درس فوتوشوب : تأثير الألوان الطيفية


السلام عليكم و الرحمة ~

نرجع من جديد مع درس فوتوشوب جديد
بصراحة التفاعل مع الدروس السابقة و التطبيقات اللي شفتها
تخلي الواحد يتفاعل أكثر و يحاول يقدم اللي يرقى لمستوى أفضل
وأتمنى التوفيق لي و للجميع

{ الدرس الرابع :تأثير الألوان الطيفية ~

الدرس سهل بإذن الله وبنفس الوقت ممتع
نبدا بالأول مع مثال لتطبيق الدرس
/

بالبداية نفتح عمل جديد ( Ctrl + N ) بعرض مقاس 1024 و طول مقاس 768
(
لك حرية اختيار المقاس )
/

نلون الخلفية لمساحه العمل باللون الأسود ,, نستخدم أداة التعبئة
/

ونختار اللون : الأسود
/

وهذي النتيجة
/

ننشأ لير جديد بالضغط على زر اضافه لير بمربع الليرات
/

نختار أداة التدرج اللوني
/

في الأعلى نتأكد من اختيار الخيار الأول التدرج الأفقي
ثم نضغط على قائمه الألوان لاختيار ألوان التدرج اللي نبغاها
/

نحتاج لتدرج أبيض – شفاف
اتبع الصورة التالية
/

/

/

نضغط OK وبعدها نبدا بالتلوين المتدرج
نبدا بحسب المؤشر من أعلى التصميم إلى بعد منتصف العمل تقريبا ً
( طبعا مو ضروري لبعد المنتصف هذي ترجع لنظره كل واحد )
/

وهذي النتيجة للتعبئة اللونية المتدرجة
/

نطبق الفلتر التالي
Filter >> Distort >> Wave
/

ونطبق الاعدادات التالية
/

وراح يكون نتيجة الفلتر بهذي النتيجة
/

( طبعا نقدر نتلاعب باعدادات الفلتر للحصول على تأثيرات مختلفة .. جربوا  .. )
الحين بنبدا بتلوين الشكل اللي سويناه بالطريقة التالية
نضغط على اللير لتحديده ثم نضغط على الايقونه الخاصة باعدادات اللير
ونختار اعدادات
Gradient Overlay
/

نضغط على التدرج اللوني لاختيار الألوان
/

بيفتح معنا مربع الألوان نضغط في الفراغ اللي بين اللونين
لاضافه نقاط لونيه
/

خلونا نضيف مثلا ً ( 5 نقاط )
/

لاحظوا النقاط كلها بلون واحد نغير ألوان النقاط هذي
بالطريقة التالية
نضغط على أيقونه النقطة اللونية ثم نغير اللون من الأسفل
/

طبعا الألوان على حسب ذوقك يعني مو شرط تسوي مثلي
أنا هنا اختار للشرح مو أكثر
/

نضغط OK ثم نضع القيمة ( 0 ) لـ Angle حتى نخلي التدرج عمودي
/

وهذي نتيجة التلوين
/

الحين نكتب أي شي بالأسفل
/

( بشرط تكون بلير واحد يعني مو كل كلمه بلير مختلف لا نكتب واذا بنكتب كلمه ثانيه نضغط Enter ونكتب ونصغر الخط على كيفنا )

والحين نضغط على لير الكتابة لتحديده ثم نضغط على الايقونه الخاصة باعدادات اللير
ونختار اعدادات Gradient Overlay مثل الصورة
/

نطبق نفس الألوان اللي طبقناها على اللير السابق أو حتى شبيه فيها مو مشكله
/

نضغط OK ثم نضع القيمة ( 0 ) لـ Angle حتى نخلي التدرج عمودي نفس اللير السابق
/

هذي النتيجة
/

نسوي تأثير للكتابه بطريقه حلوه و سهله لاضافه مظهر لا أكثر

نكرر لير الكتابة بالضغط على لير الكتابة بالزر اليمين و نختار ( Duplicate Layer )
مثل الصورهـ
/

نضغط على اللير الأول ( الأسفل يعني ) ضغطه واحده لتحديده
/

نطبق الفلتر هذا
Filter >> Blur >> Motion Blur
/

ونضع القيمة التالية للفلتر
/

ثم نضغط Ok
راح تكون هذي هي النتيجة
اذا كان التأثير قوي تقدر تخفف من اللير وذلك بوضع القيمه
Opacity : 60% مثل ما في الصورة
/

نضيف تأثير اللمعة الخفيفة على النص
ونختار أداه المربع
/

نرسم مربع على فوق الجزء الأعلى من الكتابة بهذي الطريقة
/

نغير مود اللير إلى ( Soft Light ) كما في الصورة
/

وهذي النتيجة
/

وبكذا يكون الدرس انتهى وتبقى اللمسات النهائية للمصمم نفسه
بإضافة الصور اللي يبغاها على كيفه
مثل تطبيقي الأول
/

أو هذا التطبيق
/


وإن شاء الله يكون الدرس قدم ولو شي بسيط لكم
والسموحه على التقصير

أخوكم / عالمـ إنسانـ


تعليقات 21

  1. 8)يعطيك العافيه على هالجهد ماقصرت …اكثر من رائع.. تقبل تحياتي.. وشــــــــــــــــكـــــــــــــرا..

  2. يسلمووو ع المعلومات الجديده بي النسبه لي جزاك الله كل خير يعطيك الف الف الف الف الف عاااااااااااااااافيه يااخووووووي. مشكووووووور

  3. الله يعطيك العافيه ع الدرس الحلو والإبداع الأكثر من رآآئع.. ماشاءالله تبارك الله دروسك حلوه ونستفيد منها.. وبصراحه تعلمت من دروسك أشياء حلوه.. الله يجزاك كل خير.. 😀

  4. ماشاء الله تبارك الرحمن قمة الابداع يعطيك العافيه لشرحك وتوضيحك سلمت الانامل

  5. اولا اشكرك ع هذا المجهود الرااائع وربي من زمان كان ودي احد يساعدني في الفوتو درسك حلو بس مالقيت عندي المربع الي اسمه editor cradent

  6. :$شكرا على الموضوع هذا بصراحه مفيد وخلني اعراف اشياء ماكنت اعرفه عن جد شكرا اتحفتنا :$

  7. بوح الغرير الله يعافيك يا رب والروعه بحضورك .. شاكر لك } ساررونه الله يسلمك ان شاء الله العفو اختي و حياك الله }~ noor-elshams اهلين فيك مبدعتنا تشرفت بحضورك و يكفي حضورك هلا فيك }~ المشتاقه للجنه من بعض ما عندك اختي شاكر لك هالاطراء وان شاء الله تستفيدين بما اطرح ولك كل الخير ان شاء الله }~

  8. معانده الجرح الابداع بحضورك اختي الله يعافيك وهلا فيك }~ اسومه العفو اختي وان شاء الله تتعلمين معنا وبالنسبه للمربع .. بعد ما تضغطين على الايقونه هذي http://g.abunawaf.com/2010/1/12/6.jpg راح يطلع معك فوق التدرج اللوني ( رقم 2 ) http://g.abunawaf.com/2010/1/12/7.jpg اضغطي عليه وراح يجي معك المربع وأي سؤال انا حاضر }~ ام وسومي العفو اختي وكلنا نتعلم كل يوم شي جديد هلا و غلا }~ ميزو الله يعافيك الحمدلله ان الدرس اعجبك وان شاء الله تستفيد اكثر و اكثر دوم السعاده لك و للجميع }~

  9. nasr91 العفو اخوي هلا فيك }~ serag777 الله يعافيك مبدعنا شاكر طلتك هنا }~ Designer شرف لي يالغالي الله يعافيك }~

  10. { ناض العفو يالغالي وحياك الله }~ { a r m a s وعليكم السلام و الرحمه تطبيق رائع و تاثير النص روعه بعد الله يعطيك العافيه و قوهـ }~ { ابو حرب الله يعطيك العافيه يالغالي }~ { KROOK يا هلا فيك }~

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

درس فوتوشوب : تأثير الألوان الطيفية

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول