خدمات مميزة من جوجل


السلام عليكم ورحمة الله وبركاته

////
حيا الله قروب ابو نواف
شخباركم ؟وكيف الاجازه معاكم؟
ان شاء الله الكل ناجح ومبسوط ,

ما فقدتوني < ياشيخه محد درى عنك / ههه
باركولي تخرجت من قسم الحاسب الآلي بالجامعة
متخرجة سنة 2009/ الحمد لله
عقبالكم./..
والله الله بالهدايا الكشخة/< برى /


اليوم راح اتكلم عن جزء من الخدمات اللي تقدمها جوجل لمستخدميه
وهي خدمات رائعه جدا وسهلة الاستخدام حتى للمبتدئين …

خدمة اليوم من جوجل هي جوجل ديسكتوب او بالعربي سطح المكتب
وهي برنامج صغيرون تحطه على سطح المكتب ويكون موجود في احد الجهات على السطح اما يمين او يسار حسب لغة جهازك . زي ماهو موضح بالصورة

/

اول خطوة هي أن تنزل البرنامج من جوجل وحجمه جدا صغير مايتعدى 500 كيلو بايت
http://desktop.google.com/

اول مابتنزل وتعمل له تشغيل ,تلقائيا راح تلقاه على سطح المكتب ومنه تغير الاعدادات
موجود ثلاث ازرار في دوائر فوق , في الصورة الدائريه الي جوتها مثلث تقدر تغير منها الاعدادات وراح تطلع لك قائمة , روح لخيارات او اوبشن الانجلش
/

لو ضغطت على
Addgadget

تطلع لك الشاشة التالية , ومنها تقدر تضيف جادجيت او ادوات جديده حسب رغبتك

/

وراح اشرح بعض الادوات الي ممكن تلاقيها وانا صراحة استخدمها واشوف انها مفيده جدا , لكن كل واحد حسب رغبته يقدر يحذف ويضيف له

Clock
الساعه , وهذه الساعه ظريفة و اجمل مافيها ان خلفيتها هي خريطة الكره الارضية والمكان الي انت متواجد فيه ويتغير ليل ونهار حسب الوقت عندك
/
اللوكيشن/ : جدة

Arabic hijri
تعرض لك التاريخ الهجري بالشهر واليوم و السنة
/

H-dock
/
بعض الادوات ممكن تجيبها في أي مكان على سطح المكتب
وهذه الشريط فيه ايقونات للبرامج الي تستخدمها بشكل دائم , وممكن تعدل هالقائمة مثل ماتبي
اول ماتضغط مره وحده على ايقونة راح يشتغل البرنامج

To do list
/
قائمة مهامك

Windows shut down
/
هذه الاداة مررره حلوه , لانك تحط وقت تخلي جهازك يطفي من حاله في ذا الوقت .
يعيني تخلي جهازك يعتمد على نفسه/
لو تبيه الساعه 11 مساء يطفي , بس تحط الوقت وتروح تخرج برى, وهو اول ماتجي الساعه 11 راح يطفي .

Daily Teaching – The secret
/
هذه اداه لكتاب السر , ومن أجمل الكتب الي قرات لحد الان .انصح الجميع بقرآته .
والي يبي يعرف اكثر عن الكتاب هذا
الموقع الرسمي

Answer ball
/
طبعا هالاداه مو ضروريه بس انا حاطتها استهبال هههه < لايكثر/
هي كوره عاديه تسألها سؤال وتقولها اسوي هالشي والا لا ؟, وترجها وبعدين يطلع لك لجواب من الشاشة الموجوده عليها . يانعم يا لا او احيانا تهاوشك/

Virtual Flower Pot-Google.
واخيرا وليس باخر مزهريتي
/
هذه كل يوم لازم تسقيها عشان تكبر وتزهر,والا تموت
لا صدق ما امزح / , اذا مريت بالموشر عليه ينزل مطر/
جربوا وشوفوا

وهذا ملف التحميل لكل الي شرحته فوق
بالاضافه الى اني حطيت بعض الادوات الي ماشرحته .
اترك لكم حرية تجربتها بانفسكم .

ملف التحميل


خدمات جوجل الأخرى
والحين ودي ألقي الضوء بشكل سريع على بعض الخدمات الأخرى من جوجل
والي اكتشفت ان كثير ما يعرفون عنها ولا سمعوا عنها …

الملفات
هالخدمة جدا ممتازه كانك قاعد تستخدم مايكروسوفت اوفيس ان لاين
احيانا انا استخدمه اذا وصلني ملف اوفيس 2007 وان الي عندي 2003 ,, غالبا يكون صعب ترد على المرسل وتقوله ارسل الملف مره ثانية خصوصا اذا كان الملف مهم ومايباله تاخير , ترفع الملف على جوجل ويفتح لك وممكن بعد تحفظه على جهازك بالنسخة الي تبي .
ويكون مفيد اكثر اذا كنت تحتاج بعض ملفاتك لو كنت خارج البيت , وما عندك نسخه من ملفاتك , تروح لجوجل ويجيب لك ملفك الي تحتاجه ,/,
فللله صح/ هههههه

الكتب
تبحث عن اسم أي كتاب تبيه او موضوع معين . او تبي تعرف معلومات عن أي كتاب او نبذه .
باختصار مكتبة الكترونية .

الترجمة
يترجم لك أي كلمة من أي لغه الى أي لغه تختارها.
وممكن يترجم لك نص كامل او صفحة ويب او موقع بأكملة.

المجموعات
خدمة الجروبات , والي موخرا جروب أبو نواف حول جروبه عليها .

Chrom
متصفح جوجل الجديد
وهو جدا خفيف وسهل الاستخدام.
وكل يوم جوجل تضيف له مميزات اكثر.

الباحث العلمي
تبحث عن أي مقالة علمية أو بحث علمي , خصوصا اذا كنت تبي تسوي بحث ومحتاج عنه معلومات موثوقة .

للتعرف على خدمات جوجل الاخرى من هنا


وبكذا خلص موضوعي ,وأتمنى أني أفدتكم وكان الموضوع خفيف الظل/ ..
شكرا لكم ولوقتكم الثمين …
انتظر تعليقاتكم وانتقاداتكم البناءة ….
__________________

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ
بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت

تقبلو تحيات اختكم
فديتك يا غلاتي
/


تعليقات 28

  1. اشكرك شكر جزيلا …..طبعا انا مو متعمق في الامور هذي …بس لاحظت الاخلاص في العمل من ناحيتك .. وكلك ذوق ..

  2. خطيييير .. قبل فتره [ من بعد فيستا البايخ B ] كنت أبي هالشي يكون بسطح المكتب .. بس ماحصلت برنامج زي الناس .. لكن من جد قوقل رهيييب ،، حتى شغلاته والبرامج اللي موجوده توسع الصدر الله يعطيك العافيه ..

  3. يسلمووووووووووو فديتك على هالموضوع الرائع و المفيد جداً .. ننتظر جديدك 🙂

  4. شرح واضح (وصريح) .. كافي ووافي .. ماشاء الله اتقاااان وابداع .. ومعلومات مرتبه .. ومفيده .. الله يوفقك ويكتب لك الاجر .. .. وشركة قوقل نازلين بثقل رهيب في النت كانهم هم اللي اخترعوه.. مع انه لو تقول لاحد سوي شي في النت يقول لك مابقى شي اخترعه كل شي الناس اخترعوه .. قوقل اثبتت العكس ..

  5. مشكوره اختي يالغلا:$ موضوعك راح يفيد الجميع وان شاء الله راح نطبقه افيدينا بالمزيد وشكرااااااااا:D

  6. لاخلا والله ولا عدم… وألف ألف مبرووك… على التخرج وعقبال الماجستير… وترى على فكرة ترى ما نستغني عن دروسك وإضافاتك في الفايروكس…:D من جد… أوكي

  7. اشكرك شكر جزيلا …..طبعا انا مو متعمق في الامور هذي …بس لاحظت الاخلاص في العمل من ناحيتك .. وكلك ذوق ..

  8. مبروك ع التخرج أولآ وعقبالي وعقبال كل المنلطعين في جامعاتهم مشكوووووووووووووووووور ع البرنامج وع الشرح وع وقتك كمان

  9. مكشوره فديتك موضوع مميز ومفيد والشرح واضح وسهل ربي يسعدك وألف مبرووووووووك التخرج عقبال الوظيفة أو الماجستير أخوك الوجيه ولا تحرمينا من ابداعاتك

  10. في الحقيقة ابداع الله يجزاك خير انا حبيت حركة انة يقفل الوندز بتوقيت …B

  11. الدانه العفو وشكرا لمرورك فهد الاروع مرورك famous اهلا الذوق منك وفيك سميحه المليحه يامرحبا يامرحبا سميحه عندنا :$ اسعدني مرورك جدا وعلى فكره المنتو الكذاب لي شهرين بسويه وماسويته اول ما اسويه برسلك صحن منه :$ بنت التميمي شكرا لمرورك اللطيف يا عسل سعيد الزبيري شكرا لك 😀 واخيرا احد شاف وقدر مجهودي 😀 moon اسعدني مرورك ولاتحرمينا طلتك مراحب فاطمة اهلا فيك وخبريني اول ماتجربينه Mr:- khalid الله يبارك فيك وعقبالك tajeralahzan شكرا لمرورك اللطيف السنجاري الله يبارك فيك وعقبالك كائن ربي يوفقك وشكر لمرورك الوجيه اسعدني مرورك الذوق

  12. اولا السلام عليكم ثانياً احب اهنيك على التخرج والف الف الف مبروك وعقبال الشهادات العليا واحب على هالمعلومات والبرامج وخصوصاً جوجل ديسكتوب شاكر لك هالمجهود والتعمق الاكثر من رائع

  13. :$ اولاً شي مببببببببببببببببببببببببببببببببببببببببروك تستهالين كل خير . ثانياً : ان تستفيدي من خبراتك وتفيدين الي حولك . ثلثاُ : يعطيك الف عافيةموضوع جيد

  14. مشكوره وما قصرتي والله 🙂 عاد انا اكره فيستا وما استخدم الا اكس بي وكنت اتمنى هالشي يكون موجود وجوجل ما شاء الله برامجهم دائماً رهيبه 😀

  15. الحمد لله على كل شي الدنيا في تتطور مذهل وكل شي تغير مشكوره اختي على هالمعلومات القيمة

  16. تسلمين يالغلا على الموضوع الروووووعة.. صدق ابدعتي فيه واحلى شي انج دعمتية بالصور.. عجبتني سالفة المزهرية.. على فكرة.. ترى هالخدمه موجوده مع الفيستا.. Windows Sidebar بسير ادور الجادجت مال المزهرية.. لاهنتي غلاتي..

  17. يابعد حواجب شغالتنا يابعد شنبات السواق اللحين وين الاقي هالشغلات الي تقولي عليها انا حملت البرنامج وطلعت لي الساعه الي في سطح المكتب بس وش لون ادخل على حكاية الملفات والترجمه ومدري وشو انا ماعرف غير عربي وديراوي كمان 🙁 شكرا لك

  18. تسلمييين فعلا بنت الحاسب مشكورره مره مبروك النجاح وانشا الله تو ظفين بالحكومة قولي اميين وتبدعيين ….:D

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

خدمات مميزة من جوجل

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول