تصميم، الصيادة الكبيرة


بسم الله الرحمن الرحيم

السلام عليكم
كيف حالكم عساكم بخير ونعمه

اولا نحمد الله على نعمه التي لا تحصى
ونقول ان الله اذا احب عبد ابتلاه فلا تنسى ياالمبتلى

المهم الكل اكيد يقول وش سالفة الصيادة الكبيرة
هذي انسانة انعم الله عليها بعيون والباقي مغطيته ببرقع او لطمة
وياما تحت اللطم والبراقع ضفادع

مثلا شاب ابتلاه الله بمرض او وعكة صحية ونسال الله للجميع العافية
وين بتروح الكواي؟
لالا ياليت نرجع للكوي ولا تنكوي قلوبنا وما نرقد الليل الله المستعان
بتروح المتشفى وتروح للاستقبال وتحصل احد فرقة الصيادات الكبار
هذي طال عمركم العطر واصل من الباب تخش تشم عطرها
وهذا طعمها عشان تجرك للمكان المناسب لترمي سهمها عليك

فتجي عندها وتحط عينها بعينك وانت ترد النظر لو انك تخاف الله وكلنا نخاف الله
لكن نقول ان هالشاب ما يخاف الله فانصاب في مقتل
هو جا عشان ضرسه يعووره قال ابي عيادة القلب

ويطلع لكن طلع هالمرة من العيادة متزهب
فطلع سهمه القاتل الاكثر دموياً فالصق في مقدمته رقم جواله
ورماه ليصيب هذه الصيادة فاخذته الصيادة الكبيرة لانها من حشمتها ماشاء الله متربية زين الله يخلف بس
من سيماهم تعرفهم

وابتدا وابتدا المشوار وآآه يا خوفي من اخر المشوار

بصراحة الى متى هذا السفور والانحلال
السوق المستشفى الحدائق الملاهي الفنادق المطاعم الشارع
كل مكان لا يخلو من هذه الفئة الظاله

للاسف الآن اقول لاخوي المطوع ود اهلي السوق
ابي اشرد من العذاب لكن هو انسان مثلي يقول حرام بالله لتوديهم انت
واقول المفروض انت توديهم دورك
يقول لااااااا اوديهم المريخ لكن سوق لا
واقوم اكلمه بالدين واقوله بر والدتك واحسن لاخواتك
يقول على راسي لو اسلم على رجل الوحده لكن هالطلب مستحيل
ونتوهق والله المستعان

للاسف الشديد ان المشكلة لو حللت لوجدنا البلاء الاعظم والمشكلة الكبيرة في الاب والام
فالاب الفحل الرجال يروح بنفسه هو يشتري لها هالفساتين ماهي بعباية والله
صور ومدري ايش ولماع ولطم وكحل ومحزق (ضيق)
ويشوفها ابوها يوم تطلع لعملها او للتسوق بهالشكل المنحل المشد لانتباه ولا يتكلم ولا يقول شي
والام المدرسة التي يجب ان تكون مدرسة
للاخلاق والعفة والطهارة اصبحت مهرسة للاخلاق فهي تشجع في الصف الاول من المدرج
وترفع رايات الرضا لكي تصرف ابنتها وتذهب هي للتسوق او المول الجديد
اووو والله يا فلانه يافي سوق جديد ومن هالمنوال
والبنت طالعه خارجه بفستانها الاسود المخصر
وعطر مدري وش اسمه لكن يصك بالراس
ولسان حالهم يقول
عادي وش فيها ليه هالتزمت والتشدد ليه وليه حنا في زمن التكنولوجيا والتطور
في زمن السرعة ومن هالخرابيط
حنا ما نقول امسك بنتك وسطرها
لا يا حبيبي حنا نقول بالتي هي احسن
امسكها قول يا بنتي انتي ماء وجهي انتي لحم وجهي انتي بنتي بكل اختصار
وهذا حرام ما يصلح كلمها بالهداوة بالطيب بالرفق فالرفق اذا دخل على شيء زانه
هذي العباية نغيرها وخذها معاك وغيرها
الحجاب اتى للستر وليس للفشخره قدام البنات ياصبية
لا تضحك عليك البنت الي ماهي متربية وتقول وع وع يالقروية وش هالعباية ما ينشاف منك شي
الا والله نشمية وبنت رجال ماخلت الاول والثاني يطالع لها او يشوف منها شي متحشمة
لكن انتي مثل السيجارة كل من شربها دعسها برجله ومن يقرأ سالم وكارم
ولا تقولين انا عفيفه وشريفة وعادي البس الي البس
لا يا حبيبتي مو بكيفك الشغلة
وش ذنب الي بتروحين تشترين من عنده
ويشوف العيون المكحلة
والعباية المخصرة
والعطر الفواح

ولا المصيبة العبايات اللحين لها اسامي اتحداك تلمسني مدري ايش والفراشة وخرابيط
خاصه هالفراشه كانها ورب البيت مثل العجوز الساحرة الي تركب على المكنسة

ولا يغرك كلام المطبلين
ايه يقولون ومازالت دولة مجاورة تستحقر المرأة وتلبسها ما يسمى العباءة
والله والله ما يرضون الا اذا شافوا بناتنا بالمايوه على البحر امكن بعد يحاججون ويقولون خلاص عادي خلها مثل ما خلقها ربها
وانعم وانعم في التطور والتكنولوجيا حقتهم

والمشكلة الاعظم اللحين ان الوحدة الوجه عادي وخصلة مايلة وحدث ولا حرج
هذي الفاسق غاسل يده منها

وسؤال منطقي وصريح يعني ابي اعرف ابي اعرف يا بنت الناس
وشهو له الكحل والعطر والغنج الزايد انتي بتروحين عند زوجك؟
عند صديقتك؟
حفل زواج؟
عزومة؟
بتروحين السوق وتحطين هالبلاوي لييه هذا السؤال الوجيه والمنطقي
والسهل واذا جاوبتي نعطيك 15 من 15

دعوة لكل اب ولكل ام ولكل اخ اذا رأيت بداية هالمناظر تبدا على اعراضك فبادرهم بالتي هي احسن
والكلمة الطيبة
وستختفي هذه المناظر

ولكن لا حياة لمن تنادي

واخيرا اقول للفتاة

السلعه كلما رخصت زيد في عرضها
وكلما غلت زاد الحرص عليها
والله لوكانت هذه الفتاة الساقطة معتزة بجمالها لصانته
ولو كانت واثقة من نفسها لما عرضت نفسها على كل رجل

والله الله بالصحبة الزينه يا اوخيه

واقول لكِ يالمتغنجة

يَا رَامِيًا بِسِهَامِ اللَّحْظِ مُجْتَهِدًا
أَنْتَ الْقَتِيلُ بِمَا تَرْمِي فَلَا تُصِبْ

ايه ورب الكعبة انتي القتيلة
انتي القتيلة فلا ترمي بسهامك فتصيبك انتي

واترككي مع هدية من اخاك

اخيراً تصميم بسيط جدا استخدمت فيه صورتين فقط وهي صور ايدي
ولكن قبل ان تشاهد التصميم
لقد انفقت الكثير من الوقت في محاولة فهم ما هو اهم ما ينبغي عمله للحصول على الراحه الكامله في الحياة؟
اليس كذالك؟

لمشاهدة التصميم

وفي نهاية زيارتي لكم اتمنى ان لا اكون قد اثقلت عليكم
واعذرروني على بعض الكلمات لكن الحق حق
تقبلوا احترامي وتقديري

اخوكم عبدالله الكبيري
رعش قلبي

(يقول الشيطان أهلكت بني آدم بالمعاصي فأهلكوني بالإستغفار )
استغفر اللـه الذي لا إله إلا هو الحي القيوم و أتوب إليــه


تعليقات 19

  1. صح لسانك وكثر الله من امثالك وجزاك الله خير انا اصلا عباية الفراشه مابلعتها وووووع احسها خوبال كني شبح اذا لبستها :$ بس انا اقول يعني الوحده لو تلبس عباية كتف واسعه واااااااسعه مره ومافيها اي تطريز كله ساده وتلبس نقاب يالله يبين عيونها يعني تشوف ولا تنشاف انا اقول كذا بتكونين مرتاحه وماعليك ذنب ان شاء الله لاني سمعت الشيخ يقول احنا مانقول ان العبايه لازم تكون عالراس اهم شي تكون ساااااتره وماتصف الجسم ومافيها فصوص تلق كنها نيويورك ليلة راس السنه وليت كل البنات يعوووون ويفمهون اللي تقول ومشكوررررررررر

  2. ولا المصيبة العبايات اللحين لها اسامي اتحداك تلمسني مدري ايش والفراشة وخرابيط خاصه هالفراشه كانها ورب البيت مثل العجوز الساحرة الي تركب على المكنسة -=-=-=-=-=-=-=-=- على طاري الفراشة و العجوز اول مرة شفت فيها وحدة لابسة عباية الفراشة قلت لخويي اللي معاي (( شف الهبلا ذي هي وعباياتها اللي ترفرف )) قعد يضحك خويي ويقول ((والله نفس اللكلام توي ابي اقوله لك )) فعلا فيه بنات كثيرة يلبسون عبايات الفراشة وعلى باله انها لان خلاص الشباب يمشون خلفها و ميتين من الاعجاب فيها ما تدري ان 90% قاعد يمشي ويتشمت فيها بس..

  3. لافض فوك يااخي الكريم .. بصراحه اول مره ارد على احد ايميلات قروب ابو نواف .. ليس تقليلا منها ولكن الموضوع اعجبني بشده فعلا صار الحجاب زياده للبهرجه واستعراض بين بناتنا والله المستعان والتصاميم رائعه .. الله يهدي الجميع .. وجزاك الله خير

  4. اولاً ما أقول الا بيض الله وجهك وكثر الله من أمثالك والله يجعله في ميزان حسناتك ويجعلك من المشفوعين يارب ونحن الان نعاني من كثرة الفتن ولا شك اننا كلنا ندرك بأن هذه اشاره من علمات قيام الساعه الا وهي كثرة الفتن نسأل الله العافيه وصدقني مافيه بنت تسوي الشي هذا اللي فيها نقص في جمالها او في تربيتها او انها مغلوب على امرها اما في مسألة العباءة حدث ولا حرج فهناك عبائات لو ما تلبسها وتطلع بملابسها افضل لها لانها تظهر لك مفاتنها وهذا كله من عمل الشيطان أجارنا الله واياكم وفي الاخير أسئل الله ان يمن على بنات المسلمين بالهدايه والعفاف لان البنت شرفها من زجاج ان انكسر لم يصلح مهما حدث وانتبهو من بنات المدارس هم الموجه الاكبر في الخراب وصدقيني اختي لو هي تعينك على المكالمات لتضييع الوقت كما يقولون وجاء اخوها يريد الزواج فصدقيني ماراح تقبل فيكي كزوج لأخوها لانها عارفه انتي ماتصلحين لأخوها زوجه لانكي رفعتي وتحدثتي مع رجال ولا راح تثق فيك كزوجه مستقيمه لأخوها ونسأل الله الهدايه لكم والرجوع الا الصواب وفي الختام اسئل الله يكون في ميزان حسنات المسلمين كافة اخوكم بوعبدالرحمن

  5. جزاك الله خير ولعل الله يهدي البنات ويستر عليهم وألا يتابعون الموظه الفاضحه لهن واملي بالله كبير انشالله..

  6. س1\لماذا تلبسين العبايه؟(للستر او للتشخيص) ***ملاحظه:اذا كانت للتشخيص احسن لك البسي فستان و اذا كانت للستر ترا اذا ما تستر ما له داعي تلبسينها

  7. وربي اول مرة اسمع بالفراشة :$ لا وعاد ( اتحداك تلمسني ) ::$:Dانا بروح اجيب نفسي من تحت الطاوله وارجع لكم لأني غطست من الضحك …. الله ينعل ابو المسخرة وقسم بالله لو اعرف ان اختي لبست مثل هالشغلات ، والله العظيم اقل عقاب راح اتخذة (( طبعا بعد ما تتدخل القبيلة يعني والمحكمة هذا لو ما جاء نايف و سلمان الله يطول في اعمارهم وطلبوني ارحمها )) انها ما تشوف لا شمس ولا سوق وممنوع حضور العزايم و ممنوع الكمبيوتر ، ووالله حتى اتاري العايلة تقطع بصل تلمسها ..قالولي ايش قالولي فراشة .يا عمي هناك بس الله يرضى عليكم ، وقسم باله احس اني ابطلع من دوامي وبروح اليخها بالعقال لين تقول لتيس يا خاله ، وهي ما سوت شيء بس لأن الموضوع حك في مخي لين خلى يدي تحكني ..على العموم شاكر لك اخوي Abdullah Al-kaberiعلى طرحك للموظوع وما قصرت رفعت ظغطي وضحكتني ولو اني مريض بس شاكر لك حقيقة على طرحك الموظوع وخل الناس تقرا عل وعسى انها تعقل وترجع لعقلها .والسلام عليكم قبل وبعد الكلام .

  8. موضوع متعوب عليه صراحة و الكلام مؤثر .. الله يجزاك خير و ان شالله توصل فكرتك و تؤثر بالناس 😀

  9. الله يحفظك ويوفقك ويجزاك خير على غيرتك . وللاسف البعض من الفتيات عند اهتمام ولي امرها تراه عدم ثقة بها !!! أو كبت ؟! . الله يصلح الحال

  10. لنتذكر فقط ان الحجاب اتى للستر وليس الي نشوفه اللحين واشكركم جميعا على مروركم الي شرفنا

  11. رونق وابداع فن في النصح والترغيب لما يحب الله عز وجل اخ عبدالله والله لا اعرفك ولا ادري من انت ولكن كلامك جميل ويحبب الواحد فيك اسال الله لك الفردوس الاعلى ولا تقطعنا من جديدك اعتبرني من متابعين مواضيعك الجدد. تحياتتتتتتتتتتتتتتتتتي

  12. يعطيييك ألف عااافية من جد موووضوع كنت أنتظره من زمان ,, ياخي من جد بنات هالزمن يضيقون الصدر ,, كل وحدة تحسب نفسها بتعيش كثير ويمديها تكبر وتتوب ,, بس الله يغفر لنا ولهن ,, حتى مرة أتذكر رحنا مع اخوووي لواحد من المولات وحنا جالسين بالمطاعم فيه شلة بنااات كاشفين وكاشخين من جد ضاااق صدررره وطلع على ان الولد راعي فلللة بس ضاااق صدره ويقول الحمد لله انهم موب سعوديات من جد حبيت اخوووي:D وهم سعوديااات ابأ عن جد ,, بس ما نقووول الا الله يستر من الجااي ,, يعطيييك العافية مرة ثانية ………,,

  13. بس جد قهر 😀 إحنا يالشباب محترقين 🙁 نبي نتزوج و هي تجي تخربها :~ يعني الهداية مفييييش

  14. احسنت وابدعت .. واهم شي اثرت .. فعلا هالموضوع كان يقرقع في صدري .. من زمان .. قله ادب وانا ماالوم البنات .. الو اولياء الامور .. لانهم هم المسؤولون امام اللله عنهم .. وحتى بكرا لاتزوجت .. والله تتعذب مع زوجها .. وبتعذب زوجها معها .. وبالنسبه للاخت المفتيه .. ريم الجنوب .. اقول جزاك الله خير لاتفتين .. وانتي لاتعلمين .. وان سمعتي شيخ .. وهو اي شيخ يقول شي .. يعمم .. العلماء في السعوديه .. وهذا صوت اغلبهم .. اذا مااهو اتفاق .. ان عبائه الكتف .. لاتجوز .. وللاستزاده ان كنتي طالبه للحق .. http://www.islam-qa.com/ar/ref/8555

  15. أخي ابو اناهيد الانسان بطبعه خطاء فاذا اخطأ فان الله يقول للعبد لو اتيتني ولم تشرك بي شيئا غفرت لك ولا ابالي وانت ماشاء الله عليك تفكر ان الضرب و و الخ هو الحل المناسب الحل المناسب هو النصح وحوار الطرف الأخر لتوصله للطريق الصحيح لا ان تضربه فينحرف اكثر عن الطريق فلو دفعتك وانت على جرف هاويه لاوقعتك ولكن لو امسكت بيدك فارشدتك انه يوجد هاوية قد تقع فيها وتموت لتراجعت وبالنسبه لتعليق اخي نقوطي باي حق حرمت عباية الكتف لو لبست المرأه عبائة كتف وسيعة وفوقها الفضفاض مدري وش اسمه مافيها شي لان الفضفاض يصل للصدر فكانها لبست عباية راس واشكركم جميعا اخواني واخواتي واسال الله ان يوفقنا وياكم

  16. يسلم راسك يا …(اصبر باطلع فوق اقرى اسمك:D) ايه.. يسلم راسك يا اخوي عبدالله والله ان موضوعك جاء بالصميييم..فعلا شي يقهر اشكال البنات الحين .. وانا بنت والله والله اعجز انزل عيني عنهم .. الله يكون بعونكم يالشباب .. احتسبوا الاجر ..هذا ابتلاء لكم من ربي ..بيشوف مدى صبركم .. ______ كنت ناوية ارد على اخونا ابو اناهيد .. بس كثر خيرك عبدالله ..طلعت كل اللي بقلبي على لسانك .. اشكرك مره ثانية .. ولاتحرمنا جرة قلمك..

  17. انت متحمس اكثر من اللازم وكلامك مالغ فيه جداااااا جداااا بناتنا بخير ولله الحمد وديرتنا بخير بس نت متشدد جداجدا الدين ليس كما تراه ياعزيزي ياليت تتثقف دينيا اكثر ..

  18. اهلا وسهلا اخي عبدالله سعيد بمرورك اخي كم اسعد ان تعطيني احصائية قضايا الاستغلال السنة الماضية وقضايا الخلوة و و و الخ هذه قضايا المجتمع الاولى باهتمامنا وحلولنا اخي الكريم انا لا اعم الجميع ولكن لماذا لا تذهب للشارع او الحديقة او الاماكن العامة وترى الحشمة بام عينك اذهب الى باعة العباءاة وانظر بنفسك الى (الفساتين) المشده للانظار وارجو ان تثبت كلامك وتجد لي النقطة التي حكمت فيها علي باني (متشدد) واكون لك من الشاكرين

  19. السلام عليكم اخوي يعطيك العافيه على طرح الموضوع وبالنسبه للعبيات هذي موضة الخياطين لكسب اهل العقول الخفيفه؟ عندي جدي الله يرحمه ويرحم اموات المسلمين يقول ياوليدي ابي اوصيك في شئ قلت له سم ياجدي قال احذر المبعدات المقربات الماناكيب الطير لو هو بالسماء طيحنه ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تصميم، الصيادة الكبيرة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول