تصوير : حلبة الريم‎


بسم الله الرحمن الرحيم ..

مساء الخير على الجميع ,,
حبايب قلبي هذا اول موضوع لي بالقروب طبعا انا كنت متفرج بعدين حبيت انزل مشاركات عشان تشاركوني آرائكم

الموضوع بعنوان حلبة الريم
اول شي اعرفكم بحلبة الريم

هو نادي سيارات يمكن أي شخص يمتلك سيارة رياضية الحصول على عضوية بالنادي
وتكون العضويات على 3 فئات الفئة الأولى فئة الـ 50 الف ريال سعودي
و الفئة الثانية 25 الف ريال سعودي
و الفئة الثالثة الـ 14 الف ريال سعودي
و تختلف العضويات باختلاف عدد الضيوف الذين تحظرهم معك بالإضافة إلى جلوسك بالمقاعد المميزة و عدد من المميزات الأخرى

طبعا الموقع تبعد عن الرياض قرابة الـ 40 كيلوا غربا على طريق مكة المكرمة بعد المزاحمية تقريبا
طبعا هي حلبة دولية تقام فيها بطولات ومن ابرز البطولات المقامة فيها بطولة اكشنها برعاية مجموعة MBC و كان حفل رائع جدا جدا ..
بالنسبة لزيارتي للحلبة كانت لغرضين أولاهما التصوير و الثاني تجربة سيارة سباق في مكان سباق
طبعا كانت تجربة مثيرة وفيها حماس و تميز .. وابشركم وأنا أول مرة أشارك اخذت المركز الثالث


طبعا أخليكم مع الصور وراح تفيدكم أكثر

BMW M5

وهنا بعد إعطاء الإشارة بالانطلاق

وهنا ينتظرون الايعاز بالانطلاق

وهنا صورة الوحش كورفيت

وهذا الوحش الثاني كورفت

كورفيت عن قرب

وهنا القنبلة موستينق

وهنا لحظة وصول الوحش لومبرقيني

وعند دخوله المضمار

وهذه صورة لـ بورش داخل المضمار عند أصعب منعطف

وهنا بعد السباق دخلت في الباركينك و اخذت لي كم صورة

وهنا بدا سباق الفورميلا 1 لا يفوتكم صراحة فلة

طبعا واضح بالصورة الكميرا اللي تصور السيارة وهي تسابق

The End

و في الختام حاب اقولكم شي ترا الموضوع تعبت فية جدا عشان اضبط الصور و اعدلها جلست يوم كامل و عشان انسقها وانزل الموضوع جلست يوم كامل و التصوير يوم كامل اتمنى يكون فية تفاعل منكم حبايب قلبي
ولكم جزيل الشكر و بوسة على الخد


Comments 54

  1. الله يعطيك الف عافية لأني كنت أتمنى اشوف الحلبة وانت ماقصرت بالتغطية كانت وافية بس فيه ملاحظة بسيطة………..بتزعل عليك الفراري لأنك نعت تحفتها الحمراء باللامبورقيني 😀

  2. تقرير موفق وان شاء الله نشوف لك تقارير احلى واحلى بس يا الغالي عندك خطأ وطبعا الظاهر سقطا سهواً 🙂 الي هو السياره الي بعد الموستينق قلت عنها (لومبر قيني) وهي ..فيراري.. واطنك من هواة التصوير وغير هاوي لسيارات لن الفرق وااااااضح بين لومبرقيني وبين الفراري 🙂

  3. تقرير رائع وجميل ومتعوب عليه كمان .. فقط عندك بدل كلمة لامبورقيني ضع فيراري وكل شيء يكون في مكانه .. وبالتوفيق ..

  4. التصوير ماشاء الله روعة … بس زي ماقالو الاخوان السيارة الحمرا اللي على السطحة اسمها فيراري اف 430 ….. واحلى شي اللوتوسات مررررررة جيدة بس عندي سؤال … بالنسبة للاشتراكات … اذا دفعت الاشتراك السنوي يمديني اجي الحلبة واجرب بسيارتي كل يوم و 24 ساعة ولا كيف ؟؟ ارجو الرد في اقرب وقت ممكن :D:D:D

  5. يعطيك العافيه اخوي وما قصرت والله وصدق من قال حلبة الريم لطبقه المخمليه بـ 50 و بـ 25 و بـ 14 B ولو بـ 20 ريال ما دفعتها عليهم الله يخلف بس الله يعز العماريه تعال جرب سيارتك ببلاش لوم معك ددسن 😀

  6. ما ادري شلون كتبت الامبرقيني :~ مع اني ادري انها فراري واهو الي اخذ المركز الاول B بس ماعلية الخطاء يتصلح مرة ثانية و يعطيكم العافية حبايبي 8)

  7. بالفعل أخي الكريم أحيي فيك كل مافيك وارى فيك مثل للشباب السعودي المميز في هوايته والذي يحترم موهبته ويصقلها وينميها في المكان المناسب دون أن يعرض حياته وغيره للخطر. أتمنى ممن يجد في نفسه هواية مثل تلك التوجه لهذه الحلية كما أتمنى من القائمين عليها فتح المجال بشكل يسمح للبعض ممن نراهم يقتلون أنفسهم وغيرهم كل يوم بهواية السباق دمت بصحة وسعادة

  8. خلاص حصل خير مايقصد الخطئ يكفي تعليق واحد …فراري بدال لمبرجيني لمبرجيني بدل فراري B مبدع بالتصوير ومجهود تشكر عليه بس عندي ملاحظة فيه خطئ باسم السيارة حاط فراري بدل لمبرجيني :$:$ انعديت منهم شسوي

  9. اول شيء مبروك على المركز الثالث و عقبال الاول ان شاء الله … الموضوع والتصوير اكثر من راااااااااااااائع و يعطيك الف عافيه 😀

  10. تهقى لو اجي بالهلي حقي اجيب الاول هع ماشاء الله عليك حموودي احس انك بتغطى على با خشب بس فية ملاحظة خطاء فى اسم السيارة << برا

  11. الحلبة تفتح اربعاء و خميس و جمعه على حسب المعلومات الي عندي من الصباح الساعة 8 الى الساعة 5ونص على حسب كلام احد الموضفين هناك يعني على ذمتة اهو مو تقولي غلط 😀 واذا تبي الصحيح ادخل على موقع الحلبة و استفسر اكثر

  12. 😀 تصوير رائع بس ممكن أسأل سؤال ..؟ في اماكنية حضور العوائل لهذا السباق او لا ؟؟ لاني دائما أسمع عن هذي الحلبة وأسمع في حضور نسائي بس مو لأي شخص يحضر … ياليتكم تفيدوني :$:$

  13. الف شكر لكاتب التقرير اول مره اسمع عن هالحلبه احسبها في ابو ظبي حلبة فورملا في جزيرة الريم الاخوة اللي علقو على نوع السيارة يكفي خلاص مصختوها مسوين فاهمين ولدي الصغير يعرف انها فيراري :Dياخي وشلون عدت عليك تراها فيراري فيراري فيراري قسم انها فيراري:$سؤال عزيزي ممكن اروح انا والاولاد في الويكند نتفرج بس ببلاش.والف شكر مره ثانيه على التقرير المميز

  14. يحرق ابو الفراري يا شيخ :~ خلاص دريت انكم تعرفون للسيارات و ان هذي فراري :~ معليش بس كل الردود فيها ان هذي فراري مو لمبرقيني خلاص واحد قالها يكفي 😮 و مشكورين للي حمسوني عشان انزل مواضيع جديدة 8) بالنسبة لسؤالك منال عن العوائل انا شايف هناك بنات بس اجانب مو عربيات حتى فية وحدة كانت راكبة مع واحد يسابق بس هل العوائل العاديين يدخلون ما اتوقع :$

  15. السلام عليكم جميعاً. موضوعك ماشاء الله رائع بقوة. اتمنى يكون فيه إعلان عن السباقات من قبل الحلبة س/كيف الواحد يدخل بسيارته (غير الرياضية) الحلبة وبدن عضوية؟هل فيه شروط؟ اتمنى ماكون ثقلت عليك بالأسئلة.

  16. راااااااائئئئئئع يابطل بدايتك وجبت الثالث عاد كيف لو تطول راح تهزم شومخر ماراح يشفط جنبك شيء ههههههه وناسة المرة الثانيه خليني اسوق تكفى الله يخليك 🙁 بعدين تعال كل شيء يوم كامل سويته التصوير يوم كامل والتدقيق يوم كامل ….. واناقاعد اكتب لك يوم كامل >>>>> واحد نصاب ههههههههه:$

  17. طيب جزاك الله خير اخوي بصارحك بشي ولاتاخذ بخاطرك هي مجرد نصيحه يعني تقدر تاخذها وتقدر تخليها بس اخوي ضيعت وقتك فيما لاطائل منه يعني لاستفدت لادين ولادنياااا جزاك الله خيرا

  18. الله يعطيك العافية صراحة موضوع مميز الحقيقه انا كاتب عشان بس ارد على الاخ ملاذ الصمت في التعليق رقم 29 بالله يا ملاذ الصمت انك تكرم العالم بسكوتك ولا تنصح احد ابداً ابداً لان نصيحتك مالها اي محل من الاعراب وأضعت من وقتك حوالي ثلاث دقائق عشان تحبط الرجال بس. ياخي الله يحرمنا من امثالك صراحه لانكم مالين البلد . والعفو من الجميع..

  19. من جد الله يعطيك الف ع:Dفيه بس عندي سوئال في مكان لنساء او البنات ها؟؟؟؟؟؟؟؟؟؟؟؟؟؟؟؟؟؟؟؟؟؟؟؟ودي اروح الحلبه

  20. السلام عليكم ورحمة الله وبركاته مبرووووووك الثالث إن شاء الله نشوفك الأول صراحة موضوعك رهيييييب وتصويرك ارهب اتمنى تنزل تغطياة اكثر يأهل جدة وينكم عن حلبة (جدة ريس واي JRW) أتمنى تسوون تغطية لها

  21. اجل اول مره والثااالث ..بططططل والصوور تجنننن والموضوووع ابداااع وبعد اول موضووع لك :):):):):):) يعني تبدع من أول مررره في كل شي ما شاء الله

  22. مرررررره حلوو الموضووع .. تسلم .. بسس فيي سؤاال فيي شي لناا حناا البناات .. 😀 يعني نبي نتفرج ولو عاادي بعد نتساابق .. 😀 تسلم والله يعطييك العاافيه .. وواااصل بالموااضييع المميزه .. مااشااء الله اول موضووع وكذاا اجل وشلوون بعديين .. الله يوفقك ..:D

  23. الموضوع مره حلو تسلم يدينك عالموضوع الرايق والصور الحلوه ننتضر جديدك بس وش فرق الاجنبيات عن العوائل العاديه علا قولتك

  24. ما فية قسم للعوائل ابدا بس انا شفت بنات اجنبيات شلون جابوهم ما ادري B و سوير بالنسبة لسؤالك عن الفرق اسئليهم اهم 8)

  25. 🙁 يعطيكـ آالعـــــــــآافيه يآابطل وعقبآال المركز الأول وعقبـــــآال مآ أسوق وأصير آلمركز الأول>>كيفي أبي أسوق أهئ أهئ أدري أني جبااااااااااانه وخواااااااافه بس والله أبي أعيش الأحساس>>>>>>>>>>>>>>>>>>>>>عطو سداح فرصه وأنت يآأخ عقبال ماتصير المركز الثالث>>لأني بسبقكـ بشوطين 😀 طيب علأقل نتفرررررررررررج 🙁

  26. والله ابداع روووووووووووووووووووووعه انت كفو والله كفو كفوووووووB ونبغا اكثر واكثر…………………… في طلب وتكفى ماترودني المره الثانيه اذ في مره ثانيه كثر صور الكمارو:~

  27. موفق أخي الكريم, استمر بتقدم وتميز, وراعِ الله في الموهبه التي وهبك اياها, لكن لي ملاحظة بسيطة, إن سمحت لي 🙂 السيارة فراري وليست لمبر غيني << دُعابة فقط ^^ رُبما سهوتَ عن اسمها بسبب حجم الموضوع ونقل الصور وتنسيقها ورفعها للموقع, فهو عمل مُجهد حقيقةً =) سلمت يداك أخي مع أطيب الأمنيات بتوفيق أكبر والسباق القادم ستكون أنتَ الأول بعونه تبارك وتعالى. وفقك الله وسدد خطاك. اختك, عربية النبض والهوى ^^

  28. الله يعطيك العافيه الموضوع جدا حلو بس الأحلى أنك لا تسوي انك فاهم بالسيارات لأني ماأعرف ولا سياره من اللي شفتها واشكر الشباب على الردود لأنهم علموني أنواع السيارات وبالله عليكم اذافي خطى باي سياره علموني عشان ماأنكب بعدين مثل الحبيب

  29. طابتها الله لايعووق بشر ماعلي من احد 8) ووبعدين بنت عمي راحتلها مع صديقتها وتقول شافت سعوديات واجنبيات يعني يابناات اهجمممن :> 8) وان صار ممنوع دخولي ماظنتي بيردوني 30 كيلو ثانيه 8) لو ادحدر من فوق بس

  30. على فكرة ترا فيه مدرج خاص للعوائل 8) 😀 بس السؤال هل هي مفتوحة طوال ايام الاسبوع للزيارات ولا بس الخميس ومعها كم يوم عشان السباقات اتمنى احد يفيدني بالايام بالضبط << ابي اروحلها خلال البريك هذا ان شاء الله 8) واليوم كاان فيه عرض ترا 🙁

  31. بصرااحة موضوعك اكثر من رائع .. دايما نسمع فيهاا ولانعرف عنها اي شي.. الله يعطيك العافية شدني الموضوع رغم انه مالي في السيارات .. بس عندي استفسار مايصير الواحد يجرب مثل هالسيارات عندهم يعني برسوم معينة .. ومبروك اخوي عالمركز الثالث مع اني حاسه انكم كنتم ثلاثة بس >>> هههه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تصوير : حلبة الريم‎

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول