تقديم خاص بعيون اعضاء شبكة ابونواف لنهائي الدوري


السلام عليكم ورحمة الله وبركاتة
اسعد الله صباحكم ومساءكم بالمسرات

قد يكون بعض اعضاء شبكة ابونواف غير متابعين او غير مهتمين بالشأن الرياضي ونعتذر لهم مقدما ان تسببت لهم هذه الرسالة باي ازعاج , ولكن لان شبكة ابونواف تطمح الى ان تكون في كل الاحداث والمناسبات , كان هذا التقديم البسيط للمباراه

الفريقين
/ Vs /




الهلال من الرياض , والاتحاد من جده
المناسبة
دوري المحترفين السعودي
اليوم : الاحد 12 ابريل 2009 – 16 ربيع الثاني 1430
الوقت 8:35 مساء بتوقيت الدرعية وماجاورها/
المكان : استاد الملك فهد الدولي بمدينة الرياض
راعي المباراه : الرئيس العام لرعاية الشباب وسمو نائبه
الحكام : طاقم حكام من اليونان

فرص الفوز باللقب وموقف الفريقين بالدوري :
يلعب الاتحاد المباراه بفرصتي الفوز والتعادل وذلك نظرا لانه يملك 52 نقطة من 21 مباراة لعبها بدوري المحترفين فاز في 16 وتعادل في 4 وخسر مباراه وحيدة.
يلعب الهلال بفرصة الفوز فقط لانه يملك في رصيدة 50 نقطة من 21 مباراه لعبها بدوري المحترفين فاز في 15 وتعادل في 5 وخسر مباراه وحيدة

يلعب الفريقين على ذكريات الموسم الماضي حيث كانت الظروفة مشابهه لنفس الظروف الحالية وكان الاتحاد يلعب بفرصتين والهلال بفرصه وتفوق الهلال في النهاية بعد فوزة بهدف وحيد لياسر القحطاني .


لا اريد ان اطيل في الحديث حول المباراه فقد كان لنا لقاءات مع بعض ابرز اعضاء شبكة ابونواف حول المباراه .

في البداية تحدثنا مع الاستاذ سعد الخضيري/// (ثلاث قلوب هو المدير) صاحب شبكة ابونواف والذي قال :وهو يخفي هلاليته اتوقعها اتحاديه واتمناها هلاليه لكنها بتنتهي للاتحاد 2-0 والله يستر.

ثم انتقلنا الى سوالف القايلة/ والذي قال : حسب وين بيلعبون فيه اذا كانت باستراحه ببيدع ياسر وبنصكهم عشره/ هههههه واذا كانت بكباين محمد نور متخصص اكثر/ ههههههههه , ويتوقعها هلاليه 2-1 باذن الله تعالى .

اما ريد نت/ (يشجع النصر ترى) / فقال الهلال فريق مدعوم ماديا ومعنويا وملكيا وفريق متعود على المنصات(ماجبت جديد يابومحمد هذا الزعيم/ ) , ويتوقع ان النصر ياخذ الدوري ههههههه / , اما عن النتيجه فيقولكم ابومحمد راح تنتهي هلاليه 2 -1 .

اما >## بطارخ ## / فهو متشائم لكنه يقول باذن الله هلالية 1-0 << اجل للاخدود/

اما الـنـــــــــــادر / واضح انه ماهو معنا ابدا / (معليش ياصديقي/) يتوقعها تنتهي بركلات الترجيح والمباراه دون المستوى , ويوم تورط قال سيغلب على المباراه اسلوب الهجمات المرتده هههههههههههه .

R.B.G… ..! / يقول : الهلال فريق يرفع الضغط .. يفوز .. لكن بعد مايطلع الشيب في راسك ..
والكل شاف مباريات الهلال الاخيرة شلون يفوز فيها ..
لكن بقول ان شاء الله البطولة هلالية بعد مايفوز على الاتحاد 3-2
طبعا ايام المدرب المخلوع كان دفاعنا افضل .. وكان بقول 1-0 .. بس الحين هلالنا مفتوح بابه .. و3-2 معقولة بالنسبة لرأيي ..
عموما .. انا يوم الاحد برقد إلى الساعة 11
مانيب فاضي هم وأعصاب .. إذا فزنا شفت إعادة المباراة .. وإذاا انهزمنا .. فيستاهل الإتي

Basim / فكان له وجهة نظر خاصه هي :
بالنسبة لي
أنا ما أشجع صراحة ولا فريق في السعودية أو خارجه
ولكن يستهويني اللعب المتعاون اللي فيه كرات سريعة ومراوغة
وباعتقادي إن هذا أحسن ما في هذي اللعبة
ومن خلال استطلاعات ونظرة واقعية خفيفة ع الدوري
اخذا بالاعتبار كون فرصة الهلال أقل من فرصة الاتحاد
حيث أن الاتحاد يحتاج الفوز أو التعادل لحسم هذا الدوري الأليم
وأما فرصة الهلال فهي الفوز وفقط الفوز
سألت زميل لي في العمل عن رأيه
وعلى فكرة: هالأدمي مشجع هلالي أليييم ومستوي للأخير
فقال يتوقع التعادل
1 – 1
أما حضرتي
فأتوقع إن الهلال راح يفوز
3 – 2
وشكرا للجميع

رمادي / (واضح انه نصراوي /) :
وجهة نظر محايده جدا جدا جد
الاتحاد افضل من الهلال من عدة جوانب
اتوقع النتيجه
فوز الاتحاد 2/1
وشكرا

Mr khalid / (المشجع رقم 15 لنادي الشباب/) يتوقعها 1-1 ويفوز الاتحاد بالدوري .

صلوحكا/ يقول (كلام كبير يابوصلوح/) : اذا عزيز مخمخ على نور مضبوط ورادوي تكتك على بوشروان راح تنتهي هلالية بإذن الله
دفاع الاتحاد متوسط الأداء بعكس الدفاع الأزرق .. الهلال راح يعتمد كثير على الكوري سول وبإذن الله راح يثبت للجميع بأنه سول وفعل على قولة عبدالرحمن بن مساعد وبيكون له بصمة في حسم الدرع للزعيم .. مادري وراه جاني احساس ان الآرتي بتخطب ودي على هالتحليل بس لا تدققون .. واتوقعها 2-1 للزعيم

يابعدهم/ (يابعدهم انت والله /) يقول باختصار شديد , مباراه نار نار وهلاليه باذن الله تعالى 2-0 .

ورقة بلوت// (انا حر في القلوب حقتي/) بكل هدوء (واضح يامساعد/)
سيناريو المبارة هدف للأتحاد وراح يضغط الهلال علشان يدرك التعادل
ولن اقول لكم انه سوف يأتي بالتعادل باخر الدقايق
بل سوف تأتي مرتده للأتحاد وتنهي الموضوع ويتوج الاتحاد بطلاا
ويصبح اخذ حقه لأننا العام اخذناها بين جمهوره هالسنه نفس الوضع

f a y e z/ (اتحادي ترى لاتقولون ماقلت لكم/) يتوقعها اتحاديه باذن الله , ماتهمه النتيجه اهم شئ ان الاتي منصور /

إياد/ (ثاني واحد ماهو معنا , عطوه قطته يابونواف /) يقول : متى هالمباراة اللي صجيتونا فيها؟
قسم بالله من كثر ما تكتبون عنها حلمت فيها
توني قايم ومعليش فاز الإتحاد 3 والهلال 1 والأهدف كلها بالشوط الثاني
تراني اقوله صادق حلمت الإتحاد فاز

.: Abu Faisal :. / يقولكم هالشب / :
بصراحة مستوى الاتحاد يخوف لكن الهلال له تعامل خاص مع النهائيات
وبإذن الله يفوز الزعيم 1-0

خلوووووودي/ يقولكم بالكويتي / :
وعليكم السلام هلا وقغغلا بالكويتي
أحاجيك .. انتم طلبتو راينا في الفريقين والنتيجة والاثنين مالهم علاقه في بعض والحين تشوف وشلون مالهم علاقه ببعض
الاتحاد كديش .. والهلال سنايدي
النتيجة هلاليه انشاء الله وجاك الموت ياطارد كوزمين
1-0 للهلال

الجريح / (هلالي يالله حيووووه /) يقولكم :
رغم هلاليتي
ولكن أتوقع الاتحاد يفوز 2-1
الشوط الأول ينتهي 1-0 الاتحاد
ويندفع الهلال الشوط الثاني ويسجل الاتحاد الثاني
ويلحق الهلال بهدف في اخر الشوط الثاني
وتبقى توقعات
ونتمنى التوفيق للازرق
شقراوي/ (راعي القرابيع/ ) : ذبحنا بالترميز وارسلنا مشاركتة لليابان يفكون ترميزها
وغرست السياره بوادي طوكيو << طراه ان عليهم امطار هالايام

بس الظاهر يتوقعها هلاليه باذن الله تعالى

مــــصــرقــع/ (الظاهر انه مشعوذ هههههه) يقول :
ماشاء الله عليك يا تركي فكره ممتازه
أتوقعها ان شاء الله هلاليه 2-1
وأقرب مالها الهدف الثاني أخر الدقايق ان شاء الله
<=شغل شعوذه

وفي الختام وصلنا لنهاية موضوعنا وانتظرونا في تغطية خاصه بعد نهاية المباراه بالصور والفيديو مثل ماعودناكم هالموسم بكل النهائيات
مابين الاقواس هو تعليقات مني انا
تحياتي وامنياتي بالتوفيق للفريقين بالفوز , طبعا المركز الاول للهلال / والثاني للاتحاد /


تعليقات 22

  1. حرامك عليك ياتركي خليتني نصراوي انا اشجع نادي مريحني منذ عدة سنوات والحمدلله مبروك للاتحاد مقدما ههههههههه

  2. الصراحة أخوي [ Saudi Fox ] .. راااااااااااااااائع فكرة الموضوع : ولا أروع .. اسلوب العرض : راااااااقي التعليقات : جميلة جدا ، وطريفة . الصراحة : استفدت كثير من تعليق (الأستاذ/ اياد) ، وقررت أني ما أتابع المبارة في حال انتهى الشوط الأول ( صفر × صفر ) . .. من جد .. أقولها . هههههههههه .. والله ما يجيبها إلا واحد مثل اياد :$ أولاً : لأن الرؤية حق وثانيا : شخص محايد ، ما له في السياسة 😀 وبصراحة أكثر : أنا جدا سعيد بأهل قروب ابو نواف ( قمة × قمة) وتفضل بقبول وافر شكري وتقديري واحترامي ،،،

  3. بحكم نصراويتي الا اني اتوقع انها اتحاديه وسالفة اني اتمنى فاتمنى نصري يرجع لزمانه اشكرك

  4. ان شاء الله الفوز اتحادي.. 2 – 1 صحيح انا اكره كل شيء في الهلال.. لكن الصراحه الشعار حقهم الجديد .. مره حلوو

  5. باذن الله اتحاديه وكبري من بوشا في ابو دعدع << دلع الدعيع والكبري هذا من الرياض على جدة ويوصلكم البيك على طووووول<<< حيخلصوووووووووووه

  6. رغم أني لاشجع الأتحاد ولكن أتمنى الليلة الفوز للأتحاد تقديراً لجماهيرة الوفيه لفريقها.

  7. صباح الخير و يوم سعيد لنا ان شاء الله 0 كنت متوقع و من زمان ان ( الاستاد ) سعد الخضيري هلالي من تشوف شعار ( ابونواف ) تعرف ان هل الموقع هلالي 00 انا هلالي من زمان و اللى الان 00 بس ما عاد اتابع المباريات كثير عقب هزيمتنا لاايران 00 اصبحت اتابع الكورة 00 لو تشوفون اغلب اعضاء ابو نواف االمؤثرين هلاليين 00 ذكرتونا ان الليلة سهرة كروية و ين الحب و وين الفصفص00 شاكر لكم تذكيري و استعدادي و ترتيب يومي 00

  8. السلام عليكم ورحمت الله وبركاته مشكورين على تذكيرنا بالمباراه والواحد هاليام عقله مو معه وانا هلالي حتى النخاع وانشالله الفوز هلالي وشكرا لكم

  9. فكرة واسلوب وتعليق أكثر من رائع يـ[ Saudi Fox ] وتشكر على الطرح.. أمـا مباراة الليـله أتمناها هلاليه والتوقعات إتحادية .. الإتي يخوف والله .. وإن شاءالله يكون الفوز للزعيـم .

  10. أشكركـ أخوي على التقديم الأكثر من رائع وأشكرك على اللقاءات و البطوله هلاليه بإذن الله

  11. السلام عليكم أن شـآءالله الفوز للهلال ولا تسبق الأحدآث يآرمـآدي :~ يعطيكـ العـآفيه يآ Saudi Fox ع التعليقـآت:D

  12. المبارة صعبة جداً على الفريقين لوجود عناصر قوية قادرة على حسم المباراة في كلا الفريقين .. بس ,,, ان شاء الله الفوز للعميد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تقديم خاص بعيون اعضاء شبكة ابونواف لنهائي الدوري

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول