جاب العيد … – فيديو


السلام عليكم

شلونكم اعضاء اكبر قروب بالعالم ؟ <<– هذي من عندي

اليوم جايب لكم بعد هالقطعه الطويله اربع مقاطع فيديو
بإذن الله تكون خفيفه مثل لبن اكتيفيا <<— ايه هين
 ..توكلوا على الله
:
:
:

..يمكن اغلبكم مر عليه هالموقف
يروح يشتري ببسي ولا اي مشروب ويحطه علشان يبرد بالثلاجه
ويتفاجأ ان واحد " بثر " جا بكل بساطه فكها .. وشربها … وقطها
واذا سألته ليه .. يقولك والله مادريت انها لك <<– بس تدري انها مو لك ياغبي 
عموماً في هالفيديو جبت لكم الحل الي بيخلك تنام مرتاااااااااح

فيديو

:

فيه مصطلح يستخدم بين الناس .. يقولك فلان جاب العيد
عاد تفسيري لمصدر العباره .. انه زمان يوم انتم صغار <<– اعقل بس
المهم كنا في 29 رمضان نطلع نتشوف للهلال علشان نعرف بكرا عيد ولا بيتم الشهر
لذلك الي كان يشوف القمر .. يرجع يركض لأهله ويقول جبت لكم العيد جبت لكم العيد
وغالباً وهو يركض من الحماس يبي يطيح على وجهه .. ولا يزلق
علشان كذا ربطوا عبارة جاب العيد … بالمواقف الي فيها تطيح او اي موقف سلبي

وش رايكم ؟ اصلح اروي قصص زمان ؟ المهم شوفوا هالفيديو فيه واحد جاب العيييييييد

فيديو

:

ياعالم انا لاحظت شي في التفاتيش بمدينة الرياض
انهم اول ما يمسكون سيارة مخالفه .. كل العساكر يتركون اماكنهم ويتجمعون عند المخالف
يعني لاحظوها اذا مريت من تفتيش ولا فيه عسكري واقف .. دور السيارة المظلله بس
لذلك تبي تتهرب من تفتيش .. خلك ورا واحد مظلل

المهم مو هذا موضوعنا .. في هالفيديو درس كيف تتخلص من الشرطة اذا لحقتك

فيديو

:

مع تطور العلم فيه ناس للحين يستخدمون الآلة الكاتبة
في هالفيديو بتشوفون موظف شاف زميلته تشتغل على آلة كاتبه
وقالها ترا فيه اختراع اسمه كمبيوتر … شوفوا المقطع بس

فيديو
:
:
ان شاء الله عجبتكم هالمقاطع واعذرونا على التقصير

… تحياتي

Taxi وفي روايه Yazeed


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جاب العيد … – فيديو

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول