خربشات


السلام عليكم
سلامن عليكم واحدن واحدن
فردا فردا
نفرا نفرا
ماني بقولكم كيفك حاااااااااااالكم لان والله محد بقولي والله انا بخير ههههههه


اولا موضوعي القديم عن الشذوذ الجنسي في الجامعات لدى البنات
في ناس كثير جتني رسايل منهم يقول صح لسان وفيه ناس سبحان الله عارضوا وهذا اكيد من حقهم بس
اقول للي عارضوني ارجع لجريده الحياه يوم السبت بتاريخ 01-03-2008
وشوفو الموضوع الي كتبو فيه انتشار حالات الشذوذ الجنسي في لدى البنات والقبض على 1170 حاله اغلبهم في الرياض
المشكله انها تحولت من ظاهره الى وضع اجتماعيه يعني صار لدى بعض الناس بدال مايقولها وهم مستحين صاروا يقولها بالفم المليان يعني صارت كلمه دارجه


وثانيا
يااخوان ادري وش تفكرون فيه 
انا اشتغل في مؤسسه ماليه لما يجيني سعودي واشوف راتبه 2500 او ثلاثه والله اني اعطف عليه
مو قصدي اني الشغل عيب ولا قصدي ان الرواتب القليله عيب لا والله
بس انقهر لما ادري انك سعودي وادري انك عايش في بلد مدخولها من اكبر الدول تقريبا العربيه لما ادري ان عندنا مصارد ربنا انعم علينا 
انقهر لما اشوف يجيني غير سعودي وراتبه 30000 انت ابن البلد انت اولى
الي عايش بالشرقيه وخاصا الخبر يعرف اوضاع الشركات فيها
ياناس والله فيها خير الشرقيه بس الناس مو واعين لها
شركات بس وظيفتها تسحب في هالجنسيات الاسيويه والامريكيه والاوربيه
وتعطي رواتبه اقرب اني اقول انها فلكيه
ياناس والله والله تمر علينا ناس رواتبهم من 50000 او 90000 تخيلوا الراتب شهريا ولا بعد معطينهم غير الراتب سيارات وفيلا ومصروف جيب تخيلو غير الراتب مصروف جيب هههههههههههههه والاكل بلاش
ياناس شايفين كيف ان في خير بس الخير برى البلد وللاسف الغلط مو منهم
الغلط منا حنا الي خليناهم يجيبون الخبراء من برى وفكروا ليه خليناهم يجبونهم من برى


الموضوع الاخير
قدر الله علي واسرعت هع
ولحقتني الدوريه ووقفني على طول وقفت قولت ياولد وقف الاوضاع في البلد تخوف ارهابين وبلاوي
وقفت ونزل لي واحد استغرب والله ماشاء الله مدرعه مو انسان مستعد يحط راسي بين اصبعينه ويفصلهم قولت الحمد لله واخيرا وظفوا المرور ناس غصب انك تحترمهم هههههههه تخوف
المهم قال لي تراك مسرع وماشي 160
قلت امنا بالله
قال حجز 24
قلت لا حرام عليك وراي دوام قال مافيه امل
والله ودخلت الحجز وصراحه خفت من كثر الي نسمعه ونشوفه عن السجون ووصاختها الله يكرمكم
بس صراحه غيرت نظرتي مدري علشاني في الخبر والعين جايه على الخبر
او اني الي ماسكها شخص يخاف الله
الارضيه رخام
اسره
والي تبغاه تلاقيه ماشاء الله فندق خمس نجوم
ولا فيه كيمرات
والحركه صراحه الي فرررررررت راسي
الظابط الي كان مناوب حاط جواله وايميله
داخل التوقيف وكاتب في حاله اي مشاكل اوشكوى ارجو الاتصال علي
او ارسال له على الايميل
اممممممممممممم
فيه تقدم صراحه
واخير احب اشكر كل الي ارسلو لي
وسئلو عني
واحب اوجه رساله لهم هم
الكتابه مثل الفضفضه
موهبه مدفونه
تعلمها


السلام عليكم
My Best Regards,,,
SoMe OnE


تعليقات 2

  1. والله خربشة مميز ياليت بس يفهموها الاغبياء …اما عن الشذوذ حدث ولا حرج الادب والخجل اصبح نادر … اما عن رواتب الاجانب والله شكلي اروح استاجر واحد عيان يطقهم عين تجيلب اجلهم ههههههههههه يسلمو حمودي معك روعة من زمان مشتركة بس الحين شكلي راح اشاركك الخربشات خخخخخخخ

  2. عزيزي تسلم خربشاتك ,,واسمح لي اصححها لدرر,,والله ماقلت الا الحق وصادق وفيه ناس كثير تعاني بسبب تدني الرواتب هذا اذا انوجدت الوظايف اصلا..بس من يسمع ولمين نشكي,,الشكوى لغير الله مذلة…….

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول