خواطر مدرس بمدرسة أهلية


بسم الله الرحمن الرحيم
الحمد لله وحده والصلاة والسلام على من لا نبي بعده …
أما بعد :

فنحمد الله عز و جل على ما يسر لنا من الخير والنعمة والصحة والعافية ..
ونسأل الله أن يهدينا وإياكم أإن يلهمنا رشدنا ..
كما نسأله أن لا يكلنا إلى أنفسنا طرفة عين ٍ ولا أقل من ذلك فنهلك ..
وفقنا الله وإياكم لكل خير ..
آمين ..


هذه بعض المواقف والخواطر واليوميات …
لمجموعة من المعلمين ..
في عدة مدارس أهلية متفرقة ,,
منها الطريف …
ومنها الظريف ..
وأرجو أن لا يكون فيها :
مؤلم أو قبيح أو ضعيف …


وقبل  ما أبدأ    أقوووول :
اللــه  يعينك  يا اللي تدرس وياللي تدرسين  بمدارس أهلية ..
الله  يعينكم  …   الله  يعينكم ..
معليش اصبروا  شوي  وتحملوا  ..
ولعل  الموضوع  يخفف  عنكم  شوي  ويطيب خواطركم  ..


]][[ خواطر مدرس بمدارس أهلية ]][[

الوكيل :
استاااااازززز عندك اليوم إشراف بالساحة ..
المعلم : سم ,, أبشر …

فهاجت القريحة ..
وتحركت العواطف ..


فقال أحد ربعنا اللي يدرسون بمدرسة أهلية :

قل للمعلم في الساحات يرقبها …
هون عليك لا تكثر من العتب ,,
ارفق بنفسك فأنت اليوم لا تدري …
بأي حزة يطردك أبو شكيب ويمسك الباب ,,


وقال آخر :

قل للذي في الساحات يشرف …
على الطلاب يبغي مرتضاهم ,,

ألا ليت الشباب يعود يوما …
فأخبره بما فعل المشيب ,,

هوينا هوينا عليكم بالمعلم …
لاتلوموا قلبا ً مولع ,,

طابور ٌ وإشراف ٌ ثم كد ٌ …

وعاقبة ٌ عند ربي منتهاها ,, ..


حكمة  يونانية  فيلسوفية واقعية :

(( … حينما ترى عيال النعمة في المدارس الأهلية ,,

تعلم أن طفولتك كانت مختطفة ..!! .. ))


[[ . . . وإن أردت الحقيقة :
فهم أصحاب الطفولة المختطفة ,,

كيف ؟؟

حيث حـُرموا من الجلد والفلكة ..!!
وحرموا من ضرب الشمس بعز القوايل ..!!
وحرموا من المشي الكعابي ..!!

فتلك هي الطفولة البريئة . . . ]]


(( . . . ولذلك فقد وجب علينا أن نذيقهم طعم الطفولة البريئة ..
بمذاقها الأصلي والمؤلم .. !!
لماذا يحرمون منها ..؟

ولن تـُـنال إلا بتضحية ٍ بالغة …

— فقد يطردك الوكيل ويمسك الباب ..!! —
وعندها سيعلمون أنهم كانوا ضائعين ومحرومين . . . ))

.
.
.
.


وهذا مدرس آخر كان يدرس طلابه ويحدثهم عن أهمية الصلاة وأنها العهد الذي بيننا وبينهم فمن تركها فقد كفر ..
وأنها عمود الإسلام ..
فقال طالب — بكل براءة الأطفال — :
((أنا يا استاد أمي ما تصلي ..!!! ))

فأحرج الأستاذ ..!! كيف يرد على هذا الطفل ..!!
وكيف يبين له أن أمه ربما تكون معذورة شرعا ً ,,

رد الأستاذ على الطالب فقال :
(( لا ,, ما عليك .. أكيد إن أمك تصلي بس أنت يمكن ما شفتها .. مهوب شرط أنك تشوفها كل ما صلت ))

قال الطفل :
(( أقول لك أمس كله ما صلت ولا صلاة ..!! ))

المعلم : (( بلشنا ..!! وش هالنشبه ذا ..؟؟ ))

يقول : حاولت تصريفه فأعطيته ظهري وبدأت أكتب على السبورة .. متناسيا ً له ..

أخشى ما أخشاه أن يذهب الطفل إلى أمه ويقول :
(( ليش ما تصلين يا بنت الـكلب ..!! ))


وهذا معلم آخر يتكلم مع طلابه عن بعض العادات الجاهلية القبيحة .. وأنه ينبغي تركها ..
ومنها : أن ذكر الإنسان لاسم أمه أو أخته أو بنته عيب أو عار .. أو … أو …!!
وهذا كله ليس بصحيح ..

بل ليس فيه أي شيء ..

فما لبثوا أن قالوا لهذا المعلم :

(( ما اسم أمك أو أختك ..؟؟ ))

فأسقط في يده ..!!
وفغر فاه دهشة ً ..!!
ثم ابتسم ابتسامة ً عريضة ..

فضحك الطلاب وأصروا على طلبهم ,,

إلا أن صاحبنا ظل محتارا مترددا ً بين عيب البوح ونار الكتمان ..!!

وظل يتبسم ويحاول أن يصرف ولكن دون جدوى ..

فكلما صرفهم … قالوا : ألست تقول أنه ليس عيبا وليس فيه شيء ..
إذن لا بد أن تخبرنا باسم أمك ..!!

وفي النهاية قال : اللي يبي يعرف يجي يسألن برا الفصل ..

والحمد لله محد جاء …


بينما كان أحد المعلمين مع طلابه في الفصل أراد أن يغير الجو ويخرج قليلا بذكر طرفة أو غيرها ..
فقال :
هل تعلمون أن الرجل يتكلم في اليوم سبع آلاف كلمة ..,,
والمرأة تتكلم إحدى وعشرين ألف كلمة ..!!!

فقال أحد الطلاب : ايه صحيح يا استاد أنا أمي تقعد تكلم بالتلفون نص ساعة ..!!

(( لا تعليق ))


فائدة مهمة :

مواصفات ولد النعمه والولد العادي

ولدالنعمه قليل الحركه
الولد العادي سريع الحركه كثير الربشه لدى قدميه حاسيه عاليه للطم المواد الزجاجيه ( ‏الكاسات و البيالات)

‏ولد النعمه يقول  ‏ماما
‏الثاني يقول  ‏يمه

‏ولدالنعمه يقول  ‏نعم
‏الثاني يقول  ‏هاه

‏ولد النعمه يقول  ‏عمو  ‏للي اكبر منه
الثاني  يعاير اللي اكبر منه

ولد النعمه ياكل بالشوكه و السكين
الثاني يبدأ تعلم الشوكه و السكين في سن 26

‏ولد النعمه يلعب في الحديقه
والثاني يلعب في البراحه

ولدالنعمه يلبس نعاله قبل الخروج الى الشارع
الثاني لا يأخذ نعاله معه الا في حالة استخدامه لها كعوارض مرمى في الشارع

ولد النعمه ينام في بيجاما
وهذاك ينام بثوبه

ولدالنعمه ينام في فراشه
والثاني ينام في الصاله

ولدالنعمه يأكل على طاوله طعام
وهذاك يأكل على درج البقاله

ولدالنعمه يحب يلعب دور الدكتور
والثاني يحب يلعب دور الحرامي في ‏شرطه و حراميه

‏ولدالنعمه يقول سلطه
والثاني يقول زلطه

ولدالنعمه يلبس بدله رياضيه اثناء لعب الكوره
وهذا يمسك ثوبه بفمه ويلعب

ولد النعمه يجلس مع امه في العرس
وهذا هو الورع الوحيد في العالم الذي يٌطلب من امه عدم اصطحابه رسمياً في بطاقات الدعوه

ولد النعمه اسمه طفل
هذا اسمه بزر

ولد النعمه تفتش جيوبه تلقاها نظيفه
والثاني عند تفتيش جيوبه يعثر على ‏حصى …‏تراب.. ‏ولاعه.. ‏حزام طرطعان ناسف

وهذي كل السالفه  ….


انتظرونا في مواقف وقصص أخرى عن المدارس الأهلية ..
(( طلابية — إدارية — تربوية ))

على فكرة ..
وعلى طاري المدارس الأهلية :

تتأخر شوي : يخصمون ..!!
تغيب شوي : يخصمون ,,
ما تشرف بالساحة :  يهبلون بك ..
مساءلات ..
وإفادات ..
وقلق .
وهم ..
ومرض ..

بس :
اللهم لك الحمد ..
تواجه موقف أو موقفين مع طلابك تنسيك جميع هذه الهموم ..

والسلام عليكم ..

(( أتحفونا بما لديكم أحبتي ))


لحظة بس قبل أن نودكم  نهمس  في آذانكم  همسة :
ترى  طلاب المدارس الأهلية   طلاب  عاديين  يعني  من بني  آدم  ..
وليسوا  من  كوكب آخر ..
يعني  كل واحد منهم  انسان  له  مشاعر  وأحاسيس  … بس يمكن بزود ..هع هع ..
صحيح  والله :  يعني  لا تحقد  عليهم  ولا تضربهم  ولا  تاخذ فسحتهم .. يعني علشانك  ما كان عندك سواق ..
ولا علشان  كنت كل يوم تنجلد .. وتمشي  نص ساعة بالشمس  ..
و لا عندك  شنطة  ملونة  وسحابات وحركات ..
الحمد لله  ..  هذا  قدرك وحظك .. احمد ربك ..
وبعدين  ترى  ما لهم ذنب  ان  اهلهم دخلوهم  بمدارس أهليه … هع
مع السلامة

… الســـــ alseyasi ـــــــيــا ســـــــي …

ودمتم بخير


تعليقات 8

  1. ههههههههههههههه بصراحه موضوعه روعه ينم عن قهر يومي هههههههههههه بس تصدق توني اعرف ان مواصفات الولد العادي انطبقت علي خخخخخخخخخ

  2. هع هع هع هع والله يوم قريت ان ولد العادي يحط النعول عوارض للمرمى مت من الضحك لا ويوم ارجع للبيت يكون السروال مشقوق من عند الركب شكلك يوميا العصريه ماتفوتها في الحاره ننتضر جديدك ياسياسي ويعطيك الف عافيه

  3. مرحبا اولا صراحة الموضوع جاي في وقته كنت جايه من المدرسة وفتحت الايميل قلت بس هذي اللي بيصبرني عالهم المقارنة هي صحيحه بس مو مرره عجبتني يعني احنا في المدراس الاهليه ما يقهرنا في الطالبات الا حبهم للدلع الزايد وبس ولا ما بيننا شيء اليوم شفت وحده من طالباتي ومديت يدي اسلم عليها وانا فرحانه وهي تطالع فيني كنها تقول لا يا شيخه من زود الشوق !!!! وشفت وحده ثانية ولا حتى تنازلت تقول كيف حالك يا استاذه … ولا حتى سلام عموما ننتظر جديدك ومشكووووووووووووور

  4. اول شئ تنحت ومافهمت شنو المدارس الاهلية بس من القهر اللي يعانيه المعلم فهمت انها ماتسمى بالخاصة عندنا اتاري الهم واحد عندنا نحن العرب وترا مافي اختلاف بيننا في ولد النعمة وغيره من اولاد اللهم إلا في هذا اللي اسمه بزر !!!!! مشكور

  5. بصراحه انا شكيت انك تتكلم عني [ الولد العادي ] وبصراحه شكيت فيك انك انت صاحبي صلوحي اللي كنا ناخذ فسحة الولدين ايمن و علاء بعد حشرهم في قرنة حوش المدرسه من ورا وبعدها نوقف عند غرفة الوكيل و بالخيزران على …….. ناكل كم جلده وعلى بالهم اننا بنبطل بس بعد كام يوم نرد ونحشرهم . ويشفع لنا في حشرتهم واخذ الفسحه انها صحيه ومعموله بطريقه عجيبه وصدقني اني اجد طعم تلك الساندويشات في فمي الى الان هع هع هع هع هع هع هع هاااااااااااااااااااااع

  6. حلو الموضوع اهم شيء اللي حجرلوه عشان يقول اسم امه من جد فيه عندنا شعب متخلف مدري ليش يحسبونه عيب اذا الواحد يقول اسمه امه ولااخته ولاشغااالتهم مدري متى يكبر المخ السعودي ويبدا يتطور شوي عن عادااااته الجاهلية وسلااااااامتكم

  7. (( أبو عبدالرحمن)) (( سعيدان)) (( مدرسة انجليزي)) (( وفاء)) ((اساسيات)) (( طالب مدرسة أهلية )) يا هلا وغلا .. وحياكم الله .. مشكورين عالرد والتفاعل .. والله يعطيكم العافية ,, ودمتم بخير

  8. هههههههههههه والله ضحكت على الي ردوا حسيت انه ضااق صدرهم يعني اكتشفوا انهم اولاد عاديين .. بس لاتضيق صدوركم لان كل الشعب عندنا يعتبرون بمواصفات الولد العادي حتى عيال النعمه الا مايطلع العررق بس الجد الجد انا من عرفت المدارس الى انتقالي للمرحله الجامعيه وانا يهونون عندي الاستاذات السعوديات بس لاتجيني مصريه ولا اردنيه اكره دنيتي كلها ياحبيلهم السعوديات حبيبات طيبات وفلله مو العربيات تجي جد كبر العربيه وشايفه حالها على وشو يعني مدرسه رياضيات مدري الحين هي ابن جبر ولاندري << اتحمست في الرد مابتسكت بس جد موضوع خفيف وحلو والله لايلومكم يالمدرسين مو من شووي رافضه اني اصيير مدرسه .. وربنا معاكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

خواطر مدرس بمدرسة أهلية

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول