تحريك الصور بواسطة الأيميج ريدي – درس


بسم الله الرحمن الرحيم وبه نستعين

اليوم موعدكم مع درس تحريك الصور عن طريق برنامج الفوتوشوب وباستخدام البرنامج الملحق مع الفوتوشوب وهو الآيميج ريدي
قبل ما نبدأ بالدرس حبيت انوه على اشياء
انه فيه ناس يطلبون مني برنامج الفوتووشوب نفسه وانا بصراحة اعتذر لكم لأنه حتى الآن ما وجدت وصله له غير معطوبة فجميعها معطوبات
لذلك ارجوا عدم طلبه مني لكن انصحكم تروحون لأقرب محل كمبيوترات ويركبه لكم
/
\
شي ثاني حبيت انوه عليه وهو اني استخدمت اكثر من اربعين صورة بالشرح يعني صورت كل كبيره وصغيره وان شاء الله اني ما نسيت شي هالمرة
وكل هذا فقط حتى لا اكون ممن قصده الرسول صلى الله عليه وسلم بالحديث :
من سئل عن علم فكتمه .. الجم يوم القيامة بلجام من نار
/
\
ايضا اخي / اختي .. اذا كنت قد استفدت من دروسي ولو معلومة واحده فلا تنساني من دعوة صادقة بظهر الغيب وتذكر ان لك بمثلها
فارجوكم ادعوا لي ولوالدي ولأهلي جميعا وللمسلمين بالتوفيق والنجاح والهداية والغفران ,,

تذكروا انني بريء ممن يتعلم من الدروس شيئا ويستخدمه في ما يغضب الله
::> نبدأ بالدرس راجين من المولى القدير ان ينال على رضا الله ثم رضاكم <::
_____________________________________________

بسم الله ..
هذا المثال اللي بنقلده الآن ..
تحريك

وهذا الستايل اللي بنستخدمه
اضغط هنا

افتح الفوتوشوب الآن ثم اضغط على ملف ثم اختر جديد او اضغط من الكيبورد ctrl+n كما هو موضح بالصورة
تحريك

ثم ادخل البيانات حجم الصورة وكذا بنفس اللي بالصورة
تحريك

ثم اضغط موافق

الحين فتح معك التصميم ونبي نبدأ بالشغل ,,
رح للي في الصورة أداة التدرج
تحريك

شف التدرجات بتجيك فووووووق اضغط عالسهم اللي محدد بالدائرة الحمراء
تحريك

بيجيك مثل اللي بالصورة اختر مثل ماهو موضح إحظار التدرجات
تحريك

بيجيك مثل اللي بالصورة طبعا انت بتكون حملت التدرج اللي نبيه تختار التدرج من جهازك طبعا
تحريك

الآن صارت عندك التدرجات اختر التدرج اللي محدد بالصورة تحت او اي تدرج تبغاه لكن هذا هو اللي بنطبق عليه مافيه مانع لو تغير
تحريك

الآن بدينا بالجد يبيلك تركز الله لا يهينك ’’

شف الحين اخترت التدرج اللي تبيه

رح من فوق من حد التصمبم من فوق واضغط بالفارة يعني الماوس وعلللللق عليها يعني لا تفلت وانزل انزل انزل الين الأخير بالضبط او قبله بشوي لكن تأكد انك ما رحت يمين ولا يسار
مثل كذا
تحريك

طبعا اذا كنت مختار التدرج اللي اشرنا له قبل شوي بيكون معك الشكل كذا
تحريك

او بيكون اي شكل اخترته

المهم الحين نرووح لأيقونة الكتابة اللي هي T

ونكتب سبحانك << بس سبحانك !
يعني امش معنا حبة حبة علشان نكون مرتبين وتطبق صح
بيكون كذا
تحريك

طبعا كل كلمة بلحالها تحريك

الحين اكتب جنبها اللهم

مثل كذا
تحريك

يعني للتوضيح اكثر بصندوق الشفائف بيكونن كذا
تحريك

ثم ايضا مثل الطريقة تكتب وبحمدك جنبها طبعا

لتكون بالأخير ثلاث شفائف الحين لاحظ بصندوق الشفائف علامة العين نبيك تشيلها تدري كيف ؟
تضغط على نفس العين وتروح لتكون بهذا الشكل
تحريك

الحين ترجع للتصميم وتكتب من جديد طبعا بيكون معك التصميم فاضي كأنك ما كتبت شي

المهم تكتب بنفس طريقتنا اللي تو كل كلمة بلحالها ( لوحدها ) تحريك
وتكتب اشهد
لتكون مثل كذا
تحريك

طبعا وتكمل كل الجملة يعني تكتب
اشهد ثم جنبها ان لا إله ثم جنبها إلا انت

الحين بتكون بصندوق الشفائف مثل كذا
تحريك

الحين سلمك الله ابيك تشيل علامة العين مثل ما قلنا قبل ترص عليها وتروح

ونكمل نكتب مثل قبل كل كلمة جنب الثانية

تكتب استغفرك ثم جنبها واتوب ثم جنبها إليك

بالنهاية بتكون كذا بصندوق الشفائف
تحريك

_+_+_+_+_+_+_+_+_+_+

الحين خلصنا من شغل الفوتووشوب بقي لنا نصدر التصميم لبرنامج آيميج ريدي

كيف نصدره ؟

شف المكان بالفوتوشوب اللي انا محدده بالأحمر اضغط عليه
تحريك

ثم انطق قليلا حتى يفتح البرنامج

فتح البرنامج معك الحين اول شي تسويه وركز معي زين

تروح من فووق لـ إطارات ثم اصبر الحين .. وركز معي

شف كلمة حركة اللي انا مأشر عليها اذا كان جنبها علامة صح عندك فلا تضغط عليها اما اذا كان ما جنبها علامة صح اضغط عليها
تحريك
ثم كمل معنا

بتشوف تحت مستطيل

اضغط على اللي مأشر لك بيد حمراء هذاك الشهم اضغط عليه

ثم اختر انشاء اطارات من الشفائف
تحريك

بتصير معك كذا
تحريك

الحين اضغط على السهم اللي قبل شوي ضغطنا عليه واختر تحديد كل الإطارات
تحريك

بتصير معك كذا
تحريك

الحين من صندوق الشفائف افغص على علامة العين مرتين يعني شلها ثم رجعها علطول
تحريك

الحين بتشوف ان الخلفية صارت على كل الإطارات

طيب الحين بنغير سرعة التحرك لكل الإطارات يعني بنوحدها

كذا لاحظ الدائرة البيضاء اللي انا محددها اضغط تقريبا في مكانها واختر مثل ما هو موضح
تحريك

طيب الحين ركز شوي لا تتلخبط !

الحين رح لإطار كلمة اللهم ركز اني ابي الإطار ماهوب الشفيفة يعني من المستطيل اللي تحت اللي قبل شوي طلعناه هو اللي فيه تسمى إطارات

المهم تروح لإطار كلمة اللهم وبتشوف تصميمك فوق بهذا الشكل
تحريك
الحين رح لم صندوق الشفائف وبتلقا علامة العين ماهيب موجودة اضغط على مكانها وبتجي العلامة
كذا
تحريك

يعني بيصير التصميم معك كذا

تحريك

ثم سلمك الله

رح لم إطار كلمة وبحمدك اضغط عليه

ثم رح لصندوق الشفائف
وتلقى العينين ماهيب موجودة حقت كلمة اللهم وكلمة سبحانك اضغط عليهن علشان يصيرون فيه
تحريك

طيب الحين نروح لإطار كلمة ان لا إله نضغط عليه
بيكون كذا الشكل بالتصميم
تحريك

ثم نروح لصندوق الشفائف ثم بتلقى كلمة اشهد ما هيب موجوده العين حقتها اضغط على مكانها علشان تطلع
تحريك

ثم نفس الطريقة نكررها يالغالي مع كلمة إلا انت نضغط على إطارها ثم نروح لصندوق الشفائف ونطلع العيون اللي متخبيه ^_^
تحريك

ثم ننتقل لإطار كلمة واتوب نضغط عليه

ثم نروح لصندوق الشفائف ونطلع العين حقت كلمة استغفرك
تحريك

ثم ننتقل لإطار كلمة إليك نضغط عليه ثم نروح لصندوق الشفائف ثم بتلقى العينين حقت كلمة استغفرك وكلمة واتوب ماهي موجوده
اضغط على مكانها علشان تطلعهن

+_+_++_+_+_+_+_+

تقريبا الحين خلصنا بقي اشياء ليست ذات اهمية بوضحها ولكن للفائدة وعلشان تتفنن اكثر
مثلا الإطار الأول اول واحد مرة بتلقاه فاضي مثل ما هو موضح بالصورة اضغط على علامة الحذف اللي محدده بالأحمر لحذفها
تحريك

طبعا لو ما حذفتها مهوب مشكلة بس انا اقول احسن لك

وفيه شي حلو مرة كحركة يعني فنية وتعني رونق وشكل رائع
شف الصورة
اضغط اللي محدد بالأحمر
تحريك
بيطلع لك كذا سو مثل اللي بالصورة
تحريك
ثم اضغط موافق ثم سو معاينة من هذا الرصاص اللي كنه حق مسجل ^_^ << الله من زين الشرح بعد

الحين بقا طريقة الحفظ ,,

اختر ملف ثم حفظ المحسن بأسم

ثم احفظها

تحريك

هذا والله اعلم وصلى الله وسلم على نبينا محمد وعلى آله وصحبه أجمعين

..,,’’,,.. اي سؤال او استفسار لا يردكم شي ..,,’’,,..
أخوكم ومحبكم / الرايق ..,,’’ ALRAIQ ’’,,..

جميع الحقوق محفوظة و يسمح لأي شخص بنسخه دون ان ينسبه لنفسه يعني يذكر المصدر

الحقوق محفوظة لمجموعة ابو نواف البريدية ومنتديات نفود
وتذكر .. دعوة بظهر الغيب قد لا تستغرق من وقتك 3 ثواني


أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تحريك الصور بواسطة الأيميج ريدي – درس

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول