تحول اكبر ملياردير الى معلم كبده


قــهـــر يتحدى بيل جيتس ok.gif

———————————

كل ما افتح النت واقعد اتصفح المواقع ينقز في خشتي ذاك المربع المشؤوم (( قام الجهاز بعملية غير شريعه … )) ومدري وش بعد
المهم اضغط موافق يطلع علي مربع ثاني ارسل تقرير او عدم ارسال تقرير اضغط على عدم ومدري وش سنعه بس ابي المخلاص
ومليت وهي تطلع علي وبعد فتره من الزهق من هالرساله قلت ارسل ولا تخوينا mad.gif وارسلنا رساله وين مدري لكن المصيبه
بعد ما ارسلت الرساله صار يطلع على مربع كبير وفيه خرابيط تقول شغل برمجه ومير تنقز فيني حركة الفهامه Swaffff.gif نظام عريبيا كل
شي نفهم فيه Swaffff.gif وقلت ياولد وش بيضرك الحين اذا جلست تحبرش في اللي قدامك وتقلب فيه اغديه يفتح الله عليك وتضبط معك
الشغله وتفتك من هالمربع اللي كل شوي وهو ناقزن في وجهك تقول ليموزين Swaffff.gif والله ماصدقت خبر وقمت اطقطق فيه وكل
ماطلع لي شي اضغط عليه دوووووس والوعد قدام ok.gif

شوي واشوف شاشه قدامي blink.gif ومكتوب فيها

صوره

ومع ذلك ماهمني زلبتها Swaffff.gif وقلت اطقع ما اشوف انتم اكيد فيه شي خطير ولازم اشوفه ok.gif
وماصدقت خبر واقعد اخربط بالجهاز واعدل واحذف ملفات على كيفي الين ماتعدل هالخراب اللي ابلشني كل شوي
وصار التصفح عندي من احسن مايكون ولا جهاز الملك ياشيخ tongue.gif

————- اعــــــــــلان ————-

اللي عنده مشكله في جهازه يقولي اصلحه له واحمدو ربكم واحد مثلي يعرض خدماته عليكم
Swaffff.gif
<<<<==== انت فكنا من شرك وخلاص .

————- خلص الاعلان ————-

وين وصلنا ياجماعه unsure.gif <<<==== شغل النصابين tongue.gif

ايه وبعد ماضبط الجهاز عندي وعدلت الخلل وجلست اتصفح موقع ابونواف العزيز بكل روقاااان ok.gif
ومشغل كسرات فرقة ابوهلال الينبعاويه ياحبيبي والله اشتقنا 8888.gif
مادريت الا ويطلع لي مربع حق الماسنجر مكتوب فيه
(( لقد قام بيل جيتيس بطلب محادثك هل ترغب في اضافته ولا لا ))

يوم شفت هالاسم قلت احلى وش هالاسم ذا شكله يبيني اساعده في المشكله اللي في جهازة ok.gif
قبلته وشوي الا وهو خاطم على بالماسنجر حتى ماقال السلام عليكم ولا شي جايك مشوت ويرحب فيني ويهلي
وياهلا والله بقهر ياهلا بشيخ الرجال احلى تحيه لا احلى قهر ياخي انت رهيب ok.gif قسم بالله انت ابداع
قلت له
من حيني رهيب وابشرك بصير رهيب اول dry.gif اخلص علينا وش تبي ومن انت ؟
قــــال :
انا بيل جيتيس
انــــا :
طيب وبعدين .
قــــال :
ياخي انا بيل جيتيس وش فيك ماعرفتني .
انــــا :
طيب وش تبين اسوي لك
قــــال :
انا بيل جيتيس حق الوندوز وش فيك انا اغني رجل بالعالم كله ok.gif
انــــا :
لا ياشيخ احلف عاد . w00t.gif
قــــال :
وقسم بالله عرفتني w00t.gif
انــــا :
اجل انت ماعرفتني .
قــــال :
لا والله ماعرفتك blink.gif
انا قهر مشرف مجلس سواليف نص كم اطفر واحد بالعالم حتى الحديده وبعناها Swaffff.gif
ياخي اخلص علينا وش عندك بس ولا يكثر هذره .
قــــال :
ياخي الوندوز كان فيه مشكله وجتنا رساله منك تشتكي منها طبعا رسالتك وصلتنا مع ملايين الرسايل
تشتكي من نفس المشكله واللي عندي كلهم وانا ماقدرنا نصلحها ومادرينا الا انت مصلحها وقلنا بس هذا اللي بيساعدنا
ويعلمنا كيف الطريقه وطبعا اكيد انت فاهم بالكمبيوتر .
انــــا :
blink.gif هااه <<<==== مفهي
قــــال :
وانت رجال والنعم فيك (( ام عاد ذي )) وحنا والله جايين عندك وطالبينك – وجدع على الكارفيتا يطلبني tongue.gif
نبيك تجي عندنا وتساعدنا في هالمشكله ونعطيك اللي تبي ..

انــــا :
هاااه blink.gif <<<==== من زود التفهيه .

بعدها استوعبة الوضع وقلت مابدهاش لازم اشوف هالرجال وش عنده لايقعد يتبلاني الحين وابلش فيه
وانا رجال اباري الساس (( بس افوز عليه 3/1 )) Swaffff.gif عاد سويت فيها فاهم و ابو العريف .
ودقيت رجل على رجل (( لازوم الكشخه )) اسمع يالحبيب smoke.gif بصراحه انا بذلت مجهود طيب واشكر عليه ولابد ان تقدم
لي مكافئة عظيمه ويشرفك حضوري والسلام علي Swaffff.gif وانت تعرف مكانتي عند الناس في نص كم وانا قررت اني اجي لكن
بشرط .

قــــال :
انت امر بس تدلل وشروطك اوامر وطلباتك مجابه وش بغيت .
قــلــت :
طبعا انت تخبر اللي اوله شرط اخره نور زنون Swaffff.gif وانا رجال ما ابي شي كثير بس ابي اكون معك شريك
في الشركه ولي نص الارباح ok.gif وانا مسامحك بالباقي والزكاة بيننا انا واياك وتراني منب طماع بعد cool.gif
قــــال :
blink.gif يابن الحلال وش هالكلام هذا حلالي وتبي تشاركني فيه انت و خشك huh.gif قل غير هالكلام .
انــــا :
لايكثر بس جازيلك والا اعطيك حظر الحين . mad.gif
قــــال :
وش دعوه انت نسيت اني انا صاحب الماسنجر والهوتميل Swaffff.gif تبطي عظيم تصكني حظر .
قــلــت :
وانت ماتدري انا صديق سوالف القايلة انت وخشك ok.gif <<<==== امحق صداقه بعد .

شوي والا بيل جيتيس طالع على مع الشاشه :
تدري عاد وش رايك اخليك مدير عام على الشركه واعطيك نسبه من الارباح sad.gif ولايكثر عاد قبل لا اهون الحين وبالطقاق انت والناس mad.gif

قــلــت :
ياولد لايكون الرجال جاد (( والا مقصود )) في حتسيه خلني بس اقبل ومدير عام والله مهيب شينه ازين من سيكورتي ok.gif
ومادام لي نسبه بالارباح ومدير عام كذا نصير حلوين ok.gif

اقلعت الى امريكا وكان في استقبال بيل جيتيس والشله وورد وبوربوينت واكسس واكسل وفرونت بيج ok.gif
(( على بالي انهم شله بيل جيتيس )) tongue.gif

صوره
صوره تذكاريه تشرف فيها بيل جيتيس بالسلام علي Swaffff.gif

——————————————–

وصلنا المقر وعملنا حفله صغيره ok.gif على شرفي وصرت انا المدير العام للشركه

واطقها كشخه على مكتب بيل جيتيس وناااااااااااااسه w00t.gif
وتدخل على هاك الطخمه الشمحوطه اللي مانشوف مثلها ولا حتى كذب بالمنام lol.gif
واثرها طلعت السكرتيره حقتي وانا اللي اصيح cry.gif واصيييييييييييييييح cry.gif
واقعد اصيح وانهبلت من الصياح cry.gif ويجيني بيل جيتيس طااااااااير وش عندك ياقهر تصيح عسى ماشر ohmy.gif
مير اقوله الله يخلف يابيل اللي حصيصه مره وهذي الطخمه مره Swaffff.gif
مير يقوم بيل جيتيس ويقولي الله يلعنك وانا اللي احسب عندك سالفه dry.gif ….. المهم متى ناوي تنزل تشتغل
اشوف الجلسه جازت لك .. واقوله يابن الحلال تونى واصل اصبر علي لين اخذ عليكم شوي Swaffff.gifوبعدين
خلني اخذ جوله على المكان واخذ لي فتره راحه – شغل سودانيه الاخ –
وجلست كم يوم وانا ماحولك احد الرجال كل ليله يسهر معي ويقعد يسولف معي عن الكمبيوتر والبرمجه
ومدري وش بعدوانا مفهي ماغير مطالع في الحريم w00t.gif منب معه – بعذري ماقد شفت خير –

صوره
نسيت اعلمكم ان بيل قيتيس طلع قصمنجي من خب البصر Swaffff.gif

وكل ماجيت الصبح اشوف هالموظفين نشيطين وكل واحد معه شنطتة ومخترشين بالعمل المهم دخلت مكتبي
وقلت للسكرتيره اطلبي لي صحن كبده وتميس وشاي عدني ok.gif وهي تنهبل وتقولي ممنوع الفطور
بالمكاتب بعدين وش هالكبده والتميس huh.gif واقولها : افا ماتعرفين الكبده والتميس والفول بعد لايصير ماتعرفينه
وانزل والله الموظفين مدهرين شغل تقول امبرمجين على هالشغل sad.gif انا ماجازلي هالوضع (( عريبيا ماعليه شرهه ))
والله وافتح محل كبده وفول وتميس بجنب الشركه ok.gif وصدرت قرار للموظفين لازم ياخذون فطورهم من المطعم
اللي بجنب الشركه كل يوم حتى لو يوم اجازة لابد يجي وياخذ فطور من هناك Swaffff.gif والموظفين اعجبهم طعم الكبده والفول
والله وكل يوم ضرب بالفول والكبده لين ما قفلت طباقة عقولهم وتنحوا Swaffff.gif

لكن ماطال هالحال الشركه قربت تعلن افلاسها rolleyes.gif وتوصل معه بيل جيتيس ويجيني بالمكتب
معصب ونابت في راسه مليون نخله ناوي يلعن كلافاتي mat.gif وهو اللي ينزلني مع اذني للمعمل ويقولي اشتغل

صوره

cry.gif

عز الله اللي دجيت وانا مدري وش هو يبي الحين ويقعد فوق راسي وانا عند الجهاز unsure.gif مدري وش اسوي فيه
وقلت ياولد خلنا ندخل نص كم ونشوف وش عندهم الشباب واول موضوع يقابلني وانا اللي انبسط w00t.gif
واقوله تعال طالع حقين نص كم وهبالهم انت وخشك ok.gif وهو اللي يدحجني يارجال اشتغل وخلصنا
قسم بالله لا العن ثواك الحين mat.gif ماتفهم انت قلت له : يابن الحلال الحين انت وش تبي بالضبط sad.gif
قــال : ياخي علمنا وشلون صلحت المشكله ذاك اليوم خلنا ننزلها للزباين قبل لا نخسر mad.gif مير اقوله
اي مشكله blink.gif والرجال فيه الصيحه cry.gif المشكله اللي كانت في جهازك وش فيك
وانـــا : والله بن الحلال مدري وشلون سويتها بس جلست اتعبث مير تضبط معي Swaffff.gif

وهو اللي ينهبل  ويقعد يصايح
انا حمااااااااار انا كلب ابن كلب اللي اجيب واحد مثلك خلالالالالالاص انتهيت خسرت كل ماوراي ودوني بسبتك cry.gif
اكبر شركات العالم ماقدرت توقف قدامي وانت بس كم يوم خليتني اعلن افلاسي cry.gif حسبي الله عليك منك لله
منك لله يامفتري – حشى طلع مصري –

وانا اللي افق خشتي w00t.gif وبس هذا اللي هامك ورافع ضغطك تعال اوريك عندي لك شغل ابرك
لك من هالخرابيط Swaffff.gif والله واشغله معي بالبوفيه وابشركم الحين بيل جيتيس احسن واحد يضبط الكبده بامريكا كلها ok.gif


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تحول اكبر ملياردير الى معلم كبده

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول