تمساحين يسببون حادث – صور


طبعاً كل واحد يحسب ان في الموضوع تماسيح حقيقيه لكن لاحد يفهم غلط

والله ياطوال الأعمار جيت يوم الا شباب قريتنا متجمعين ومتجمهرين ومسوين زحمه
ومعهم أقماع برتقاليه من ايام شركة الكهرب سارقينه عليهم
وواحد لابس له بريهه وبسطار سارقه من مسلخ الدجاج
ومسوين نقطه رسميّه .. باقي شويه ويجيبون مظلة "ليبتون" –يعني يعني حلوين تحرقهم الشمس
ذاك اليوم بالصدفه أخذت سيارة الوالد مسوي عربجي بالجمس
وأجي اوقف واقول : وش فيه ياشباب عسى ماشر؟؟
قال واحد : رخثه واثتماره
  قلت : وخر لأسطرك على جبهتك –يمون العقرب على الشباب
المهم جيت أمشي الا اشوف شي غريب على يساري
واطالع الا القى شي أول مره أشوفه في حياتي
تعرفون وشو؟؟
 لقيت بطن …….. يؤؤؤ 
ايه.. بطن
لقيت بطن سياره هع هع هع
 وعلى طووووول صوره –مخفّه وعلى الريحه

تمساحين




ياطوال الأعمار هذا تمساح من قريه مجاوره جا ياخذ لفّه
المهم وقفه تمساحان من تماسيحنا الأعزاء وقالوا له وش جابك؟

قال: هاه .. أأ .. هو .. يعني
ويجي واحد من التماسيح يفتح باب الراكب

ويوم حس انه بينضرب ويتفقّع وجهه حط في الأول وفحيييييييييط

وماهي الا دقائز حتى تعلّق في الحامي وبغى يدعس له واحد يسمونه ابوسكر دائماً يجلس على الحامي

تمساحين

طبعاً هذي صوره أرض جو للموتر وتوضح ان الكفره اليسار الأماميه بقّت –الله من  تعبير

تمساحين

هذي صوره خلفيه توضح ان الرجال في هاويه
 ولولا ستر ربك ماكان رجع الا من الوادي –معذور انفجع

تمساحين

هذي الصوره بعد ماركبوا الواير علشان يسحبونها
 وتوضح الصوره وجود سيارة الاسعاف حقت المستوصف –تصدقون شغلناها بإشتراك

 وللأسف جات الحكومه وبغت تصادر كاميرتي بس فزعوا لي التمساحين اللي أول

 وحط رجله الضابط وشكله جاب العيد في حامي ثاني بس مدري وين !

نصائح وإرشادات:
اذا انسألت : وشجابك؟.. جاوب بصراحه والا ترا مصيرك ———>حامي
عدم فك الطاسات لأن يمكن تثقل على السياره وماتتعلق في الحامي
اذا صادفت أي تمساح مهما كان على جانب الطريق فإدعسه وروّح
لاتحمل الكاميرا في أماكن وقوع الحوادث الا اذا كان معك تمساحين على الأقل –لزوم

المشاكل

وأخيراً انتظروني في تقرير جديد مع سياره جديده في عمود كهرب والا حفريات تلفون

وتقبلوا تحيات أبو العقارب


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تمساحين يسببون حادث – صور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول