تكسي يالحبيب ؟؟؟


بسم الله الرحمن الرحيم
أسعد الله أوقاتكم بكل خير

قبل أيام عدت للملكة بعد رحلة خارجية وما إن انتهيت من اجراءات الدخول واستلام الأمتعة حتى تهافت علي مجموعة من الشباب السعودي أحسست وقتها بأني أحد أكثر المشاهير في هذا البلد أو ربما أحد أخطر المطلوبين أمنيا .. لم أكن أسمع سوى ( تكسي يالحبيب ) ؟؟ وأحدهم حجز لي مقعدا وسألني عن وجهتي دون حتى أن أرى وجهه !! كانت هناك حالة من الفوضى المزعجة لمسافر للتو وصل أرض المطار

لم أقبل العروض المنهالة علي من كل حدب و صوب ولم أتفاوض أصلا .. لعلمي بوجود تاكسي نظامي في الخارج يدفع مبلغا من المال للمطار مقابل قيامه بهذا العمل .. كنت على يقين تام بأني سأشاهد مجموعة من تكاسي المطار بانتظار الركاب بتنظيم رائع وبأسعار محددة مسبقا وبعيدا عن الفوضى

ما إن خرجت حتى شاهدت فعلا مجموعة كبيرة من السيارات تقف بتنظيم رائع جدا وتنتظر الركاب .. وتفاجئت بأن جميع هذه السيارات تخلو من السائقين .. تجاوزت السيارة تلو الأخرى .. حتى وصلت آخر الصف وكانت السيارات كلها مهجورة في منظر غريب جدا !! عدت أدراجي للكاونتر المهجور أيضا بالقرب من تلك السيارات فوجدت لوحة كبيرة جدا تحتوي على جدول وتقسيم للأحياء داخل منطقة الرياض والأسعار المعتمدة والنظامية والتي يمنع مخالفتها من قبل تاكسي المطار .. فبحثت عن الحي الذي أسكنه فكانت تسعيرة التوصيل هي 35 ريال وبعد البحث عن السائق وجدت قرابة الثلاثة أشخاص .. أخبرت الأول عن وجهتي فقال 70 ريال !! فنظرت مرة أخرى إلى اللوحة .. وقبل أن أنطق قال لي .. خلاص يالله 60 ريال وتراني خادمك !!! فقلت لا شكرا

وكان لي مع الآخر حكاية .. وقد ارتسمت آثار استغراب كبيرة جدا على محياي .! ماهذه الخدعة ؟؟ لماذا هذه اللوحة وبهذا الحجم .. هل هي ليقال بأن لدينا نظام ؟؟ وإذا كان كذلك لماذا لا يطبق هذا النظام ؟ لماذا تتم هذه المخالفة بهذا الشكل ؟ لا تضع نظاما من الأصل واجعل الأمور تسير بفوضوية .. أما أن تضع نظام وتشدد عليه ولا تطبقه فأرجوك لاتفعل !! لست ضد هذا السعر أو ذاك .. ولكني ضد هذا الاستفزاز بطريقة التعامل .. بصراحة كان موقف مخيب للأمل

التاكسي الآخر .. أخبرته عن وجهتي فقال 50 ريال .. فقلت واللوحة ؟؟ قال قديمة ولا أحد يعمل بتسعيرتها الآن .. تبي والا بكيفك .. وعلى فكرة ترى ما راح تلقى أحد يوصلك بالتسعيرة الرسمية

وقتها شاهدت رجلي أمن وسألتهم عن تطبيق نظام التسعير المعتمد .. و أكد لي أنه مطبق بشكل كامل وعلى من يخالف هذا النظام أن يتم الابلاغ عنه ويتم التعامل معه .. فقلت له بأنه لا أحد يطبقه !! فقال والله مادري
الموضوع ليس خمسين ولا سبعين ريال .. الموضوع أبعد من ذلك

أين يحدث هذا المشهد :
مفاوضة .. غمزة .. همسة …. ( تكسي يالحبيب ) ؟؟ فموعد .. فلقاء

إلى اللقاء

بقلم / صالح المرزوق – صلوحكا
تابعني على تويتر


تابعوا جديد شبكة أبونواف على فيس بوك وتويتر

   


تعليقات 16

  1. الحمدلله على السلآمه .. ثآنيـآ ماهي غريبة هالطبايع متوارشة بشكل كبير جدا ً , وفيه بجده لدرجه انه يمسك ويقولك وين رآيح !! < خير يالحبيب بدال تكسي بالتوفيق =)

  2. للاسف اخي العزيز لايوجدفي بلدناشي نضامي الكل ماشي بخالف تعرف واسرق قدماتقدر

  3. عادي يا أخوي كل شي بهذا البلد لخبطة بلخبطة المفروض مطار زي مطار الملك فهد يكون مطار عالمي من ناحية التنظيم التكاسي والى اخره ,,,,,, لكن ما نقول الا ان شاء الله يكون القادم أفضل ,,,

  4. اوما موعداً فلقاء الا قل همسة وغمزة وتوصيلة لباب منزلك :$ كثيير من الانظمة لاتطبق مدري ليه اتعبوا انفسهم ووضعوا التسعيرات وهالقرارات .. الله المستعان

  5. خلها على ربك << لو نترك هالكلمة نكون بخير بس الاحلى لما نقول خلها على ربك ونفعل الاسباب ونطور بلدنا الله يعين يارب وانشالله راح يجي اليوم اللي اشوف السعودية في مقدمة الدول يااااارب اشكرك

  6. ياخي سبحان الله .. تآرك هالتجار اللي يبيع السلعه بدبل قيمتها وجاي على هذولي المساكين وتتكلم عليهم .. والله العظيم لو انه عامل اجنبي ما كتبت عنه شي لقلت هذا يدور رزقه وبس اما ابن البلد لا حاسبه على كل ريال !! وبعدين ياخي هالانسان وراه ايجار سياره مصروف بيت اكل شرب عائله جوال .. الخ وهالتاجر اللي كان يبيعك الدجاجه بـ 8 ريال صار يبيعك الدجاجه بـ 14 او 15 ريال ولا شفت منك حرف ! انا لا اقصد التجريح ولا اقصد الا النقاش شكراً لك

  7. أخي الكريم هذا منظر نشاهده في اكثر المطارات ولكن لا ألوم الشباب الذين لم يجدوا وظائف تسد رمقهم وينشغلون بها وكما تعلم السيارات المستأجرة لتكسي المطار تفرض رسوما على من يحمل ركاب من المطار ومخالفات من المرور كذلك … يعني نخلي شبابنا يشتغلو في تجارة المخدرات ؟؟؟ لو اني مكانك كان ركبت مع واحد من ها الشباب او الشياب احيانا والسعر اللي يطلبه ما فرقت بالنسبة لك خمسين ولا ستين وانت دافع اضعاف مضاعفة خارج البلاد … الواحد مننا خارج المملكة ما يناقش في السعر ولا يتكلم ولا بحرف حتى وخصوصا لو كان في اوربا ولا غيرها عندنا مع انك تدفع نص سعر التوصيلة من المطار .. مقارنة بدول أوربا وتلاقينا نناحل ها الناس اللي تشقى في الريالين والخمسة والعشرة يا جماعة أتمنى منكم لما تشترو من اصحاب بسطات او لما تطلع مع شاب سعودي في ليموزين … او لما تشتري من واحد يبيع حبحب على سيارته … أتمنى أنك ما تفاوضه لأنه يستاهل مقابل ها المرمطة اللي مترمطها عشان يترزق الله … حتى لو حسب عليك السعر اعلى من بنده ولا كارفور

  8. بالنسبة للتسعيرة فهي من عام 1410 ما تغيرت يعني بالله بالله اسعار المواد الغذائية واسعار الايجارات وحتى اسعار السيارات هذا اولا ثانيا اللي خلا اصحاب التكاسي يدخلون الصالة ويسالونك هذا بسبب كثرة الكدادة اللي يشتغلون على سيارات خصوصي ثالث شي تظن اننا نجي على طووول من برا المطار وندخل في هالسرى اللي تشوفه؟!! لا احنا نمسك سرى في الكبرات في مكان بعيد ونقعد بالثلاث ساعات عشان نطلع ونصف في السرى اللي قدام البوابات وبعدين تعال انت الحين حاسدنا على هاللي ناخذه ترى باليالله تغطي وتستر معنا وبعدن انتوا الموظفين كم مرة جتكم زيادات كم مرة رواتب كم مرة ترقيات ما نحسدكم لكن ارحمونا ترانا صايرين كاننا مو سعوديين لا وبعد ا قلت لك عن السعوديين ولا ودي اسميهم سعوديين اللي ما يركبون الا مع الاجنبي وكم مرة لما اضطروا يركبون معي كانوا بسس ما يبون يركبون عشان ياخذون راحتهم على قولته طيب وش مسوي له انا عشان ما ياخذ راحته انا زيي زي الاجنبي اعتبرني اجنبي بسس لا تسوون معنا هالحركة

  9. اضم صوتي لاخوي عبدالله في رده السابق واعتقد لو تعرف ظروفهم ماتلومهم .. والا كان ماجلس عند باب المطار بالساعات في رجاء من يركب معه واحيان يرجع ماحصل احد كم وراه من ابناء او زوجة ينتظرون قدومه باساسياات الحياة لانحكم على الناس من مظاهرها ظروف الناس صعبه هالايام صدقني صعبه

  10. بسم الله .. اشكر الجميع على التواصل اخ رائد .. لا تجلس تتفلسف هذي اللي ضيعتنا وخلتنا فوضوين وبلا اي مبالاة .. شكرا لك الاخ عبد الله .. ومن قال لك بأننا لا نكتب عن التجار وغيرهم ؟؟ تابع الشبكة جيدا لتعرف ماذا يتم طرحه !! ونعم انا ضد ابن البلد الذي يخالف الانظمة .. وما ذنب ابن البلد الذي يدفع مبلغا من المال ليستأجر موقف ويصبح تاكسي مطار ؟؟ ويأتي ابن البلد الذي عليه ايجارات ويتسلل بالمطار ويخطف المسافرين ؟؟؟؟؟؟؟؟ تحيتي يا ابن البلد

  11. بالمختصر إذا ضُيعت الأمانة فانتظر الساعة اتحدى تلاقي أمانة عندنا ف الشغل سواء كان ف التاكسي أو غيرو

  12. اولأ :الحمد لله ع السلامة.. ثانيآ : غريبة بالعادة الطبقة الراقيه بهالأوقات تسافر وتخلي البلد وتكاسيه للمكافحين بهذا البلد خاصة مع درجة الحرارة !! ثالثآ : أستغرب فراغك الي تعاني منه لدرجة أنك تكتب عن أناس أستغلوا فراغهم بكسب قوتهم الذي حاصروهم به أبناء الجاليات وأبناء بلدهم من أمثالك أأصبح كسب القوت مضرب ومثال للسخريه عندك!! تؤمن بالله كل مرة يقال لي بمطار الملك خالد <تكسي يالحبيب> تؤمن بالله لا أسأله بكم أتدري لما لئنهم يستحقون كل مايطلبون لئنهم هم مصدري فخري وأعتزازي أكثر من غيرهم لئنهم عاشوا على أمل بمزيج من الآلم!! قالوا لي هناك وطن .. فمازلت أبحث أين أجد لوحات ترشدني أليه!! مواطن متفائل: فقير يملك أمل

  13. انا ابيك بس يا صاحب الموضوع ترد على الناس ذولا ولا شفت معاهم حق وسكت … كتبت موضوع وهجيــــــــــت … ثاني مرة لما تكتب موضوع انظر لابعااده ولا تنظرة لمصلحتك الشخصية ولا تبرر وتقول وش ذنب المواطن …..

  14. بسم الله .. احترم وجهة نظر الجميع .. وليعلم الجميع بأني لم ولن أنتقص من وظيفة التاكسي ولا من أي عمل شريف يعمل به أي مواطن أو أي إنسان لكسب رزقه ولكن السؤال كان عن مخالفة الأنظمة .. ولعلمكم ترى التاكسي النظامي اللي جالس ينتظر مسافرين في الخارج هو أيضا ابن البلد !! والا ابن البلد بس اللي يكون في صالة المطار ؟؟؟ أرجو أن لاتكون ابن البلد وتر يعزف عليه البعض ..!! تحيتي

  15. رد ولا تسكت الحين بس عرفتوا انه ف مساكين يلي قاعدين تردون …. لا حول ولا قوة إلا بالله مهاجمين وبس ما في ولا واحد مأيد كلامه اعني صلوحكا والله أغلب كلامه صحيح ،، يا جماعة هو ما يقصد المبلغ هو يقصد النظام ومخالفات النظام ….. ليــــــــــــــــــــــــــــــــــــــــش يعطيك العافية اخوي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تكسي يالحبيب ؟؟؟

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول