جيتك وانا كلي غرام وصبابه


جيتك وانا كلـي غـرام وصبابـه *** للموقع اللي فيه بادلتـك ا لشـوق
الدار خالي شـرع الحـزن بابـه *** ماكن به ملخوق او جـاه مخلـوق
واسرجت لك خيل الطلب والطلابه *** وعنيت لك من ضامري كل طاروق
ضما الخفـوق وكمـل الله زهابـه *** برك وطاح الحمل مابقـي معلـوق
كن الفرح يقفي وانا اتبـع سرابـه *** شمس الامل غابت ولاتعرف شروق
واونست في صدري قنيب الذيابـه *** قنيب من حده زمانه علـى العـوق
افقـدك وانـادي ولا شفـت ثابـه *** ياللي عليك العلـم ياقبلـة الـذوق
انت الحبيب اللـي ذبحنـي غيابـه *** وانت الغريم اللي معه حق موثـوق
علمتني معنـى الشعـر والكتابـه *** وعلمتك ان الحب عاشق ومعشـوق
وياكم قلـبٍ جايـر الحـب أذابـه *** وياكم دمعه ضايقت مقلـة المـوق
قلت الهوا صعبٍ نـداري مصابـه *** غدار في طبعه وله سلم وطـروق
اكثـر دروبـه تكتنفهـا الغـرابـه *** وانتاجه اللوعه ومن فـوق لافـوق
وان الرموش الها طعون واصابـه *** سطواتها تسطي على كـل معلـوق
لـو الاوادم فالطبـايـع تشـابـه *** ماشفت به هجران او دمع مدفـوق
لد النظر للجـرح وتشـوف مابـه *** لعلي القى قلب من رحت مسـروق
خذني من دروب الشقـا للرحابـه *** واقطف لي من الورد ياورد زملوق

وجد شاعر

 


تعليقات 10

  1. قصيده رائعه بحق احساس عذب ايها الشاعر حسب اعتقادي انها للشاعر عبدالله العصيمي

  2. ابداع منقطع النظير ياعبدالله ارجو لك التوفيق وان تتحفنا دائما بروائعك

  3. رووووووووووووووووووعه قصيده عذبه من شاعر قرأت له الكثير وتابعته في القنوات

  4. صح لسانك وسلم بوحك وفكرك الف الف شكر على هذه الشامخه كشموخ حضورك في انتظار جديدك

  5. كلمات القصيدة تدال على شففية اشاعر وياليت نتحف بمثل كذا من القصايد الجميلة

  6. الشعر له معنى وله ذوق والبحث عن كلمات تنتهي بالحرف السابق لقاف البيت ليس الحل ،مثل جيتك وانا كلـي غـرام وصبابـه ،،< وش معنى صبابة ، هل هو صب الشيء أو من الصبا ؟ الشيء الثاني افقـدك وانـادي ولا شفـت ثابـه وش ثابة ؟؟ ارجوا ان تختار القاف البسيط لبدايتك الشعريه حتى تتمكن من الكتابة ثم اختر جزال القصيد بالتوفيق

  7. صح لسانك ياشاعر ولا يهمك تعيقات الحاقدين همسة للاخ متذوق شعر ياخي ردك يدل انك ماتملك مخزون لغوي ماهو لازم الشاعر يختار لك الكلمات اللي تفهمها يكفي ان الغير فاهمها ولو كنت متذوق شعر مثل ماقلت كان فهمت الكلمات اللي انت مافهمتها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جيتك وانا كلي غرام وصبابه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول