][ حسايف … تذبل الضحكه وهي بين الشفايف ][


السسسسلام عليهم ,,
صبحهم / مسهم بالخيرات والمسرات
ياقدمي صح خخخخ
على طاري ياقدمي ,
الف الف مبروك لكل اللي نجحوا
عيال وصبايا
وعظم الله اجركم ياحقين ثالث ثانوي
واجري معكم بعد ,
اجل ابي ارفع معدلي واكتشف اني ماخذ مادتين
D ومادتين C , يقلع ام الحظ اللي زي وجهي
الموهم ماعلينا , شخباركم انتو شعلوكم وش مسوين؟؟ عساكم بخير؟؟ , لكم وحشه تصدقون , كثر هذرتي وكثر حوادث الرياض وكثر ما خذت D فمواد الجامعه :$ هع هع
ابو نواف , ياخي احبك حب ماحبه قبل كذا بشر
يوسف , ليت فيه منكـ 4 , بعدين اقول لك ليش
,
تحملوا مصالتي تعرفون واحد دايخ فيه النوم ويبي يعرس
مسيار خخخ
خلونا نبدا مثل العاده , ماودي ااخركم اكثر يا
وعـين
.. ..

التفت …
وتوها … توها ما اختفت …
ماكساها الليل … باللون الحزين …
التفت … وتعالت صرخته …
في نظرته …
صاح … لكن بالنظر …
وانكسر …. شوفه عثر …
حسايف .. تذبل الضحكه وهى بين الشفايف ..
تذبل الفرحه وتضيع …
ويصبح الكون الوسيع …
مايكفي خطوتين .. لاكساه الليل بااللون الحزين ..

زواج المسيار .. اكتبـ/ـي رايكـ في سطر عنه ؟
اراء العوانس :
– مااعرف عنه شي واحس اللي يتزوجه يتوهق وماله هدف بالحيااه 🙁
– الله يكفينا شره
– بوابة العوانس للحياة , المسيار وش حلاته عرس بدون حدود ولا حكر ولا فرض قوانين , يعني مايتحكم فيني , ويجي على الكيف , بس اني ارفضه لان المراة مشاعر ماهي سلعه لكن تحدها الظروف تقبل والعمر يمكن ..
– بايخ .. غبي .. ماله اي داعي .. ومافي فرق بينه وبين زواج المتعه .. لانه بنظري داخل من المحرمات ..
والي يتزوج بالمسسيار حمار وغبي ودلخ وثور ورخمه <
– فاشل وماله امان 🙁
– انه زواج ينفع العانس وينفع اللي مقحط ماعنده ولا فلس , يتزوجها واهي في بيت اهلها , يروح وايي عندها
– خراب بيوت .. زواج متعه بطرق ملتويه 🙂
– زواج المسيار خراب بيوت وضياع لحقوق البنت :/
– بصراحه زواج ماله داعي ~ 🙁 ~ خاصه لـ الشباب لو هو كبير وتزوج مسيار وزوجته مقصره بـ حقه ممكن اقول يحق له ~ بس مثل اشكالك لااااااااااااااا و الف لاااااااااااااااا
– زواج المسيارحلو ويفك ازمه
– عيب وشق جيب الحين يوم انك يامال الصلاح عندك فليسات وراه ماتعرس عليه قدام العالم
– زوااج المسيار شئ مدري وش يبي من حياته مع احترامي الشديد , وذلك الزواج يؤدي الى فساد المجتمع وخراب البيوت>>متاثره بالفقه هع , يعني اذا احد ما وراه اهل يتزوج مسيار

اراء الشباب :
– قمة الوناسه .. بس فيه ناس وسخه تفهمه غلط
– فشله اكبر من نجاحه
– يفك ازمه << اقل من سطر بس معبر
– زواج المسيار من افضل الزواجات اللي انعم الله علينا بها وازين مافيها لاخساير ولا غثا ولا وين رحت ووين جيت وبزلج الباب عليك
– احس فيه اهمال لحقوق المراة , بس برضو يفك ازمه بالنسبة للرجال والمره
– اقول بدر قم ذاكر ولا يكثر
– زواج نافع وممتاز وهو الحل المناسب لموجه غلاء الاسعار
– المسيار ملجا للذي لا ملجا له .. يعني انا منقطع ماتزوجت ادور مسيار , بالمثل واحد متزوج وماش ماتهنى بزوجته يدور وحده ثانيه وبنفس الوقت مايطلق الاولى , وتراي ادور تسان تخبرلي
– اول مره اسمع به :$
– التحايل بالشرع لعلاقة غير مقبولة عرفا
– زواج ونااسهـ .. بس في ناس تفهمه غلط ! , استقرار مؤقت ومتعه بمعنى اخر
– زين مررره وينفع للطفارى مثلي , بدير ماتخبر لي خطابه مسيار؟؟
ارائكم انتم ذكورا واناثا ..(في سطر بعد) ؟!


الحالة : بالخارج
محمد : بدر موجود؟؟
الرسالة الاليه لـبدر : انا طالع الحين اودي اهلي , برجع بعد ساعه , بررب
محمد : ياخي ادري انك فيه .. رد ياخي .. ابيكـ ضروري..!
محمد : طيب اوريك ..!


الحالة : مشغول
حامد : بدر
حامد : ممكن شوي بسالك عن شي ..
حامد : ياخي رد , منتب مشغول ولا شي ..!


الحالة : غير متصل
حمد : بدر فيه ؟؟
حمد : وينكـ امس؟؟
حمد : بدر ادري انك اوف لاين
<< حركات بعض الناس مسوين بيقفطون
حمد : اوكي بدر اذا دخلت كلمني ..


الحالة : متصل
محمد : بدر وينك امس .. اكلمك ماترد ..!
بدر : ياخي طالع اودي اهلي ..شلون ارد عليك؟؟ ويوم رجعت مالقيتك .. !
حامد : بدر وينك امس ماترد علي ..؟
بدر : انت عارف وقت اختبارات , وطالع اذاكر..
حمد : بدر وراك مادخلت امس , احسبك اوف لاين .؟!
بدر : ايه اشتراكي كان مخلص , بس وصلتني رسالتك الفوريه .. وعلاطول رديت عليك ..!

,
– كثير نشوف مثل هالاشكال .. تقريبا بشكل شبه يومي , مسببين قلق وازمات فالماسن ..؟!
-واكثرهم يحسبونك تنصب عليهم .. بس حاط هالحاله منظر بس ..!

,
سـ/ هل انتـ/ـي من النوع اللي تحط/ـين بالخارج اذا جيتـ/ـي تطلعـ/ـين ؟ ولا تصكـ/ـين الماسن وخلاص ؟!
سـ/ هل انتـ/ـي تحطـ/ـين بالخارج وانت فيه , عشان تصرفـ/ـين اللي عندكـ بس ؟!
سـ/ وش موقفك من اللي يتكرر منه نفس هالتصرف كثير ؟!
سـ/ كم عندكـ من جهة اتصال فماسنجركـ؟ <= ماله دخل بس زيادة عدد هههه
سـ/ كم حملت من ماده ذالترم؟ <= برضو زيادة الخير خيرين


يوم مد لها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرها ..
وعمرها … ما جت على وقت الوعد …
الا ذاك اليوم …
و عمرها … ما بكت .. و ما ضحكت …
ما حكت له .. واسكتت
مثل ذاك اليوم …
كانت اجمل من خياله … كانت انظر …
كانت اكثر … من اماني عمره الظامي حنين ..
و اختفت … من كساها الليل باللون الحزين

اما ابو خشم .. على قولة عادل امام / من قلة اسامي يعني هههه

كفو يالسنايدي .. نص العالم يشربون فالمحل وينحاشون قبل يحاسبون ههههه
شفتها كثير فالعثيم وبندهـ

جاك الموج ياتارك الصلاة

يعني نديور ولا لا ؟؟

عاشت الاسامي .. المخاليق اجل .. اموت واعرف وش دخلها فـ حلاق؟؟

ياوييييلي .. خلاص مابي اسافر .. خفت <= ياي

شوفوا الارقام
92144
92114
يسمع بالترجمه

اما اطالي
وحالة منتاذه بعد ههههه
هاه فيه شراي يا قماعه؟؟

هذي فالشرقيه ع البحر يوم فاز الهلال بالبطوله على الاتحاد , الموسم اللي راح
بس والله ياهو هبال وخبال صار
بالدباب انواع التفحيط بين السيارات , ومعي فوطة اخوي زرقا خخخ
واعذرونا على جودة التصوير , n70
ولد خالتي الدب جلس على الكاميرا حقتي وقالت (طق) <= انكسرت يعني

هذي شغالتنا السيرلانكيه تحب سواق الجيران , راحت تهديه الورد اللي تشوفونه
صدق اذا قالوا ومن الحب ماقتل

تقول امي نوره رحمها الله في كتاب الطفرة , والطريق الى الحفرة :
(( مد لحافك على قد سيقانك ))

مرتن من المرارير المريرهـ , طالعن انا واهلي رايحين لبيت وحدتن تقرب لنا , الموهم في طريق العليا كان جنبنا سيارة تاكسي , ألتفتت نوره* أختي وقالت يمه شوفي شوفي ذالحرمه جالسه جنب ذالرجاجيل ولا لبست شي ..!
طبع هالشي دخيل على مجتمعنا المحافظ

رحت قربت من عنده وطقيت لها هالصوره
أوووه قصدي طقيت له هالصوره

مسيكين من الروعه الفلبيني يناظرنا , ونوره تضحك في خشته وتقول حرمه حرمه خخخخ
وجهه تقلب آحمر وآخضر وفوشي وكل شي
يانوره يا اختي , عيب عيب , دهـ راقل , إختشي يا بت , بت لما تبتك <= خبطت الأسلاك هههه
ملاحظات:
*نوره = ناجحه من اولى ابتدائي وتنقل لثاني ابتدائي
* هذه الفقره برعاية مناديل أفنان (عب بـ 20 وإربح منديل) + سيارات كابرس / متعة القياده ومسكة الخطوط .

انتحار الاشارات المرورية
كان يا مكان في قديم الزمان في سالف العصر والاوان
كان فيه ناس سعوديين حطوا لهم اشارات عشان ترتب لهم سواقتهم , عشان تقلل الحوادث , وتنظم السير ,,
الموهم مع مرور الزمن هالناسات السعوديين مره يقطعون الاشارة (
فيس يناظر مشاري ويضحك) , ومره يمشون قدامها ويساقطون ع العالم وهي حمرا (فيس يناظر المرايه ويتحمد ربه) , ومره يمشون 220 ويمسكون اليمين (فيس يناظر يوسف ويغمز) ,,
ويقول لك
من امن العقوبه اساء الادب

بعد بضع سنين <= متعوب عليها بضع خخخ
بعد بضع سنين انتشرت ظاهرة اخرى , الا وهي
انتحار الاشارات المرورية , بسبب ان كل من هب ودب طنشهم ,

وانتهت السولافه ,,
الظاهر يا عيال السعوديه لو يحطون لكم الف اشارة ماينفع معكم,,
سحقا لابليس واعوانه ,,



في الختام/ لا يسعني الا ان اشكركم على صبركم علي , وتحملكم مصالتي  ,,
.
اتمنى ان يحوز على رضاكم , وينال ذائقتكم

سبحانك اللهم وبحمدك , اشهد الا اله الا انت , استغفرك واتوب اليك

اللهم انت ربي ، لا اله الا انت خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي فاغفر لي ، فانه لا يغفر الذنوب الا انت

كتبه /
باء نقطه شين
بدر.الشوق

للتواصل
b.s11@hotmail.com


تعليقات 10

  1. هاااااااااااااااااي < < جااايتكم دااعسة يعلق ع موضوعك ألحين أنت يالشين وش هالمصالة اللي عندك توك في الجامعة وتفكر بالمسيار أقووول أقضب أرضك واحفظ مكافئتك << هع هع هع دارية أن ماعندك غيرها مصروف وش لك بعوووااااار الراااس ترى الحريم مامنهن خير أكل ومرعى وقله صنعة << ملاقصد نفسها أبدن أبدن أقوووووووووووووول صدق أنك تمساااح سعوودي استغربت قايل اسم أختك واخرتها تطلع بزر هع هع هع ايه لوها كبيرة كاااان قلت أختي هيه والا أختي ياهوووو والا اختي قوقل << ماودك تسكتين انتي عااد >> طيب خلاص خلصت باااااااااااااااااااااااااااااي

  2. أحلا مافي الإيميل كله مناديل أفنان (قلب يدق بسرعه) وهـ بس بس الموضوع الجاي حط فيه صحة أفنان حقت الماء ههههههههههه يالله بجاوب على فقرة المسن 😀 -أول شي أحط الظهور دون إتصال إذا ماكنت فيه و لا جيت أطلع -ماعمري حطيته بالخارج وأنا فيه ولا عمري صرفت أحد عندي << مؤدبه الله لا يضرك -دايم 24على 24 ساعه متصله بس الحاله أوف لايـن ياموجوده ياموموجوده << هههههههههه << تراه أول رد لي بأبو نواف << بشري مامي حسايف تذبل الضحكه وهي بين الشفايف << الله الله بدر الشوق ,, بنتظار إيميل جديد خيو

  3. اووولن D أحسن من F … ف مبروووتسسس ثانياا المسيار ظلم للمرأه ونصرة للرجل (وين حقوق المراءه عننا :$ ) والكاريتكيير معبر جدن ههههههههههههههههههههههههههه ثالثا المسن نفس الحاله تقهرر اواي يعني فيذاك يعني منناب حووله :p وسلملي على حركة اليوتيرن ;p

  4. الله يعافيك تدري لييه؟؟لاني توني ما اخذت الشهاادة رااحت علي نوومة وماا ودي اجييبها >>لمنع المشااكل اما بالنسبة للمسن انا الي مايكلموني على طوول بلوووك وسااعاات احط بالخارج وبرضوا ناااشيبن ومشغول >>>اووه اسفة لهيتك وتبدأ سووالف >>يااعمي قلنالك مشغوول بس عبس ما فية فاايدة ودايم اووف لااين لان بيني وبينك ترى هالعبارات ماتنفع مشغول _بالخارج ماتنفع لنا كناس زااااحفيييين … شووووووووووكرا ^_

  5. أولا : موضوع رائع وجميل .. إلا الحديث عن المسيار .. أجمع العلماء على جوازه وإباحته .. وأمة محمد صلى الله عليه وسلم لا تجتمع على ضلالة .. فالله سبحانه وتعالى عليم بمصالح عباده وما ينفعهم وحكيم . لذلك التعليقات خطيرة .. 1- شيء أباحه الشرع فكيف تقول ما رأيك فيه .. بل يقول المسلم آمنا بالله ورسوله . 2- أخشى أن تكون التعليقات من الاستهزاء والله سبحانه وتعالى أعلم . أخوك : أبو مريم

  6. الحين انتم مصدقين بتلقون وحده ترضى بكم مسيار ترا مافيه وحده بترضى تتزوج مسيار الا فيها بلا اما المسن انا غالبا اوف لاين واحيانا اوي ونادرا متصل مره حطيت متصل ونسيته ورحت انام متعوده على اوي واوف لاين يوم رجعت لقيت محادثات وناس تتشره ليه ماتردين

  7. السلام عليكم ،، موضوعك توووحفه أخوي بدر الشوق .. أولا مبروك النجاح.. من ناحية زواج المسيار في ظلم لحقوق المرأه وبقوه بعد 🙂 يعطيك العافيه أخوي .. لاتحرمنا مواضيعك الطريفه ..

  8. السلام عليكم اخوي ,, بصراحه اخوي عليك بأسلوب حده يضحك وحلو .. واصل واصل في هالإبداع 🙂

  9. يعطيك العافيه على هالايميل بالنسبه لزواج المسيار انا موب من النوع اللي يايده لان الزواج فيه حقوق على كل واحد من الزوجين للثاني وزواج المسيار فيه ضياااع لحقوق المراه بالذات هذي وجهة نظري وتعليقاتك عالموضوع ههههههه خطيررره ……………………. اما بالنسبه للمسن ج1/اذا جيت بطلع اصكه وخلاص ج2/لا انا مانيب احط بالخارج وانا فيه ..اذا حطيته معناته اني فعلا مانيب فيه ج3/موقفي عادي كلن حر بنفسه يحط اللي يبي ………….. والمحل ضاقت الاسامي الا ابو خشم هههههههههه بس شكله متعقد من خشمه ابو الشباب والاجره خخخخخخخ على باله مترجم هو دميجته!!! هذا وهي ارقام اجل لو جمله وش بيسوي!!! اخوووي بدر الشوق الايميل تماااااااام التمااام عوووووافي تحياتي لك اخووووك سلطان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

][ حسايف … تذبل الضحكه وهي بين الشفايف ][

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول