!! خبر عاجل… اعلان حالة الطوارئ فى مستشفى ارامكوا


جاك الموت يا تارك الصلاة… أعلان حالة الطوارئ فى مستشفى ارامكوا

والله وفضيحتك قربت يا ارامكو اليهوديه…… قصدى السعودية

اخر المصائب بما ان سياسة امسك لى واقطع لك تجاوزت الحدود واصبحت امسك لى المستشفي وانا اقطع لك العالمية….

مستشفي ارامكو السعودية يحاول الانضمام الى لجنة المستشفيات العالمية
JCIA و اليوم جاءت لجنه تفتيش من امريكا بخصوص هالموضوع…..

وأهم شروط للأنضمام للعالميه000الخدمة العالية و الجودة وألمام الموظف بأحدث تقنيات وظيفته و تخصصه وذلك بحضوره الدائم للكورسات .. وتثقيفه من قبل ادارته ومتابعتها الدائمه لمستواه ولتطوره >>>>>> اجل العالمية سهله هذه فيها علوم وعلوم

وطبعا ارامكو ما قصرت لا كورسات ولا تطوير … والحشرات تسرح وتمرح فى الادراج العاليه قليلة الاستخدام …. و الموظف اخر من يعلم بالقوانين لأن كل ما سال قالوا له مو شغلك كل تبن واشتغل …. والأحلى فى الموضع ان30 % من الموظفين فوق الخمسين ولا يحملون حتى شهادة الابتدائية ؟!!!!!!!!!!!!!!!!

و بما أنهم عارفين موظفينهم زين ما زين وان حدهم مكاتبهم وانهم من كثر الظلم اللى يعانونه ما تهمهم العالميه… جو وخذوها من قاصرها بعد ما وزعوا عليهم أوراق وش طولها وش عرضها واجتمع كل أداري بموظفيه وقال :
يا تحفظ المعلومات هذه صم وكل سؤال تنسأله تجاوب عليه صح يا نفصلك ؟!!!

والموظفين بغي يغمي عليهم من الخرعة ..لان اللى المفروض يتعلموه فى سنين ..يبونهم يتعلمونه في يوم وليلة …عشان لا جت اللجنة لا تتفشل ارامكو وتصير مستشفي عالمي !!!

على مين على همان يا فرعون .. محنا طابخينه سوا ….. قال ايش عالمية وانتم على ادارتكم على اكبر راس فيكم .. حدكم سوق الحراج ..

لا ويبون يخدعون اللجنة .. صابغين المستشفي .. ومغيرين الباب الرئيسي بخمسين الف دولار .. وطبعا نص المبلغ فى جيوبهم استمرارا مع سياسة الاختلاسات العالمية .. من جهة التخطيط والتنفيذ..

ويا ريت يبون العالمية عشان المرضى ولا عشان مصلحة الوطن والمواطن ورفعة سمعة مستشفيات المملكة … لا والف لا … ما غير الفكرة من السوسة الى جابوه يصلح المستشفي وصار اكبر حرامي فيها .. والمضحك والمبكي ان اسمه خالد البو عينين وين عيونك عن الى يصير من ظلم و فساد ادارى ..وين عيونك يوم تسكر باب مكتبك فى وجه كل الموظفين المظلومين.. وراك ما صلحت الفساد الادارى اللى اصلا جايبينك علشانه قبل لا تدور على العالميه ؟!!

كل اللى سواه الاخ انه قص عليهم وقال لنفسه…. اخذ لى ترقية .. واطلع منها وبحريقه مستشفاهم واللى فيه ويش لى انا بوجع الراس .. وكل اللى سواه انه مواعد شلة الفساد بأشكال وأنواع من الهبرات والأختلاسات …من منطلق انهم بيصيرون عالميين عشان كذه اقنعوا ادارة الشركه انه لازم زيادة الميزانيه والمصروفات بما يليق بالعالميه عشان ما يتفشلون قدام العالم ويسيئون لسمعة الوطن .. !!

واذا ساءت سمعة الوطن .. مين الى راح يطيح وجهه اكيد ولى الأمر عاد ترضون كل هذا يصير لا والف لا … اجل لازم يوفرون الميزانيه من الزيادات السنويه للموظفين ويوقفون ترقياتهم يعنى مو لازم الكل ياخذ فلوس ويترقى اهم شى الرؤساء اللى بيجلبون العالميه ما يقصر عليهم شى..!!

حتى الادويه وقفوها وقصوا على ادارة الشركه وقالوا بنوفر 4 ملايين وقصوا على المرضى وقالوا
بنوقف بس الفيفادول والحقيقه انهم حتى الان موقفين 25 دواء والبقيه فى الطريق وللمعلوميه الادويه وقفوها على السعوديين فقط اما للاجانب فهى تصرف للان..!!

والحقيقه المره ان المستشفى اسم فقط مو اكثر لان اكثر الموظفين يشتغلون بوظائف غير مؤهلاتهم … يعنى هل من المعقول ان الموظفات اللى دارسين سكرتاريه موظفينهم فى مختبر الدم يسحبون الدم للمرضى…. واللى مو مصدق يسأل اى احد بالمستشفى وراح يجيه الجواب وللمعلوميه بعض موظفين المختبر لا يحملون حتى شهادة الثانويه !!

اكثر الممرضات ليست معهم شهادات تؤهلهم لاعطاء الابر وخصوصا الفلبينيات والهنديات لان اعطاء الابر تحتاج لشهاده خاصه والممرضات بنفسهم يعترفون بهذا الشئ وانهم تعلموا اعطاء الابر بالممارسه فقط وتم استبعادهم مؤقتا لمده اسبوع ليأخذوا الضغط والحراره فقط فى العيادات الخارجيه طوال فترة وجود اللجنه !!

فى قسم الجراحه يوجد اطباء شهادتهم هى طبيب عام فقط ولكن ادارة المستشفى العبقريه ترى انه لامانع من اجرائهم العمليات وبالمره يتعلمون بالمرضى وهذا يبرر الكثير من العمليات الفاشله وكثرة القضايا التى يرفعها المرضى على المستشفى وتم ابعاد 26 طبيب عن قسم الجراحه مؤقتا فقط من 28/9/2002 الى 2/10/2002 فى فترة وجود لجنة التفتيش عشان ما ينكشفون وما تضيع عليهم العالميه !!

صدق من قال ( اذا كان رب البيت بالدف ضاربا فشيم اهل البيت الرقصا )..
الا الرقص قليلة عليهم … كل إداري صاير فيفي عبده على غفلة يرقص القانون على كيف كيفه وحقوق الموظفين اخر شي يهتمون فيه …

وهذه مو اخر القصة لان الموظفين توعدوا لهم .. إلا بيفشلونهم .. وإذا جاهم احد بيقولون والله منعرف محد قال لنا … محد علمنا .. محد ودانا كورسات .. وطبعا ما يحتاج ثلاث ارباعهم ما يعرفون كوعهم من بوعهم …. والكل متوعد دكاتره على ممرضات على سكرتيرات ..

الوعد هالاسبوع ان قالها ربى من يوم ثمانية وعشرين الشهر( 28/9/2002) فضيحة ارامكو على الملأ

حال لسان الموظفين يقول .. اذا المستشفي صار عالمي هل المعاملة بتتغير…. الجواب طبعا لا
طيب هل ستكون هناك حوافز للموظفين على الاقل اعطاء الموظف ابسط حقوقه… طبعا لأ
بما ان الداخل للمستشفى مفقود والخارج منه مولود هل بيسمحون لنا بالنقل لدائره اخرى…طبعا لا والف لا..

اجل هي خاربه خاربه خلونا نعميها..!!

تحيات
فاضحهم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

!! خبر عاجل… اعلان حالة الطوارئ فى مستشفى ارامكوا

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول