رسائل المجموعة

تصاميم [ i believe i can fly ]

السلام عليكم ورحمة الله

يالله حيّهم يالله حيّهم .. يالله حارتهم يالله حارتهم <– بطارخ داخل بيوزري
وشلونكم عساكم مرتاحين وتزقحون

عندي وشسمه شي يقرقع بقليبي وودي اقوله من زمان .. هاليومين صايرهـ أغلب التوبيكات عندي هموم وغموم واحزان .. فعاد مدري هل كل الشعب اللي عندي طايحين بالحب وهالخرابيط وكلن هجرهـ حبيبه أو حبيبته وحاطن حيله بالتوبيكات الله يعافيهم ولا يبلانا ولاّ بس الدعوهـ خرطي برطي يعني التوبيك قممممة الحزن وهو فاااق كشرته من الوناسه قدام الشاشه ، وهذا بكل تأكيد صاير وبكثرهـ

اللي بأوصل له . أي واحد طاقته الغلقة وضايقن صدرهـ والهم لاعبن فيه يلزم الإستغفار ويكثر منه

قال النبى  صلى الله عليه و سلم (( من لزم الإستغفار جعل الله له من كل ضيق مخرجاً و من كل هم فرجا و رزقه من حيث لا يحتسب ))

طيب نرجع لموضوعنا الاساسي

هذا تصميم مسويه قبل فترة .. وانا من النوع اللي اذا سويت شي احب اعرضه على اخوياي بالماسنجر قبل ما انزله بالمنتدى عاد من حسن حظي ان ربي رزقني بصديق وأخ عزيز وغالي اللي هو الـمـهـنـد ..  وماشاء الله عليه راعي خواطر وحركتات

عاد يوم عرضت عليه التصميم فاضت قريحته وصكني بذيك الخاطرهـ اللي وش زينها

بأحط الخاطرهـ وتحتها التصميم مع الصور المستخدمه

برغمِ البعدِ ..
برغمِ القهر ..
سأصلُ اليكِ ..
سأرمي جروحي كلها جانباً ..
وأصلُ اليك ..
وأعلمُ أنك ستكونين هناك ..
وستكونين جميلة ..
وسأمسحُ دمعتك ..
وستكونين جميلة ..

وستكونين مبتسمة ..
أصفادُ الألمِ… لن تمنعني ..
ألامُ الندم … لن تمنعني ..
سأطيرُ إليك ..
بكل حبي سأطير اليك ..
ما أحمله ليس حباً..
إنني حبٌ يحمل أنساناً ..
ما يدفعني ليس شوقاً ..
إنني شوقٌ وعصيان ..
انني نارٌ وبركان ..
أنني شاعرٌ و سلطان .. 
ولكني دونك بلا عنوان ..
فكوني أنتي العنوان ..
نفوني ..
رموا بي بعيداً عن ظلالك ..
بلا مأوى ..وحيدًا في المهالك ..
حتى دمعتي أشفقت لحالي ..
والألم سطّر قصائده في خيالي ..
هناك .. كل شي أسود ..
حتى الدمعُ أسود ..
والأملُ أسود ..
أنا لن أبقى هناك ..
انا لن أسلّم أمري للهلاك ..
سأنفض عني غبار الشؤم ..
وأخرس ألسنة اللؤم ..
وسأطير اليك ..
لأنني أحبك .. فـ سأصل إليك

هذا هو الإسم الفني الجديد لي  وبأستخدمه للتصاميم بس DiSTiNCT

هذي تصميمين استخدمت في كل تصميم صورة وحدهـ مع خامات

وعلى فكرة هذي قديمة شوي وماكنت منزلها بإسم ديستنكت .. يعني لا يجيني واحد مطفي النور ويقول انه شايفها بإسم مصمم ثاني 😀

الأول بعنوان الصمت أبلغ

والكلام الموجود فيه أخذته من خاطرة كانت محفوظة عندي بالمفكرة وللأسف ماعرف كاتبها 🙁 لإنها بحق رائعة واقتبست منها هذا الجزء على مساحة التصميم مع بعض التعديل

الثاني .. ذبحني الشوق

بنوته صغيرونه .. ابوها سافر ووعدها يرجع بدري .. تأخر عليها وما طاقت بعادهـ .. وسنترت عند الدريشة تحتريه يالبّى قليبها

أتمنى أن الأعمال ارتقت لذوقكم ونالت ولو جزء بسيط من اعجابكم

بكل الحب نودعكم يا صديقيني

فمان الله

/ ملاحظه أد كدا هوهـ

:$ أعتذر عن استقبال طلبات تصميم التواقيع

 

سبحان الله وبحمدهـ .. سبحان الله العظيم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى