

  8. يرفع إلى مجلس الشورى صدقوني مرة أتمشى في سوق الشعلة بالرياض وأدخل محل عطورات وأحصل عطورات بماركات عالمية مشهورة وأتعجب من الأسعار ( يرجى مراجعة المحل في الدور الثاني لمنة يريد مشاهدة ذلك ) وشكرا على الموضوع

  9. انا مرة تعرضت لمثل هذه المواقف طلبنا مرة من دومينوز بيتزا اللي بطريق الملك عبد الله وبعد ما قضينا انا والأهل عالبيتزتين كاملتين من الجوع وكان باقي آخر قطعة اخذتها وقبل ما أفتح فمي لقيت صرصور صغير تحت الجبنة يعني مع سبق الاصرار والترصد وأخذت خالتي_ الله يرحمها _ القطعة بتعرضها في الجريدة وكلمنا الفرع قالوا خلاص نعوضكم بيتزا جديدة أصلا كيف راح نشتهي ناكل منكم مرة ثانية لكن حقا لا حياة لمن تنادي .. هذا غير الغش اللي صاير في المحلات التجارية والتلاعب بلأسعار بدون رقابة 🙁

  10. الحقنا ياالاجاويد حنا ناس تعليمنا الانجليزي ضعيف جدا ونحن اعضاء شبكة ابو نواف نهيب من الاخوه زعماء اللغه الانجليزيه في الشبكه العالميه مساعدتنا في تجاوز هذا الحاجز (E) وفي الحقيقه انا شريت انا واحد الاصدقاء البرنامج من مكتبة جرير للمصداقيه وعلشان معي بطاقة تخفيض وما اقول إلا حسبي الله على موظفي وزارة التجاره احس انهم ماهم عايشين معنا ليه ماهم متزوجين ما عندهم عيال يخافون عليهم او ان كل الموظفين اغنياء وما همتهم الفلوس وما همهم الغش يا اخي الموظف خاف الله في عائلتك ابوك امك اخوانك ربعك وجماعتك في المواطنين الضعيفين في الوطن هل ترضى ان احد يغشهم اخي الموظف انت معنا وجزء من مواطنين هذا الوطن وانت جزء من الوطن فحافظ على هذا الجزء ليكون نورا

  11. اهلييين اخوي يعطييك العافيه على الموضوع اللي جا في وقته لو ان الشركه صغيره وغير معروفه كان قلنا هذا الشي متوقع لكن الطامة اذا كانت شركه معروفة وبحجم شركة (أكسيوم تليكوم) وهذي المشكله صارتلي شخصيا قبل فتره تعطلت الشبكه من جوالي سوني اريكسون فلما اخذته لصيانتهم اللي في العويس على اساس تصليحه هذا اللي حصل وراح أوضح لكم الأستهتار والغش الحاصل: من مميزاتهم: *جوال بديل فترة التصليح:الموضف جلس يضحك علي لما طلبته البديل وكأني أكبر مغفلة صدقت الكذبه *سرعة تصليح الجوال: جوالي من 5 شهور عندهم والى الأن ما تصلح *نضمن لك بأن جوالك بين ايدي أمينه: واللي حصل ان احد الموظفين قالي ترا احتمال كبير ان الصيانه جوا فتحوا جوالك وخربوه والحقيقة الوحيده اللي طلعت منهم لما قالي احد الموظفين فيها: انتي غلطانه احد يشتري من اكسيوم؟؟؟؟؟؟؟!!!! انا موظف فيها ومستحيل اشتري منها…. ويعطيكم العافيه

  12. اول شي خولني اضحك هههههههههههههههههههههههههه يعني من جدكم تبون وزارة التجاره تتابعكم او تنظر للمواطن من جد اضحكتوني اذا كان التاجر الكبير هو عضو اساسي في وزارة التجاره وشلون تبي تحمي المواطن ياناس انا ما ابي حمايه بس ابي تثقيف وتوعية المواطن فقط خلوهم على غشهم بس نبي احد يوعينا ويرشدنا اما من ناحية الغش هذا داء لا يوجد له دواء

  13. على طاري شركة أكسيوم الي اول ما فتحو 8 ساعات وجهازك خالص !!! انا اشتريت جهاز نوكيا ضمان اكسيوم لا زايد كم ميه ريال لأنه ضمان (( اكسيوم )) المهم الجهاز بعد يومين صار يطفشي ويشتغل لحاله يدق ويرد لحاله تقول دخله جني !! وديته للوكاله قالوا ايه بسيطه يبي له سوفت وير يعني برمجه ! قلت جهاز له يومين ويبي له برمجه قالوا طبيعي الأجهزه المتقدمه والحديثه تحتاج كذا ! عطيته الجهاز متوقع يقول تعال بعد الصلاه قال تعال بعد 3 ايام !!!!!!!! 3 اياااااااااااام برمجه؟؟؟؟؟؟؟؟؟؟؟؟؟؟ ياخي عطني الكمبيوتر اسويها بخمس دقايق قال عندنا زحمه قلت اوكي عسى الجهاز البديل كويس بس؟؟ قال ياخوي ما عندنا جهاز بديل هههههههه ووربي ضحكت شر البليه ما يضحك المهم قمت ورحت شريت جهاز بميتين ريال يدق ويستقبل اهم شي اخذت جهازي وبعد اسبوع رجعت نفس المشكله ووديته و3 ايااااام وبعدها بكم اسبوع رجعت نفس المشكله وديته لهم قال لي الموظف تبي نصيحتي؟ قلت وشي قال بعه وافتك نصيحه قلت ابي استدبله هذا من حقي قال مافيه استبداااااااال وبعته بخساره فوق 7 ريال حسبي الله عليكم والف شكر لوزارة التجاره

  14. اول شي اقول لصاحب الرد الثاني احنا حبيبين لابعد درجه ولكن اذا بغينا نشتكي تعال عشان تشتكي تشوف مشكلتك اكبر من انها تنحل تعال رح ود شف معاملتك راحت جت وفي الاخير نقول يمكن تجينا وزارة الصحه تمسك التجارة والصحة تمسك الصرف الصحي والصرف الصحي يمسك العمل وهلممم مجره

  15. ما اقول الا حسبي الله عليهم.. من المسئول هنا؟؟ وربي بالسعوديه ضاعت الطاسه مثل مايقولون..خذاً مثلا القطع المقلده على اي اساس تدخل للبلد؟؟ليتها جايه بس على امور هينه وانما منها اجهزه كهربائيه ومستحظرات للعنايه؟؟ مره اتذكر شرينا مربى بس والله لا يحضرني اسم المنتج تفجأنا ان قطع الفواكه الموجوده فيها ماهى الا قطع اشبع بالورق؟؟وربي تذوق طعمها تحسها قطع ورق او مناديل؟؟ حسبي الله عليهم ونعم الوكيل

  16. حوااااارات مواضيع رائعه بس للاسف نناقش نناقش نناقش وما يوصل للي نبي يوصل لهم للاسف لا استطيع ان اضيف اكثر مما اضاف من قبلي لانهم اخذو الموضوع بعدة جوانب ! كيف نرجوا العدل واخذ حقوقنا واغلب التجار اعضاء في وزارة التجاره ؟؟؟؟ يعني اشتكينا وحكينا بقربه مخروقه وسع صدرك بس فضفض عندهم وامسك الباب واطلع ما في حل هع هع واكبر مثال للغش التجاري اكسيوووووووم تليكووووووم يعني انا كنت احسب اني الوحيده اللي بجهازها مشكله بس الحمد لله في غيري يعني المشكله موب فيني وسالفة الجهاز البديل كل ما رحت لهم يقولون خلصو الاجهزه عندنا ضغط على الصيانه لو جايه امس بتلقين تعالي بكرا وبكرا يقول بعدو وبعدو اللي بعدو ومن رمضان اللي فات 2006 الى يومكم هذا وانا اناقز من بكرا لبعدوا وعلى بالي اطلع حقي واستلم جهاز بديل لانه من الشروط بس على مين نسيت ان محد بيتعب…… الا انا اعجبني تعليق احد الاخوان ما اذكر اسمه !! انوا لازم تكون في هيئة حقوق انسان تطالب بحقوقنا كبشر عند وزارة التجاره <<< فكره جيده لكن وين اللي يسمع ؟؟؟؟؟؟ الادارة العامه للغش التجاري ووزارة التجاره المعرف لا يعرف <<< يكفينا سلم لم

  17. يا أخواني الأعزاء صدقوني ما راح تستفيدون أي شي من كلامكم عن وزارة التجارة لأنكم تنفخون بقربة مقطوعة ، تدرون ليش ؟ لأن الغالبية العظمى من التجار والموردين وأصحاب المصانع هم من منسوبي وزارة التجارة وإن لم يكونوا من منسوبيها فلهم كرسي فيها ، وثقوا بأنهم يقرأون ما تكتبون ويضحكون عليكم لأنهم يعلمون بأنكم لن تستطيعوا ضرهم بشيء مهما صغر كمن يشتكي من الحاكم عند الحاكم نفسه . نسأل الله العافية ونشكر كل من تطرق لهذا الموضوع المؤلم

  18. السلام عليكم .. محد يقدر يحاسبهم الا الله سبحانه وتعالى اللي مايشوفونه بالدنيا بيشوفونه بالاخره الله لا يسامحهم ….. كلنا بناخذ حقوقنا ومحد ضايع حقه صدقوني عند رب العالمين ,,, أهم شيء الاشياء المشبوهه حذروا منها وفي هذا المكان كلنا ننفع بعضنا بأن ننبه بعضنا باللي يصير حولنا و نقدر إن شاء الله نقاطع منتجاتهم الفاسده ….. من دونكم يالشرفاء كيف كنا بنعرف الله يخليكم لنا و يعينكم على الخير .. تشرفت بمشاركتكم .. تحياتي ,,

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

دعوة للحوار : غـش عـيـنـي عـيـنـك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول