تصوير، كم انا احبك وانت لا تعلم


أهلين ..
السلام عليكم
كيفكم إن شاء الله بخير
بصراحه كنت متردد أني اشارك في القروب

بس بعد متابعتي لاكثرمن مشاركه لبعض الاعضاء
زادني حماس أني أشارك واجرب
وإن شاء الله أن مشاركتي تنال استحسانكم
حاولت اختار لقطات عشوائيه من بداياتي وجديدي



كــم أنــا أحــــبـــك وأنــت لا تــعــلم ..



مــن الـــماضي ..


The LeaDeR on LAnD AnD WaTeR



مطلع الشمس




إحدى تجاربي في تصوير الدخان


شكراً لقروب أبو نواف
وشكراً لكم على إطلاعكم على مشاركتي
والتي اتمنى أنها راقت لكم..

وأعتذر عن الإطاله ..
ويسعدني مروركم على ألبومي 
ومشاهدة الصور باحجام مختلفه

معرضي
محبكم
مشاري بن خنين


تعليقات 27

  1. ماشاءالله تبارك الله عليك مبدع مبدع مبدع عسى ربي يوفقك ان شاءالله لاتحرمنا من جديدك ..} 🙂

  2. ابدعت بجد اخوي مشاري ماشاء الله عليك متمكن من الكاميرا ياغالي بس يبي لك شوية تركيز >> من وجهة نظري انا مبتدئ مثلك بس نعين ونعاون وواتمنى تحفظ حقوقك بتوقيع صغير يكون على الصورة ولو تحط لها اطار راح يبرز الصورة اكثر تمنياتي لك بالتوفيق مبدعي وفي انتظار المزيد

  3. هلا وغلا سامي .. الساطي الله يسلمكم هذا من ذوقكم 🙂 الله يجبر بخاطركم ويسعدكم شكرا على اطارئكم ومروركم وسعدت بذلك 🙂

  4. روووووووووووووووعه انت مصور تستاهل الكامره :$ يعطيك الف عافيه وبنتظار المزيد

  5. حلوة صورة برج العرب الوردة أكبر منه و الصورة اللي أغلبها أسود كيف طلع الدخان أزرق؟B

  6. ما شاء الله عليك روووعة واسمحلي لطشت صورة من الماضي.. سلمت..

  7. بسم الله ما شا الله ما شا الله تبارك الله والله من جد فن داووووم على هذا فابن ادم كل يوم يكتسب معلومه اسال الله لك الثبات وتقبل مرووووري

  8. روووووووووووووووووووعه ماشاء الله ولا اروع ولا تنسى ياااخوي احفظ حقوقك بترميز تصويرك باللقبك:$

  9. والله اخجلتوني بتعليقاتكم اللطيفه الله يجبر بخاطركم ويسعدكم هذا من ذوقكم الحلو وبخصوص الحقوق في كل صوره كاتب عليها اسمي بالخط الصغير وحتى عند طباعاتها ماتكون واضحه لان حجمها صغير 8) ويمكن بعض الصور كنت مصغر التوقيع او مافيها ومتعمد لاني يسعدني ان صوري تنتشر وحتى لو اسمي مو عليها وبعض الصور فيها نويز او تحبيب بشكل واضح فحتى في الطباعه تكون سيئه .. ومع ذلك حتى باقي الصور ماوصلت لذاك المستوى الي يذكر ولكن ان شاء الله مستقبل اصل لمستوى افضل .. الدخان تجربه جميله ومرهقه بالنسبه لي مع انها جت بدون تخطيط مسبق تم استخدام عود كبريت وغرفه مظلمه وخلفيه تي شيرت اسود قماش قنطي يبتعد عن عود الكبريت بمسافه بسيطه وثبت العود على شيء ووزنت الكام على سرعه غالق سريعه ومع استخدام الفلاش طلعت بهالشكل وهالخلفيه .. ومع تعديل بسيط لمستوى اللون الاسود والابيض واضافة لون على الصوره عن طريق الفوتوشوب طلعت بهالشكل الدقيق والصافي فيه دروس في الانترنت عن طريقة تصوير الدخان ان شاء الله في القريب العاجل يكون لي طله اخرى بصور اجمل وادق ان شاء الله وسعدت جداً على تواجدكم 🙂

  10. الاخ مشاري انت محترف انت رائع اقولك انت مبددددددددددددددددع ودي يااستاذ مشاري اعرف نوع الكاميرا ومواصفاتها وسعرها ومشكووووووووووور

  11. الصور رووووووووووووووعه مرررررررررررررررره وشكووووووووور يا اخ مشاري

  12. مااااا شااااااء الله عليك اخوي مشاااري ,, من جد إبداااااااااااااااااع ,, تصوووووير ولا أحلى بجد عااااااااااااااااجبني أكثر شئ ,, يعطيييييك العافية وربي يووووفقك …………,,

  13. الله سلمكم ويجبر بخاطركم هذا من ذوقكم الحلو الكاميرا كانون 450D اسعاره كل يوم ترخص بس بشكل عام الكاميرات ذات الجوده العاليه اسعارها من 1800 وطالع صح انها تساعد في صنع صوره جميله ومتقنه بس ليست شرط يعني موب انت معك كام سعره 5000 ريال وتصور بتطلع معك صوره حلو الكاميرا مثل سائق المركبه موب شرط كل من قاد سيارة سباق اصبح محترف في القياده لازم تكون قائد جيد وفي نفس الوقت تعرف امكانيات المركبه الي معك عشان تعرف تتعامل معها وتوظفها بالشكل الصحيح في الطريق عشان تعطيك المستوى المطلوب وتقدر تحقق القياده الناجحه وبالمثل الكاميرا لازم تعرف اسرارها وكيفيت التعامل معها ان كانت عندك اضاءه ضعيفه او جو غائم .. حركة الاشخاص فكر اول شيء انت وش تبي تصور وش الي تبي تظهره في الصوره يعني اذا احد شاف الصوره وش تبي يحس فيه او وش يفهم من الصوره اسال نفسك هالسؤال .. بعدها بتفكر في الزاويه الي توضح الفكره الي في بالك وفيه نصيحه قد سمعتها من اكثر من مصوور يقول حاول انك تصور من زاويه محد تعود انه يشوفها يعني الورد حاول تصوره من تحت او من الجنب .. الطريق حاول تقرب من الارض عشان تبين الطريق او ترتفع فووق فيه كم صووره من المعروضه هي من كاميرا شبه احترافيه حتى اني مارضيت عليها بس طلعت لي ببنتائج حلوه وفي نفس الوقت خلتني اتعلم كيف اتعامل مع الكاميرا سعدت بمرووركم واطرائكم وان شاء الله القادم اجمل 🙂

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تصوير، كم انا احبك وانت لا تعلم

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول