حليب نادك


السلام عليكم ورحمة الله مريت على بقالة القصيم واشتريت منها هذا الحليب اللي سينتج يوم الاربعاء 15 / 4 علماً بأن اليوم هو الأثنين 13 / 4 …… ولك الله ياأيها المستهلك ونحن نتساءل من المسؤول وأين الرقيب وكم نحن في سذاجة وغفلة نقبل أن نهدهد بتاريخ مفتعل وسوف نرى الشركة تبرر لنفسها كما يحلوا للرقيب


تعليقات 28

  1. سلامااااااااااااااااااااااااااااااااااااااات حليب باقي ما صنعوه :(:( انتظروا حماية المستهلك ان شاء الله بعد 10 سنين

  2. هلا والله بـ: ضض اخوي حتى التاريخ انجليزي غلط اليوم 29\3 وهم حاطين 31\3 يعني واضح انه مو غلط ابدا ابدا 😀

  3. حتى انا صاير لي نفس الشي مع شركة المراعي او الصافي ناسي .. شريته من اسواق بن داوود

  4. هذا بدال ماتشكرهم على التطور الموجود عندهم 🙂 أنت إيش عرفك أصلا .. هم عندهم قدرات خارقه في التقدم وأخذ حليب توه ماأنصنع ويرجعونه لعالمناا الحالي ..ويعطونك أياه 🙂 ذلك لازم تشكرهم مو تفضح فيهم :$

  5. والله في السعوديه فيه حراميه ونصابين كثير ولا احد قادر يوقفهم لكن ربك فوق

  6. انا اظن ان الوزارة او الجهه المسؤولة عن الاطعمه فارضة على شركات الالبان ان انتاجها للحليب ينتهي بعد 4 ايام من تاريخ الانتاج وهنا فيه تلاعب من قبل الشركات المنتجه انهم ينتجون الحليب قبل تاريخ الانتاج المكتوب في العلبة بيومين او ثلاثة ايام وبذلك تكون صلاحية الانتاج 7 ايام والشركه مستفيده من هذي الحركه واذا احد توهـ يلاحظها ترى هذي الحركه تسويها شركات الالبان تقريبا من فتره سنه ولكن محد يتكلم او يلاحظ هذا الشي ولكن ما فيه رقيب ((حسيت اني قاعد اشرح درس))

  7. بالفعل أنا صارت لي رمضان الماضي واشتكيت وزارة التجارة وحماية المستهلك و إلى اليوم ما أحد رد عليّ أنت سم و اشرب وعليك بالعافية ..

  8. انا من وجهة نظري ان الشركه ماهي بهالسذاجه والغباء حتى تلعب بأسمها وسمعتها بالسوق بهذه الطريقه وهي داريه انها بتلحق بمنتوجها هالخساير,من وجهة نظري هذا هندي لقط الطابعه الغلط وحطها بالمكينه ونزل الحليب بتاريخ ماهو بوقته,لكن هذا دليل ان العماله ماعليهم رقيب,واستغفر الله ان اكون ظلمت نفسي والناس.

  9. هذي ناس ماتهتم بالمستهلك ومدى رضاه… ناس مايهمها إلا الفلوس(..ياملا الموت:(..) لا أقول إلا كما قال الأمير عبدالرحمن بن مساعد : لا حول ولا قوة إلا بالله…لا حول ولا قوة إلا بالله..لا حول ولا قوة إلا بالله

  10. انا اضم صوتي الى صوت :~ صدى صوتي B يعني بالعقل شركه كبيره لها سمعتها بالجوده 0 ماهي مضطره تسوي كذا ؟ وبعدين الموضوع 0واضح بدل الصفر كتب خمسه ؟ والدليل لان الحليب طويل الأجل ؟ معقوله يصير بس اربع ايام وينتهي ؟ مستحيل ؟ واااضح الخطى 0 والله اعلم

  11. العبدلية اي طويل اجل ؟ هذا اللي يسمونه طازج طبعاً قلت يسمونه لأنه بودره خالص ويقولون طازج ومن قوة انه طازج جايك قبل لايحلبونه من البقرة بيومين ههههههه حسبنا الله ونعم الوكيل لعب عيني عينك واحنا ياغافلين لكم الله – الله المستعان بس شكراً لك يا سامي على التنبيه وانا من اليوم وطالع ما اشتري الحليب ولألبان الا واتأكد من التاريخ انا كنت انتبه انه مايكون منتهي والحين بنتبه لايكون منتهي ولا محلوب قبل اوانه هههههههههههههه شر البلية مايضحك

  12. افضل لبن وافضل حليب هو فيحاء العتش على طريق الرياض من القصيم اشربوه وادعولنا /احمد الرويان/الكويت

  13. ياجماعه المسأله بسيطه جدا .. انا عندي سوبر ماركت وتحصل معي يومياً .. لأنهم غالباً ينزلون في المساء حق بكرا لازم يحطون يوم احتياط او هامش عشان المناطق البعيده .. كلنا نعرف ان المراعي ونادك يوزعون ايظاً على دول الخليج وعلى ما يوصل لتلك المنطقه راح يكون عدى عليه يوم او اكثر وحرام يحسب عليك يوم وانت في الطريق .. على كذا المناطق البعيده ماراح يجيهم حق اليوم ابداً !!

  14. انا مرة خذيت لبن في رمضان وكان اليوم الاحد وشفت التاريخ طلع يوم الاثنين .. هم كذابيــــن

  15. لا وتدري وش بعد !! يقولون لك البقره اللي جابوا منها هالحليب توها ما انولدت باقي في بطن أمها .!!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول