تقرير مصور، رحلة الكويت ج1


السلام عليكم ’’
أخباركم ان شاء الله مبسوطين
اليوم جبت لكم صور رحلتنا للكويت.. قبل 8 شهور تقريباً .. طبعاً هذي أول مره نروح الكويت وماتوقعتها كذا بصراحه مره حلوه وحسيت اني تعرفت على بيئة ثانية << لاعمرك تتفلسفين

 المرحلة الأولى
مارينآ مول ~

صور من الشقة اللي كنا ساكنين فيها ..




سوق مارينا مول ..

يقال لي كاشخه ونازله انا وامي عشان اشتري كابتشينو مدري وش وحطه لي في حق ببسي المشكلة المحل مره كشخه من برا ومن داخل .. ياسفاب الدينارين اللي راحو < ابد ماتعلمكم انها عرفت لعملتهم

شقتنا من برا..
Ω..ж.. المرحلة الثانية ..ж..Ω
طلعات التمشيه والمناظر الطبيعية ~

الصوره هذي.. نزلت من السياره عشان اصورها < ترى شكلها هنا مايسوى .. بس ع الطبيعة حسيت انها تستاهل كاميرا فوتغرافيه صدقيه وكان معها نافوره بس للاسف ماطلعت بهالصورة ..

حادث فضيييع الله يكون بعون اللي فيه .. ماادري وش صار فيهم !! بس واضح انها منقلبه من فووق

يوم نروح كان ايام انتخابات

.. المرحلة الثالثة ..ж..Ω
المركز العلمي ~

المدخل حق المركز

المواقف ..



اظن المتحف من هنا

لكم :$

عجبتني ألوانهم .. سبحان خالقهم

عجبتني ألوانهم.. سبحان خالقهم

وش رايكم بالصورة

يبيعون فيه أشياء كلها خاصه بالحيوانات والأشياء اللي موجوده بالمتحف..


تعليقات 30

  1. مع احترامي الشديد ما شفت اي شي مميز في التقرير كلها صور اقل من عاديه ولافيها تعليق حتى على الصور ولا صورة المواقف ماادري وش موقعها من الاعرااااااااب

  2. هذي الصور نحصلها في أبسط مدن المملكة كثيييرة وعادية أتمنى في المرات القادمة تكون المواضيع اجمل وارقى

  3. يعطيك الف عافية على الصور اختي مو شرط انها تكوون صور ل باريس ولا حاجة ثانيه اهم شي المجهود الرائع سلمت يداك في انتظار جديدك

  4. الله يعطيك العافية على الصور الرائعة .. وبصراحة المركز العلمي تحفة .. ويستاهل خمس نجوم أما صورة الشباب اللي مسوين حبتين :: وضعية اللي يسار خطيرة :$ :::::::::::::::::::::::::::::::::::::::::::::: ملاحظة : أول تعليقين سلبيين ومحبطين 🙁 لاتهتمين 😀

  5. سميحـــــــه …. الله يسامحك رجعتي لي أيام الذكريات .. والله إني بغيت أبكي .. 🙁 أنا أموت في تراب الكويت :> ومو ضروري الصور أهم شي الجهد مثل ما قال أخونا منصور أشكر لك هذا الإبداع .. تقبلي مروري وبإنتظار جديدك ج 2 أبو همس

  6. السموحه منك يااسميحه مااشوف اي مميز في هذا التقرير ارجوا مره اخرى ان تختاري مواضيع افضل واحسن من كذا تحياتي لك

  7. سلام عليكمـ الناس اذواق اللي يعجبك مايعجب غيرك بخصوص الصوور ماشاء الله متميزة وحلوة واللي قالوا مافي فرق ياخي ترراها دولة خليجية يعني وش تتوقعون يكونون مختلفين عننا 180 درجة؟ واصلي ياسميحة وننتظر الجزء الثاني بفارغ الصبر

  8. نامل مواضيع جديده احسن من كذا لاتنسين انك في قروب ابو نواف اللي ممتعنا في كل جديد ونشكر الاعضاء والمشاركين بهذا القروب المبهر ؟ والى الامااااااااام

  9. شكرا على جهودك .. وعلى صورك الحلوة وللي ماأعجبهم موضوع الأخت … اقول صدقوني السر مو في موضوع اختنا سميحة السر في البلد .. الكويت رغم اني احبها وأحب اهلها لكن بلد باااااردة ( مو بالجو ، اقصد بالروح ) كئيبة رحت لها مرتين زيارة لمريض ومرة عمل والله اول مادخلت لها حسيت بكآبة وملل مابعدها .. يعني مافيها رووووح مااعرف اوصف شعوري والصور هذي عيشتني هذا الجو … عشان كذا اقول السر مو في موضوع سميحة السر في البلد … والدليل إننا نشوف صور للإمارات او البحرين ومع هذا لانشعر انها عادية او مملة او باااايخة … وأتمنى من اخوتي الكويتيين عدم الغضب او الزعل مني فأنا لي والله من الأصدقاء والأصحاب والأخوان الكثير الكثير من أهل الكويت ويتقبلون وجهة نظري هذه بصدر رحب بل ويوافقني البعض منهم على وجهة نظري هذه … الشكر لمجهودكِ الجميل اخت سميحة … ونشوف لك مواضيع ثانية إن شاء الله ……….. وبالتوفيق .

  10. الله يسلمكم .. وتعليقاتكم ع العين والراس بس زي ماتشوفون هذا الجزء الأول من الرحله .. وفيه جزئين غيرها بيكونون أفضل باذن الله يعني هالجزء لمحه بسيطة عن الكويت .. والجاي بيكون فيه المراكز اللي رحنا لها والمطاعم وهيك .. والكويت عموما دوله خليجية زي ماقال ،، مافيها شي غريب .. لكن فيها شي متميز ويحبب الناس فيها ،، وما ألوم اللي محفرين أبوو العالم سفرياات خخخخ .. لأني أنا قبل ما أروح لها كانت تهمني هالمواضيع والأماكن اللي ( أقل من عادية ) منورين كلكم .. 8)

  11. :$مع اني كويتية.. بس حسيت اني قام اشوف الكويت بمنظور ثاني..B شوقتيني اروح المارينا…من زمان عنه…احنا مطيحين بالافنيوز… السفرة الياية حياج بالافنيوز..وايد حلو ووسيييييييييع…. مشكورة على التقرير المتواضع..

  12. ماعليك منهم , وربي اني , عرفت اشياء , من خلال صور , ماكنت اعرفها بالكويت , حاجات , حسيـــــــــه , يعني من شفت الصور , حسيت فيها < شي خاص مقدر اقول بس والله تصويرك رووووعه , ولو كان موضوعك مايستاهل ماكان حطـه ابو نواف , مع ان تجيـه الاف الرسايل اليوميـه , مأعليك من الباقيـن , بعضهم , يكتب ولا يدري وش يكتب , يعطيكي الف عافيــه , والله قمـه , وبنتظار الجزء الثـأني , ع احر من الجمـرٍ ,

  13. ول ول اثر الكويت حلوه مشاء الله الله يستر على صدام بغى يخربها خخخخخخخخخخ تحياتي

  14. بصراحه حلوه رحيشت لمها بس عاديه يمكن الصور تخليك تعيش جو ولما تروح ماتشوف الي كنت متوقع وتحياتي للحلوه سمحيه المليحه

  15. الى الامام اخت مليحة بصراحة حلوة الصورة لان نشوف الشي الغير مراي من قبل في اغلب الاماكن في الكويت واللي جالس يقول موضوع عادي او اي رد بايخ يتشطر وينزل لنا موضوع و نشوف وش بيسوي

  16. تسلمين يا بنت الاجواد في طرحش لصور وانتي رفعتي بصمتكي في اول زياره للكويت . وابو سالم الخنجف واللى مع ردهم غبي ما تهمنا ولا بردك ضعيف ايمان انت : يعني ناقد

  17. بما اني كويتي وما ارضه على الكويت أنا اقول حق المعارضين على الموضوع رجاءا اذا مو عاجبك لا تدش والكويت مو رادين عليك وعلى رايك انا اروح فدوه لتراب الكويت ناس مثقفين وعارفين كل شي مو غجر الله يدوم علينه العز و شيوخنا الاشراف شكرا شكرا لصاحب الموضوع وناطرين ج2 الكويت بلد الخير وعروس الخليج

  18. و أنا بأطالع بالصور … عرفت أنها كمره من جوال فياليت يعني اللي بيتعب على المواضيع هذي يعطينا أبداعه من كمره حقيقيه مستقله بذاتها ليست اظافيه كما في الجوال وكمرات الفديو …وهذي وجهة نظري وأظن يوافقني فها الكثير … وما أقول يعني التقرير مو جيد لا صراحه عليك ذوق مهوبسيط ..لكن العيب بالكمره

  19. السلام عليكم حياج الله في بلدج الثانيه الكويت وانتي كنتي بين اهلج وناسج ونورتي الكويت بزيارتكم الكريمه وانشالله تتكرر هالزيارات في المرات القادمه ..

  20. عجبتني صور البحر والمركز شكله حلو وصورة الشباب عجيبة عجبني اللي ع اليسار 🙂 يعطيج الف عافيهـ

  21. منورين .. والله يسلمكم اللي عجبتهم الصورة amethral / ايه رحت لها مرررره حلو وعجبني بس عتبي ع المطاعم 🙁 لو كانت كثيره بتكون افضل .. بالنسبة لـ أبو مهند .. مو تصوير جوال .. وبالعكس دقتها مره حلوه .. بس بالقروب عندهم مشكلة بالصورة ،، وتقدر تتأكد من كل المواضيع اللي تخص ( التصوير الإحترافية ) 8)

  22. اوووهـ الكــويت عااد هااذى ترفع لهااا القبعااات وللي كاتبتهااا انا على فكــررهـ الكويت مسقط راسي Home cak والكويت دوله جدا حلووهـ وحتى لو قلتي هم بعد فيه حاجات راح تخفاك . وتقبلــؤو تحيــأإتــي

  23. بدآية اشكـرك على هذه الصوور الرآآئعه والتصــوير الارووع فعـــلآ انهــآ جمييله مدينة الكـــؤيت بشأأوارعهــآ ومبــآنيهآ وخاصه اهلهــآ المعروفين بالكرم والجــود والشهــآمه والحمدلله على ســلآمتكم

  24. :مشكورة علي الصور الحلوة وصدقيني بتحبين الكويت اكثر اذا تعرفتي علي اهلها شعب اجتماعي بالدرجة الاولي وسلسل بالمعاملة مع الاخرين اتمني التقي فيج بالزيارة الثانية

  25. شكرا لش اختي على المجهود ومرحبابش مليون في ديرتش الثانية وبين اهلش وجماعتش ، وعودي علينا مره ثانيه واما عن البزارين اللي يتكلمون عن الكويت ، كلامهم مردود عليه لكن ما ودنا نعطيهم اكبر من حجمهم ذا البزارين المجمعه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تقرير مصور، رحلة الكويت ج1

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول