تصوير ، المكتفي من خلف العدسة ج2


يسعد أوقاتكم بكل خير إخواني الغاليين

أول شي .. لايجي أحد ويقول لي
صور ماهي بمستوى النشر… ترى مجرد مداعبة للكاميرا
وإن كنت ناوي أدخل مجال التصوير… ألف مره أكرر وأكرر
أن مبتدئ
هدي اعصابك.. يابن الحلال .. لاينط لك عرق>>>>>

بعد عرض تجربتي الإولى في أحد إيميلاتي السابقة
المكتفي من خلف العدسة \ الجزء الأول
وإللي ولله الحمد لقيت ردود وآراءجداً أسعدتني
وشجعتني في نفس الوقت بالعمل على رسالة ثانية للقروب الغالي

اليوم وبعد إنتظار طويل… ولطلب أحباب كثيرين غاليين وعزيزين على قلبي
لسرعة إنجاز الجزء الثاني من المكتفي من خلف العدسة..
أرفق لكم مجموعة بسيطة من عدستي المتواضعة
وفيها أرجي رب العالمين .. أن تحوز على رضاكم وإعجابكم
وتنال إستحسانكم

بسم الله نبدأ

أول شي بتوفيق من الله.. ولله الحمد
إشتريت كاميرا من نوع يعتبر إحترافي
من إحدى الشركات المشهورة بالكاميرات
ونوع الكاميرا هو :-
CANON 400D
وكلفتني مبلغ تقريباً ( 3000 ) ريال .. مع بعض المستلزمات
من حقيبة وميموري كارد وستاند

وهذي صورتين للكاميرا

مزيونه الله يحفظها .. وتتربى في عزي …هههههههه
طبعاً مبسوط كاميرا جديدة وابي اصور اي شي
وتعبت كثير وأخذت وقت لأتعلم على خصائص الكاميرا
ولله الحمد تعلمت تقريباً على 50% من الخصائص والإعدادات

وهذي أول لقطة

( 1 )
صورة للكتكوت … جالس من النوم
ياحبني له …. فديت قلبه

( 2 )

كنت طالع أتمشى شوي مع واحد من الشباب
وصاحبي جاه النوم.. شوي ويغطسني في البحر ..
يبي يروح ينام .. بس أنا .. ولا معطيه خبر
هههههههه… مسكين كسر خاطري… ( مع التحية له ) والله يعينك علي
طبعاً بعد أكثر من 20 صورة ..وحاولت اصور مسار ( جزيرة المرجان )
في كورنيش الشرقية – الدمام … إخترت لكم هذي الصورة الجيدة نوعاً ما
مع إنها ما عجبتني لقوة توهج الإضاءة فيها ..

بس قلت أحطها يمكن أحد يخطبها…هههههههه

(3)

بعدها بإسبوع كنت متحمسمرره للتصوير.. كان يوم جمعة
وطلعنا لشاطئ نصف القمر ( الهاف مون )
قلت بحاول أطلع بصور مميزة وتكون خطيرة.. تبيض الوجه قدام الشاب
بس للأسف من زود الحماس والهياط .. ركبنا الدبابات
ومع الحماس.. تقلبنا.. بس الحمد لله ما صار لنا شي
بس الكشه والخشه كلها رمل.. واتكسرت رجولي..
وشوي جروح في السيقان والكتف .. بس ولا ما صار شي

إخترت لكم ( 5 ) صور

( 4 )

كنت يوم في الكويت لمدة 4 ساعات تقريباً
أخذت هذي اللقطة على الطاير … سفري يعني
أحد أبراج الكويت

( 5 )

يوم من الأيام كنت موجود في مشروع الرمال – الشرقية
بس ماحالفني الحظ ألتقط صور كثيرة
عجبتني هذي الشجره .. وحيدة ومالها صاحب ..

الله يزوجها

وبعد ما إنبسطنا وإستمتعنافي مشروع الرمال
راجع للبيت قريب وقت الغروب وكان طريق المزارع والنخيل
أخذت هذي الصورة ويسمى تصوير ( السيلويت )

( 6 )


صورة .. وضعتها .. لعلها تنفع المصممين
بطريقة أو بإخرى

مره ثانيه بس مع التغير في الألوان

( 7 )

قبل فترة بسيطه كان عندنا مهرجان السيارات المعدلة
في الشرقية – الخبر – معارض الظهران الدولية
مهرجان ومعرض جداً رائع وخطير…
ولكن للأسف كان وقتي ضيق بالحيل
وماطولت في المعرض كثير
إخترت إخترت لكم ( 7 ) صور
طبعاً كان في سيارات كثيرة خبال.. وروعة
بس هذي من أروع السيارات إللي دخلت راسي
شكلها خطير.. ومكلفه صاحبها كثير

رنج روفر
الله يعينك ياللي في بالي…
أدري إن الموتر يعور القلب…
بس الله يعطيك على قد نيتك

وحش الإسبورتات

وأخير وليس آخراً حكومة تواكب التطور الشبابي
والحكومة في قلوبنا ...ههههههههههه

وألحين أخيراً مع آخراً …
مصله عجيبه..>>>
تعبت في تنسيق وترتيب الصور
أتمنى أشوف آرائكم … وما يمنع من إنتقادكم بس بشويش… لأني مبتدئ
وسامحوني على القصور.. وإذا كان الإيميل .. تافه وبايخ عادي قولوا لا تستحون
وإذا كان أعجبكم أنتظر تعليقاتكم ..
وترقبوني في الجزء الثالث من…
المكتفي من خلف العدسة
أجمل تحية ود… وتقدير للجميع


تعليقات 59

  1. السلام عليكم ورحمة الله .. ماشاء الله تبارك الرحمن .. إبداع .. مع إنك مبتدئ لكن روووعة بحق .. ننتظر الأجزاء الجاية .. بالتوفيق وعقبالنا .. 🙁

  2. الصراحة وبكل أمانه اعجبتني طريقة أخذ الصورة فيها وجه أحتارفي كبير الله يبيض وجهك الصور التي أعجبت بها هي الشاطئ ليلا مع صور الشاطئ والشاب وأخيرا برج الكويت في الأخير اتمنى من كل قلبي التوفيق لك أخي العزيز .

  3. المكتفي تصويرك إبدااااااااااااااااااااااااااااااااع 8)خاصة السيارات B جناااااااااااااان مشكور ننتظر جديدك و ابداعاتك ا..

  4. ما شاء الله عليك أهنئك على الرؤية الفنية صراحة أنت لك مستقبل رهيب في التصوير صورة السلويت شيء رائع جداً أنصحك بالتسجيل في مجموعة عدسات العربية حيث ملتقى المصورين العرب بالتوفيق

  5. يعطيك العافية على الصووووووووووووووووووووووووووووور رووعه ماشاء الله عليك مبدع ,, واتمنى لك التووفيق والاستمرار بالتصوووير ,,

  6. مشكور على الموضوع اخوي والله يبارك لك في الكاميرة حبيت اسأل انت شريت الكاميرة مع بعض القطع ب3000 ريال طيب ايش نوع العدسة؟ اقصدهل هي 18-55 ؟ او اكثر او اقل ؟ وكم حجم الميموري ؟ انتظر ردك

  7. شي شي ماشاا الله ..8) هذا وانت مبتدئ كذا .. معناته لك مستقبل ان شاا الله ..! عقبال مانشوفك من اكبر المصورين في السعوديهB

  8. 😀 السلام عليك المكتفي أنت شكلك ما تكتفي من الإبداع كل يوم تطلع لنا طلعة حلوة تطور جيد في مستواك و إختيار زوايا أفضل من الأعمال السابقة عجبتني صورة الشاب الذي ينظر للبحر هذه معبرة وزاوية و تشبع متميزة وصورة الرنج روفر وصورة الكورفت لازم تنتبه للمساحات الشاسعة في الصورة حيث تتوفر مساحات شاسعة لم يستفاد منها مثل صورة الشجرة الخضراء في الصحراء وصورة النخلة [ السليويت ] من تقدم إلى تقدم 😀

  9. 🙂 ما شاء الله تصويرك رووووعه خاصه الصوره اللي تقول لعلها تنفع المصورين مررره اعجبتني يمكن لأني اقدر شي اسمه بحر .. الله يوفقك .. ولاتحرمنا من صورك الحلوه اختك .. amnah

  10. الله حيه, ماشالله صورة النخلة الي ناطة لحالها مره مره عجيبة وعجبتني مرره B و صور البحر عاد ذي عالم ثاني لاني اقدر ي اسمه بحر >> مشكلة الي عايشين في صحراء و عندي تعليق بسيط و ياليت تتقبل لقافتي, الفيسات الي حاطها بالموضوع مره كثير ياليت تقللها و حبذا لو تكون صغيرهـ >> مجرد رأي لا أكثر و لا أقل 😀 فمان الله

  11. انت مبدع في التصوير 😀 و صوره النخل و الشجره (الوحيده) اكثر صورتين عجبوني .. بس انا اقول انك عندك امكانيات و تقدر تبدع في تصويرك و تطلع حركات و افكار جديده و مميزه 😀 اتمنى لك التوفيق

  12. حقيقة أعجبتني صوة الكاميرا الأولى والثانية وصورة البحر … إذا كانت هذه البداية فقط فكيف إذا احترفت .. أمنياتي لك بالتوفيق والإحتراف .

  13. ماشاء الله خطير التصوير .. الصورة الثانيه للكميرا رووعه .. وكمان صورة الدباب وهو مغبر ورااه رهيبه وصورة الشجرة اللي في الرمال ولا اللي بعدها خققااااااااان .. تسلم يدك

  14. السلام عليكم ورحمة الله وبركاته انا بصراحه ما ابي اجامل بس بصراحه مره حلوين والتصوير ماشاءالله صافي والله يوفقك وانتظر المزيد من البداع مع تحياتي

  15. :$B اخوي اسمحلي اقوللك انت كذا>يعني حلو تصويرك والي اعجبني من بد الصور صورة البرسوبس الي لحالها جدا بس لو انا تكون على شكل العرض بدل شكلها ظولي يكون احسن تقبل تحياتي

  16. روعه ماشالله وصورة الشاطي مرررررره عجبتني الااضاءه صح قويه بس مرررره معطيه شكل والوان حللللوه وكثير صور عجبتني بس كمبتدأ ماشالله عليك بدايه !!! ممتاااااازه!! وبالتوفيق يارب

  17. انت على الطريق بدءاً من اختيارك لنوع الكاميرا مرورا بالصور والزوايا وإنتهاءً بتقبلك للنقد اتمنى لك التوفيق:)

  18. خطييير صح عليك ماشاء الله تقول مبتدأ وانا اقول بتعلم منك لاهنت الأستاند اللي تقول عنه من وين جبته! وعقبال ماتوصل للي تتمناه:) بالتوفيق

  19. خــــــطـيــــــــرهB B الصور كلها حلوه وفله جد جد جد حــــلو تــصـويـرك 8)8) وحلا شي عجبني السيـارات والشاب الي في الشاطئ احسه خطييير شـكـلـك انت الي فـصـوره 8):$:D صح ولا لا و و و و و و و مــــــشـــــــكـــور عـلى هــذي الصـــور

  20. والله الصور روووووعة ،،،، انت مستحيل تكون مبتدئ ،،، انت محترف يلا كمل مشوارك لا تتأخر علينا بالجزء الثالث ….

  21. 😀 مررررره تصويركـــ حلو ماشاء الله عليكـــ :$ وانت مبتدئ يعني نقول لك مستقبل حلو اخوي المكتفي آنا احب التصوير وعندي صور كثيرة بس طبعاً كميرتي عادية sony T70 بس يطلع التصوير حلو إذا ساعدت الأمكانيات بشتريلي كميرا مثل حقتك :):):):):):) ننتظر إبداعاتكـــ اخوي وتقبل خالص شكري 🙂 عافكــ الخاط،ــــر

  22. منتآآآز ماشاء الله 😀 خصوصا الشجره والنخله 😀 و جزيييييييرة المرجان 8) إلى الأمام والله يوفقك ..

  23. قسم قسم قسم في تيه تلقفى تيه انك فنان بسم الله عليك وانك احسن مصوراتي في السعودية والى الامام وبعطيك نجمتين

  24. يه يه به هذا انت مبتدء وكذا بعد كم شهر كيف بيكون التصوير معاك لقطات رائعه بحق ومميزه ومثل ما قالو الاخوان انبته لبعض المساحات الزايده واللي ما تخدم الموضوع وفي انتظار الاجزاء المتبقيه بكل شوق

  25. ماشاء الله عليك ،،، بصراحه وبدون اي كذب التصوير اكثر من مبدع كلمه مبتدئ مالها وجود اذا بوصف التصوير الروعهـ،ـ وكل الصور حلوهـ،ـ والوانها ماشاء الله حلو واااايــد شكرا ً ونتريا اليديد انشاء الله 😀

  26. سسسلامو صراحه أخوي انت مبدع بما انها أول مره على قولتك وبما أنك مبتدئ بعد فأقول لك واصل ودربك خضر على قولتهم… وصراحه كل الصور اعجبتني.. بس أكثر صورتين خشن بمخ مزاجـي.. صوره الطفـل الأولى.. وصوره النخلـه… 🙂 مع تحـيـاتـي المفعمه بالدلاخـه 😀

  27. مشاء الله عليك الصور روعه انت قلت انك مبتدئ لكن من تصويرك محترف ؟؟:D اتمنى لكالمزيد من التقدم مع تحياتي لك

  28. جيان – يوسف – راااائد – صالح – a.a – Ibraheem Basuraidah – قلبها أبيض LaMia – مرشد المهيري – هيفاء – بيان – amnah – بصيص أمل – معذبهم غبائي shahd – أميرة – amonah – إختي – أبو يس – nona – Nicole Paul – المنسدح بالفه الهايم – عافك الخاطر – الشهبا فور ايفر – محمد الشهري – الصاعق – WONDER reeema – عبدالله – مضيع بلنتي – azoOoz – فطومه النعومة – حبيب كل العرب يعطيكم العافية على إطرائكم .. اسعدتني ردودكم وتشجيعكم… إخوي فهد العدسة الأصلية إللي مع الكام 18-55 والميموري 4 جيجا إختي نشميه الإستناد من اي محل يبيع ادوات الكاميرات إخوي قصمنجي .. إذا كان قصدك الصغير.. هذا كتكوتنا:) وإذا كان قصدك صورة إللي عل البحر… هذي صورتي الشخصية:D تحياتي للجميعــــ،،،،

  29. والله الصور رائعه تسلم جهودك بس يبيلك طبيعيه احسن من اللي عندنا … المكتفي صار من امام العدسه يا حليلك من اللي مصورك :$:$:$:$ الى المام وننتظر رسالتك القادمه

  30. الله يوفقك وبدااايه مشرفه >> > لاتسأل عن بدايتهااا كادت تتصفق على الصور اللي ملتقطتهااا الله يوفقك والى الامااااام

  31. ياخي انت مصور من الدرجه الثانية وبحول الله عقب التدريب تصير بالاولى مارس التصوير ايام المطر يظهر فنك فيها

  32. مبدع مبدع مبــــــــــــــــــــــــــدع لين باجر هذا وانت تقول مبتدأ عاد شلون لو وصلت للاحتراف الله يوفقك يا خوي

  33. المكتفي كفيت و وفيت ياخوي تصوير جميل وبداية موفقة لكن اللي ماجازلي نوعا ما السيارة الاولى المعدلة اللي كلها هياكل عظمية تخرع B

  34. إبدااااااع يا المكتفي000 وتقول مبتدئ؟ ماشاء الله عليك 00 00 لا تبخل علينا وكثر من صور الطبيعة0 بالرغم من جمال الصور إلا أن صورة أبراج الكويت صكت عليهم كلهم بعد جبدي يا الكوييييييييييت:D

  35. والله صور روعة اعجبتني حقت البحر والاضاءة بالعكس احس هي الي معطية الصورة جاذبية اكثر مرررة تخقق استمر بهالابداع .. ما شاء الله عليك ::

  36. السلام عليكم اسعد الله اوقاتك بكل خير .. مما يسعدني انه فيه شباب اذا احبوا شغله ما ابدعوا بها وانت احد هؤلاء الاشخاص .. مع العلم ( اذا راح تتقبل النقد الهادف وهو عنواني ) انه فيه ملاحظات بسيطه فقط وهي .. اولا – كنت اتمنى انك تسأل قبل شراء الكاميرا لانه من وجهة نظري انه كاميرات النيكون افضل بكثييييييييير السبب انه كاميرات النيكون جميع العدسات اللي قبل 40 سنه والا هالحين تركب على بعض يعني ما تحتاج انك تشتري مع كل كاميرا عدسه ( وبالطبع العدسات بحر يعني كثيره .. ثانيا – بعض الصور لك عليها من ناحية زاوية المصور لم تكن بالمستوى المطلوب .. عموما هذي نصائح سريعه والاهم – الضوء – زاوية المصور – ملاحظة الاكسبوجر – اختيار الزمان والمكان المناسب – اختيار العدسه المناسبه للتصوير – لا تصور الا الصور التي لها معنى .. واتمنى لك مزيد من التقدم والتطور .. اخوك / سعد القرني ..

  37. السلام عليكم اسعد الله اوقاتك بكل خير .. مما يسعدني انه فيه شباب اذا احبوا شغله ما ابدعوا بها وانت احد هؤلاء الاشخاص .. مع العلم ( اذا راح تتقبل النقد الهادف وهو عنواني ) انه فيه ملاحظات بسيطه فقط وهي .. اولا – كنت اتمنى انك تسأل قبل شراء الكاميرا لانه من وجهة نظري انه كاميرات النيكون افضل بكثييييييييير السبب انه كاميرات النيكون جميع العدسات اللي قبل 40 سنه والا هالحين تركب على بعض يعني ما تحتاج انك تشتري مع كل كاميرا عدسه ( وبالطبع العدسات بحر يعني كثيره .. ثانيا – بعض الصور لك عليها من ناحية زاوية المصور لم تكن بالمستوى المطلوب .. عموما هذي نصائح سريعه والاهم – الضوء – زاوية المصور – ملاحظة الاكسبوجر – اختيار الزمان والمكان المناسب – اختيار العدسه المناسبه للتصوير – لا تصور الا الصور التي لها معنى .. واتمنى لك مزيد من التقدم والتطور .. اخوك / سعد القرني ..

  38. يسعد أوقاتكم بنت الحفر.. التوقيت الزمني في الكاميرا ..افادني كثير.. وصورت نفسي… بس لاتشوفين الموقف .. تضحكين لمــدة شهر ههههههه دمعة ندم: شكلك عاماة عمايل:D عمكم نيكولاس: يعطيك العافية حبيب قلبي أبوفهد: رايك على راسي يعطيك العافية عبدالله: الله يعافيك دمعة علا : الروعة في حضورك وردك مريم: بسم الله عليك من الخرعة:D يسلمو على ردك مشاعر الخليفة : فديت ردك .. الله يعطيك العافية فوفو : منور ردك وحضورك.. احساس انسانه : الروعة في حضورك يا غلاهم نورة : يسلمو على إطرائك سعيد القرني : ملاحظاتك على راسي من فوق .. لاتحرمني تواصلك وتشجيعك تحية من أعماق قلبي .. لقلوبكم البيضـــاء دمتم بــــــود:)

  39. 🙂 ماشاااء الله تبارك الرحمن .. تصوير روووعه مع انك مبتدئ.. ونبي منك مجموعه جديده اذا عرفت مزايا الكاميرا كلها 🙂 والله يوفقك وتوصل للاحتراف

  40. منوريـــن يالغاليين noono … الروعة في حضورك وردك.. وإبشر بعزك يالغلا.. سلطان : يعافيك ربي يالغالي.. لاتحرمني تواصلك تحياتي لكـــ،،،:)

  41. // السلآمـ عليكمـ ~ مآ شآء الله عليـكـ المكتفي ~ رآآآئعهـ الصور بمعنى الكلمهـ 8) دومًا للرائعيـن عناوين الجمال ببساطهـ ! حفظكـ الله وحفظ [ كتكوتكم ] يتربى فعزكم =) أنت مبدع ونحنُ نستحق استمراركـ وديْ ~ //

  42. صبحك الله بالخير يا خوي زاويه تصويراتك رووعه عندي ملاحظه صغيره :] حاول قد ما تقدر انك تتجنب استخدام الفلاش لانه بيهضم صورك لما تستخدمه :] واذا حاب تتعلم اكثر فيه المنتديات العربيه ما تقصر في دروسها مثل اصدقاء الضوء وعدسات عربيه وديجي كام … الخ الله يوفقك واشوف لك معارض ^_*

  43. السلام عليكم ورحمه الله وبركاته كل عام وانتم بالف خير قبل الزحمه يعطيك العافيه اخوي على ابدائعك الرائع في التصوير والي الاماااااااااااااام اتمنى لك التوفيق تقبل تحياتي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تصوير ، المكتفي من خلف العدسة ج2

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول