جامعة الامام وتفتيش الجوال .. قال توعية قال !!


جامعةالامام الى متى هذا التخلف ….!!!!!!

بسم الله الرحمن الرحيم
السلام عليكم ورحمة الله وبركاته
الصراحتن وفي الحقيقة والواقع والسيف القاطع أني أول مره أتهور واكتب بالقروب النبيل والباسل وعادل

بسم الله وعلى بركة الله اكتب موضوعي الجميل والأنيق كنقاوة عنوانه(قلب أسود ينبض بعنف)
أي خمام تحتوينا أم أي صرح خرافي يحملن
اربع سنين ونحن جسد بلا روح
مشرووع الواسطة في صرحنا العظيم يمشي مليوووون
والكادر الإداري النسائي جسد بلا عقل لامجال للتفاهم
اصبروا ..
تسن هجمت وانتم ماتدرون وش السالفة

ولله الحمد تحقق حلمي ودخلت للجامعة والقسم الذي أرغبه .. وحققت أمنيتي لكن في بيئة لاتخلو من العيوب
جميلة هي الحياة في الجامعة بمافيها من ضغوط دراسية وتعب في تحصيل أفضل النتائج
لكن أصعب شيء .. ذلك الذي رأيته في جامعتي .. بمسماها الإسلامي !!
أنا لن أتكلم عن الطالبات ولاعن الأقسام ولاعن الكادر التعليمي (وليس الإداري) .. فكل ذلك افتخر بها واعتقد أنها تفوق الجامعات الأخرى ..
فطالباتنا من أفضل الطالبات ولله الحمد الأغلب محافظات وقلة منا من يجاهر بالمعاصي كغيرنا من الجامعات وهذا أكثر شي يعجبني في جامعتي الجميلة ..
أقسامنا ولله الحمد أصول الدين والشريعة والانجليزي أقسام متخصصة متميزة ..

لكن مما يعيب جامعتي العظيمة قد يخفى على الكثيرين …
طبعا كما هو معلوم أن جامعة الإمام تمنع جوالات الكاميرا وقبلها الجوالات العادية(بدون الكاميرا)
فمن يمسك بجرمة جوال الكاميرا قد يتعرض لحبل المشنقة
والحركة التي تخفى على الكثيرين أن جامعتنا الحبيبة
تقوم بتفتيش الجوال تفتيش خرافي همجي …
عن طريق عصابة تبع الجامعة تدعى (التوعية والإرشاد)
فلا يكتفون بدخول الاستديو ومشاهدة الصور والأصوات والفيديو
بل يقومون بقراءة الرسائل الصادرة والواردة
والسؤال عن كل اسم وكل مرسل
ولايكتفون بذلك أيضا
بل ويقومون بمشاهدة المكالمات الصادرة والوارده
والاتصالات على آخر رقم؟؟؟؟؟؟؟؟؟؟؟؟!!!!!!!!!!!!!!
أي تخلف واي حقاره تستخدمها جامعتنا المصونة !!!!
لن أتكلم عن الحكم في ذلك وقبل أن نعلم حكم الشرع فيه وانه من التجسس بصفتها جامعة اسلامية
أعتقد بالفطرة هذا العمل يثير الاشمئزاز في النفس
لن أتكلم كثيرا ولن أقول تجربتي سأتكلم عن قصص لفتيات اعرفهن واعتقد أن هناك قصص كثيييره تحمل السموم
والله على ماأقول شهيد <<ملازم(ـه) أول

1

صديقتي هيفاء متزوجه حامل في شهورها الاولى مسكو جوالها وشافو اخر مكالمه عبد الرحمن(زوجها)
من هذا؟؟
زوجي
(طيب وش الي يدريهم انه زوجها .. وكيف يتأكدون)
اتصلوا من تلفون الجامعه وحطوه سبيكر
عبدالرحمن: آلوو
قولي له قولي له انت مين؟؟؟
هيفا: عبدالرحمن أنت مين؟؟
عبدالرحمن: هيفا تستهبلين متصله تقولين انت مين
قولي له قولي له وش تقرب لي!!
هيفا: عبدالرحمن انت وش تقرب لي؟؟؟!!!!
لاتعلييييييييييييييق

2

في أمان الله أقول لبنت عمي السالفه وانا متفاجأه .. قالت مثل صديقتي توها متملكه وتكلم زوجه
نفس السالفه
اتصلو من جوالها وحطيه سبيكر
فلان انا وش اقرب لك
وش تقولين
فلان انا وش اقرب لك
انتي زوجتي
خلاص يالله مع السلامه؟؟؟!!!

3

وحده ماسكينها تكلم اخوها تتناقش معه في موضوع ما (الامر ضروري)
مين آخر رقم
أخوي
أخوك تكلمينه ربع ساعه!!!!!
((فكروا معي اخوها تكلمه ربع ساعه
اكيد ان خويها مستحيل اخوها !!!!))
ننتقل لمشهد أكثر روعه

4

لقو رسايل بجوال بنت باسم رجال ..
مين؟
هذا عمي
طيب عطينا رقم عمك الثاني نسأله عن هالرقم!!
(وش السالفه .. مافهمت؟؟؟!!)
هل هو تشويه لسمعة البنت بالغصب
ابي افهم عمها الثاني وش بيقول !!
غصب بيشك بالبنت حتى لو طلعت بريئه!!
مالكم بالطويله ساخش الى قصتي المصونه
انا مسكو جوالي ولله الحمد جوالي لم يكن جوال سهل
يعني بالعربي مايفتحون كل شي (i-mat)
ليه جايبته
احتاج للقواميس الموجوده في الجوال بحكم قسمي
فتّـشوه ولله الحمد صار الجوال سليم من الامراض الخبيثه
روحي خذي من الاستاذه نجلا… موعد عند الوكيله
يعني بختصار مكتب الوكيله مستوصف الا شوي
طبعا انتقلت الى مكتب الاستاذه نجلاء لوسمحتي ابي موعد
طبعا سألتني موعد اسنان والا جلديه
قلت لها لا جوال كامير
واخذت موعد الاحد عن الوكيله الفاضله(استشارية عظام)
جا اليوم الموعود ودخلت المستوصف(مبنى خاص للوكيله والحاشيه بتاعتها)
الرسيبشن قبل مااخش سألتني: وش عندك
قلت لها : موعد يختي
قالت مانوع الموعد: قلت مسالك .. قصدي جوال كاميرا والعياذ بالله
وهناك جلسنا في غرفة الانتظار التي تعج بالبنات المخالفات بالجوالات
ولسته اسماء يدخلون ورا بعض
طبعا قعدت مع المريضات قصدي المخالفات اسألهم عن المشكله الي يعانون منه
كان منهم
متزوجه انتساب من الشرقيه
تترجاها تدخلها قالت اذا امدى الوقت والا تعالي بعدين
قالت انا بالشرقيه مااجي دايم
والجوال حق زوجي موب لي !!!
قالت وش اسوي موب يدي
..
سألت البنت اذا كان بودها ان تأخذ رقمي واقوم انا باستلام الجوال عنها
وارساله لها
فقالت لا مشكوره اذا بغيته ارسلت اختي هنا !! <<شكلها ذهينه وفهمت اني ابي اسرقه
دخلت وحده بريئه و بنت ناس
شكلها خايفه
سألتها عن قصتها ..
قالت جوالي موب كاميرا
بس استاذة اخذته مني (بوسط المحاضره)
وقرت فيه رساله …….. (طبعا هي تسولف لكل البنات)
قلت لها لاتفتشينه ماابيك تقرين!!
طبعا اعتقد ان الرساله فيها شيء مخالف وتقريبا البنت قالته!
الاستاذه: لااااا من حقي؟؟؟!؟!!
(انا ودي افهم وش هالحق ..!!!)
الاستاذه العظيمه : قولي لي وش السالفه وبيني وبينك!!
وقالت لها السالفه كلهاااا .. يوم خلصت
قالت الاستاذه : خلاص هالسالفه بيني وبينك وبكره تعالي خذي جوالك ..
تقول فلما كان من الغد سألتني الاستاذه وانا كنت منحرجه : ماتبين تاخذين جوالك !!
فأجبتها : ايه
قالت : وديته للوكيله روحي خذيه منها !!!!!!!!!!!!!!!!!!!!!!!!!!!!!!!!!!
أي قساوة تملكها هذه الاستاذه الفاضله
أي سخافه يملكها قلبها ..
حسبنا الله ونعم الوكيل

بعد كم يوم شفت البنت ومعها امها متوجهين الى بوابة الخروج
واحس وجهها ……
والله هذي أكثر بنت خلتني من جد أكره الجامعة والأسلوب السقيم الي فيه
(حسيت الصراحه إن البنت ماصار عندها اي احساس يعني لو مكانها مااقعد اسولف عند البنات سالفتي بس الصراحه مايستفاد ان طريقة الفضيحه التي تستعملها الجامعه لاتجدي واحس البنت تقول مفضوحه مفضوحه وش اغبي وش الي يخليني اتعدل.. اسلوب الجامعه ينفر البنات حتى لوفكرت تترك هالافعال)

.

تسن نسينا قصتي
(وجه خنقته العبره ووده يغير السالفة))
همن جا موعد أسناني
<<ركزوا على همن احسها فصحى بقوة
دخلت على الوكيله ..
طبعا هناك استاذتين
الوكيله والكاتبه
يعني وحده تحقق ووحده تكتب اقوالك
شسمك فلانه الفلاني
بنت
بنت فلان بن فلان بن فلان بن علان آل فلان فخذ وكراعين فلانان
اخذو الاسم الرباعي والعشاري
فصفصتني حتى من وين؟ وقسم بالله انها اسألتني
طيب ليه جبتي جوالك …
وسردت قصة خرافيه أأكد لها برائتي
الى آخر كلامي من النصبااااااااااااااااااااااااااااااااااات
تقريبا خليت جوالي معوق حتى رسايل مايستقبل بغيت مره اخربها واقول لها خربان اصلا بس مدري وشوله جبته!
قالت تعرفين وش العقوبه ؟؟
اذا كان الجوال سليم
فصل 5 أيام !!!!!!!!!!!!!!!!!!
قلت لها بس جوالي فاضي ولافيه شي<<مررره ابد مافيه صور للقاعه(من يقوله؟)
قالت ايه والله باين عليك انك مؤدبه وأخلاق من أول مادخلتي ماشالله عليك
وربي واضح انك بنت ناس أصلا لو فيه شي كانت العقوبه أشد !
الصراحه اني سكت مع اني كان داخلي كثيرات من البربره
وكان ودي اتناقش معهم وجها لوجه واعرف مين الي اخترع هالحركه البهلوانية
بس ماش المدح أخجل تواضعي وخلاني اسكت
(يقولون اذا بغيت تلعب على بنت امدحها.. مالي دخل موب انا قلته هم يقولون)
وبصراحه أكثر بعلم جامعتنا معلومة مهمة …
جوالي مافيه صور بنات .. بس فيه صور للجامعه
وقاعات الجامعه حتى السطح مصورته والساحه
وكل هذي ماشافوها<<أحلا ياقوويه
يعني الي يبي يلعب يمديه يسوي كل شي وانتم ماتدرون
والي فيها خراب بتخرب بوسط الجامعه والا برا والفضيحه الي يسونها مارح توقف البنت بل بالعكس الا اذا كانت تخاف من ربها ..
وفي نظري واردت أن يعلمها المسؤلين
لايجوز تفتيش الجوال التفتيش الهمجي هذ
الصور ونقول ميخالف اخاف انه مصوره البنات
بس الباقي ليييه يعني الرسايل والمكالمات ليييه!!!!
احراج احرااااج .. اعتقد ان هذا فيه خصوصية حتى لو كانت ماتكلم شباب في رسايل بين الزوجين فيه رسايل بين الصديقات وخصوصيات لاتحب الفتاة ان يطلع عليها أحد ..
أنا الصراحه بديت أشك بنفسي وقعد مع نفسي وذاتي وضميري
يمكن انا فيني انفصام بالشخصية ورحت سويت بحث بقوقل حكم تفتيش الجوال
وطلع لي هالرابط .. بجريدة الحياة (دققو عالي تحته خط)

هقوتكم جامعتنا والا بناتنا أجرم من الي يتكلمون عنهم

بموجب أنظمة الإجراءات الجزائية … عضو حقوقي يكشف منع تفتيش الجوالات وتحديد أوقات التفتيش
جدة – علي العمري وعزام الخديدي الحياة – 15/12/06
كشف المحامي عضو الجمعية الوطنية لحقوق الإنسان الدكتور عمر الخولي، عن وجود تعليمات من وزارة الداخلية في عيد الفطر منع تفتيش الهواتف المحمولة سواءً كانت للجوال علاقة بالجريمة أم لا.
وقال خلال محاضرة بعنوان «ضمانات المتهم في مواجهة سلطة التحقيق»، إن التعميم ينص على جواز تفتيش رجل الضبط الجنائي جسم المتهم وملابسه أثناء التلبس ولا يكفي مجرد التلبس بالجريمة في مذكرة التفتيش، بل لا بد من توافر دلائل كافية لجمع المعلومات لكشف الحقيقة عن الجريمة المرتكبة، أما الجريمة التي تمثل السب والقذف والمعاكسات، فإنه لا يجوز أن يقوم بالضبط مباشرة بتفتيش الجوال لانتفاء مسوغاته.
وأضاف الخولي أن الندوة لا تحاول تجميل أو تشويه صورة نظام الإجراءات الجزائية المعمول، بل مقارنة الإجراءات الأمنية في السابق والحاضر، والتعريف بضمانات المتهم في مرحلة التحقيق، وما موقع هذه الضمانات في نظام الإجراءات الجزائية، والقصد من مفردة الضمانات ومفردة المتهم ومفردة الإجراءات الجزائية.

ووجدت كذلك ..

«الأمر بالمعروف» تمنع تفتيش الجوالات بالســـعـودية حفـــظا لحـــرمة النــــــاس

أكد الرئيس العام لهيئات الأمر بالمعروف والنهي عن المنكر (الشرطة الدينية) السعودية إبراهيم الغيث على عدم جواز تفتيش جوالات الأشخاص المقبوض عليهم من قبل أعضاء أفراد الحسبة، إلا في أضيق الحدود وهي الحدود التي حددها النظام، ومن أهمها أن يكون الجوال طرفا أو دليلا ماديا في الجريمة الموجبة لعملية القبض.

وأشار الغيث إلى أن تجاوز ذلك يعد خروجا صريحا على النظام وتعديا على حقوق المقبوض عليه، لما قد يحتويه الجوال من صور ومواد خاصة أو عائلية لا يجب الاطلاع عليها إلا من قبل صاحب الجوال، خاصة بعد انتشار حالات الاحتفاظ بالهواتف الخاصة لمن يتم القبض عليهم من الشباب أو الفتيات لمجرد الاشتباه بحالات تحرش، والقيام بفحص الأرقام المخزنة في الجهاز، والتدقيق في آخر اتصالات أجريت، والإطلاع على الصور والمقاطع التسجيلية المصورة.
يابنات اللذين آمنوا يعني انتم احسن من رجال الحسبة والا بناتنا أدشر من هالي يمسكونهم عشان يحق لكم التفتيش!!

هذا اذا قلنا بالنسبه للنظام يعني الحكم الجنائي عندنا والاجراءات الجزائيه تمنع ذلك <<أحبني وانا اتفلسف بالسياسه

طبعا انا هذا مايشبع غريزتي أبي حكم الشرع

فتوى

ما حكم الشرع في مراقبة الآخر أو التجسس عليهم،؟؟

فالتّجسّس على المسلمين في الأصل حرام منهيّ عنه، لقوله تعالى: «ولا تجسّسوا» لأنّ فيه تتبّع عورات المسلمين ومعايبهم والاستكشاف عمّا ستروه

وقد قال المولى سبحانه وتعالى: يا أيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا… –الحجرات: 12-.
فهذه الآية الكريمة تقيم سياجا قويا حول حرمات الأشخاص وحقوقهم وحرياتهم فلا تُمس من قريب أو بعيد تحت أي ذريعة أو ستار، حيث نهت عن تتبع عورات المسلمين بغية الظهور على عيوبهم، فللناس حرماتهم وكرامتهم وأسرارهم التي لا يباح للغير انتهاكها أو المساس بها.
وجاءت السنة النبوية المطهرة وأكدت حرص الشارع على صيانة حرمة الحياة الخاصة للفرد فقال صلى الله عليه وسلم: إياكم والظن فإن الظن أكذب الحديث ولا تحسسوا ولا تجسسوا ولا تناجشوا ولا تباغضوا ولا تدابروا وكونوا عباد الله إخوانا متفق عليه.

ويتوعد النبي – صلى الله عليه وسلم – أولئك الذين يتتبعون عورات الناس ويبحثون عن معايبهم فيقول صلوات ربي وسلامه عليه: يا معشر من آمن بلسانه ولم يدخل الإيمان قلبه لا تغتابوا المسلمين ولا تتبعوا عوراتهم فإنه من اتبع عوراتهم يتبع الله عورته ومن يتبع الله عورته يفضحه في بيته رواه أبو داود وصححه الشيخ الألباني.
كما روي عنه – صلى الله عليه وسلم – أنه قال: لو أن امرأ اطلع عليك بغير إذن فخذفته بحصاة ففقأت عينه لم يكن عليك جناح) –متفق عليه-.

ويتوعد – صلى الله عليه وسلم – من يتجسس عن طريق استراق السمع فحسب بالوعيد الشديد فيقول صلى الله عليه وسلم: من استمع إلى حديث قوم وهم له كارهون أو يفرون منه صب في أذنيه الآنك يوم القيامة صححه الألباني في مشكاة المصابيح.
وروي أيضا أنه أتى إلى ابن مسعود رجل فقال هذا فلان تقطر لحيته خمرا، فقال عبد الله: إنا قد نهينا عن التجسس ولكن إن يظهر لنا شيء نأخذ به رواه أبو داود وصححه الشيخ الألباني.

فالنهي الوارد في الآية القرآنية والأحاديث النبوية الشريفة الوارد ذكرها يفيد تحريم التجسس بوجه عام سواء كان واقعا من فرد على فرد أو من السلطة العامة على الأفراد. كما يحظر التجسس آيا كان صورته فيستوي أن يتم بالرؤية وهو ما يسمى باستراق البصر أو بالسمع.

رجاءا رجاءا لاحد يجي يقول الجامعة والجامعة ويدافع
أدري ان جامعتنا احسن جامعه في العالم
بس اتناقش عن هذا الفعل التي تمارسه جامعتنا الكريمة


تعليقات 126

  1. والله عيب عليهم .. أخلاقيا وشرعيا شي غير مقبوول.. أنا مستغربه ليش ما أحد رفع شكوى للوزير صدقوني ماراح يقصر .. حسبي الله عليهم

  2. اصلا وشهوله تجيبي جوالك الكمرة للجامعة يعني لهدرجة ما تستطيعوا الاستغناء عنه ست او سبع ساعات والجامعة لهم الحق في تفتيش الجوالات بشكل مقنن يعني مالهم دخل في الارقام ولا الرسائل يفتشوا الستديو بس والصراحه الطالح غطى على الصالح يعني ماهم الناس كلهم سوى في ناس تحب الفضايح وكم وكم صور ومقاطع فيديو شفناها على الانتر نت وعلى الجوالات لبنات الجامعات ومانقول إلا ان لله وان إليه راجعون

  3. كل ما زاد الفساد , زاد التشديد والتعقيد في الأنظمة , وهذا ملاحظ في حياتنا , مثل : حد شارب الخمر 40 جلدة , عندما زادوا في زمن عمر أصبحت 80 جلدة , وهذا دليل على صحة قاعدتنا . الظاهر لي – والله أعلم – ما تفعله الجامعة صحيح وسليم , ولابد أن تكون هناك أخطاء , و عليهم تصحيحها , و أنا لا أرى مانع من تفتيش الجوالات بالذات أبو كاميرا , وإذا قال قائل لدينا تطرق وأساليب نستطيع بها أن نخفي ما فيها من مصائب وغيرها . نقول له : نحن نجتهد ونحاول ولا نحمل فوق طاقتنا ولله الحمد ( ومن أراد الله ستره ستره , ومن أراد فضحه فضحه ) . ولكن اتصلي لنرى هذا صديقك أم زوجك ؟ هذا فعل قبيح وسيء , ولا نرضاه . آخيرا : من صاحب الفتوى في موضوعك ؟ لك جزيل الشكر والتقدير .

  4. مدري احس باقي بعععععد مابعد اشفيتي غليلي تجاه هالجامعه مع اني ولد..بس آآآآآآآآآآآآآآآآآآآآآآآخ منهم ومن نظامهم الغبي لو منكم يالبني لأخفس عيون هاللي تاخذ الجوااال وتفتشه مابقى الا هي .. جماعة التوعية المدرسية 😛

  5. السلام عليكم – اختي العزيزه بصراحه ماادري وش اقول الشي هذا لايختلف عليه اثنان من ناحيه قبوله من عدمه للعقل البشري – طبعا من وجهة نظري انو هالي لايرضاه اي عاقل لا انا ولا انتي ولا هذا ولا ذاك ولكن اعتقد ان هذا الاجراء المتبع نظرا لكثر الخوف او المصايب التي ستخرج من تحت هذا الشئ لذلك وجد اخذ هذه الامور بهذه الحساسيه ولكن بتصرفهم الذي ذكرتيه لا والف لا والله كم كنت اتمنى ان يحصل لي ماحصل معاك لانني اريد ان اتلكم وان اعرف ماهو احساس؟ تحياتي لك والكلام يطول بهذا الموضوع واتمنى ان تكون بدايه طيبه لمشاركات اخرى لك بصراحه اعجبنيطرحك واسلوبك فيه بارك الله فيك وحمانا الله واياكم من كل شر الى اللقاء

  6. والله وبردتي حرتي فيييييييهم من جد يقهرووووون ودك من يصمخ بروسهم بجدارن هالجامعه المحليه <<حلووه بس لاتعيدينها قال توعيه قال!!! يااشيخه طيري !!! ههههههههه وهههههه وههههاااااي ومايفقع مرارتي زود الا لاقالو تفتيش على اساس انهم اقوياء!!! اقووول طيري ياشيخه انا جوالي كميرا والشله برضوو ويفتشون والا مايفتشون والله مايدرون عنتس ابد .... قلة حيا <<<تحمست واجد بنت أبوها هع هع يابعدددد وشسمه وهذي بووووسه حبيتس خلاص حبيتس... \

  7. إن كان لا أرفع شكوى عليهم … و يا أنا يا هم … ظلم * ظلم … الله لا يوفقهم هم و يا فضيبلتهم التي يدعونها باتهام البنات في شرفهن … حسبي الله على من وكلكن بطالبتنا … وكيلة ( دكتورة ) متفرغة لقصص الجوالات … شيء يفوح الكبد … قال فضيلة قال … أي فضيلة هي باتهام الناس …

  8. هههههههههههه وربي تخلف يا جماعة الى متى بس كككككك يعني الحين تفتشوا جوالات البنات وربي تخلف نفسي اخش على جامعتكم الفله هذي واشوف انواع التخلف انا ما ابغا اهايط ولا شي انا لي 3 سنين في مصر ادرس وربي عمري ما شفت ذرة تخلف الا في السعودية يلعن ابليسكم هذي معاملة طاالبات والله تخلف لا وايش من هذا هذا زوجي وش اسمه اسمه سعيدان كم مقاس جزمته يووووووووووه غباااء يا بنتي يللي كتبتي الموضوع والله اني اقدر موضوعك ويعلم الله اني نسيت شيء اسمه تخلف خلاص والله متى تتطورا الله يكون في عونك بس تحياتي اخوكي الصغير ( عبسي )

  9. ياحبي لقلبك .. انا طالبة لغة عربية في نفس الجامعه الموقرة .. وأأيدك مليو مرة .. وكم مرة شفت ناس تعاني لكن حمدلله ماوصلني الدوور .. الله يعيننا بس ونتخرج ونرتاح منها 🙁

  10. إيه بعد يومها تجيبه بعد << ميب حنقه صحيح التفتيش والتجسس حرام واسلوبهم بزراني نمبر ون لكن اذا البنت جايبه جوال كاميرا فلازم يفصفصون الاستديو تفصيص ولو حصل يدورون تحت البطاريه بنات الناس موب لعبه اذا انتي بنت ناس وعاقله ترا فيه الحين بنات ناس ومهبل وشياطين ومايخافون الله اها عاد اعقلي ولا عاد اشوفتس جايبته انا لو مسؤوله بالجامعات كان افرض عقوبات صارمه ورادعه وفاضحه لأي بنت تجيب جوال كاميرا وتتساهل بالانظمه <<< ميب حنقتن ابد

  11. خخخخ جامعتنا الموقرة وايا قوانينهم اللي مدري وش تبي من الحياة .. انا كنت بمنى الحاسب وجوالي جوا شنطتي .. وهو جواها ما طلعته قمت اخزن رقم بنت .. الى تجيني حقت الامن وتقولي جوالك .. قلت اوب كميرا قالت طلعيه .. قلت تويب .. وتمسكه وتاخذني للغرفة القميله غرفة التوعية .. همين قالت لي معك بطاقتك الجامعية .. قلت لا .. قالت روحي لسكرتارية قسمك خذي منها تعريف .. واروح لها واخلي الجوال عندها .. يومني رجعت الينها مفصفصه ابو جده .. والله كان فيه مقاطع لاستهبالي على اخوي .. ولا ودي خواتي يشوفونها شولون هذي .. غير انها فتشت رسايل جوالي كلللللها الصارده والوارده والمسودات .. واي رساله لـ اسم مذكر تدخله وهي مغمضه خخخخ .. وطبعا تقرا الرسايل اللي فيها سواليف .. وانا عاد كل رسايلي سواليف .. يعني قمة المسخره من جد .. والنكته وهي تفتش التفتت علي بنص عين وقالت انتي متزوجه ؟؟ قلت لا .. هزت راسها .. وتسنها تقول باين خخخخ المهم يوم خلصت عمتي طلاله تفتيش .. قالت لازم نروح لوكيلة شؤون الطالبات .. طبعا هالوكيلة بسم الله ع قلبها متى تفضى .. قالت اليوم مشغوله من بكرا غايبه اللي بعده ما تقدر واقعد اسبوع كامل اتردد عليهم .. الين اخر حلقه دخلتني عليها .. ونفس ماقلتي وحده تكتب وسالتني عن كل شيء لو عن معدلي الفصلي والتراكمي .. وقمت عاد اجادلهم .. قلت انو ليه تفتشون الرسايل .. انتم عليكم انكم تفتشون الاستديو .. قالو لا .. نحن مسكنا طالبات متلبسات يردن الخروج مع شباب مزورات في محكمة العدل و و و .. قامت تجيب لي سالفه مدري وش تبي .. قلت لها لو كانت البنت متزوجه وقريتو رسايل زوجها يحق لها تفقأ عينكم شرعا .. قالت التعامل مع المتزوجات تعاااامل آآخر .. خخخخ .. الله واكبر تسن ذيك اللي تفتش سالتني قبل انتي متزوجه والا لا خخخ ونزلت عقوبتي ابشرتس قبل اسبوع بفصل 6 ايام .. مع ان جوالي فاضي ما فيه الا صور بزارينا .. فيه بنت سمعت عنها مسكوها وفصولها سمستر كامل .. تقول كنت فاتحه البلوتوث واستقبل .. تقول والله ثلاث ارباع المقاطع شفتها عندهم ما فتحتها اصلا .. تدرين البنت يا حرام تداوم كل يوم حتى ايام الفاينل ما قالت لاهلها انها مفصوله .. يعني بالله وش بتقولهم .. وكرهت الجامعه واسلوبهم اللي يقالك المفروض يكون توعوي والنكته الكبيره مانعين لابتوبات الكاميرا .. يعني كييييف الحاااال؟؟ .. الحين اللابتوبات اللي بالسوق كلها كاميرا .. وهالايام يطالبونا نجيب لابتوباتنا للجامعه .. واللي عندها لابتوب كاميرا تاكلها اكله الييييمه اخ بس يا جامعتي المصونة .. متى تواكبين العصر ؟؟؟؟؟

  12. والله العظيم قمة التخلف الى متى و نحن نبقى متخلفين هكذا انا ما بقول نتطور و ننسى الدين لكن هذا الفعل ضد الدين اصلا و ضد القانون و ضد العقل بعد و انا اقول للاخت كاتبة الموضوع انه مو لازم تسكتين كبري القصة و ارفعيها للوزير الله معاكم

  13. قسم بالله قهر وغبنه ليش هالتصرفات الغبيه طيب أنتو ظامنينهم يعني أناماودي أخدش نزاه أحد لكن الشك يجي يجلس الجوال مع شخص فتره ثم ينتقل للمسؤل أنا وش يمنلي أنو مافيه أحد عبث بأرقامي طيب سوعال تتوقعين يسون نفس الشي مع الشباب

  14. حبيبتي .. والله أنتم ساكتين لهم .. وكل وحدة تعطيهم الجوال.. أنا في جامعة الملك سعود .. وفيه وحدة في شؤون الطالبات ماأبغى اذكر أسمها الله يستر عليها .. كانت بتاخذ جوالي تفتشه .. وفعلاً سحبته مني .. والله ولولا تربيتي كان سطرتها كف على وجهها .. قلت لها وبكل برود حاولي تفتحينه وشوفي وش بيصير .. ورب الكون ان يكون هذا آخر يوم تشوفين الحرم الجامعي على قولتك ..المهم توديني لكبيرهم .. وحدة فيذاك وش كبرها .. بسم الله خفت من جد .. المهم إلا بالغصب يبغون يشوفون الإستديو قلت معصي وأنا بنت أبوي .. المهم تدرين وش قالوا الوقحات ..؟؟ أدفعي 500 ونخلي الجوال معك .. رحت الصراف وصرفت وجيت نطلتها عليهم .. طلعت ولما وصلت للبيت قلت لأبوي السالفة .. بعد أيام أستدعوني ورجعوا الفلوس وقالوا الله يهديك ياسارة ماله داعي اللي سويتيه .. طبعًا كبيرهم لآزال على رأس العمل أما نوف الــ ( ) أنفصلت من عملها بعد تحقيق شنيع .. والآن طالبات الجامعة يمرحون بالجوالات بلا كاميرا بلا هم .. هالأشكال لازم تورينهم العين الحمرااااااااء..

  15. ليته عالجوال وبس الا مراقبة الشبكه كانت تفتش ملازمنا وكتبنا ليش ماأدري من سمح لها الله أعلم ,,مع أني لما سجلت وقريت قوانين الجامعه ماقريت انه لازم المراقيه او الاستاذه تفتش وش تكتبين ووش تسوين,, وغير كذا نجي للبلايز كان نظام دكتاتوري يعني وش فيها لو لبسنا الوان المشكله هم يتفننون يالألوان والأشكال .. أما انتي ياطالبه النجيبه البسي اسود والا ابيض وان خالفتي لو بلوزه بيضاء وفيها خط اسووود يالله تعهد,, طيب اللون الاسود مسموح ,,هذا النظام ,, الحمد لله انا تخرجت وافتكيت لكن ماأقول الا الله يعينكم يابنات الإمام 🙂

  16. والله شي يقهر تخيلوا وحدة جاتها رساله خاصه من زوجها وكم وحدة تقعد تقراها .. فشييييييله..أنا سمعت عن انظمه كثيرة ترفع الضعط في هذة الجامعه .. الله يعين الطالبات عليها .. ويازين جامعه الملك سعود بس …..

  17. حركات تقهر وبس ! مدري كيف ساكتين ع الوضع انتم بصراحه .. واذا جا الجد جامعاتنا مب اكووس شي في العالم .. سواء فتشوا الجوال ولا سمحوا فيه !

  18. للأسف أنها تحت مسمى جامعة إسلامية ,, عزيزتي ,, لقد تعرضت لمثل تلك المواقف التي ذكرتيها لنا ,, ولن أسامحهم ماحييت على مافعلوه بي ! ,, وكل أملي أن يٌلتفت لطالبات جامعة الإمام ,, والنظر لمشاكلهم ومتطلباتهم ومايواجهنه من ظلم هنـــاك !

  19. بصراحه سالفتك هذي ذكرتني بسالفتي بكليه الدراسات التطبيقيه وخدمه المجتمع بس الفرق ان الجوال موب ممنوع >> الممنوع بس الجوال الكاميرا ويوم مسكوا جوالي الكاميرا وبدت تفتشع قلت لها بعين قويه اذا فتحتي شي غير الاستديو ما تلومين الا نفسك وصارت تناظرني وطنشت وبدت تفتح الاسماء قلت تراك جنيتي على نفسك المهم اخذت جوالي منها بالقوه وقلت ما اكون بنت ابوي اذا ما دفعتك ثمن حركتك ورحت لابوي واخوي الكبير والدموع اربع اربع وقلت لهم السالفه واخوي الكبير يعصب ويرسل خطاب لعميد الكليه وراح لهم بنفسه وقدم خطاب شكوى عدا انه مرمط المراقبه بالتليفون وهزاء امها وابوها >> عصبي اخوي بس عصبيته جابت فايده قسم ان بعدها سمحوا بالجوالات الكاميرا بالكليه المفروض وربي ما تسكتوا وترفعوا شكوى وتعرفونهم حجمهم درينا انهم ملتزمين بس هذا ما يعطيهم الحق بالتدخل بخصوصيات الناس

  20. صــراااحتن موضوع قميـــــــــل لأنه يعبر عن واااقــع مؤلم ومريـــــر ومحد يتكلم عنه في العلـــن ..! ياابعدي ودي اجيبــــك عندناا جامعة عزوز.. عاادي معااك جوال كاميرااا !! او مخاالفة … اجل يكتبونه ايصاال وياخذون الجوال وتعااالي بكره استلميه من غرفة الارشاااد الطلابي .. بس طبعاا ما تستلمينه الا بعد ما توقعين على تعهــــد ..( وجه يبكي) قسم بالله احس انهم يمسكون من الرقبـــه يعني انا مرره مسكوه وما خلااني اتحاشاا اجيبه الا هالتعهـــد ! (إنّ العهد كان مسؤولا)<< هالآية اكثر شي مخوفني والله والا عاادي اكتبي تعهد واستلميه ..ومافي لاتفتيش ولا بطيييخ اصلاا اللي تمسك جواالك تقولك خذي الميموري معاااك هو والشريحة <<<< يعني لو مصورة بنااات مادروا عنهاا .. مررررره مالهم داااعي !! المهم اذا مسكوه مرره ثاانيه تعالي اخر الترم واستلميه .. ونفس الشي لا تفتيش ولا غيره والميموري معااااااك !!!! يعني اللي نقول الله يصلحهم ويصورون حقون فضاايح وبلااوي ما انردعوا ولااشي.. قانوووون مال ابوه دااعي.. عندكم مشددين بقووة مالها داعي.. وعندناا خذي الميموري حقك ببلاويـــه وماخسرتي غير جوالك .. ولمدة بسطية .. هذا اذا ماكان عندك وااسطة تطلع جوااالك من الحبس خخخخخخ ما نقول الا الله يخاارجنااا.. والله يصلح اللي عندكم.. بس تدرين احسن شي انهم ماوصلواا لخراابيطك ^_^ ... سلاااامو خيتووو ((: << خيتك تويكساايه (:

  21. أنا طالبة من جامعة الإمام فرع البطحاء كل كلامك صحيح مليون بالمية وفيه زيادة بعد لو أألف كتب ماخلصنا قصص وفصص وحكايات لما أتخرج وأفضى راح انزل كتاب فيها صراحة يعاملونا كأننا مساجين مو طالبات أنا مسكوا معاي أيميت وماعرفوا بفحتوا شي مع انه مليان أسرار مو أسرار فاضحة إسرار شخصية برئية ومثل ماقليت البنت الصالحة صالحة واللي فيها خراب بتسويه لو كان معها مائة حارس أهم شي التربية تخلف بكل معاني الكلمة تحياتي لك وكتابتك لموضوع كان ودي احد يحيك فيه من زمان هذا غير الشذوذ والقصص الثانية ربي يستر علينا من العقوبة جامعة إسلامية لو يشوفوا جوال فصل ومشاكل لكن الشذوذ عندهم عادي او يسسووا نفسهم ماشافوه أتمنى إني أصور الشاذات في اللي اشوف حركاتهم قدامي باأم عيني في جامعة أسلامة وانشرها علشان ماحد يكذبني ويقول اتبلى طلعت من الموضوع لكن الحكاية طويلة طويلة تسلمي يعطيك العافية أختي

  22. السلام عليكم الله يعطيك العافيه اختي ساندي بل والله يكفين شر السفهاء واصحاب القلوب المريضه، اللي تعدو مو على حقوقنا او خصوصيتنا وبس ، الا اخربو بيوت كثير بـ نية الاصلاخ ، اتمنى منكـ انك تواصلي موضوعك لحد ما ينتهي او يوضع حد لهذأ التخلف اللي يسمى الدعوة والارشاد ولا يستحقون هذا الاسم بصراحه ممكن نقدر نسميها ( قسم الفضائح العامه ) و اكيد شعارهم لا تسترو على المسلمين كوني بخير اختي والله يستر على بناتنا وبنات المسلمين

  23. عندنا وعندك خير يابنت الحلال احنا في كلية البنات بالدمام يسوون نفس الحكايه لا وصاروا الحين الامن يجيبون معهم جوال ويشغلون البلوتوث ويوقفون عند كل قاعه من برا واذا حصل واكتشفوا في بلوتوث طالع عندهم قلبوا القاعه فوق تحت لين يطلعون الجوال… خليها على الله يا شيخه

  24. ياشين اذا كانت السلطه بيد الحريم يبهذولن ويشرشحون الوحده على شي تافه وخاصة في الجامعات……..

  25. اااااخ بس انغثينا منهم ومن تشددهم اللي ماله داعي واللي قاهرني نشر الاسماء كان الوحده مسويه جريمه ولاعاد الجاااامعه ملياااانه من الاقاااااارب وهات ياكلااااااام فلااااانه ماخذين جواااالها ومافيه وحده ياخذون جوالها الا شايفين عليها شي الله يعينا بس الحمد لله قرب فراقهم

  26. بـصراحة موضوع يوجع اللب ! وبقوة .. شوفي اختي بعد اللي يسونه هذا اذا فية شخص حس انة انظلم ,, راح ينقلب من الصح للخطئ راح يدوور على الشيئ اللي هم يرهبون الناس عنة .. سبحان الله الله يحفظك ياجامعه الملك عبدالعزيز ,, صح بعض الدكاترة ودك تذكية ليلة العيد بس أهون من اللي سمعته منك ! وعاد انتم البنات لاحول ولا قوة لكم ,, عاد فجامعه الملك عبدالعزيز واجد متهورين اخرهم واحد العام طلق نار على دكتور 🙁 بالتوفــــــــــــــــيق للجميع

  27. ياحوبي لك .. مهما كتبنا عن الاجحاف بحق الطالبات في هالجامعة ماحد راح يسمعنا !! ودائما الغلط على عاتق الطالبة .. اجل اسمعي قصتي: انا كنت حاطه صورة اخوي خلفية للجوال << وحدة تحب اخوه وش تسوي وكنت ذاك اليوم الظهر طالعة من القاعة للبوابة يعني انتهى الدوام .. المهم وتمسكني مسئولة الامن قالت: جوالك قلت: تعالي بكرة انتهى الدوام قالت : بس شوي ماراح آخذه انا من حسن نيتي عطيتها اياه قالت: وش هالصورة ؟؟!! قت: هذا اخوي الله يحفظوه قالت : كذابة !!! ماراح تاخذين جوالك الا لما تجيبين اثبات انه اخوك !!! انا ماغير امشي واطير عيوني واروح للبيت واخذ بطاقة احوالوه واعطيها اياو قلت: هذا اخوي .. قالت: مرة ثانية لاعاد تحطينه !! بالله وش دخلها .. باحط صورة اللي ابي .. هي وش عليا هذا شيء خاص فيني ومن حقي احط اللي ابي مدام ماسببت مشاكل ..... واسمعي بعد .. انا حاطة اسم امي الله يحفظه قلبي ومرة مسكوني وانا اكلم << ياكثر مايمسكونوه ويتصفحون الاسماء ومير تقول الامن .. قالت: من قلبي ؟ قلت: قلبي وانا اضحك باستخفاف قالت: ومن قلبك قلت: امي الله يطول بعمره قالت: كذاااابة !! ياربيه اصكها بالموية اللي معي والا اتحسب والا وش اسوي الغبية لو اني بسم الله علي فعلا باكلم شاب ماراح احط اسمه قلبي قسم بالله فيه ناس روس تمشي بدون مخوخ وماصدقت وتدق الرقم وعلى السبيكر .. تكلمي.... حسبي عليهم مقومين امي من نومها قلت: هلا يمه انا ... قالت : هلا يمه وش فيك داقة من رقم غريب ؟؟ قلت: لا بس جوالي ضايع اخاف احد يدق عليك منه وتنزعجين .. والله مارحت للبيت الا امي جايها هبوط خايفة ... تقول قلبي ناغزن ... يعني من جد حركة انو يدقون على ارقام هذي مالها داااعي ابد يعني البنت بينشك فيها بمجرد انو تقول من انا للي راح تتصل عليوه .. قسم بالله مادري وش يحسون بوه ماقول غير الله يعينا على هالقمع اللي احنا بوه ويسلمك ياقلبي على طرح الموضوع .. كود احد يلتفت لنا ويشيل هالتوعية الغبية ...

  28. صادقة … الله يسلمك انا من يوم ما شفت الوضع في الجامعة كذا حطيت رجلي وانحشت مع اني كنت داخلة حاسب رحت لجامعة الملك سعود عليشة فيها تفتيش للجوالات بس مين ؟؟ مثل اللي تمشي فالأسياب ومطلعة جوالها واللي يبين انها تسوي غلط مو اي احد واذا وحدة بتسوي شئ لا تفتيش ولا غيره يوقفها تسلمين على هالطرح

  29. وش ها المسخره هذي قمة التخلف والهمجيه هذي اسرار بيووت مو البنت لحالهااا

  30. مع الاحترام لكن ما الذي يدعوني لأخذ كل ماقلتيه أنه صدق ؟ لا شيء .. خاصة مع كثرة الحاقدين على هذا الصرح .. نحترم المجموعة ولكن ليس كل مايرد بها نثق به .. أرى أن اضربوا بالموضوع عرض الحائط حتى يأتينا أحد الثقات أما الأخت فيبدو أن موضوعها حوى الكثير من المبالغات الممقوتة .. شكرا

  31. بصراحه الله يعينكم..صراحه كثير من الاوقات بقعد افكر كيف انته مستحملين هالعيشه بالهطريقه وربي لو يعطوني مليون درهم بالشهر ما اجلس ولا افكر اعيش بالسعوديه مع احترامي الشديد لشعبها الطيب والاصيل يا اخي كل شي ممنوع وكل شي غلط وكل شي حرام… والله قهر حتي ما توصل لتفتيش الموبايل كل واحد منا عنده خصوصيات حتي ما يحب اهله يمسك موبايله واصلا عيييييييب هالشي..اسمحولي

  32. سلااام عليكم ورحمه الله وبركاته اول شي بصرااحه يعني ابي افهم شي واحد يعني الا متى التخلف عندنا ياناس الامتى …يعني ايش الفايده راح يوقف الخراب مثلاً .. وبعدين لين متى فرض السيطره اللي على الضعاف بس..لين متى والله تخلف في الفكر والعقل حتى والله ديننا مايقبل بشي هذا,,,سبحان الله سبحان الله تخلف وهذا في جامعه اجل لو طلاب او طلابات مدارس …وبعدين بـــ أي حق ياناس من اللي يعطي الحق مين وعلى اي اساس…وبعدين فيه حاجه اسمها خصوصيه هذا مكان عام ومن حقي يكون لي خصوصيتي حتى لو كنت اخرب مخلوق في وجهه الارض من اللي بيحاسبني اللي في السماء ولا قسم التوعيه…بصراحه الله يكون في عونكم… اخوكم ابوطلال دعواتكم لكل المتغربين…

  33. بغض النظر عن تصرف إدارة الجامعة – والذي هو محور الحديث – أليس الأسلم الابتعاد عن مواطن الريبة وعدم اصطحاب جوال الكاميرا إلى الأماكن النسائية المغلقة .. وأعتقد أن كاتبة الموضوع وبقية المشاركات لو وقعن في مشكلة بسبب التصوير الخفي من إحدى الكائدات لصبت جام غضبها وشديد لعناتها على صانعي الكاميرا ومسوقيها وإدارات التجمعات النسائية ومرتاديها .. ساندي بل العزيزة .. اسمحي لي أن أتوجه لك ولزميلاتك بالعتب .. فالحرة يعتري الخجل محياها حين تقترب من الريبة فتسارع بالهرب مشمرة عن ساقيها دونما تردد .. أما موضوع المقال .. فلا أشك بوجود التجاوزات واختراق الخصوصيات في أماكن كثيرة وليست في أجهزة الجوال فقط ..

  34. أختي ولنا برسول الله أسوة حسنة ففي قصة ماعز والغامدية لم نعرف الأشخاص الذين فعلو معهم فاحشة الزنا ولم يسألم الرسول صلى الله عليه وسلم عنهم وهؤلاء مرضى نفسيون حتى لو اني أعاكس مالهم حق لأنهم ليسوا سلطة تشريعية ولا سلطة تنفيذية إذا كانن الطالبات هكذا فالخراب يكون ما ساس النخلة فمستحيل يكون الأصل سليم والغصن فاسد انا خريج جامعة الإمام بالأحساء قسم شريعة وراح أزودكم بمعلومة بسيطة تبين لكم أن الفساد منتشر بالجامعة (( أنا أعدت مستوى كامل على 3 درجات بمادة الفقة )) المشكلة ليست بثلاث الدرجات المشكلة كلام دكتور المادة الذي أحد تلاميذه إمام الحرم بالمدينة المنورة نايف لاتظن أني مرسبك ظلم قال لها لي فوق 6 مرات وبأوقات متفرقة لا وقدام الطلبة يقول لو تفهم ما كنت رسيت بمادتي أهذا أسلوب دكتور مادة هذا عينة فقط وآخر يتعامل بالربا والكل يعرف أنه يتعامل بالربا غير اعتمادهم على المعلمين امعارين من الدول العربية على تصحيح أوراق الاختبارات الكراسة الواحدة ب 10 ريالات والقاعة الواحده فيها 60 طالبفي 4 مستويات يمسكها الدكتور السعودي عليكم الحسبة وانا عندي نموذج لكراسة اختبارات وكيف يكون التصحيح من قبل هيئة التدريس أهم شيء تملي الورقة وتخليها زرقاء ولا تخلي نقطة بياض واحده مستوى التعليم لدينا هابط من كل النواحي انا افضل اكون جاهل ولا ادرس بمكان يكون فيه الجهل مركب

  35. حاجة في قمة السخافة والبجاحة .. ياخي النظام يقول ممنوع جوال كاميرا مو تفتيش وسؤال و..و..الخ مع احترامي للجامعة والذين يدعون التوعية انتم اشخاص فشلة ولا لكم بالمجتمع مكان

  36. وعليكم السلام .. ياشيخة يطسون هم وجامعتهم قهروني قال ايش بلوزه مخطوطة بخط واحد اسود ياويل اهلك انا ناوية اروح جامعة سعود بعد كلامك بس النسبة مااااااااااااش ماتساعد قاهرتني بتبط الجبد ماعلينا الحين لو ان جوالي مقربع بيفتحونه ويلقون مكتوب صديق عبودي ؟؟ وبعدين يسألون منهو صديق عبودي ومنهو عبودي اصلا ؟؟ بجلس اقولها عبودي هذا اخوي وصديقة انا داقة بالغلط عليه وش الي جاب جوال صديقة عندتس في جوالتس ؟؟ سؤالن ذهين اسعي ياطويلة العمر اخوي مطلعن له جوالن جديد وجايني قالي اكتبي رسالة بسم واحدن من زملاه وهمين قالي ارسليها على الرقم وانا شي بديهي بيجي في بالي انه رقمة الجديد وحتى سألته مارد علي وهمين قلت اكيد انوه رقموه همين ارسلت الرسالة زي ماقالي اخوي وهمين احتجت ادق عليه سجلت رقمة الجديد بأسمه وهمين دقيت عليه همين رد وهمين قلت سلام كيفك عبودي تعال انت فاضي قبل المغرب همين قال مين معي ؟؟ قلت عبدالله موجود ؟؟ قال والله مهوب موجود همين قلت طيب هذا مو جواله قال لا قلت ولا كان جوالهـ قال اذا تبنه دقي بعد المغرب بتلقينه همين قلت لا ابيه الحين قال تبين شي اوصله همين <<اكيد بتقاطعني وتقول ليه تطولينها معاه ؟؟ خخخخخخخخخخخخخخخخخ بجد والله هبلا تفتش الاستديوا ماقلنا شي مايخالف <<والي جوالها قديم ولا عندها استديو خخخخخخخخخخخخخخخخخخخخخخخ لكن الرسايل يمكن اني مرسله طبخة والا كاتبه شعر والا حاطة رقم حق جوال خارجي وش دخل اهلها تفتش خيررررررررررررررررررررررررررررررررررررررررررررررررررررررررررررررررررررررررررررررر قمت الوقااااااحة

  37. استغرب من ردود نايف محمد ،، يعني وش تبقي تسوي لك البنت تجي تحب راسك عشان تقول لك صج ..؟ اختي اعانكم الله وبصراحه هذي مشكلة العنصر النسائي اذا تولى اي امر حتى المدرسات تلقينهم جدا مغرورات مع احترامي الشديد للجنس الناعم ولكن هذا مانراهـ لو انا منكم شخصيا والله مااعطيهم جوالي وخليهم يفصلوني والله لااشتكي عليهم واقوم الدنيا فوق تحت

  38. اولا اسف على المداخله ثانيا انا ماقريت الموضوع كامل قريت مقتطفات منه ورجعت للموضوع طلع جامعة الامام يعني ياخويتي ماسمعتي بالمثل الي يقول شين وقوي عين ياخي معرووف عن جامعات الرايض وش الي يصير فيهم والله اني مالومهم على الي يسوونه فيكم اذا انتي صالحه في غيرك فاسده وهم اساسا ماسوو هالشي الا من المصايب الي شافوها بكره اذا تزوجتي وجتك بنت وصارت راعيت سوالف لاسمح الله ودقو عليك الجامعه ساعتها وحذروك تعرفين ان الله حق

  39. أخي نايف اذا كنت لا تثق في اخوتك المسلمين وقد أثبت قولها الكثير من الطالبات قد ردوا ووافقوا كل ما قالته فـ لا تثق لأننا فعلا عرب نشكك في كل حرف يقال لنا حتى لو شاهدت ذلك ستنفيه لأننا مع الاحترام لسنا أهل ثقة والا فما فما مكسب الطالبات لافتراء الكذب على جامعة يتلقون العلم فيها ولم الحقد الذي بالتأكيد سينكشف إذا كانت هناك طالبة تعلم بالواقع اذا كنت لم ترى ولم تسمع فلا تشكك بقول الناس وانا كذلك لا أعلم فأنا لست من طالباتها ولكن من طالبات كليه يحدث فيها أحيانا أشياء مشابهه فلا أستبعد أي شيء

  40. السلطة المطلقة مفسده أحلى تحية لجامعتنا المصونة هذي وهي جوال كوني بخير لأجلي يا جامعتنا الخمام

  41. والله ياختي ســاندي بل هذي مهزلة جدا اجل اتصلي وافتحي السبيكر خخخخخ اي اخلاق هذه اي احترام للخصوصية لا يعني انك في مكان سلطة يسمح لك بهذا لا تتبعو عورات المسلمين والنهي عن المنكر اذا ظهر طيب لنفرض ان هناك فتاة لها علاقة غير شرعية هل تعاملهم سيكون تقديم النصيحة باللتي هي احسن ام سيكون فضحها امام الملا وبعدين ايش دخلكم برسايلي والاسماء ياختي نعرف كلانا انا هناك رسائل خاصه يعني بنت تتغزل بزوجها غزل عميق او خل نقول فاحش << عشان تناسبهم الكلمة كيف شعورها لما تقرا رسالتها وا رسالته لها طيب هم ازواج مالكم شغل وانا اعتقد اختي ان المسألة حب استطلاع واستغلال سلطه واستمتاع بالاطلاع على اسرار الناس طيب واحه مرسل لها اخوها رساله من جوال صديقه او متصل لان جواله مقطوع << عطيل رغم شهادة الجامعية واتصلوا على الرقم قال صاحب الرقم هاه مدري كيف راح تكون الحاله طبعا بتتبهذل بهذله ويشككون اهلها فيهااااااا لكن يا اختي ســاندي بل انتي واخواتك الطالبات لازم يكون لكم وقفه ولا تسكتوا على هالشي تقبلي ثقل دمي وطولت فلسفتي اخوك فهد

  42. يقولكـ المثل .. إمش عدل يحتار فيك عدوكـ .. فلا تتكلميـن عن التخلف والتهمج إختي .. فما فعلتيـه لايبدي حـل ولا فائدهـ ليس سوى إنتهاض هؤلاء .. إنظري بعينـك .. هل يرضيك مايقولون ؟! تلك جامعة علم إسست على أساس إسلامـي وأنتي للأسـف شوهتـي سمعة الجامـعه بمقولتـك العظيمـه .. ومايفعلـونه ليس همج .. هذا خـوف مو عليكم لا .. خوف من رب العالميـن .. أنتي ماتعلمين لو رب العالميـن يغار ؟! واللهى أقلها يخسف فينا الأرض ومافيها .. وأنتي جاوبي بكل صراحـه بنفسك .. ماوجدتي بنات قله أعدمن بنات بكثـرهـ .. هم يبغون القلـه من الى يفعلـونه .. فتهجمك هذا على الجامـعه صدقين ما أحدث فائدهـ ولا غيـرهـ .. فقط طلعتي لنا بعض التعليقات منها الطريفه .. ومنها المستهزئه ومنها العقيـمه .. هذي جامعه .. لو يكفيك منها يأتي علم النـور .. علم الإسلام .. فيبكي الشخـص إذا شاف مثل هؤلاء يقللون من شئنها .. أتمنا إختي .. تقوميـن بالصواب وتعدليـن ماوضعتيـه .. فيمكن تسألين عنه بيوم القيامه .. تقبلي عزاءي .. إخوكـ ..

  43. اول شي: س: انتي تدرين ان جوال الكاميرا ممنوع؟ ج: طبعاً الخلاصة: طيب ليش تجيبينة للجامعة بتقولين فية قاموس وملفات تفيدني اقولك هذا مو عذر لانة فية بديل على العموم كلنا نزعل مع اننا نعرف انة احنا غلطانيين وآخرها انا صارت معي وقفني شرطي مرور تدرون ليش عشان التظليل مع ان نص سيارات الرياض مظللة انا ادري ان التظليل ممنوع بس مظلل (يعني تعاند) قالي فك التظليل ولا اصكك مخالفة طبعا المخالفة بـ 100 والتظليل عند ابو هنود بـ 30 فكيت التظليل وانا اسب والعن بسري طبعا ماقدر اواجه (جبان) بعد ماخلصت قال وخر بفتش فتش الادراج ومسك معي فلاش سوى لي سالفة بس الحمدللة سيارتة قديمة مافيها لاب توب ولا كان سالفة انا ولين الحين قاهرني بس معترف اني غلطان ليش تظلل اصلا لو لا التظليل ماحد قرب ناحيتك معنى كلامي لا تزعلون ياللي تخالفون الانظمة اكيد فية ردودر بتقول هذا شرطي ومن حقة ومادري ايش اقول الشرطي و التوعية او حتى موظف شركة حراسات امنية اذا كلف بأمر لابد انة احنا نلتزم ونتقبل منه خصوصا بالجامعات لأنها تخرج الاكاديمي والمتعلم ومن يصيغ الانظمة والقوانيين (انتم اكثر ناس لازم تلتزمون) والجامعات اللي انتم طابين فيها سب وشتم انا ماقول انهم صح 100% لا عندهم اخطاء وفادحة بس موضوعك مايستاهل كل الرجة اللي انتي سويتيها وبالنسبة للحبيب اللي قال اشتكي ومااشتكي اقولة ردد إحترامي للجميع

  44. والله كل ما انزل سطر واكمل قراءه تطلع لي نخله براسي!!!!!!! وش ذا الحال اللي انتم فيه والله شئ يبط المراره والطحال…. هذي الاشكال يباله تلطيش وتفقيع عيون!!.. المفروض انكم تسوون حمله عليهم وتفتشون جوالاتهم والله لاتحصلون مصايب بس اه يالقهر مافي بنات قويات يحوسونهم حوس.. على العموم الله يعينكم على هذا التخلف اللي انتم فيه ويقويكم.. اما بالنسبه لردود بعض الاشخاص اللي مسوين فيها مب مصدقين واللي يقولون ماله داعي الجوال بالجامعه حق من حطكم مع هذولاك المتخلفين و(((……)))>> اقول امشو بس ما عندكم سالفه الحمد الله والشكر ناس فاضيه من جد

  45. انا وحده من اللي وقعت بأيدي المتخلفات اللي يسمون(التوعيه) كنت مع وحده من صديقاتي وكانت تكلم بجوالها المهم جونا هذول المريضين نفسياً واخذو جوال صاحبتي وكما اردفت الاخت ساندي هجووووووم عليه وتفتيش كل اللي يحتويه ياليتكم تشوفون خششهم وهم ماسكين بنت معها جوال,سعادة الارض كلها فيهم كنهم لاقين كنز طبعا استدعوني انا وهي >>طيلب انا وش لي بجوال البنت طبعا مالقو شي يتبلونه علي قالو ابد بينكم علاقه مشبوهه-لابووووهم الله يزلزل الارض تحتهم طبعا صاحبتي بعد مافتشو جوالها قعدو يحفرون بالاستديو مالقو شي قالو مالنا الا الرسايل وعلى طوووول طيران للوارد ومالقو فيه شي عقب فصفصوووه لين طلعت عيونهم ولقو حافظه فيها رسال مااذكر بالضبط كم بس صاحبتي يقال لكم موزيتهااا عنهم-ههههههه اثرها هذي اللي مسكوها عليهااا وووبس لحقوها مجلس تأديبي فصل ترم وانا اكتفو بمراقبتي وملاحقتي باي مكان يبون يمسكون علي شي بس وربي لو يحفرون الارض مايمسكون علي شي وانا بنت ابوي وهذا موقف صار لي مع المتخلفات اللي هم افراد وطاقم التوعيه اللي مدري منين ضافينهم ناس جاهله -متخلفه-مايعرفون حتى يتكلمون زي الناس-شفتو كيف اللي عقولهم متحجره نتيجة ضغوط ونفسيات بحياتهم ويجون يطلعون حرتهم كلها في بنات الجامعه بعدين ابفهم يعني احنا وصلنا للعشرينات يعني تعدينا 18 سنه يعني مب بزران ومسؤلين عن تصرفاتنا واللي فيه خراب وفيه بلا بيطلعه لو قفلنا عليه بغرفه لحاله واللي يبي الفساد يلقاه وانا اعتبر مالهم حق يفتشون رسايل لانها اشياء خصوصيه اللي لهم الحق يفتشونه الاستديو وبعد مالهم شغل بالصور اللي فيه كل اللي يحق لهم يدورون عنه هوصور بنات من الجامعه وووبس

  46. جميعاً مع الحق ومع من يحب الدين لا مع من يستغل الدين لـ أغراض سخيفه فـ المعلوم أننا مع الهيئه ولكن هناك من يشذ عن الهيئه بـ أسلوب عنجهي لا أساس له فـ تفتيش الجوال بـ جامعة الإمام التي وللأسف الشديد تتغطى بـ ستر [ الدين ] أنا من طلاب هذه الجامعه وللأسف أني أرى طالب بـ كلية الدين وثوب قصير ومسواك وكان وفجأه يطلب مني [ ولاعه ] لـ يشعل سيجارته [ عجباً ] إلى متى وهم يتسترون ع أنفسهم نحن نعلم بـ الدين مايفيدنا ولله الحمد أنني أفتخر أن مفتي المملكه أبن عميولامانع من تعلم المزيد فـ الدين بحر لانهاية له لكن بـ الطرق المثاليه لا بـ العنجهيه المذمومه كما أسلفت كاتبة الموضوع أنا جامعة الإمام افضل من غيرها صحيح فـ لطالما رأينا فضايح جامعة [ عليشه ] وشارع [ خمسه ] وكافتيريا [ إثنا عشر ] منع جوال الكاميرا شي لابد منه لكن بـ طريق سلميه لا بـ تفتيش الجوال ومكالمة آخر رقم لـماذا تشويه السمعه فـ أنتم محاسبون ع ذلك بـ الآخره ومن أراد أن يفضح أو يصور فـ هناك ألف طريقه للفضيحه ولاعياذ بـ الله وبنات الشيطان هم من يسعون لـ ذلك أما أن نرى الناس بـ عين واحده ونراهم سواسيه فـ أقول [ أصابع يدك لاتتشابه ] شكراً عبدالرحمن التميمي

  47. بقولكم على تجربتي مرة صديقتي اشترت جوال جديد فيها كاميرا بس ودته عند المصلح وشال الكاميرا عنها… لكن انتهى في يد الامن ..ومن قات لنا السالفة صرنا نضحك ضحك عليها مسكينه رحمانا (ترى اسوبها يضحك) المهم جيت انا ونزلت وكنت ادور على بنت (منتسبة ) عشان ارجع اخذ كتابي منها( قسمنا ولله الحمد فيه عندنا خدمة مساعده المنتسبات) المهم وجيت اتفقنا قبلها بيوم عشان تجي اجامعه ولمن جات طبعا لازم ادق عليها اعرف وين مكانها خبركم جامعتنا تجري فيها الخيول >حتى مرة جات الفروسية والجانادرية كانوا يبغوا يسوا مسابقاتهم عندنا لكن قالوا لهم هذا مكان للعلم(فيس ضروسه تلمع) المهم ومالاقلي الا اللي وراي تقول جوالك (لوسمحتي) قلت لها انا مشغولة وما اسمح لك>قويية قالت انا ماني جاية استأذن انتي مخالفة قلت طيب يش تقولي لو سمحتي!! ثانيا انا ادور على وحدة منتسبة تعالي دوريها معاي وبعدها تنفاهم على الجوال>توني ما استوعبت انها بتاخذ اجوال>مخادعة المهم وصارت بيننا مشادة كلامية انتهت بأنها اخذت الجوال.. المهم دقت الساعه 11 ورحت ركض عند صديقتي وسحبتها ورحنا عند التوعية لاننا لو جلسنا للساعه12 كل وحدة بتتحجج انها راح تطلع>عبقرية المهم انا دخلت مع صديقتي وانواع الهاوش على اننا ناخذ جوالاتنا ايوم!! وطبعا فتشوا الجوال وخلصوا>ما ادري كيف امداهم يخلصوا من تفتشيه هع المهم قالت طيب وقعي تعهد!! قلت على هالخشم اهم شي اخذ جوالي اليوم يعني اليوم!!وكلمتي راح تمشي وقعت التعهد وسلموني الجوال وانتظرت صديقتي قالوا لها جوالك ماراح تاخذيه فيه كاميرا قلت لهم مافيه الكاميرا مشيوله المهم وصارت قصة طوويلة انتهت عند محطة الوكيلة ويالها من محطة.. طبعا اوكيله ماهي مقتنعه ان مافيه كاميرا> ما ادري شلون يشوفوا بعيونهم. المهم قالت الوكيلة لصديقتي وش يدريني انك تضغني زرين ترجع الكاميرا>مصباح علاء الدين هوو؟!! قالت صديقتي اصلا كاميرا مافيه مو ملغية متشاااية ..قالت لا بينزل لك فصل في ايام الاختبارات النهائية !! المهم ولان ابوها دكتور بالجامعه طلبوا الرجال ان الجوال يمر عندهم وراح وقالوا الجوال مافيه كاميرا ولا فيه شي يستدعي ان الطالبة تنفصل!! ولمن رجعوا الجوال الوكيلة سوت دعاية عشان تبغى البنت اللي هي صديقتي وقالت صحيح الرجال الغوا العقاب لكن انا راح انزله يعني راح انزله لو بعد سنة!!>احس انها يبغالها مستشفى امراض عقلية!! المهم ومر الترم على خير.. وابشركم نزل لها الفصل في بداية الترم اللي بعده!!>ما اقولكم يبغالها مستشفوى شهار.. والله يعيييييييييييييييييييييييننا على هالجامعه

  48. يا قلبي عليكم يا بنات جامعتي المصون كل وحده تتشكى مع جهه وش جمعكم مااشااء الله خخخخخخخ والله الجامعه عندها قوانين متخلفه لا شك ولا يختلف عليها اثنين حتى الاستاذات انفسهم متضايقين من هالشيء اجل باللهي بعض اللي يشتغلون بالتوعيه تطبيقهم كان بالسجون <<يماااااااااتي خيييير يبون يعقدونا هذولي !!! والله قمه الرعب نظراتهم مدري وش تبي بسم الله علينا والمشكله النقاش معاهم عقييييييم واكتشفت شي قمييل قدا انه ما ينفع معهم الا اسلوب القوووه والتطنيش انفخي عليها وامشي وخليها وبتخليك <<كذا سويت الاسبوع الماضي وضبطت خخخخخخخخ <<اقول كلي تبن بس لو انها جايتك ام نظارات كان عرفتي ان الله حق ام نظارات == لو يحطونها على قونتناموا انتحروا انتحاار جماعي كل اللي فيه وفي النهايه احب ان اقول ...جاااامعتي الخاااائسه لو ابي اسوي اللي ما ينتسوى بسوييييييييييييه وبوسط ساحاتك وامام ناظريكي تبا لكـ وشكراااااااااااااااااااا

  49. اول شئ اشكرك على هالموضوع اللي كل بنت تنتمي لجامعة الامام ودها انها تتكلم عنه .. صراحه للاسف هذا اللي حاصل في الجامعه .. لازم احد المسؤولين يتدخل ويعالج لنا هالمهزله اللي صايره ..مو معقوله كل هالتشهير بالبنات وهم يدعون انهم يخافون عالبنات اي خوف وهم اي جوال يمسكونه ويفتشونه .. يعني بزعمهم بيربون البنات بطريقتهم هذي .. اذا البنت اهلها ماربوها ماراح يربيها نظامهم الفاشل .. ويااااااااااااااااااااااااااااااااااااااااااااااليت يوصل الموضوع لاحد المسؤولين ياليت .. صراحه ملينا من هالتخلف اللي حاصل لنا .. مالهم خص يتدخلون في اشياء خصوصيه بين البنات واهلهم والا بين البنت وزوجها ..

  50. وش سويتي .. الله يصلحك هههه احس بتصير مظاهرة يروح فيها الآلف من الاطفال الأبرياء << مُأججة حربٍ لو معها سلاح ..هه بس بقلك شي .. إحنا لو نجيب الطرف الآخر في القضية وتكلم .. أنا اشك انه بيعكس القضيه لصالحه .. والأطول نفسا هو من سيربح .. مثل عض الاصابع والخاسر من يصرخ أولاً.. (( أكثر مشاكلنا بالطريقه هذي )) الكل معه حق ..والكل على صواب .. وفي النهاية مافي حل . انتي معاك حق بس لو طرحتي الموضوع بغير اسلوب الانتقام أي باسلوب التنبيه والاعتدال ببيان ما المفروض نهجه لكان الموضوع في قمة الروعة والفائده .. وباسلوبك ستستمر المرأة بدفع فاتورة التقدم دون أن تحصل على حضها وحقها بالعقل والاقناع بخطأ ما يحدث نقلا وعقلا ومنطقا . بصراحة لو منكم يا البنات لكنت انتحرت من زمان << يسمعهم .. ياخي كثيرات نخفف اشوي ههه. مسكينة هذه القارورة . << خارج النص .. في جوالات شفتهم بالمرسلات بحجم علبة الكبريت .. مشو حالكم وفكونا ..ههه << برااا

  51. هلا والله بالصريحة البريئة اللي كلها حنان ورقة ودلال <=== ايه هين والا على طاري الجامعة اصلاً جامعة هذي معروفة على المستوى المملكة هي وغيرها من الجامعات والكليات اللي ابي وودي اني اعرفة هـم وش اللي دخلهم بحياة الناس الخاصة اساساً وش اللي يحشرهم حتـى لوكانت البنت تكلم انتم وش اللي دخلكم ... بس والله الله يعين اللي يدرسون فيها وبغيرها ماقووول غير (يازين لبنــان) تسملين على القصة الفكاهية والحــلووة همن << ملطووشة يعطيس العافية

  52. مافيه احد يوقفهم عند حدهم سالفتك والله تقهر من جد التخلف ذا مراح يطلعون منه اجل قوليله انت مين هاه ههههههههههه اغبيااااا والله اغبيا الله يعينكم عليهم

  53. الحين ليه البنت من الاساس تعطيهم وجه وتسلمهم الجوال؟ طبعا اتكلم عن اللي بدون كاميرا< وليه تخلونها تفتش قائمة الاسماء والرسائل! .. زبدة الكلام انتم خوافاااات.. ولا لو الوحده منكم صارت حرمه وقالت لولي أمرها وسفل ّ فيهم عرفوا ان خصوصيات الناس مب لعبه.. أنا اتمنى وحدهـ منكم تمسك جوال وحدهـ من جماعة التوعية المدرسية وتفتشه قدامها.. خلوها تحس بالقهر شوي 😀 الله يجيب لكم الخلاص بسسس ويعينكم على غثاهم..

  54. والله مالهم داعي أبد هالمتخلفين … لكن الله يسلط عليهم من هو أقوى منهم …

  55. انا بفهم شي واحد بسسسس …….؟؟؟ متى ان شاا الله جامعة الامام بتتطور وتصير زي الباقي .. متى يفهمون ان اللي فيه شر بيسويه حتى لو منعوا الجوال بكبره ( اللي بكاميرا وبدون ).. فيهم خير خليهم يمسكون البنت اللي من كلية التربيه وجالسه الاخت تداوم بس عشان تعرف البنات وتنزل عنهم لستات في النت ( اللهم لا شماته حال بعض البنات صعب )… تخلف مابعده تخلف .. يمسكونك عند الباب حتى قبل ماتفكين نقابك ويفتشون شنطتك بطريقه همجيه .. تحت مسمى الجوال ممنوع .. طيب انا ماطلعته وش عليكم مني ……..؟؟؟؟ بس يشوفون بنتين عايشين لي دور الزوج والزوجه .. كل يوووووووم … شي عااااااااااااااااااااااااااااااادي … عجيب امرهم .. يهاوشون ويفصلون البنات عشان شي حلال .. بس شذوذ وشي اسمه قرف وحرام .. مايسوون لهم شي ..( عش رجب ترى عجب ) طيب ياحيل الله مسكو الجوال .. مو من حقهم لا بشرع الله .. ولا ( قرار من ادارة الجامعه ) انهم يفتشونه بهالطريقه .. اذا كاميرا معناته مافيه شر على الجامعه الا بالاستديو .. شعليكم من الرسايل والارقاااااااااام … مدري الى متى بيتحكمون فينا الامن والتوعيه ( اللي اشك انهم توعيه طول ماهذا اسلوبهم ولسانهم) المتخلفين هذولا …. لا ووقفي قدامها وقولي لها عطيني قرار من ادارة الجامعه بانكم تفتشونه بهالطريقه …؟؟؟ وشوفي التصفق اللي بوجههم والتصريف اللي بيجيك .. لانهم وللاســــــــــــــــــــــــف .. صاروا يستمتعون بمسك الجوال وصاروا يفتشون عند الباب عشان يمسكون اكثر كميه بحكم ان مالهم لا شغل ولا مشغله ويجلسون طول الدوام وهم تفرج وضحك وشوفي يافلانه وشوفي ياعلانه هالصوره والا هالمسج .. واذا خلص الدوام ياخذونه البيت .. ال ايه ال بنفتش عليه .. قسم بالله مهزله مابعدها شي .. امن يكسر قوانين ادارة الجامعه .. وكالعاده .. نحكي ونشكي .. وماحولنا احد .. بس يلا نفضفض ونشكي عن الوضع اللي عايشينه ..( العوض ولا القطيعه) من جد مشكوره على هالموضوع .. بردتي خاطري فيه ..

  56. مرحبا اخواني اللي يعلقون ويقولون من حقهم يفتشون جوال الكاميرا.. تراهم للمعلوميه يفتشون حتى اللي مو كميرا انا صار لي موقف هالترم>>لسه طازج خخخخخخ المهم طبعا كنت اكلم اخوي ومسكوا الجوال وعلى قولة اللي قبلي طيران والابتسامه وش كبرها تقول كأنهم ياخذون على مسكة الجوال فلوس المهم… بدت تفتش وانا مير امسك الجوال عنها وقلت لها خير عسى ماشر قالت: بنفتش قلت لها: مو مسموح من قالك على كيفك انتي.. قالت: هاااه , وسكتت بعدين بدت تفتش وماعطتني وجه ومير امسك جوالي من يدينها واسحبه واقول شوفي انا متزوجه ومالك حق تقرين رسايلي امي اللي ماتجين ظفر رجلها عندي ماتمسكه الا بإذني تجين انتي وتاخذينه قلة ادب قالت: زوجك الله يعافيك كلميه وراسليه في البيت هنا الجامعه انسي موضوعه قلت لها: اذا انتي معقده وماتكلمين زوجك انا مااقدر استغني عنه لازم كل ساعه اكلمه المهم بدت تقل ادبها علي قلت لها: عطيني اسمك ونتفاهم عند الوكيله يمين ويسار من الكلام وبالاخير قالت يالله اخر مره لك.. تدرون ليه خلتني..؟؟؟ لانه من جاء لنا د. أبا الخيل الله يعافيه منع تفتيش الجوالات وسمح بالجوال العادي وسمح بتعدد الالوان وتراهم اذا قالوا مو من عندنا من الرجال هم كذااااااااااااابين الرجال مايدرون عن هالسوالف ابد على العموم ابث جميل العبارات الى جامعتي المصونة الغير متخلفه التي تحترم حقوق الطالبات وتقدر المشاعر ولا تجعل الواحدة تشك في نفسها بس أخيرا .. ترا التوعيه يبيلهم عين قويه والا بياكلون البنات الضعيفات ياحياتي وشكرا أم عبدالله

  57. الله يعينكم عليهم المفروض الجوال شخصي وما يحق لأي أحد انه يفتشه أبو وهو أبو ما يفتش جوالي أخليهم يفتشونه والله هزولت جامعات أخر زمن

  58. والله ياسندي ذولاء مرضــآْء و انا من هذي الجامعه الموقره تصدقين احيان احس ان حنا مجرمين وش ذا التعامل ؟! وبعدين عشان مانظلم التوعيه ونحقر مجهوداتهم الجباره بالجامعه 😀 ترى يمسكون مو بس ع الجوالات … حتى الضحك خخخخ والله ماانسى يوم ضحكت بشويش << ايه هين وتجيني ذيك الدبه وتقول ميدي ليش تضحكين ماتدرين ان فيه احتمال الرجال الي برى الجامعه يسمعون @@ نعنبوا بليسيك الي بالجامعه ماسمعوا مسكوني انا وصاحبتي 🙁 واقسم بالله حسيت اني بنغالي ولا هندي ماسكينه الهيئه @@ ومره مسكوا جوالي قالت كيف افتح الاستديو دليل انها من جنبها خخخخخ وللعلم جوالي ماكان كاميرا 😀 ولا وحده من البنات تدرين ان شنطتها بس كانت مفتوحه ماادري وش بتاخذ منها طبت عليها الدوريه 😀 واخذت حبه بندول ياناس حتى مغلفه قالت وش يدريني انها بندول @@ وش دخلك ؟! ان شاء الله هروين مالك حق تفتحين شنطتي ؟! ياربي باقي لي سنتين يارب تخلص .. وبالنسبه للاب توبات الكاميرا دخليها وربي مايدرون وين ربي حاطهم خخخخ .. كم بنت اعرفها لاب توبها كاميرا ويدخلون ويطلعون بالترخيص ولا احد داري

  59. كل وحده تقول اللي تبغى الصياعة تسويها لو كانت مربطة لو كان مقفل عليها لولولولولو بطلوا الحركات هذي واعقلوا وامشوا عدل ولا حول ولا قوة الا بالله

  60. جبتيها يابنت جامعة الامام والانظمه الهمجيه والله ماصدقت متى تخرجت من الجامعه هذي انظمه مادري وش تبي جامعه اسلاميه وتدخل بخصوصيات الطالبات..؛؛ تجسس تريقه عدم مراعاة لظروف الطالبات استهتار لا مبالاة..؛؛ كل ماقلتيه وربي اني عايشته في هذه الجامعه المصونه.. ولا يهونو ن الامن والسلامه(وجه معصب من كثر مانرفزوه) ولا نجلاء الى الحين وهي موجوده الله يذكرها بالخير.. ورده خامه ترنجه…

  61. بصراحه الموضوع يشد لانه يدل على عدم الوعي (انا اشوف انه من الجامعه اولا بعدين من الطلبه ) لان المفروض قبل تتخذ اي اجراء في الدنيا يخص البشر لازم تنوه عنه وتحط له انظه وتعليمات تلزم الناس بتطبيقها بعدين تحاسب المقصرين في تطبيقه لكن اللي صار الحين حسب نقل الاخت من الاحداث اللي صارت انهم متفاجئين من الاجرائات معناته مافيه تحذير ولاشي (مع اني اعتقد ان جوال الكاميرا ممنوع في الجامعه وهذاا اللي كان الطالبات المفروض يلتزمون فيه ) ومع ذلك مهما كانت درجه المنع اكثر شي تسويه سلطه الجامعه انهاا تقول للطالبات اللي بتجي بجوال كاميراا ماتدخل الجامعه بس تمد يدهاا وتفتش الجوال هذي مصيبه لان الجوال صار في الوقت الحالي يحمل جزئ من خصويات العقل(يعني بدال الواحد مايحفظ الارقام صار يخزنها) ويحمل خصوصيات شخصيه (بدال الواحد مايشتري اليوم صور خاصه ويحفظه في البيت صار يعتقد ان الجوال آمن مكان طبعا غير جهاز الكمبيوتر ) عموما الجوال صار يحمل جزئ كبير من خصوصيات الانسان وصار يأتمن عليه اسراره (مع انه خطر لما يضيع ) بس ابغى ارجع للي يقول عادي وش فيهاا خلوهم يفتشون يااعالم بلاا استعباط ترضون احد يفتش جوالاتكم؟؟ مانبغااا جواب يكفي انكم تعرفون الجواب وبس حتى لو بينكم وبين نفسكم

  62. هذا التصرف من الضلاميين ايجب ان لا ينظر اليه بشكل منفرد .حيث انهم يسمون الناس الدهماء احتقاراّ وتبريرا للوصاية عليهم.هي سنوات قليلة والى مزبلة التاريخ.

  63. في البداية تستغرب من جامعة مثل (جامعة الامام محمد الامام بن سعود) إحدى أعرق الجامعات مثل هذه التصرفات وكأنهم داخلين على بنات شوارع ونسوا انهم في مكان علم والموجودين كلهم جايين يستفيدون ويتعلمون. أو الظاهر إنهم ماهم عارفين حتى الان هم في جامعة أو في شرطة آداب مانقول الا حسبنا الله ونعم الوكيل…

  64. تخلف الصراحة مالهم حق بالتفتيش وأصلاً ليه يمنعون الجوال العادي ؟؟ بس الصراحة ياختي جوال الكاميرا محد يرضى به إذا انتي ماتصورين أحد ماتضمنين ان الناس مثلك .. في جامعة الله يستر عليها تفتش الشنط من عند الباب 🙁 التعليم العالي يبغى له إعادة نظر شكراً لك 🙂

  65. السلام عليك ياناس هذا تخلف وهذا تجسس محد له شغل بالجوال بس مفروض بالجامعات جوال مو كامرا عشان محد يتجراء ويصور او ينتقم بس هذا الحركه من جد سخيفه وفيه من الواقاحه لى ابعد درجه ام حلوه هذي دقي على زوجك انا وش اقرب لك؟؟ من جد قمه في التخلف ياربي متى المجتع يتفتح ونصير حالنا حال الناس مااقصد حريه وانفتاح اقصد تطور بالتعليم وبمستوى الفكر اسفه طولت ربي يعينكم عليهم تقبلي مروري اختك: فرح

  66. صدقت أختي ساندي بل والله هالجامعة تخلي الواحد يتعقد بالغصب أنا صارت لي نفس المشكلة ولا يفوتك يوم راجعتهم عشان جوالي مع أنه بدون كاميرا>>من حسن حظي أني ماجبت جوال الكاميرا ذاك اليوم ويوم سئلوني عن القسم وقلت إنجليزي تخيلي قالوا لي:ايه اتنم مايستغرب عليكم>>قصدها أن حنا طالبات الانجليزي نسوي الهوايل، وماأستلمت الجوال إلا بعد طلعت الروح. واللي يرفع الضغط من جد نظرتهم السيئة على طالبات قسم الانجليزي>>تخيلي وحده من مدرسات أصول دين كانت تشرح محاضرة عن حجاب المسلمة في الخارج، ويوم شاركتها صدقتي في النقاش قالت لها: لو سمحتوا ياطالبات الانجليزي لا تناقشوني أنتم تدرسون لغة الكفار ويمكن أنتم زيهم>>>تخيلي كأنها كفرتنا…. ماأقول إلا الله يفكني من هالجامعة على خير ودمت بخير ساندي بل>>>على فكرة انا أحب هالشخصية.. تحياتي.

  67. ابي افهم وش يتفدون يعني كذا راح يحمون البنات من الانحراف الله يهديكم بس اذا اهلهم ماقدروا عليهم انتوا بتقدرون والله الي يدخل كليه الاداب بالدمام ينصدم البنات اعوذ بالله يعني مو قادره اوصف ابد الشذوذ والبويات والله تخافين وانتي تمشين منهم من جد كانهم شباب مو بنات يعني هم ليه مايناقشون هذا الموضوع يسون توعيه مو يفتشون جوالات واشياء مالها داعي ربي يستر علينا ونتخرج واحنا سالمين وهذي الجامعات مجتمع كبير فيه الزين وفيه الشين ياليت يحطون في بالهم التربيه ونظام البيت هم اهم شي مو اذا هم شدوا راح تسلم الامور ويسيطرون عليها اسفه على الاطاله تقبلي مروري اختك دلوعه اهلها 🙂

  68. معليييييييييييش قضية انه ممنوع جوال الكاميرا حرصاً على اعراض البنات OK وانهم يفتشونه برضوه OK عشان ما تكون حدا البنات مصورة احد ….. لكن اللي ما قدرت افهمه انه لييييييييييييييييييييييييييش ممنوع الجوال اللي بدون كاميرا وبأي حق واي مبدأ وأي قانون يفتشونه لالا……..وكل هذا بكوم وقضية حجز الجوال لمدة اسبوع وموعد اخذ الجوال وعقوبة فصل اسبوع فعلا.. ومن التخلف ما قتل الجوال اصبح ضرورة لا غنى عنها واذا كان قصدهم ان الجوال ممنوع اثناء المحاضرات اطردوا اللي تستخدم الجوال من المحاضرة مثل جامعات العالم ونسيت حركة يدقووون على اخر رقم ويقولون من انا ؟ وش تقرب لي ؟ حللللللللللللللللللللللللللللللوه قال ستر قال الله يكون بعونكم

  69. إخواني أولاً يجب على كل واحد فينا أن يعلم أن الله مطلع على الكلام اللي يقوله وانا اعتقد أن نصف الكلام اللى قرأناه من تعليقات أو كتابة موضوع ان كان فيه من الصحة شيء فهو من حقد على الجامعات المحافظة و كل ما تصنعه الجامعة انه من خلال ما رأينا في النت من مقاطع رقص و صور بنات خلفية المقطع تدل على أنها في جامعة أو كلية أو أو أو أو وهذا حفاظاً على الكاتبه وعلى نساء المعلقين على الموضوع الذين لديهم غيرة على نسائهم

  70. كلام ابو سحر ومنصور صحيح 100% اذا جينا للحق انتي برضه مامعاك حق تجيبين جوال كميرا والمفروض ممنوع منعا باتا جوالات الكميرا … واذا انتي قصدك شريف فيه غيرك لا وياما شفنا فضايح لطالبات مصورات ..الله يستر على الجميع انا مع التفتيش.. صحيح اسلوبهم همجي وهذا اللي مانرضاه وهذا اللي عليه الاعتراض لكن ولو هذي اعراض ناس… والمفروض ان الشكوى تكون على طريقة تفتيشهم يعني مثلا الرسايل والمكالمات ماله داعي يشوفونها لكن الاستديو الا يفصفصون ابووه …واذا بتشتكون خلوا الشكوى على طريقة التفتيش مو على التفتيش نفسه فهمتيني الله يكون بعونكم وبعونهم ..ويوفق الجميييييييييييع ويستر على بنات وشباب المسلمين

  71. اختي انا من رأي لا اعارض التفتيش ,, ولكن المشكلة في الاسلوووب ,, الاسلوب غلط 100% ,, يقدرون يسوون تفتيش بأسلوب احسن من هالاسلوب الهمجي وبطريقة توعية احسن ,, لكن من ناحية التفتيش انا ما ألومهم ,, اذا انتي واثقة في نفسك وعارفة مالك بهالامور غيرك من البنات رايحين فيها الله يهديهم

  72. تعقيبا على كلام أخي الكريم نايف محمد بخصوص مبالغة أختنا الغالية (ساندي بيل) أقول لك والله ثم الله أن ما ذكرته كله واقع عشناه وتعايشنا معه انا إحدى خريجات جامعة الامام الحبيبة لكن للاسف نظام تعاميم ابعد ما يكون عن أرض الواقع الهدف منه التشهير والتحقير وإذلال الطالب الجامعي نحن في نظرهم لا شيء أنا إحدى الطالبات التي تعرضت لسحب هاتفها (بدون كاميرا) والمشكلة أني لم أخرجه من الحقيبه أذلوني وحقروني وأهانوني وغير هذا وذاك أختي الصغرى التحقت بها ولم تكمل السنة إلا وملفها بيدها لأنها أكتشفت أنها جامعة متخلفة والأن تدرس أشعة في أرقى الجامعات جامعات تقدر الطالب وتحسب له ألف حساب تحياتي للجامعات المتخلفة

  73. آآآآآآه فتحتي الجروح هي جت بس على جوال الكاميرا حتى الجوال العادي المقربع اللي حتى الأرقام ماتضغط فيه …..واللبس اللي يبي له ملجد خاص وإلا أسلوب الموظفات الراقي و أشياااااااااااااااااء مدري متى تنقرض ………..الله يسهل علينا ونتخرج قبل مايصير لعقلي شي منهم

  74. صراااااااااحة حلووووة حركة جوال i-mat شكلهم متدربين على تفتيش النوكيا هههههههههههه

  75. ياربييييه وش ذا كرهتهم << ثانويه بريئه بجد خيير يعني حنا بالشرقيه ونسمع عنكم السمعه الزينه < ايه هين هو صدق نسمع بلاااوي .. بس كذا ما قد سمعت انا !! يعني جد ما الوم البنات إذا انحرفوا من هالفعاييل الشينه اللي تجي منهم .. حسبي الله ونعم الوكيل

  76. غيض من فيض الله يخارجنا من هالجامعة الناس قدام وحنا لوراء طيب لييييييييييييييييييييش؟؟؟!!!! جامعة الخمام هذي يبيلها نفضة محترمة تكنس هالفساد اللي متغلغل في جذورها

  77. انا درست بكلية التربيه ومريت باشياء اكثر من كذاا قلة احترام وسوءمعامله ولم وشوفة نفس على ايش ما ادري واالقهر نه المراقبات والمفتشات خريجات متوسط وثانوي واحيانا ابتدائي والله فشيله يعني انا الحين خريجة بكالوريوس ماني محصله هالوظيفه وهذول متوظفن بالواسطه وشايفات حالهم علينا لاسف من سئي لاسواء

  78. صدقتي يا ساندي بيل انا طالبه قسم انجليزي وصارت لي هاذي السالفه يوم كنت في الملز يعني كنت اكلم امي ومسكوني علي الجوال وجوالي اصلا مو كميرا وتفتيش وحولي جوالك لعربي عشان انفتش وروحي جيبي اثبات انك بالجامعه كله كوم وسالفه ياسر القحطاني كوم ثاااااني هاذي طالبه اخوها الصغير حاط صوره ياسر القحطاني لجوالها امسكوها الامن وقالو هاذا ميييين ؟؟؟<<<<بدا الشك البنت قالت :هاذا ياسر القحطاني لاعب قالت الامن :جيبي اثبات انه لاعب <<<تستهبل طبعا البنت ؟؟؟؟؟؟؟؟شلون اجيب اثبات لا ونظرتهم انك طالبه انجليزي من الامن والاساتذه خلوكي قليله ادب و مانتكلم عربي واذا قلتي كلمه انجليزي مثل class قالو قولي قاعه ليش تقولين class وسالفه الخروج من الجامعه قبل الوقت سالللللللللللفه جيبي هويه ابوك او اذا كان سواق جيبي الاقامه وييييييين طالعه من سجن والا ايش جامعه متخلللفه لابعد درجه هاذي تسمى حريه شخصييه ويدقون علي الارقام ويقولن انت وش تقربلها لا واذا كنتي حاطه خ.صالح <<<<<يعني خالي (هاذي صايره لوحده من البنات) قالو لا مو خالك هاذا خويك ؟؟؟؟؟؟؟؟؟؟؟؟؟ وسالفه تصريح الاب توب لازم اذا كان عندك بريزنتيشن واحتجت الاب توب لازم تجيبين تصريح ومايكون فيه كميرا<<<<وصلت للاب توب والي يقول ان هاذا من حقهم لامو حقهم يفتشون جوالك واحينا شنطتك والبوكس حقك طيب افرضي بشنطتي اغراض ما ابيك تشوفينها تجين تفتشين ليييييييييييييييه؟؟؟ ومشكوره ساندي بيل علي الموضوع لانه صراحه لازم احد يطلع فضايح هالجامعه المتخلفه

  79. الحين نقطه مهمه لو في وحده براسها شي وتبي تكلم شباب هل تتوقع الذكيه اللي تفتتش ان البنت راح تخزن الرقم باسمه !! معروف ان هالشي تصرفات شخصيه وليست رسميه وهم من الفضاوه والطفش يحاولون يسوون اكشن بحياتهم وبالاخير عقابهم راح يكون من الله على تدخلهم وتفتيشهم ..

  80. مرحبا ببساطة و انا اخوك أدعي النفاق و لين اقبلوا عليك هالجماعة هللي و استغفري و احفظي لك حديثين ردديهم قدامهم .. ووعد مني مايقربونك ولا يقربون جوالك !!!!! للاسف هذا واقع مجتمعنا بأكمله متى ما نافقت و ادعيت الكمال و الدين فهم بصفك ماراح اتطرق لمسألة الانظمة و النص الصريح يمنع وما إلى ذلك فـ بلادنا مازالت لم تصل لمرحلة الحديث بمثل هالأمور لكن مثل ما ذكرت عليك بالحل المؤقت و هو النفاق و العياذ بالله !!!!!!!

  81. انا وحده من الي تمرمطت مررمطه بهذي الجامعه ,, ولا عشر مرات يصادرون جوالي تقل جايبه معي شي حرام !!! واستدعاء ولي الامر >>> والله احس بفشله جاء ابوي معي للجامعه 🙁 بس علشان كلمتي صديقتي بالجامعه !!!!! ولا الدكتورات والاستاذات تكلم عينك عينك وجوال كاميرا وعند البنات >>>يعني هي ملاك ماراح تصور بنات خلق الله !!! بسسسسسسسسسس ابشررررررررررركم تخرجت وافتكيت من هالجامعه

  82. السلام عليكم .. والله ظلم عندنا بالجامعات وتكلملنا واشتكينا لكن لاحياة لمن تنادي ): أما سالفة تفتيش الجوالات صارت لنا وأحيانا يآخذون الجوالات .. (مع العلم إني مو جامعة الإمام) مانقول الا الله يصبرنا وينجحنا (: لاعدمناك أختي ..

  83. الأن عندي سؤال كل هالأجرائات من فين تجي هل هي رسميه (ما أعتقد الحكومة متخلفه إلى هذه الدرجة). أو هو أجتهاد شخصي (أقصد غباء شخصي) للأسف في هالزمن و في السعوديه بالذات صار الممنوع أشد من الحرام تحياتي

  84. اييه ياختي وانتي الصادقه انا الترم اللي راح صارلي نفس موقفك بالضبط وقالت لي الوكيله نفس الكلام والاجراءات اللي اتخذوها علشاني انه فصل 5 ايام , وقالت لي نفس الكلام اللي قالت لك , بس اللي انا ابي اعرفه هذا الفصل اللي هو 5 ايام تتوقعين ينزل بالملف لمن نتخرج او لا ؟ ويكتبون السبب ؟!! لو ايه صراحة قممممة السخافه والظلم وارجع اقول حسبي الله ونعم الوكيل عليهم مليون , لانه كان فيه بنتين معاي وبنفس القضيه ووحده منهم جابت واسطه من وكيلة القسم بحكم انها تقربلها وطلعولها جوالها لاهم اللي حبسوه ولا شي مع انهم لقو فيه اغاني والثانيه جابت امها ومسحت فيهم كلللللللهم البلاط وطلعت جوالها وثنتينهم لانزلهم فصل ولايحزنزن !! يعني لازم اقل ادبي او يكون في احد يقربلي علشان لاينزل بملفي !!! انا مب هامني اييي شي كل شي اقول حسبي الله عليهم كلل اللي يهمني مابيه ينزل بالملف ياثر على شهادتي ولا على شغلي ؟ فهل عندكم اي خلفيه اذا ينزل او لا ؟؟

  85. السلام عليكم جميعا ,, اولا ورده وياقة ورد لكل فتاة جميله تعيش في جامعنا المصونه قسمن احبكم كلكم .. الله ياجرنا بس ونتخرج عاجلا غير آجل ثانيا .. حبيباتي الي تخرجن ياحظكم ونظل يمشي مليوون ودي احس مثلكم بس ماش حاسه بعد هالموضوع بفصل من الفشيله ثامنا .. حبيباتي بنات الكليه الله يعينكم قسمن خنقتني العبره حسيت انكم تشبهون لنا بس متأكده ان حركاتكم مقتبسه من جامعتنا بلا جامعتنا عندهم كتاب مقدس استغفرالله يدعى قوانين التخلف(ورده سكره لكم) عاشرا .. كل من واسانا في مصابنا ودعى على ادراتنا ووقف في مصابنا أكن له كل تقدير (صورة بنت واقف وتطق تحيه) 12. الي يقول اني ابالغ الله يسعدهم ويجزاهم خير بناتنا ماقصرو بالردود وقصصهم الأليمه (وجه خنقته العبره) .. ومايحتاج أحلف واصور يدي وانا احلف بالمصحف عشان اثبت لك .. صحيح كلامكم مالومكم ماتصدقون لان الي سوونه والله شي موطبيعي وتحس انك بشهار كما قال الاخوه الأفاضل.. المهم النقطه الي بعدها .. الي يبي فتوى حديث الرسول مايكفي الله يصلحك. وافتح قوقل وبتلاقي فتاوى لشيوخ أفاضل.. أخيرا .. ودني ارد نفر نفر بس تراي احبكم يالبنات حسيت اني ودي اجمعكم في بيتنا ونعبر عن مشاعر الحش الي بالجامعه وكما قلنا وقالوا وماخفي كان أعظم .. لو تشوفون أشكال البنات وهم يكلمون نص راسهم بالشنطه تقل موزيه مخدرات اوب جوال وأنا اعيد وأكرر تعليقي هو على كيفية تفتيش الجوال والطريقه الهمجيه التي هي تقهرررررر .. وليس على الاستديووو ياحفظكم الله سلامي للجميع . (قلب أحمرر مكتوب عليه كلمة الامام)

  86. هالحين انتيما تقولين لي ليش جايبه جوال كمسره هاه عجييييييييييييب والله . فعلا انتي غلطانه والجامعه غلطانه بعد . اتا اقول المفروض اي وحده تجيب جوال كميره للجامعه يصاااااااااااادر عشان يعرفون مره ثانيه يجيبونه والله مسخره اذا انتي بنت ناس زي ماتقولين فيه غيرتس بنات شوارع ممكن انت تنظرين منهم لكن سبحان الله دايما انحن تفكيرنا محدود الى الان فكره ان المدرس هو الغلطان من الابتدائي الى الان ما تغيرت. هذا رايي وشكرا

  87. السلام عليكم ورحمة الله وبركاته لقد لفت انتباهي ماقاله بعض الاشخاص مع الاحترام الشديد لهم يوم قالو الجوال ماله داعي زين اخوي الكريم اختي الكريمة عبر عن وجة نظرك في ذا اشرح ليش انت وانتي تشوفنه ماله داعي مدام البنت خارج البيت الاولى بها حمل الجوال معها اعطونا اسبابكم في انكم تشوفونه عادي تفتيش الجوال التفتيش المخزي بصريح العبارة في كل مكان في ربوع هالوطن الغالي تجدون مايشيب له الولدان حنا في جامعة الملك عبد العزيز نعاني من العنصرية ضد القبايل يشوفون بنات الحضر اللي لابسة قصير وماسكة جوال كاميرا تمشيبه عيانا بيانا ولا يكلمونها وخليهم يشوفون بنت قبيله والا وحده شكلها انها على قد حالها الا كل وحده تثور عليها تبي تكتبها مخالفة مانقول غير حسبنا الله ونعم الوكيل ولو بتكلم في ذا يبيلنا جلسات كله كوم وهذي اللي تقولها عبد الرحمن مين مهي مصدقة انه زوجها وهذا يا اخوان قذف علني والقذف قال الله فيه [وتحسبونه هينا وهوعند الله عظيم] في سورة النور يعني لو زوجه في هذاك الساع قال معرفك يمزح معها وش كان صار لها المرة حامل كان قالو حامل سفاحا و

  88. اول شي لاتعصبي .. ثاني شي .. لو ماغلطتي وربي محد مقرب لك .. حتى والله وانتي تكلمين وجوالك مو كمره وربي مايقولو شي بس يقولو وش عندك .. اما ياخذو الجواال ذاااااك زمااااااااان الترم هذا مرره فلتانين الالوان واللبس مرره محد يكلمك عليهم والجوال لازم بدون كمره الي جد اعاتبهم عليهاا الاب توب دام كل الجديد بكمره وش نسوي .. هم مايقبلون لاب توب بكاميرا حتى لو حطيتي عليها ستكر < < يقولون وديها لمحل يشيلها << يصير اعور ههههههههههههههههههههههه وربي هي جد من صالحنا كل الي يسونه لكن السوق مافيه الا بكمره اممممممممم الي يقهر جد الواسطه وحده اعرفها مسكوها وجوالها بلاوي الله يسترنااا وو بدو يفتحون ويقولو لها اوصفي << علشان المحظر >> وش هالوصف اعوذ بالله المهم اخذو جوالها من بكرا قالت لامها انوو كذا وكذا << الام عادي تدري فيه مقاطع موزينه واشكل ,, كلمت وحده تقرب لهم وو هالوحد بدورها حلت المشكله بدووووووووون اي عقاااااااااااااااااب بس الشي الوحيد ينحجز الجوال لمده وبعدها طلعته ولا كان شي صار .....!! هذا الي يقهر ناس يتعاقبون وناااس لااااا وغيرووو امممممم بالنسبه للتوعيه امممممم مافيه شي وربي يعطيهم الف عافيه ويحميهم ياارب << بيجيها طراااق ههههههههههههه شوفي يمكن ما انحطيت بموقفك وو جلسوو يشوفو رسايلي وجوالي << وان شالله مايشوفوهاا اهم شي لاتدعي علي انهم يمسكوني واجرب ههههههههههههه وووو سعييده ياا ساندي بل وعالبركه بالمبنى الجديد <<< فهمت انك انجليزي يعني حي النفل 🙂

  89. طـخ طـخ طـخ <<<<تراني أصفق هالحين خخ ماودي أطول الهرج بس باين أنتس ما كتبيتي موضوع طويل ومسويه بحث عليه ألا أنه في ما معناه(فاقعن مرارتس) على العموم كلام جميل ورائع وأكتفي بالتعليق (مشكلة أستصناع القرارات ممن ليس لديهم حق بأستصناعها ..والأمثله على ذلك كثيره) <<< ترى طاح حنتسي وأنا أقولها هذا والسلام عليكم..

  90. باختصار شديد ….. اللي تجيب جوالها بو كاميرا للجامعه تستاهل اللي يجيها وان شاء الله يكسروه لها عشان تتوب …. اذا انتي تشوفي نفسك عاقله ولازم يسمحولك تجيبه معك فيوجد بنات قليلات ادب ومايهمهم غير فضايح البنات والتصوير والنشر وادخلو اليوتيب وشوفوا بعيونكم البلاوي المتلتله …… وخلوا العالم يشوفوا بنات السعوديه واللي يسووه وخلونا مسخره بين اللي يسوى واللي مايسواش …. ويقول المثل امشي عدل يحتار عدوك فيك وسلامتكم جميعا ….

  91. انا كنت كل يوم الصبح اجيب جوالي الكاميرا واسمع فيروووز عالصبح وبدون سماعات((من زود الثقة ))وبوسط الساحة بعد..ومحد درى عني المهم يوم احترمت نفسي وجبت جوال عادي يوم من الايام طلعته في القاعة بشوف الساحة وتجي وحدة من ابطال النينجة((امن))وتاخذ الجوال وتقول لي تعالي نهاية الدوام عشان تاخذينه .. والنهاية كالعادة في طااااااااابور المواعيد(على قولة ساندي بل)

  92. تدرين انا في كلية التربيه اعداد معلمات.. اذا خذوا جوالك ولقوا مقاطع او صور رومانس يعطونك كتاب كيف تقضين على الشهوه ويقولون لك احفظيه وبعد يومين تعالي نسمع لك.. يلعن ابو الانحطاط اللي كذا .. اقوول والله العالم تطوروا ووصلوا لاشياء ثانيه وانا للحين تفتيش جوالات الله يرحم حالنا بس

  93. أحمد الله و أشكرهـ على هذهـ النعمه الطالبات ماينفع معهم إلا هالاسلوب ..!!

  94. الصراحه واضح من اسلوبك انك فوضويه وبعذرهم لو سوو معك كذا والي على راسه بطحا يتحسس

  95. عدت مرتن أخرى والله الصراحه مره خقيت ع التفاعل بالموضوع .. ويالبى تسبيدتس ساندي بل عليه مع ان باتسر وراي فاينل وتوي ما بعد انتصفت فيه .. لكن ذكرت موقف صار لي مع التوعية ولازم اقوله انا ادرس حاسب .. وكان ع نهاية السمستر .. وكان ورانا خمس بروجكتات غاثينا فيها .. الموهيم من زود الاعاقه في جامعتنا المصونة .. انو ما تفتحين لابتوبك غير في مبنى الحاسب .. مع العلم ان بس فيه 4 كلاسات دراسية .. يعني اكثر من ثلاث ارباع الشعب لكل المستويات تدرس الحاسب في المبنى الاداري .. الموهيم .. فضى شحن لابتوبي .. وابي لازم لازم افتحه من شان نكمل الشغل ع المشروع .. واجي ادور ع افياش ولا القى في مبنى الحاسب افياش فاضيه .. كلها البنات مستخدمينها ع نهاية السمستر الحال في مبنى الحاسب دماااااار .. كله عشان البروجكتات .. وقعدت ادور افياش برا في الساحه السعنونه اللي قبال المبنى .. ومع ذلك كانت الافياش خربانه ما تشتغل ولا لقيت فيش شغال الا في ظهر الجدار اللي يكون من قدامه مسموح فتح الحاسب لكن ظهره ممنوع D: .. واجيك مطربقه واشبك لابتوبي واشحن .. الا تجيني ثنتين منهم .. قالت لو سمحتي ممنوع تستخدمين لابتوبك هنا .. قلت طيب ما فيه افياش وانا احتاجه الحين ضروري .. قالت مو شغلي .. قلت طيب استني انقل شغلي ع الفلاش عشان اكمل في اللابات .. قالت لاااا .. الحين سكريه وتمد لسانها .. انا طنقررررررت من قلب .. وكانو معي صاحباتي .. قلت وشو استني دقيقه بس انقل الشغل ع الفلاش واسفها واكمل لان من جد ما كان معنا وقت لها .. قالت انتي تعاندين انتي مدري ايش .. قلت انتي ما تفهمين انا لازم اخذ الشغل واحطه ع الفلاش عشان اشغله ع معامل الحاسب .. تعرفين يعني ايش معامل الحاسب يعني اللي فيها كمبيوترات .. قالت وش شايفتني ما اعرف .. قلت بسم الله ع قلبك دامك تعرفين خليني ثواني انقل ع الفلاش .. وقامت صديقتي قالت لها ( اللي هي حقت التوعيه) .. وش اسمك .. ومير تبلـــــــــــع لسانها .. قالت وش تبين باسمي .. قالت عادي اسال عن اسمك .. انا واياك بنات في جامعه وحابه اعرف اسمك .. عشان ترتاحين انا اسمي فلانه الفلاني .. يالله قولي وش اسمك .. قالت ماراح اقول وهي تبولع بريقها .. قالت تبون تعرفون اسمي روحو لمكتبي هناك واسالوهم عن اسمي .. وربي هذا اللي حصل .. وقسم انا ماكان ع بالي اروح للمكتب ولا عندي نية أصلا اشتكي فاااااااااضيه انا ؟؟ .. كان ورانا اشغال الى روسنا .. المهم و أروح ونسالهم وتلخبطو قالو ليه ومدري ايش .. وقلت لهم السالفه وانه وش هذا الاسلوب حتى ما راعت اني انقل الشغل ع الفلاش و و و .. قالو انتي غلطانه المفروض تفتحين اللابتوب في مكانه المحدد قلت اللي يحكم انا غلطانه او لا المسؤل اللي بيتعامل مع القضيه ورجاااء اعطيني اسمها .. وتعطيني اياه ويقالك عندي سالفه واطلع ورقه وقلم من شنطتي واكتب اسمها هههههههههههههههههههههه .. بس من جد قد ما كنت منقهرررره من تصرفها الهمجي .. قد ما ضحكت ضحك ع روعتها وبولعتها في ريقها .. حسبي الله عليهم بس

  96. حبيبتي والله انكم بنعيم وعز !!!!! تعالي بس سمستر واحد في كلية التربيه الأقسام الأدبيه بجده والله لتكرهين ابو اليوم الي انولدتي فيه بالدنيا !!! في حالة مسكو جوال كاميرا معاك ياويلك وياسواد ليلك !! انواع الظظلم ومسح بالبلاط وطولة اللسان والفاظ والله العظيم الواحد يخجل يسمعها من اكاديميات وموظفات شغالين بستوى جامعي !!! اصلا اصلا طريقة التفتيش بالصباح اول ماتدخلين للكليه مهينه بشكل فظيع يعني لمس لانحاء المناطق الحساسه بجسمك يعني بالذمه مين الي بتخبي موبايلها بملابسها الداخليه !!! ياناس والله العالم تطورو والدنيا اتفتحت واحنا لسا يدورون ويراقبون مين الي تجيب جوال كاميرا ومين الي ماتجيب !! بالطريقه هذي والله يجبرون البنات انهم ينتقمون منهم ومن اساليبهم المتخلفه بانواع المخالفات والأذيه !!

  97. موضوع كبير!! وتصريح فضيحه!! والدخول على باب ((قال توعية قال))!! كله على شان فراشات مشتغلين بنظام العقد؟؟؟ الله يهديكم بس.. المفروض انتي ماتفتحين على نفسك مجال للنقد؟؟ رحي يم ادارة التوعيه وقولي لهن على الموضوع.. ولا تبون الوزير يحل لكن جميع مشاكلكن مع الفراشات ولا مع طاقم المنظفات؟؟ سي يو ياحلوين

  98. موضوعك جاء على الجرح .. هالجامعة هي بجهة ووصفها بجهة ثانية . ناس متخلفة ما أدري من وين جاية ؟!!!!! ما جاني اللي جاك بالجوال بس ذلوني عند تنورتي , كل ماشافتني مسؤولة التوعية تنورتك قصيرة الله لايسلط علينا , نفسي أعرف ما فيه بالجامعة إلا أنا , وياليت تنورتي قصيرة كان أقول غلطانة وأستاهل بس والله مهب قصيرة . بالمرة الأولى طلبت محفظتي طبعا عشان تتأكد إني راح أجي وأوقع تعهد بس والله هذا وجهي إذا جيت , واللي يضحك إنها واقفة قدامي وأنا أطلع كل شيء من المحفظة وأعطيها إياها وهي تقول تعالي وقعي قلت لها لا , قالت ماتبغين المحفظة , قلت المحفظة بدالها عشر وتركتها والمرة الثانية طلبت البطاقة الجامعية قلت مامعي , قالت وش معك ؟ شوفوا السؤال بالله , مارديت قالت جيبي المحفظة , إنا لله هم وهالمحفظة وفتحتها وأخذت الجوال منها ورجعتها لي قالت سكري الجوال قلت ماأعرف قالت مو لك , قلت لا , ردت أهم شيء تعالي وقعي وخذي الجوال , رديت عليها ما راح أجي , قالت والجوال مو تقولين مو لك , رديت عشان كذا ماراح أجي , والله كل البنات اللي حولي يضحكون عليها وجهها أحمر وأنا مروووقة , المهم رحت أخذ الجوال قالت المسؤولة وش المخالفة ؟ قلت لها يقولون تنورتي قصيرة وأبغى أسألك التنورة وش آحر حد لها ؟ ردت الكعب وبعدين قالت لي تنورتك عادية , ياعالم مسؤولات بمكتب واحد وكل وحدة لها راي ووقعت على تعهد وأخذت الجوال والمرة الجاية قالت مجلس تأديبي ياكافي عشان تنورة والله عالم ما أدري من وين تشوف , تاركة الطالبة اللي بلوزتها شفافة واللي عليها كتابات إنجليزية معناها شين مرة وجاية تشوف التنورة ومرة ثانية شافتني ولا قالت شيء والله إنها نصااابة التنورة نفسها لا غيرتها ولا شيء .. أما سالفة الإنجليزي شيء ثاني أذكر مرة كنت مع زميلاتي في مبنى الشريعة وزميلتي ماسكة جوالها تخزن رقم جت وحدة من أستاذات الشريعة وأخذت الجوال خييييير ياعمري لا مسؤولة أمن ولا توعية , سألت زميلتي من أي قسم ردت إنجليزي , قالت إيييه بس تعالي معي لمكتب الأمن , زميلتي حاولت تناقشها قالت طالبة إنجليزي ما يستغرب منكم أي شيء , الله ياخذ عدوكم من وين جايين ؟ !!!! حالنا حال باقي الطالبات , ولاّ طالبات باقي الأقسام منزلات من السماء وطالبات الإنجليزي جايات من عالم ثاني .. هذا غيض من فيض وما خفي كان أعظم .. والسلام عليكم ..

  99. ياحبيلكم يابنات جامعتنا اجتمعتوا هنااا ازيدكم من الشعر بيت ماوقفوا لحد الجوالات والاب توبات.. خصوصا حقين النفل انهبلوا مع النقل!!! تخيلوا صديقتي كانت حاطه رووجي فوووشي جتها وحده قالت لها رووجك اغراء امسحيه ولاعاد تحطينها!!!!!!!!!!!!!!! قممممممممممممممممممة التخلف والهمجيه وش دخلك تحط اللون اللي تبي حتى بالمكياج بتحكموننا!؟؟ ومررة جالسه صديقتي تحط منااكير جتها قالت لها حقت التووعيه فاتحين مشغل انتم؟!! واذا الوحده حامل وتعباااانه … ماتنسدح يعني؟!!!!! حتى هنا ممنووووووع صررررررررراحة قررف هالقوانيين المتخلفة احس ودي احكي واحكي ماراح اخلص لأن الخاافي اعظممممم شرأيك بنا نحط لنا دكة هنا نحش؟؟ 🙂 شكرآآآآآ سااااااااندي بل فتحتي لنا المجاال اننا نحكي عن اللي نعيشه بهالسجن قصدي الجامعه…. احبس سااندي

  100. انا حابه اضيع تعليقي عالموضوع النايس مره اول شيء حابه اقول انه ماعجبتني فهم الناس للموضوع خطا ومنهم من بالغ وكره السعوديه بكبرها لا شدخل هذا بهذا السعوديه ماهي دوله معقده وكل شيء فيها ممنوع والدليل جامعة الملك سعود النقيض النقيض لجامعة الامام من ناحية الحريه وكل الجامعتين غلط X بغلط يعني (مااردى من المربوط الا المفتلت) انا اايد ان الجوال الكاميرا يكووون ممنوع هذا حمايه لي ولغيري بس ان يكون الجوال العادي ممنوع هذا مالهم حق فيه ابد ولا لهم حق بتفتيش الجوال بدون كاميرا ابد ابد ابد واذا ملزمين طيب فتشوا الاستديو بس مالهم حق بالرسايل والاسماء وتسالك من هذا ومن ذاك طيب انا اخواني 7 بتدقين على كل واحد مو معقوله بعدين هذا يسمووووووووونه قذف قذف قذف لما تقول اني كذابه وهذا الشخص (خويي!!!!) يسمونه قذف والقذف من الكبائر حكمه من حكم (القتل العمد وعقوق الوالدين و الاشراك بالله……) يعني هذي لو ارفع عليها بالمحكمه قضية قذف راحت بخبر كااااان ثانيا : ذولي اللي مسوين نفسهم امن وامينات لو تشووووفووون جوالاتهم تلقووووووونها (كاميــــــــــــــــــــــــــرا)<مصيبه اذا كان (حاميها حراميها) والاسلووووووب عجيب استفزازي اقل مايقال عن اسلوبهم انه منحط طططططططط مع كامل احترامي!!!!!!!! وبعد طاقم هيئة التدرريس مسموح لهم يمشون ويتمخطرون رايحين وجايين بجوالاتهم لا وتلقى الاستاذه حاطه الجوال بجيب التنوره مو بالشنطه عشان يوضح(اخر موديل)!!!!!!! لي رجعه تعبت وانا اكتب خاتمه.............. انا اقول اعتبروا اللي يصير تكفير ذنوب!!!!!!!

  101. أختي صاحبة الموضوع … جد جاني مررررررررررررررر من هالتصرفات الغبية … ورجاء اللي يربطون بين الالتزام وبين تصرفات عالم مسوية نفسها غوار وأبو عنتر انتبهوا لكلامكم … هذا مو سلوك ملتزمين … ولا يرضى به دين ولا قانون … من جد قلة حيا … اللي ضيّق صدري أكثر بعض الأخوات اللي علقوا على الموضوع وقالوا إنهم اشتكوا لحد ماصار جوال الكاميرا مسموح فيه بجامعاتهم!!!!!!!!!!!!!! أنتم متخيلين اللي سويتوه؟؟؟؟؟؟؟؟ كم من وحدة تعبانة بتستغل هالشي استغلال سيء وبيكون على اللي تسبب بهالشي جزء من الذنب والجرم … يا الله!!!!!!!!!!!!!!!! من جد ضاق صدري 🙁 بدري أكره وطنيييييييييييييييييييييي :(:(:( يا إفراط يا تفريط

  102. ياحليلكم يابنات جامعة الامام من جد معاناة الله لايلومكم تعسف غير طبيعي لوووولز سمعت عندكم سيب يسمونه الحجز او المحجر يحجزونكم فيه في الاختبارات او حتى اذا جبتم قهوة اظني سمعت كذا وبصراحه جوالات الكاميرا تخوف يعني لو منعوها بجامعتنا صدقوني ماراح اجيبها اما تفتيشها بهالطريقه عيييييييب في جامعتنا الموظفات او الامن ماتتجرأ تكلمك ولا ترفع صوتها عليك الله يعينكم ويفرج كربكم وتتخرجون بالسلامه

  103. انا تعلقي كلهـ على كلام الاخ ابو مريم ,, بإي حق يفتشون الجوال ؟؟ ياخوي بكيفي انا اخرب امرض انتحر اتشقلب ,, وش هالمرض , قسسسسم بالله لو يجي واحد يفتش جوالي لا امددده مد ما عمره شافه ,, مع ان الرسايل كلها كول مي خخخخخ ياخوي طسوووووا عنا فارقونا

  104. والله ياخيتي انا معاك في كلامك بس موب كله, بعض كلامك صح وايديك فيه مثل سالفة الاتصال على الارقام وتفتيش قائمة الاسماء والرسائل ليش؟ فيه شئ اسمه ( شخصي) ما يرضى احد انه يطلعه للناس ولو كان مافيه شئ عيب او حرام في الرسايل بس هذي حدودي وحريتي الشخصية ما ارضى احد يشوفها ولا اؤيد ان الجامعة تقوم بهذه الاعمال المشينة التي تخالف الاسلام نصا وفهما وقياسا وكذالك الصور في الاستديو مايحق لأحد انه يشوفها ولكن ( وحطي يا اخيتي خطين تحت لكن ) فيه ظروف مثل الظرف الموجود في الجامعه ×( الورديه ) اقصد اللي كلها بنات ومحارم ناس والبنات انفسهم مايرضون احد يصورهم ولا ينشر صورهم وانتي كذالك ماترضين فإنني ارى وانطلاقا من هذا المبداء وللضروره ولدرء المشاكل انه يشدد على عدم ادخال جوالات مزوده بالكاميره وتفتيش الاستديو الخاص بالصور فقط ( وليس الرسائل والاسماء وغيرهما ) اقول تفتيش الصور مخافة ان تكون احدى الفتيات ( السيئات ) والتي هن قليل وانتي ( اجزم بأنك لست منهم عطفا على موضوعك ) اقول مخافة ان تكون التقطت صورا لفتيات عفيفات من امثالك والاخوات اللواتي قامن بالرد على هذا الموضوع في الاعلى. انا شخصيا لا ارضى ان اشاهد صور اختي لاسمح الله في جوالات الشباب او البنات يتناقلنها واؤيد تفتيش الاستديو لمن خالفت واحضرت جوال مزود بكاميرا. اشكر لك موضوعك الرائع واسلوبك الاروع وانا اكتشفت انك تقربين لي لأني فلان بن علان من فخذ وكراعين فلنان ( وجه ابو ضروس صفر)

  105. اللي يقولون كذب خافوا الله لا يبلاكم بناس متفتحين مثل التوعية ثانيا الكلام كان عن الجوال العادي مو الكاميرا جوال الكاميرا فيه فصل تأديبي ولا أحد معترض على هالشي اعتراضنا على تفتيش الجوال العادي بدون الكاميرا ثالثا المعنى ما يوقف عن تفتيش وبس لا عند الشك والتهمة ولا المتزوجة يقولون لها وش يثبت انه زوجك جيبي صورة من العقد وش هالتخلف ووحدة ماسكينها يقولون لها اكتبي تم القبض علي ولاحظوا كلمة القبض وأنا أمشي مشية إغراء لأن مشيتها ما أعجبتهم ولا هي إغراء ولا مايحزنون وتجمع طالبات كثير مع بعض ما يصلح ولا أحسن شي مرة نضحك وحنا في وسط الجامعة قالوا لنا قصروا أصواتكم ومدري وشو ولا عاد لابتوب الكاميرا هذا مدري وين نصرفه فيه بس اللابتوب مايصور غير الشخص اللي يستخدمه بس وثاني نلزق عليه استكرات بعد ولا يعجبهم ولا فيه في السوق غير كاميرا والله أغلب البنات تعبوا يدورون لابتوبات بدون كاميرا وخصوصا الحجم الصغير لأنه سهل وحنا نجيبه معنا شبه يوميا والتصريح بعد مدري وش فايدته كل صبح عند البوابات بعباياتنا ومعي شنطتين وحدة للابتوب وحدة شنطتي العادية وملف ويمكن كتب بعد ومع ذلك عادي يوقفونا عشأن يسالون عن تصريح وما خفي كان أعظم ولا سالفة الحبس والسجن عندهم والنصائح اللي وش طولها وكلها سخافات ما أنزل الله بها من سلطان

  106. انا طالبه بعد في جامعه الخماام اللي في البطحااء ووحده من صديقاتي كان معها جوالها ومو كاميرا وكانت تقرا مسج واصلها..وجت التوعيه المتخلفه وسحبته من يدها ولا كلمتها اصلا.. وانا كل يوم اجيب جوالي الكاميرا ولا عرفوا عنه شي .. وربي انهم قمة التخلف .. ويدووروون في (( الفسحه)) ويدخلون الحمامات الله يكرمكم يشوفون اذا فيها احد يكلم اولا .. وممنوع استخدام الجوااال الا بعد الساعه 12 لانه وقت الخرووج يمدييييكم بس ع التخلف انا بصراحه ما استحملت ابد تصرفاتهم وانا في المستوى الاول دعوه وطلعت من الجامعه .. وكل يوم ارجع ابكي من التخلف اللي فيييييهم ..

  107. حسبي الله علهيم لا أحد يتهم السعودية بالتخلف ولا الجامعة أيضا .. ولكن نتكلم عن هالموظفات الدايخات وفيه مثل يقول << كلن يرى الناس بعين طبعة وأظن فكرتي واضحة .. وختام كلامي أقول قول الله تعالى : ( إن بعض الظن إثم )

  108. والله ان كلامك يعكس الواقع حرفياً عصابة التوعية هذولي اسلوبهم جداً سيء ويفتقرووون الى اقلا اساليب الذوق والنطق حتى انهم يلصقون صورة التخلف للجامع وهذولي موقفين حدثولي شخصياً 1_بين المحاضره الرابعه والخامسه اخذت جوال صديقتي عشان اكلم الوالده ترسل لي السواق جت وحده من العصابه واخذت الجوال مني رحت لها المكتب قامت تفتش الجوال وتقرا المسجات وتتبسم عصبت وقلتلها :على آي اساس يحق لك تفتشين(اقصد الرسايل) جاااااااااني الرد المقتنع صرااحه وقال:انتي اللي حطيت نفسك بهالموقف ماعلينا ماعليناا نجي للموقف المبدع الآخر كنت في الكلاس لالالالالالاحظوا اني داااااااااااااخل الكلالاس وكانت الاستاذة طالعه بدرس المووهم كنت فاتحة الكاليندر بالجوال واحفظ مواعيد الاختبارات فجأه اللي فوق راسي وتقول هااتي الجوال (اللي بدون كاميرا) ياعمري انا من الروعه دخلت داخل الشنطه قالت جيبيه وتعالي المكتب ,وطبعاً الاخت تستناني عند المكتب عشان مااهج ومعي هالقنبله الخطير,المهم في المكتب قالت لي ان في قانون يقول ممنوع تطلعين الجوال الا في وقت الخروج قلت لها:بس انا كنت اسجل مواعيدي الاختبارات قالت لي :ليش ماعندك ورقه وقلم خخخخخخخخخخخخخخ قال تطور قااااال الله يرح حالنا ويصبرنااا والله المواقف كثيررررررررررر يبيلي رجعه للموضوع المعبر اللي قتح الجرااااح بس الحين ورااااي فاينل بكره دعوااتكم,, برايفت لساندي بل: الله يوفقك ويحقق لك كل ماتتمنين دنيا واخره ويختي وسعي صدرك وشدي حيلك عشان تصيرين وكيلتنااا حقت الجوالات خخخخخخخ لا صدق ودك من يطردهم من الجامعة ولا على الاقل يودونهم دوورات تطوير ذذاتي اقلها دوره في الحوار ,,صبر جميل والله المستعان(فايس متفائل)

  109. انا متابع الاول لان فيه واحد ثاني كتب زي اسمي الله يصلحه بس عندي اضافه ع الموضوع بخصوص تفتيش الجوال تراا حكايه تفتيش الجوال تعتبر من الاطلاع على الاسرار وهذي طبعا لها لذذذذذه عند بعض المرضى (الله لايبلانا )زي مايسوي 90 بالميه من الهكرز بالضبط فتخيلو هكرز ومصرح له يخترق الجوال وش بيسوي اكيد طبعااا بيتمتتتتتع وبيستلذ بمعرفه خفايا هالناس وانا اقترح بصراحه اذا كانو مصرين على التفتيش مااااااحد يطلع على اي شي في الجوال لااا استديو ولاا غيره (انا اعتبر كل شي في الجوال يخص صاحب الجوال ) الا حرمه تكون فوق 50 سنه وعاقله مايكون كل من هب ودب يتفرج لانهااا في هالحاله تسوي دور رجل الحسبه ومن شروط رجل الحسبه ان يكون رجل عاقل فوق الـ 40 وعموما الهدف هو ان مايكون مصير الطالبات في يد مرضى على الاقل يكون في يد حريم عاقلات (ويمكن عندهم بنات زيهم) يقدرون يتفاهمون معهم بالحسنى وبلا فضايح هات امك افصلوهااا مدري ايش !!!! ويارب يكون في الكلام فايده

  110. الحين على قولتج ان الجامعه متخلفه لانها تفتش الجوالات اجل البنت الي تجيب جوال كميرا للجامعه وهو ممنوع وش تسمينها…؟؟؟ يعني قالو ممنوع اجيبه ليه ما تعرفون تمشون على النظام وهذا وانتو بنات جامعيات وفاهمات وتخالفون النظام وش خليتو للجاهلين وتستاهل البنت يوم ان يفضحونها لو انها ماشيه على النظام محد جى صوبها كل ماتسوي ذا الجامعه في البنات المتخلفات اصلااااح لان بصراحه حنا انخااف على انفسنا شوفي النت كيف مليان من مقاطع فديو وصور لبنات في الجامعه….. ما اقول الا الله يطور البنات ويكبر عقولهن

  111. مسألة الجوال ماتهمني..عارفه موعد خروجي والسواق متبرمج على كذا..وللطوارىء معاي بطاقه اذا احتجتها دقيت من شؤون الطالبات جوالي دخلت الكليه وطلعت ماعمري جبته الا بديت اطبق خارجي ولما ولدت واضطريت ادرس وانا بالنفاس.. اسمعي معاناتي عن حق؟؟؟ زوجي يشتغل في البنك الاهلي واحيانا تجي 6المغرب ماطلع..وكانت فترة اختبار عملي اخلص اختباري واطلع. كان اللي يأخذني السواق..رحت للبوابه قلت ابطلع قالوا جيبي ورقه.. والا انتظري تفتح البوابه..البوابه طبعا ماتفتح الا 12 لانه فترة دراسه والاقسام التطبيقيه وحدها تمتحن..قلت خير.. تخيلي مالي الا اسبوع وطالعه من امتحان مدته 4ساعات متواصله..لما وصلت الوكيله قالت جيبي اثباته وروحي يابنت تسحبي من مبنى الاداره لحد البوابه وساعه يجي الحارس وبعدها ينادي السواق اخذت اقامته وتخيلي رفضت اروح معاه والحجه انه مو محرم..ولو طلعت على مسؤليتها قلت حرام عليك انا بالنفاس بروح وين يعني؟؟؟ قالت ليش سواق وينه زوجك قلت عنده دوام قالت احد من اهلك قلت اهلي بالرياض يجون من الرياض للقصيم عشان يطلعوني.. وبالنهايه مشى كلامها صار ابو زوجي يجي ياخذني هذا غير التفتيش عن الشراب والشيله والعبايه تكون عاديه.. اللي بتلبس هالاشياء بتكون عن قناعه مو شايلينها للكليه غير الزي واذا هربتي من المحاظره وشافوك ياويلك.. والنكته لما نرجع من الميداني لازم المشرفه تشوفنا يعني ننزل من باص الكليه ولازم ندخلها تشوفنا وبعدها نطلع للنقل احيانا اقول معهم حق.. واحيانا اقول كفى بالنفس رقيباااااااااااااااااااااا بالله من اهم.. جوال تخرجت اجيال قبلنا ما استخدمته والا اسلوب تعامل يضيق صدرك في كل شي وماتحسين ابداااااااا بالراحه وتقولين متى متى متى متى اتخرج.. الله يعين الكل وعذرااااا عالاطاله

  112. ليش تجيبون اصلا جوال كاميرا للجامعه الأغلب يملك جهازين واحد للجامعه مفقوع العين بدون كاميرا والثاني محترم لطلعاتي للناس الصاحيه أما انك بتربين همج امثال التوعيه فهذا امر مستحيل امشي على مايبون وريحي راسك ليش المشاكل من اصله,,,,

  113. الي بطنه ريح ما يستريح يا أختي أذا صرتي واثقة من نفسك ماعليك من أحد ألا أذا كنتي ………

  114. غريبة مع أن جامعتي جامعة الملك سعود وجامعة الغمام تتبع وزارة وحدة إلا أن الأنظمة تختلف تماما احنا حتى عند المراقبات نطلع جوالاتنا أم كاميرا ونرد عادي لا ممنوع ولا شي سبحان الله كل ممنوع مرغوب على أن جامعتنا أكثر مرونه إلا أن بلاوي البنات فيها أهون من جامعة الإمام الله ييسر أموركم للي فيه خير لكم وللجميع

  115. هلا باختي انا طالبة معك بنفس الجامعة وعايشة الوضع وكل مرة اقول ان شاء الله تصرفهم يكون بيوم له خيرة وفايدة بس معليش تكبير الامور وتوصيله لقروبات ماكان له اي داعي يعني اظن واذكر فيه منتدى لنا ولجامعتنا ناقشي امورك هنا مو تجين هنا لان الاعضاء اللي هنا ماعاشوا الواقع الفعلي وماشافوا الايجابيات والسلبيات يعني بس اعتمدوا على كلام وردوا بالعكس انتي بكذا اولا شوهتي صورة جامعتك.ولاتقولين مايهمني ومدري وشو لان هالجامعه لآلاف الطلاب والطالبات .اذا انتي وغيرك رضا غيرك مايرضى هذا اولا ثانيا شفتي بعض الردود اللي يقول مااعيش في السعودية لو ايش ومن هالكلام!! يلا وش هالفاايدة اللي جنيتيها؟ وبعد شئ ثااني او رد جذبني وخلاني ارد اللي تقول ظلاميين!!!!!! تعرفين اولا وش معنى هالكلمة؟؟؟ ان كنت لا تدري فتلك مصيبة وان كنت تدري فالمصيبة اعظم هذا مصطلح يطلق على الملتزمين.وهالمصطلح ذكره الدكتور نبيل العوضي في احد برامجه يعني سب للالتزام!!هل من الضروري ان من سوا كذا ملتزم؟؟؟او التوعيه اللي عندنا ملتزمين مثلا؟؟؟ عجباا !!!! والى صااحبة المووضوع في قااعدة ماخذينها من الثانوي الظاهر درء المفاسد مقدم على جلب المصالح والله عارفة شعورك وحااسة لان كثير حولي من شلتي مروا فيه واكثر بعد لكن مو مبرر ان المناااقشة تصير مع اناس ماعاشوا الجو بالضبط روحي لمنتدى الجامعة وشوفي الردود وتفهمين قصدي!!!!!!!!

  116. الأسلوب هذا هو الوحيد المجدي في هذا الزمن نعم للقمع المسلح ليت هذه الأمر يطبق في كل مكان بيض الله وجيههم لو تمت المعالجة بهذه الشدةو بهذا الشكل لما تجرأت فتاة على الجنوح آه يزمان التربية بالعصا يا ما طلع رجال أما أسلوب التدليع وسياسة المحافظة على الشعور ولا دموع بعد اليوم أخرجت لنا سروال طيحني و سامحني يا بابا

  117. بدخل في الموضوع دغري على قولت المصاريه>هع أول شي مانعين جوال الكاميرا داخل الجامعه ليه تجيبين جوال فيه كاميرا من الأصل=يعني انتي غلطانه في هالشي ولا تبررين نفستس^_^ ثانيا:لو احد خذ جوالي يقرا الرسايل من اخواني هفيته بالجوال على جبهته وهو اخوي..اجل الغريب وش بسوي فيه؟؟ قسم بالله يمكن اقول ياوقح هات الجوال <--اقوى شخص بالعالم ترى قاعده((إذا زاد الشي عن حده انقلب ضده)) يعني التفتيش يكون عشان حفظ عورات المسلمين..صور فديو . و و و اما اتصلي عليه وقولي من انت؟ زين ماقالوا له شعر ولا أقرع ,يلبس فنيله علاق ولا نص . . وعجبني فيك انك ذكرتي المساوء و(المحاسن) *_*

  118. و ليش البنات يصورون البنات؟ يعني مثلا اذا ماكو تفتيش و لا شي و لا اي رقابة, البنات راح يصوروا بعض؟ قصدي بالسر, لغرض التشهير او شي من هذا؟ ليش؟؟؟؟؟ اما اذا يتصوروا مع بعض لغرض الذكرى فشي عادي! هذول يقولون للبنات السعوديات انتم ولا شي و مو محل ثقة و مو وجه موبيلات و لا وجه خروج اصلا و لازم نؤدكم حتى ما تسووا شي غلط! فعلا المراة في السعودية اسيرة مع الاسف! بس والله عيب اني بالبداية ما صدقت ولا كلمة, بس شفت التعليقات و قلت يمكن هذا الشي حقيقي و يحصل فعلا! هنا في المملكة السويدية (المسلمة بدون ان يعرفوا الاسلام) عقوبة من يصور شخص بدون علمه و خصوصا البنات غرامة تصل لالاف الدولارات! و قبل هذا, الناس نفسهم ملتزمين و لا يصوروا بعضهم بعضا! لنفترض وحدة اتصلوا على اخر رقم و هو زوجها و قالت له وش تقرب لي؟ و رد و قال حبيبتي! هههههه ماذا يحصل؟؟؟؟؟ ولا الازواج عندكم ما يستعملوا هالكلمة؟؟ بصراحة, عيب, فضحتونا, حتى لو ما كنت سعودي,لكني مسلم, ترا عيب, ترا مثل ما يقولون الزين يخص و الشر يعم, يعني مثل هذا المغني الي قال ان الرسول سعودي! استلمونا الجرايد الدنماركية و ضللللللللوا يضحكوا علينا لما شبعوا, فضحنا هالمغني والله!!! يمكن ناس يتصورون لاني مو سعودي و واضح من لهجتي اني عراقي, يتصورون اني شيعي و اكره السعودية, بالعكس, اني اعشق السعودية, و اني مسلم سني و سلفي بعد, بس اقول عييييييييييييب عييييييب فضحتووووووووناااااااااااا, و بس.

  119. انا بنفس الجامعه 🙁 وحنا طالعين نلبس عبياتنا وحده تمر بينا وكانت وقتها زحمه على امل تصيد وحده قبل ماتطلع ماقول غير حسبي الله عليهم .. حتى اسلوبهم كانو تحقيق يسكرون عليك بغرفه ومع ثنتين انواع الاسئله

  120. انا بصراحه ودي اعقب على الاخت بنت وبس يومهااا مستغربه من تسميتهم بقرويات!!!! ليه اجل انتي يعني تشوفين تصرفاتهم ذوق وقمه الاتيكيت وآخر موديل ؟؟ وغير كذاا يومك تقولين ماعاشو الواقع الفعلي من قالك ماعشنا ؟؟ بالعكس عشناا وشفنااا شرح كاتبه الموضوع والتعقيبات كانت كافيه تنقل الصوره الا اذا كنتي ماصدقتي فهذا شي ثاني. ابيك ياختي تعرفين ان فيه شي اسمه السلطه الرابعه اللي ماخذين دورهااا الحين وهي اللي خلتك تطلعين تدافعين عن مدمنات اسرار الناس وبصراحه ضحكيتيني اجل تقولين منتدانا لو منتداكم فيه خير ويحل المشاكل ماجت البنت وطرحت الموضوع هنا وانا متأكد انه منتدى للتنفيس لاا اكثر ( بس اللي شاغل بالي انتي ليه خايفه على سمعه الجامعه الى هالدرجه طالمااا انك تشوفين ان هالافعال حلوه وتشرف وماتفشل ) ؟ وبالنسبه للقاعده الفقهيه ياااااعالم ياهووه تراا القاعده مهيب لعبه تتصرفون في خلق الله باسمهاا انا ماستغرب بكره يطلعون علينااا ناس يرجعوناا لوأد البنات بكره تقولهم ليش يقولون يااااخي درئ المفاسد مقدم على جلب المصالح ….. لنجعل الاختلاف دائما للفائده ….. الله يستر علينا

  121. سلاااام ياحبيلكم ياصديقاتي.. وأخيرا لقيتوا الموضوع اللي يبررد حرتي ويشفي غليلي .. آه بس ماودي أتذكر بس ابقول قصتي ومعاناتي مع هالجامعه الاسلاميه اللي كنت احترم ((مسماها )) .. واتمنى اكون من منسوباتها ولي الفخر >> هذا سابقاً .. بس للأسف تغيرت الصورة نهائياً .. بعد ثاني زياره لهم في البطحاء طبعاً اول زياره كنت مستانسة بهالجامعهة وجايه اقدم ماجستير وتاركة دوامي المهم سجلت وعطونا موعد للاختبار التحريري بعد 3 اسابيع تقريباً وفي يوم 3/2/ 1429هـ جيت للجامعة بكل حماس وطمووووووووح عااااااااالي واختبرت وكان اسمي من المقبولات مبدئياً ومن الأوائل ,,طبعاً زيارتي السابقة للجامعه يوم التقديم ويوم الاختبار مافتشوا على الجوالات ولاقالوا شئ ابداً .. حتى وانا في قاعة الاختبار كنت مطلعة جوال الكاميرا وعندي خمس مراقبات مولا وحده فيهم تكلمت وقالت ممنوع !! .. انا مااستغربت قلت لاننا جايين لغرض واحد وهو نختبر ونطلع والشئ الثاني لأني مجربه اختبر في جامعة الملك سعود مرتين وماكانوا يقولون شئ ..المهم بعد الاختبار رحت للمصلى أصلي الظهر ,, صليت وقعدت انتظر أخوي يجي .. كلن طلع مابقى الا انا في المصلى . وكان في المصلى لوحة معلقة على الجدار عن الانشطة المهم عجبتني . وفكرت اسوي مثلها للمدرسة اللي أدرس فيها ..المهم طلعت جوالي وصورت اللوحه ماأمداني اصورها الا وتطلع لي وحده من الامن وتقول عطيني جوالك وانا بكل ثقة عطيتهياه قلت شوفي قالت وش مصوره قلت اللي تشوفينه قامت وفتشت الاستديو .. وقالت وش تخصصك ؟؟ قلت انا ماأدرس عندكم انا جاية اختبر ماجستير !! قالت عطيني شئ يأكد لي كلامك .. قلت لحظه اجيبلك بطاقة الاختبار من شنطتي.. قالت طيب تلقيني في الغرفة اللي على يمينك قلت اوكي جايتلك الحين .. اخذت البطاقة من شنطتي ورحت للغرفة اللي على اليمين ودورتها مالقيتها سألت عنها قلوا تلقين جوالك عند الوكيلة دخلت على السكرتارية يوووووووه ذووووووووق بمعنى الكلمة ماشاء الله عليهم الله .. ياليت كل الناس مثلهم >> العكس صحيح دخلت بسم الله كلوني !! وحده تقول وش اسمك ؟ الثانية : وش تخصصك ؟ طبعا علمتهم اني جايه اختبر ماجستير ماامداني اقولهم الا وبسم الله وحده فيهم ترد علي بررررررررد وقح مثلها ويدل على تدني المستوى الأخلاقي والسلوكي ومن هالرد بدأت الصدمات تتوالى ووتتغير صورة الجامعة .>> تحمستوا للرد قالت : وشلووووووون تتجرأين وتجبين جوال كاميرا … لا وجاية تقدمين وتختبرين ماجستير قلت : وش مسويه وش الجريمة اللي سويتها بس لاني مصورة جدار !!!!! بالعكس انتم الان اللي غلطتوا علي .. لأنكم فتشتوا جوالي بدون اذني وفيه صور شخصية وتعديتوا على حرمتي !! قلت طيب يلا عطيني الجوال .. ابطلع تأخرت عى اخوي . قالت السكرتيره : بنت ابوك انا تتأمرين علي ؟؟ بسم الله الرحمن الرحيم وش هالأسلوب الهمجي .. بصراحة انا ماقدرت اتكلم معهم كل وحده اسلوبها اشين من الثانية .. قلت معليش ممكن ادخل على الوكيلة ؟؟ ابتفاهم معها .. قلت : لييييييييييه احنا جدران عندك تفاهمي معنا احنا .. قلت سوري ماابغى اتفاهم الا مع الوكيلة وجوالي ابغاه اليوم لان عندي دوام ومااقدر ارجع للجامعه واخذه من بكره قالت من قالك انا بنعطيك اياه .. المسألة طلعت تحدي .. طلعت من الغرفة ورحت ادور ناس يدخلوني على الوكيله .. ومالقيت لان الدوام انتهى .. وقامت وقفلت جوالي وسكرت عليه في درجها .!! : قلت عطيني جوالي ابكلم اخوي على الاقل اطمنه علي .. ويالله عطتنياه .. وخلوا الجوال عندهم وشوهوا صورتي عند الوكيلة ومارضت تستقبلني , قلت مافيه حل الا اني انتظرها عند الباب اذا جت بتطلع كلمتها ,, وصار اللي فكرت فيه وكلمتها قالت ماراح نعطيك اياه اليوم بنتصل عليك وتجين تاخذينه بعد يومين .. قلت خلاص .. راحت اليومين .. ولا جاني اتصال !! سألت وحده من صديقاتي عندها اقارب يشتغلون في الجامعه قالت انهم يقولون بنفتح مخحضر وماراح تقبل في الماجستير ويالله نعطيها الجوال بعد شهر .. وصار اللي قالته ومن بعدها كرهت هالجامعه اللي شوهوا سمعتها اقل وأدنى الناس بأسلوبهم الراقي والمحترم وبظلمهم .. الله لا يوفقهم .. وحسبي الله عليهم وماراح أسامحهم .. لأنهمما يخطؤن في حقي وبس لااااااااااا في حق الكثيرييييييييين .. وماأحد يدري عن معاملتهم السيئة ودائماً الخطأ من الطالبات ..

  122. يا عزيتي لكم يا بنات كل الجامعات والكليات … انصحكم بنصيحة الوالد الله يطول عمره : يقولى عامليهم معاملة الاعداء لك .. لا تعدينهم ناس تفهم ولا تبي مصلحتك .. فعلا هذا الى انقذني لانه ظلم في استخدام السلطه … انا تحليلي النفسي لمثل ها الحالات الغير طبيعية .. انها ناتجة عن كآبة …بتقولولى ليه بقولكم كل القطاع التعليمي عندنا زفت زفت زفت لا تطور ولا روح شابه فيه الله يخلف علينا بس .. بالاخير جد يا بنات لا تكرهون جامعاتكم بسبتهم تعوذو منهم بجد .. وعاملوهم اعداء .. احذرو منهم وبالتوفيق معليش بقولكم بعد ما سمعت نصيحة الوالد مريت بمشكله مع الطاقم الاداري المتخلف والظالم … فا كيف كان تعاملى ! قابلتها بوجه باسم جدا لدرجة انها حست انى استخف بها … وكانت ترمي كلام زي الحجر وتتريق بس ما ارد عليها الا بالابتسامه والكلام الرايق والضحك … طبعا عرفت انى مو اناااا وها الشئ غريب عنى بس استخارت وتركتني بحالى لانها خافت من ردت فعلى هذى ولانها حست انها بلهاء لو تزيد المشكله مع بنت تكلمها بالطريقه هذى … الله يكون بعونكم ….

  123. جوال بكاميرا ممنوع اوكي فهمنا ومعهم حق وهو ممنوع باماكن كثيرة مو بس جامعة الامام بجامعات وبصالات الافراح و وو وو والبنت الي تجيب جوال بكاميرا عاد تستاااااهل كل الي يجيها لكن لو هذول التوعية قال توعية لو يخافون الله ولا هدفهم التوعية صدق لو شافوا جوال بكاميرا مع بنت ياخذوه منها ويقفلوه ويعطونها شريحتها مثلا ومايرجعوه الا بتعهد لكن باي حق يخلونه مفتوح ؟ وش يضمن للبنت ماكلموا فيه مكالمات ولا استعملوه؟ باي حق يجبرونها تدق على زوجها ولا اخوها ولا ابوها بالله عليكم يالي تقولون البنات غلطانات و وو و بالله ترضى اختك تكون بامان الله (وحتى الي ما معها جوال كاميرا ماتركوها بحالها) ترضى انها تنحط بموقف زي كذا؟؟؟ ترضاها لزوجتك ولا لبنتك؟؟ ولا لازم المصيبة تجينا لين حدنا عشان نحس بمصيبة غيرنا؟ باي حق يشوفون المسجات ويفتشون فيه؟ ليه هي سالفة كاميرا؟ ولا مسجات ؟ ولا بيطلعون قرار الاجهزة الي فيها خدمة الرسائل ممنوع دخولها الى الجامعات والكليات!!!!! خلاص احنا نطالب شركة نوكيا تصنع جوال مخصوص لا كاميرا ولا رسائل ولا تخزين ولا صور ولا شي يادوب يتصل ويستقبل حتى تخزين الارقام عيييييب ماله داعي والله هذول ماينسكت لهم وشكلهم طفشانات وماعندهم تسلية غير جوالات البنات وهتك اعراض الناس لكن ماقول غير حسبي الله ونعم الوكيل على هالنوعية من البشر الي يتتبع عورات الناس حراااام والله طالبوا بحقوقكم ولاتسكتوا عليهم هذول تجمعوا وقدموا شكوى فيهم

  124. وربي انك اصدق وحده .. خلوا جوال الكاميرا على جنب حتى ان شافوا طرف جوال بدون كاميرا مسكوه وخذوه مثل هذيك البنت الي طلعت جوالها لمده ثانيتين طلعته من جيبها وبتدخله بالشنطه .. اخذوه منها ياعمري وما يرجعونه الا بعد التفتيش في نهايه الدوام السالفه مو سالفه جوالات وبس .. ترى الخافي اعظم والقصص مع هالتوعيه اكبر من الجوالات .. بس خلوها مستووره << احد حس اني متأذيه لحد النخاع ؟؟ الله يصلحهم هالتوعيه واللي ساكت عليهم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جامعة الامام وتفتيش الجوال .. قال توعية قال !!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول