جولة في اقدم اسواق جدة سوق وحراج الصواريخ


جولة في سوق وحراج الصواريخ.

 سوق الصواريخ من اكبر الاسواق في العالم بسبب مساحته الكبيرة وعدد محلاته اللي وصل لـ 12 الف محل ، والشيء الافت انك تلاقي فيه كل شي واي شيء من الابرة الين قطع الطائرات ، فيه كل انواع الملابس الجديدة والمستعملة، وفيه ممكن تلاقي اي كتاب تحتاجه .

استحق ان يكون اغرب سوق في العالم لانه سوق للاغنياء و الفقراء بنفس الوقت, وفيه تلاقي من كل الجنسيات وكل زواره يفضلون الذهاب اليه نهاية كل اسبوع اللي فيها يتحول السوق الى خلية نحل .

سوق الصواريخ فرض نفسه بين الاسواق المحلية بمساحة ربع مليون متر مربع رغم ان مو قعه بالجنوب الغربي لمدينة جدة وهو موقع يعتبر بعيد عن احياء جدة ومنعزل عنها,

يضم السوق عدد كبير من المراكز التجارية اللي تجاوزت 26مركز وفيها 12الف محل ، هذا غير وجود 10الاف “بسطة”.

تلاقي فيها الملابس والادوات الاستهلاكية و الاواني المنزلية ، اضافة الى حوالي الف محل مجاور للسوق تستخدم كمستودعات للخردة والحديد.

سوق الصواريخ يعتبر من معالم جدة البارزة, يرجع تاريخه الى ماقبل 26سنة,والسوق في بدايته كان صغير,ماتلاقي فيه غير بعض البياعين اللي فارشين على الرصيف يبيعون البضاعة اللي جايبينها من ميناء جدة, وبعد فترة بدأ السوق بفرعين فقط ، واحد للخردة والثاني للملابس وكانو يسمونه سوق “باقدو” بااسم صاحب الارض ,وبدأ السوق بعدكذا بالتوسع والزيادة في عدد المحلات.

وعن تسميته “بسوق الصواريخ” هذا لانه قريب من قاعدة الصواريخ اللي في جنوب جدة,

والسوق في بدايته كان مخصص للملابس لكن بسبب قربه من ميناء جدة ومنطقة مستودعات المواد الغذائية، وكمان قربه من المنطقة الصناعية ,كانت السبب في تنوع البضائع المعروضة فيه .

وفي سوق الصواريخ اكثر من 40 الف عامل وبعضهم ما يغادر السوق الا نادرآ للضرورة,هذا لانهم ساكنين في السوق , لان بعض المراكز توفر سكن للعاملين باالدور الثاني من كل مركز عبارة عن غرف يسكن في كل واحدة منها 3عمال تقريبآ , مع توفيركافة متطلباتهم المعيشية.

والغريب في السوق انه رغم شعبيته تلاقي فيه افضل الماركات العالمية وافخم الازياء العربية والغربية , وتلاقي كمان المعدات والاجهزة الاوربية ,وفيه محلات لبيع التحف والاثار العالمية وبعض اللوحات الفنية .

انا من الناس اللي احب اروح هناك كثير

علشان كذا حبيت انقل لكم جولتي المتواضعه لهذا السوق .

تم التصوير الفيديو بإستخدام كاميرا GoPro


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جولة في اقدم اسواق جدة سوق وحراج الصواريخ

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول