تــــخيـــل لو . . . !!


تخيل لو … !!!

بسم الله والحمد لله والصلاة والسلام على رسول الله وعلى آله وصحبه ومن والا ه
أما بعد :
السلام عليكم ورحمة الله وبركاته ….
بلخييييييييير يا زكرت … وشلونكم .. كيف حالكم .. ؟
موضوعي معكم الليلة … عنوانه : ..تخيل لو ..
يعني من جد تخيل لو ..
الموضوع هذا لكل الشبااااااب ..
المهم انا ابغاك ياللي تقرا كلامي هذا .. ابغاك تعطيني قلبك وسمعك وتقرأ زين من
جد جدك ..

تمام ؟ اتفقنا ؟
يله نبدأ ..

<<< بس لحظة تعال أنت ياااااابوو يا سياسي وش تقصد بقولك .. تخيل لو ؟؟
>>>اييييييييه سؤال حلووو .. قصدي اي شيء اقوله لك ابغاك تحطه في بالك وتتخيل
>>>انك انت كذا ..!
ولا كذا ولا كذا … من جد تخيل .. فهمت ؟
<<< اييييييييه فهمت يا زكرتي قصدي يا سياسي …!!
>>>تبي تعرف نعمة الله عليك ؟؟
<<<معروفه يا مطوع والحمد لله … نشرب وناكل .ووو .. ننام ..

لا فيه … شيء ثاني ..
شف فيه كم نعمة ونعمة وحنا ما نحس فيها ولا نشكر ..
تخيل معي زين .. ركز معي زين .. فكر مع زين ..


( 1 )

تخيل لو انك ميت .. ممكن ترى كل شيء جايز ..
والموت يجي فجأة ,, الله يحسن خاتمتنا ..آمين
تخيل انك ميت وانت الآن بالقبر ..
وش حالك ؟
وش موقفك ؟
نعيم ولا عذاب ؟
كيف تجاوب على أسئلة الملائكة . ؟؟ أنت مستعد ولا لا ؟
يمكن بعضنا باللحظة هذي يتمنى يرجع للدنيا ..
يتمنى يقرأ القرآن …
يتمنى يصلي .كم صلاة وصلاة ضيعها ونام عنها ..
يتمنى يصوم .ويقضي اللي عليه كم يوم افطر بدون عذر .. .
يتمنى يحج ..
يتمنى يطيع والديه ويتسامح منهم ..
يا ما وياما تكلم عليهم ..
يا ما و ياما رفع صوته .. ياما وياما يمكن يمد ايده بعد ..

فالحمد لله ان الواحد منا حي ..
ويمديه يتوب ويتراجع ويصلح غلطته ويستغفر ..
والله عز و جل غفرو رحيم كريم يقبل توبة التايب ويفرح بعد فيها ويبدل سيئاته
حسنات .. ولله الحمد ..

فهذي نعمة الحيااااااااااااااااااة .. الحمد لله كلنا الآن حيين وعايشين ..
وكم فقدنا وفقدنا من اخوان واصدقاء واقارب وعزيزين — الله يرحمهم —
فلازم الواحد يلحق على عمره قبل ما يفوت الفوت وبعدين ما ينفع الصوت ..


( 2 )

تخيل لو أنك مشلووووول معااااااااق … ما يتحرك فيك شيء ..
تخيل معي من جد ..
تحاول تمشي ما تقدر ..
تبي تمد يدك ما فيه أمل ..
تبي تعدل نفسك .. تبي تروح تبي تجي ما تقدر ..!!

فهذي نعمة الصحة .. اللي كلنا ناسينها ..


( 3 )

تخيل أنك أعمى .. ما تشوف شيء ..
كل شوي تخبط في جدار ولا في ماصورة ..
ترى العيون هذي نعمة من الله .. تحتاج شكر..
كيف تعصي الله فيها .. ,, ؟
كيف بس تشوف الحرام فيها .. والله عز و جل يشوفك ويراك .. ويمهلك ..
ما تخاف يسحب منك النعمة هذي ؟؟؟؟؟ وتصير أعمى ..!!

طيب تخيل لو انك أصقه ما تسمع شيء ابد .. ولا أطرم ما تقدر تتكلم أبد ..
كلنا الحمد لله نسمع ونتكلم .. وترى هذي نعمة تبي شكر ..
ثم تشوف من يعصي الله وسمع الاغاني وسمع الحرام بإذنيه ..!!
خف الله يا اخي لا يسلبك نعمة السمع ..
وانت ياللي تكذب بلسانك وتلعن وتقول الغيبة والنميمة والحرام .. لا تعصي الله
بنعمته عليك .. ترى كل شيء مسجل ومكتوب ..
اجعل لسانك دايم يذكر الله دايم يستغفر .. دايم يسبح ويهلل ويكبر .. والله
ترتاح وتكسب الحسنات العظيمة ..


( 4 )

تخيل انك ما تقدر تنام ابد .. سهر .. صداع .. قلق .. أرق ..
ترى فيه ناس ما تنام تتعب وتتعب حتى تنام .. ما يقدر ..
احمد ربك انك تنام وانت مرتاح وتقوم وانت مرتاح ..
اللهم لك الحمد ,, اللهم لك الحمد ..

بالله عليكم بعد النعم هذي …
هل اللي يعصي ربه .. بنعم ربه عليه .. هذا شاكر للنعمة ..؟
اللي يسمع اغاني بأذنيه .. هذا بالله يشكر الله على نعمة السمع . ؟؟.
اللي يشوف الحرام بعينيه .. هذا بالله يشكر الله على نعمة النظر ؟؟

لا تنسون نعمة الله عليكم … اشكروا ربكم على نعمته ..
لا تعصون ربكم بنعمته ..


( 5 )

النعمة الخامسة ..

تخيل انك …. ولا تدري خلاص مع السلامة ..

اخوك :
السياسي ..


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تــــخيـــل لو . . . !!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول